مکاشفہ16
1پتہٕ بوز مےٚ ہیکلس منٛز اوس اکھ شخص بڈِ بڈِ فرشتن سٟتؠ کتھ کتھ کران یمِس اتھِ ستھ پیالہٕ ٲسؠ۔ تٔمؠ ووٚن تِمن، "یپٲرؠ نیریٚو تہٕ یہ کینٛژھا تُہنٛدین ستن پیالن منٛز چُھ تہِ ژھنیٚو زمینہِ پیٚٹھ پتھر، یتھ کنؠ دییہِ خدا لوٗکن تہنٛدیٚن گُنہن ہُنٛد سزا"2بس، گۅڈنیُک فرشتہٕ گو تہٕ یہ کینٛژھا تمسنٛدِس پیالس منٛز اوس تہِ دِتُن زمینس پیٚٹھ دٲرِتھ۔ امیُک نتیجہٕ دراو یہ زِ تِمن لوٗکن دراے خطرناکھ پھیٚپھر یمو جانور سنٛدین خدمت گارن پانس پیٚٹھ جانور سُنٛد ناو لیکھنُک اجازت دیتمُت اوس۔ یِمو جانور سنٛزِ موٗرژ پیٚٹھ پوٗزا کٔرمٕژ ٲس۔3پتہٕ دیُت بیٚکؠ فرشتن پننِس پیالس منٛز یہ اوسس تہِ سمندرس منٛز دٔرِتھ۔ یمہ سٟتؠ سمندرک آب خوٗنس منٛز تبدیل سپُد۔ سُہ خوٗن اوس موردن ہنٛدِ خوٗنٕکؠ پٲٹھؠ جمیومُت تہٕ بدبودار۔ سمندرس منٛز روزن واجِنؠ پرٛتھ کانٛہہ زوذاتھ مویہِ۔4پتہٕ دیُت ترییِم فرشتن یہ پیالس منٛز اوسُس تہِ زمینہِ ہنٛزن کۅلن تہٕ ناگن منٛز دٔرِتھ۔ تمیُک نتیجہِ دراو یہ تِمن ہُنٛد آب سپُد خوٗنس منٛز تبدیل۔5پتہٕ بوز مےٚ فرشتہٕ خدایس ونان یُس یِمن آبن ہُنٛد ذمہٕ وار اوس، "اے خدا، ژٕ چُھکھ موجود تہٕ چھُکھ ہمیشہٕ موجود رودمُت، ژٕ چُھکھ سیٚٹھاہ پاک، ژٕ چُھکھ لوٗکن جان پٲٹھؠ انصاف کرن وول۔6یِمو لوٗکو ژےٚ خلاف بغاوتھ کٔر تِمو کٔرؠ چٲنؠ پاک لوٗکھ تہٕ انبیا قتٕل یمہِ کِنؠ ژٕ تِمن آبہٕ بدلہٕ خوٗن چیٲوِتھ سزا چُھکھ دِوان۔7پتہٕ بوز مےٚ قربان گاہُک جواب، "آ، خداوند خدایہ ژٕ یُس پرٛتھ کُنہِ چیٖزٕچ حکمرٲنی کران چُھ، چُھکھ لوٗکن پوٗرٕ پٲٹھؠ پزرٕ سان سزا دِوان۔ 8پتہٕ دیُت ژورِم فرشتن تہِ یہٕ تس پیالس منٛز اوس تہِ آفتابس پیٚٹھ دٔرِتھ۔ نتیجہ دراو یہ زِ امہِ سٟتؠ سپُد آفتاب تیوٗت گرم زِ تٔمؠ زٲلؠ لوٗکھ خطرناکھ پٲٹھؠ۔ 9چونکہ آفتابن زٲلؠ لوٗکھ سیٚٹھاہ بُرٕ پٲٹھؠ یمہ کِنؠ تِمو خدایس متعلق بُرٕ کتھٕ ونہِ۔ تکیازِ سُہ اوس تِمن تِمو طریقو سزا دِنُک طاقت تھاوان۔ مگر تِمو کوٚر توتہِ بُرٕ کامیٚو نِشہٕ پتھ پھیرنس اِنکار تہٕ تِمو کوٚر تمسنٛدؠ تعریف کرنہٕ نِشہٕ انکار۔10پتہٕ یہ کینٛژھا پانٛژمِس فرشتس پیالس منٛز اوس تٔمؠ پھیُر سُہ جانور سنٛدِس تختس پیٚٹھ۔ نتیجہ دراو یہِ زِ یتہِ پیٚٹھٕ جانور حکومت چلاوان اوس تتہِ گییہِ تٲریکی۔ اتہِ سپٕز ہمیشہٕ باپتھ روتل، یِمن لوٗکن پیٚٹھ جانور حکومت کران اوس تِم لگؠ پننٮ۪ن خوفناک زخمن ہنٛز دگ وارے محسوس کرنہِ۔ چونٛکہِ تِم ٲسؠ امہِ دگہِ سٟتؠ پنٕنؠ زیٚو ژاپان۔11تِمو ووٚن آسمانس پیٚٹھ حکومت کرن وٲلِس خدایس تہِ بُرٕ بلہِ تکیازِ تِہنٛدؠ زخم ٲسؠ سیٚٹھاہ تکلیف دہہ۔ مگر تِمو کوٚر غلط کامہِ کرنہٕ نِشہٕ پتھ روزنس انکار۔12پتہٕ دیُت شییِم فرشتن تہِ سورےٕ دریاے فُراتس منٛز دٲرِتھ یہ تس پیالس منٛز اوس نتیجہ دراو یہ زِ دریاے فراتُک آب گو خۅشک یُتھ زن مشرقی ملکن ہنٛدؠ حکمران پننِس فوجس سٟتؠ یہ عبور کرِتھ ہیٚکن۔13پتہٕ وُچھ مےٚ ترےٚ بد روح یمہِ مِنہ مونٛڈجن ہی ٲسؠ۔ اژدھا سنٛدِ عٲسہٕ منٛزٕ دراو اکھ۔ اکھ دراو جانور سنٛدِ عٲسہٕ منٛزٕ تہ بیاکھ دراو اپزِس نبی سنٛدِ عٲسہٕ منٛزٕ۔14ووٚنؠ ٲسؠ تِم روح بدروح یِم معجزٕ کرٕنؠ لایکھ ٲسؠ۔ تِم گےَ پنُن فوج جمع کرنہٕ باپتھ سارے زمینہِ ہنٛدین حکمرانن نِش۔ سُہ فوج کرِ تمہِ اہم دۅہہ جنٛگ ییٚلہِ قدرتہٕ وول خدا پننٮ۪ن دشمنن سزا دییہِ۔15مےٚ بوٗز خداوند یسوعؔ یہ ونان زِ توٚہؠ بوزیٚو میانؠ کتھ غورٕ سان: بہٕ چھُس اکِس ژوٗرٕ سنٛدؠ پٲٹھؠ یِنہٕ وول یمِچ نہٕ امیدے ٲس۔ یہ چُھ تِمن لوٗکن باپتھ بہتر یمہٕ بیٚدار روزن تہٕ صحی پٲٹھؠ زندگی گذارن۔ تِم سپدن نہٕ میانہِ واپس ینہٕ پتہٕ شرمنٛدٕ۔ تِم آسن بلکُل تمِس شخصہ سنٛدؠ پٲٹھؠ یُس پنٕنؠ پلو ہیٚتھے لٲگِتھ آسن یُتھنہٕ سُہ باقی لوٗکن برُونٛہہ کنہِ شرمندٕ سپدِ۔16بد روحو کٔرؠ حکمران تژھِ اکِس جایہ جمع یتھ عِبرٲنؠ زبٲنؠ منٛز ہرمِجدون ونان چھِ۔17پتہٕ دیُت ستِم فرشتن پننہِ پیالہٕ منٛزٕ یہِ کینٛژھا اوس تہِ دٔرِتھ۔ امیُک نتیجہ دراو، کٔمؠ تام ووٚن ہیکل کہ تختہٕ پیٚٹھٕ سیٚٹھاہ بڈِ، "خداین واتتنوو وۅنؠ بٲغی لوٗکن سزا دیُن انٛد"18پتہٕ تروو وُزملو گاہ، گگرایہ گرٮ۪زییہِ تہٕ زمین ہِلییہِ زبردس پٲٹھؠ۔ اتھ سٲرسےٕ زمانس منٛز اوس نہٕ یوٗت طاقتور بنیُل زانٛہہ تہِ گمُت ینہٕ لوٗکھ زمینس پیٚٹھ بسان ٲسؠ۔ 19امہِ بنلہِ سٟتؠ گو اتھ عظیم شہرس تریٚن حصن منٛز پھاس۔ خداین کٔرؠ باقی قومن ہنٛدؠ شہر تہِ تباہ۔ خداین مٔشروو نہٕ یہ زِ بابلؔ کیٚو لوٗکو چھِ واریاہ گناہ کٔرمٕتؠ۔ اوٕ کِنؠ وُچھنٲوؠ تٔمؠ یم یِتھیٚن سزہن ہُنٛد مزٕ یمِکؠ تِم حقدار ٲسؠ۔20امہِ بنلہِ سٟتؠ سپُد پرٛتھ اکھ جزیرٕ غٲب تہٕ بالن گو سمستور۔21پتہٕ پیی لوٗکن پیٚٹھ آسمانہٕ بڈؠ بڈؠ ڈوٹھٕ پٔھلؠ، اکھ اکھ پھوٚل اوس 33 کِلو۔ پتہٕ ووٚن لوٗکو خدایس متعلق بُرٕ بلہٕ تکیازِ تمؠ دیُت تِمن تِم بڈؠ بڈؠ تہٕ گۅبؠ ڈوٹھٕ پٔھلؠ ترٲوِتھ خوفناک سزا۔
Bridge Connectivity Solutions Pvt. Ltd.