مکاشفہ2
1لیٚکھ یہ پٲغام افسس شہرس منٛز روزن والیٚن ایمان واجنہِ جمٲژ ہنٛدِس فرشتس: " بہٕ چُھس سُہ اکھ یُس پننِس دٔچھنِس اتھس منٛز ستھ تارک رٔٹِتھ چُھ تہٕ یُس سۅنہٕ سنٛدین ستن ژانٛگیٚن منٛزباگ پکان چُھ۔ بہٕ چُھسے ژےٚ یہ ونان:2"بہٕ چُھس چانٮ۪ن سارنی کامٮ۪ن وٲقف، ژےٚ کٲژاہ محنت کرتھ میانہٕ خٲطرٕ۔ بہٕ چُھس زانان زِ ژےٚ کِتھٕ کنؠ کٔرِتھ صبرٕ سان مشکِل وقت برداش۔ مےٚ چُھ یتہِ معلوم زِ ژٕ چھہکھ نہٕ بدکار لوٗکھ قبول کران۔ ییٚلہِ لوٗکھ اپٕزؠ دعوا کران چھِ زِ تِم چھِ حقیقی رہنما، ژٕ چھُکھ ثٲبت کران زِ تِم چھِ اپُز ونان۔3بہٕ چُھس زانان زِ ژےٚ کوتاہ ژولُتھ صبٕر سان۔ بہٕ چُھس یتہِ زانان زِ ژےٚ تلُتھ میانہِ باپتھ دۅکھ تہٕ یہِ ویٚتراونہٕ باوجود تہِ ترٲوٕتھ نہٕ ژےٚ میانس دامنس تھف یلہٕ۔4امہِ باوجود تہِ چھےٚ مےٚ توٚہہ سٟتؠ یہ شکایت زِ ژٕ چُھکھ نہٕ ووٚنؠ مےٚ سٟتؠ تِتھ کٔنؠ لول ورتاوان یُس ژےٚ گۅڈٕ ایمان اننہٕ وزِ اوسےٕ۔5لہٰذا پاو یاد زِ ژٕ کیٚوتھ لول اوسُکھ مےٚ سٟتؠ ورتاوان۔ مےٚ سٟتؠ ورتاو بییہِ تیتُھےٕلول یُتھ گۅڈٕ ورتاوان اوسُکھ۔ ووٚنؠ اگر ژےٚ مےٚ سٟتؠ بییہِ تیٚوتھےٕ لول ورتووُتھ نہٕ، تہٕ بہٕ نمہ تیٚلہ فٲصلہٕ زِ بہٕ دِمے نہٕ ژےٚ پژھ، والیٚن ہنٛز جماتس سٟتؠ بدستور روزنُک اجازت۔6حالانکہ بہٕ چُھس چٲنؠ تعریف کران تکیازِ ژٕ چُھکھ بہترین کامہ کران۔ ژٕ چُھکھ نہٕ نیکولسؔ سنٛدین شٲگردن ہنٛدؠ پٲٹھؠ سُہ کھیٚن کھیٚوان یُس لوٗکھ موٗرژن نذر کران چھِ تہٕ تِم چھِ بدکٲری تہِ کران۔ بہٕ چُھس پانہٕ تِمن کامٮ۪ن سٟتؠ مکمل نفرت کران یمہٕ تِم کران چھِ ۔7پرٛتھ کانٛسہِ یُس روحٲنی طور فرق کرن وول آسہِ پزٮ۪س یتھ کتھِ کُن توجہ دیُن زِ خدایہِ پاک روح کیاہ چُھ ایمان واجنیٚن جمٲژن ونان۔ بہٕ دمہٕ کانٛسہ تہِ فتح منٛد شخصس تمہِ کُلیُک پھل کھیٚنس اِجازت یُس زندگی دِوان چُھ۔ سُہ کُل چُھ خدایہ جنتس باغس منٛز "8پتہٕ لیٚکھ تہٕ یہ پٲغام سمُرنہ شہرٕ کِس ایمان واجنہِ جمٲژ ہنٛدِس فرشتس، "بےٕ چُھس سُہ یمؠ سٲری چیز شروع کٔرؠ تہٕ یُس سارنے چیزن انٛد واتناوِ۔ بہٕ چُھس سُہ یُس مود تہٕ پتہٕ دوبارٕ زنٛدٕ سپُد، بہٕ چُھسے ژےٚ یہ ونان۔9بہٕ چُھس زانان زِ لوٗکو ستووہکھ ژٕ۔ بہٕ چُھس زانان زِ ژٕ چُھکھ غریب، حالانکہ ژےٚ نِش چُھ تہِ سورےٕ یہ ژےٚ روحٲنی طور ضرورت چُھ۔ مےٚ چُھ معلوم زِ لوٗکھ چھی ژےٚ ذلالت کران۔ تِم لوٗکھ چھِ یہُودؠ آسنُک دعوا کران، مگر تِم چھنہٕ تژھٕ کامہِ کران یمہِ سٟتؠ تِم پٔزؠ پٲٹھؠ خدایہ سنٛدؠ بنہٕ ہن۔ ییٚلہ تِم یِکوٹہٕ سپدان چھِ تِم خدایہ سنٛزٕ کامہِ کرنہٕ بجایہ شیطان سنٛزٕ کامہِ کران۔10تِم لوٗکھ واتناونے ژےٚ تکلیف۔ کھوژؠ زیٚنہٕ کینٛہہ! مگر حیٚسہٕ روزؠ زِ! شیطان کرِ تِمن جلدےٕ رہنمائی یُتھ تُہنٛدیٚو منٛزٕ کینٛژن نفرن قٲد کرن۔ شیطان چُھ یہ وچُھن یژھان زِ اگر توٚہہِ تکلیف واتیٚو تہٕ توٚہؠ ترٲیو مےٚ پیٚٹھ ایمان اننُے۔ توٚہہِ پیٚنو دہن دوہُن یِم تکلیف وٮ۪تراوٕنؠ۔ مگر مےٚ سٟتؠ روزؠ زیٚو وفادار اگر زن مرُن تہِ پیٚیو۔ اگر توٚہؠ یہ کٔریٚو تہٕ بہٕ دِمہٕ توٚہہِ انعام رٔنٛگؠ ابدی زندگی ۔11پرٛتھ کانٛہہ شخص یُس روحٲنی طور تمیز کرن وول آسہِ دییہِ یتھ کتھِ کُن توجہ زِ خدایہِ سُنٛد پاک روح کیاہ چُھ ایماندار جمٲژن ونان۔ یُس تہِ کانٛہہ فتح حٲصل کرِ سُہ مرِنہٕ دوبارٕ زانٛہہ"12بیاکھ پٲغام لیٚکھ ژٕ پرگُمن شہرٕ کٮ۪ن ایمان والیٚن فرشتن ہنٛدِس فہرستس: "بہٕ چُھس سُہ یمِس نِش دُودار واجِنؠ تلوار چھےٚ۔ یہ چُھسے بہٕ ژےٚ ونان:13بہٕ چُھس زانان زِ ژٕ کتہِ چُھکھ روزان۔ یہ چھےٚ سۅ جاے یتہِ لوٗکن شیطان کاپہِ رٔٹِتھ چُھ۔ بہٕ چُھس یتہِ زانان زِ ژٕ چُھکھ میٚون وفادار۔ ژےٚ ترٲوٕتھ نہٕ میانؠ پژھ ییٚلہِ زن لوکو چٲنِس سٲتھی ایمان وٲلِس انتِپاسسؔ پیٚٹھ حملہٕ کوٚر۔ تٔمؠ ووٚن باقین مےٚ متعلق، تہٕ رود میٚون وفادار۔ لوکو مور سُہ توٚہہِ برُونٛہہ کنہِ تکیازِ تُہنٛدِس شہرس پیٚٹھ چُھ شیطان سُنٛد تیٚوتھ اثر۔14توتہِ چھےٚ مےٚ کینٛژن کتھن پیٚٹھ توٚہہِ تنقید کرِنؠ۔ تُہنٛزِ جمٲژ منٛزٕ چھِ کینٛہہ نفر پۅختہٕ یقین تھاوان زِ تِمن پزِ تی کرُن یہ پرٲنؠ نبی بلعامنؔ تِم ہیٚچھنٲوؠ۔ یہ اوس سُہ بلعامؔ یمؠ موآبؔ کِس بادشاہ بلقؔ ہس ہوو زِ کِتھٕ پٲٹھؠ یِن اسرائیلی لوٗکھ گُنہو باپتھ آمادٕ کرنہٕ۔ بلقنؔ نی اسرائیلی لوٗکھ سُہ ماز کھیٚنہٕ باپتھ یُس لوٗکو بُتو باپتھ قربان کوٚرمُت اوس۔ بلقنؔ ہٲو اسرائیلی لوٗکن بدکٲری کرنٕچ وتھ تہِ ۔15مگر یتھٕ پٲٹھؠ بلقنؔ بلعام سنٛدِس وننس پیٚٹھ عمل کٔر تِتھے پٲٹھؠ چھِ چانہِ جمٲژ منٛزٕ کینٛہہ نفر پۅختہٕ یقین تھاوان زِ تِم تہِ ہیٚکن تِتھے پٲٹھؠ کرِتھ یہ نیکولسؔ سنٛدؠ شٲگردن ہیٚچھناوان چھِ۔ تِم چھِ سُہ کھیٚن کھیٚوان یُس لوٗکو پنٮ۪ن بُتن نظر کوٚر تہٕ تِم بدکٲری کران۔16مگر نَکُولسؔ سنٛدؠ شٲگردن یہ کینٛژھا ہیٚچھناوان چھِ تہِ چُھ غلط۔ لہٰذا پزِ تُہنٛزِ جمٲژ منٛز پرٛتھ کانٛسہِ تِم چیز کرنہٕ نِشہٕ باز یُن! ووٚنؠ اگر نہٕ توٚہہِ منٛزٕ کانٛہہ باز آو تہٕ بہٕ کرٕ جلدےٕ تِمن لوٗکن ہُنٛد فٲصلہٕ۔ بہٕ بوزٕ ناوو تِمن خلاف فٲصلہٕ تہٕ دمہٕ تِمن سزا۔17پرٛتھ اکھ شخص یُس روحٲنی طور بیدار چُھ توجہ دِتھ ژیترِنؠ یہ کتھ زِ پاک روح کیاہ چُھ ایمان واجنیٚن جمٲژن کُن ونان۔ تمِس اکِس فتح منٛد شخصس دمہٕ بہٕ اکھ خاص ژۅٹ یۅسہٕ مےٚ تمسنٛدِ باپتھ ژوٗرِ تھٲومٕژ چھےٚ۔ بییہِ دمہٕ بہٕ تس اکھ سفید کنہِ پھوٚل یتھ پیٚٹھ مےٚ تمسُنٛد اکھ نُوو ناو لیٚوکھمُت چُھ۔ کہنؠ ہیٚکہِ نہٕ زٲنِتھ زِ یہ نُوو ناو کیاہ چُھ تمِس أکِس بغٲر یس بہٕ یہ دِوان چُھس"18بیاکھ یہ پٲغام لیٚکھ تہٕ تھواتیرہؔ شہرٕ کٮ۪ن ایمان والیٚن فرشتن ہنٛزِ جمٲژ ہنٛدِس فہرستس: "بہٕ چھُس خدایہ سُنٛد گوبر، یمسنٛز أچھ نارٕ مشالہِ ہنٛدؠ پٲٹھؠ چمکان چھےٚ تہٕ یمسنٛدؠ کھۅر شیشٕکؠ پٲٹھؠ نپان چھِ، چُھسو توٚہہ یی ونان ۔19زِ یہ توٚہؠ کران چُھو بہٕ چُھس تتھ سٲرسےٕ وٲقف۔ بہٕ چُھس زانان زِ توٚہؠ چُھو اکھ اکِس سٟتؠ لول ورتاوان تکیازِ توٚہہِ چُھ میٚون محبت۔ بہٕ چُھس زانان زِ توٚہؠ چُھو میانؠ وفادار۔ توٚہؠ کِتھٕ پٲٹھؠ چُھو میانؠ خدمت کران تتھ چُھس بہٕ وٲقف۔ بہٕ چُھس زانان زِ توٚہؠ چُھو صبرٕ سان برداشت کران۔ ٲخٕر چُھس بہٕ یتہِ زانان زِ ووٚنؠ چھُو توٚہؠ تمہِ کھۅتہٕ زیادٕ کران یہِ توٚہؠ تمہِ ساعتہٕ کوٚرُو ییٚلہِ توٚہہِ گۅڈٕ مےٚ پیٚٹھ ایمان اوٚنُو۔20مگر توتہِ چُھس بہٕ أکِس کتھِ پیٚٹھ توٚہہِ تنقید کرٕنؠ یژھان۔ توٚہؠ چُھون پننہِ مجلسہِ منٛز اکھ خوتون برداش کران یۅسہٕ پتھ کالچہِ ایزبل نٲوؠ بدکار ملکایہِ ہنٛدؠ پٲٹھؠ چھےٚ۔ سۅ چھےٚ یہ نبیہ آسنُک اپُز دعوا کران زِ سۅ چھےٚ خدایہ سنٛدِ پزرٕچ تعلیم دِوان۔ مگر اصلی یہ سۅ ہیٚچھناوان چھےٚ، سۅ چھےٚ تِمن لوٗکن گمراہ کران یمہٕ مےٚ پیٚٹھ پژھ تھاوان چھِ۔ سۅ چھےٚ تِمن بدکٲری کرنٕچ تہٕ سُہ ماز کھیٚنٕچ تعلیم دِوان یُس باقی لوٗکھ بُتن نذر کران چھِ۔21یودوے مےٚ تس یمو غلط کامیٚو نِشہٕ باز پھیرنہٕ باپتھ واریاہ وقت دیُت، مگر تمہِ ہیٚوت نہٕ یمو کامیٚو نِشہٕ پتھ، سۅ روز یمہٕ غٲر اخلٲقی حرکژٕ کران۔22دھیان تھٲزیٚو! بہٕ دمہٕ تس سزا اکھ خوفناک بٮ۪مٲرؠ ژھنِتھ۔ بہٕ کرکھ تمہٕ لوٗکھ تہِ انیٖکھ مصیبتن منٛز مبتلا یمہٕ تمسنٛدی پٲٹھؠ بدکار کران چھِ اگر نہٕ تِمو یِمو کامیٚو نِشہٕ پتھ ہیٚوت۔ یہ سۅ کران چھےٚ۔23تہٕ تمِس خلاف یہ فٲصلہٕ نِتھ مارکھ بہٕ تِم تمام شُرؠ تمسنٛزِ بدکٲری ہنٛدِس نتیجس منٛز تمہٕ زاے۔ پتہٕ ترِ ایمان والیٚن ہنٛزن تمام جمٲژن فکرِ زِ بہٕ چُھس ژرژان زِ کُس کیاہ چُھ سونٛچان تہٕ کیاہ چُھ یژھان۔ بہٕ دمہٕ توٚہہِ منٛزٕ پرٛتھ کانٛسہِ سزا یا جزا یُس یتھ لایکھ آسہِ۔24مگر تھواتیرہؔ شہرس منٛز کٔر نہٕ توٚہہِ منٛزٕ باقی ایمان والیٚو امِس زنہِ ہنٛزِ تعلیمہِ پیٚٹھ عمل۔ توٚہہِ نیٚو نہٕ تمؠ سنٛزن تِمن پوشیدٕ کامٮ۪ن منٛز حصہٕ یمہٕ شیطان تس ہیٚچھناوان اوس۔ مگر مےٚ چُھ توٚہہِ تہِ کینٛہہ ونُن۔ بہٕ ونہٕ توٚہہِ کرنہٕ خٲطرٕ صرف اکھ کٲم۔25یۅتام بہٕ واپس واتہٕ تۅتام روزؠ زیٚو پزرٕچہِ اتھ تعلیمہِ پیٚٹھ عمل کران یۅسہٕ توٚہہِ رٔٹو۔26یُس فتح منٛد سپُد تہٕ میانٮ۪ن حکمن ہنٛز تعمیل کران رود یۅتام سُہ مرِ تۅتام دمہٕ بہٕ تس لوٗکہٕ جمٲژن پیٚٹھ حکومت کرنُک اختیار۔27یِمن بہٕ یہ اختیار دمہٕ تمہٕ کرن کُنہِ ناکٲمی بغٲر طاقتہٕ سان لوریٚو سٟتؠ لوٗکہٕ جمٲژن پیٚٹھ حکومت۔ تِم کرن بدکارن تتھٕ پٲٹھؠ تباہ زنتہٕ کتریٚو بانہٕ آسن پُھٹراوان۔28تِم کرن زور دار حکومت تکیازِ بہٕ دمہٕ تِمن تِم اختیار یِم مےٚ پننِس بب خدا مٲلِس نش میلمٕتؠ چھِ۔ بہٕ کرٕ تِمن یمہِ کتھِ ہنٛز تہِ یقین دہٲنی زِ خدا چُھ اکہِ شاندار نیہِ دورُک آغاز کرن وول ۔29پرٛتھ کانٛسہ شخصس یُس تہِ روحٲنی طور سمجھدار چُھ پزِ اتھ کُن توجہ کرُن زِ پاک روح کیاہ چُھ ایمان واجنیٚن جمٲژن ونان"
Bridge Connectivity Solutions Pvt. Ltd.