مکاشفہ14
1مگر پتہٕ وُچھ مےٚ برٕ یروشلم کِس صیون پہاڑس پیٚٹھ کھڑا۔ تمِس سٟتؠ ٲسؠ اکھ لچھ ژویتٲجی ساس نفر۔ تمؠ اوس تِہنٛدین ڈٮ۪کن پیٚٹھ پننِس ببہٕ سُنٛد ناو لیٚکِھتھ تھومُت۔2مےٚ بوز آسمانہٕ پیٚٹھٕچ اکھ آواز تہِ۔ یہ ٲس تیٖژ بڈِ زنتہٕ کُنہِ بڈِ آبشارُک صدا اوس یا ٲس زبردست گرٮ۪زٕ ؤنؠ آواز۔ یتہِ اوس تیُتھ باسان زنتہٕ واریاہ لوٗکھ بربتن وایان ٲسؠ ۔3یہ آواز ٲس تِمن لوٗکن ہنٛز یمہٕ مےٚ اکھ نوو بٲتھ گیٚوان وُچھؠ۔ تِم ٲسؠ تختس تہٕ ژورن زنٛدٕ مخلوقن تہٕ بُزرگن برُونٛہہ کنہِ کھڑا۔ برٕ ٲسؠ تِم اکھ لچھ ژویتٲجی ساس نفر زمین پیٚٹھٕ کیٚو تمام لوٗکو منٛزٕ بچٲمٕتؠ۔ تِمے یٲتؠ ہیٚکہٕ ہن سُہ بٲتھ ہیٚچِھتھ۔4تِم اکھ لچھ ژویتٲجی ساس نفر چھِ روحٲنی طور پاک یِتھ کنؠ زن انہرشہِ اخلٲقی طور پاک چھےٚ۔ تِمو چھنہٕ کانٛسہِ اپزِس خدایہ سنٛز عبادت کرِتھ پنُن پان ناپاک کوٚرمُت۔ یِم چھِ تِم یمہٕ یسوعسؔ سٟتؠ پکان چھِ، یُس اکِس برٕ سنٛدؠ پٲٹھؠ چھُ، یوٚت تہِ سُہ گژھان چھُ۔ تِم چھِ تِمن تمام لوٗکن ہنٛز نمایندگی کران یمہٕ تٔمؠ ونیُک تام زمینہِ ہنٛدیٚو لوٗکو منٛزٕ بچٲمٕتؠ چھِ۔ یمو لوٗکو یسوعسؔ پیٚٹھ ایمان اوٚن تِم کرن واریہن باقی فردن پانس سٟتؠ شٲمِل خدایس تہٕ یسوعؔ پیٚٹھ ایمان اننس منٛز۔5تِمو لوٗکو کوٚر نہٕ زانٛہہ تہِ یسوعسؔ انکار۔ تِم ٲسؠ ہمیشہٕ پاک زندگی گُذاران۔6پتہٕ وُچھ مےٚ بیاکھ فرشتہٕ آسمانہٕ پیٚٹھؠ وُڈان۔ سُہ اوس آسمانہٕ پیٚٹھٕ خدایہ سنٛز پوشہٕ وٕنؠ خوش خبری انان یُتھ زمین پیٚٹھ روزن والیٚن نِش تمیُک اعلان کرِتھ ہیٚکہ ہے۔ سُہ کرِ پرٛتھ قومس، قبیلس، پرٛتھ کانٛہہ زبان بولن ولٮ۪ن تہٕ پرٛتھ قومہٕ چن جمٲژن منٛز امیُک اعلان۔7تمؠ فرشتن ووٚن یہ سیٚٹھاہ بڈِ، "خدایہ سُنٛد تعظیم کٔریٚو تہٕ تمسنٛدؠ تعریف کٔریٚو تکیازِ ووٚنؠ ووت سُہ وق ییٚلہ سُہ پرٛتھ کانٛسہِ سٟتؠ انصاف کرِ، تمسنٛز عبادت کٔریٚو تکیازِ سُے چُھ آسمان، زمین، سمندر تہٕ تازٕ آب پٲدٕ کرن وول ۔8تہٕ امہِ پتہٕ آو بیاکھ فرشتہٕ۔ تہٕ أمؠ فرشتن ووٚن، "واریاہ بُرٕ شہر بابلؔ بنیاو پورٕ پٲٹھؠ کھنٛڈراتھ، بابلنؔ کٔرؠ پرٛتھ کُنہٕ قومٕکؠ لوٗکھ خدا سنٛز بے وفٲیی کرتھ بُتن ہنٛز پوٗزا کرنس پیٚٹھ مجبور، 9امہِ پتہٕ آو بیاکھ فرشتہٕ۔ أمؠ فرشتن ووٚن بڈِ، "اگر لوٗکھ جانور تہٕ تمسنٛزِ مورژِ ہنٛز عبادت کران چھِ یا کانٛسہِ پننِس اتھس یا ڈیٚکس پیٚٹھ تمسُنٛد نشان تراونُک اِجازت دِوان چھِ،10تہٕ خدا دییہِ تِمن ضرور سزا، تمہِ سزا سٟتؠ یِن تِم اورٕ یور لاینہٕ زنتہٕ آسہِ تِمو انیٖکھ شراب چیٚمُت۔ سُہ دییہِ تِمن دزوٕنس گنٛدکس منٛز سزا یتھٕ پٲٹھؠ زن تمسنٛدؠ پاک فرشتہٕ تہٕ برہؔ وُچھان روزن۔ 11نارُک دٔہہ یُس تِمن عِذا دِوان چُھ روزِ ہمیشہٕ باپتھ ۅتھان۔ خدا روزِ تِمن ہمیشہٕ اژھیٚنؠ پٲٹھؠ تکلیف دِوان۔ یہ سپدِ تِمن لوٗکن سٟتؠ یمہٕ امِس جانورس تہٕ امسنٛزِ موٗرژِ ہنٛز عبادت کران چھِ یا کانٛسہِ امسُنٛد ناو یمن پیٚٹھ لیٚکھنُک اِجازت دِوان چھِ۔12خدایہ سنٛدؠ لوٗکھ چھِ تِم یِم خدایہ سُنٛد حکم مانان چھِ تہٕ یِم یسوعسؔ پیٚٹھ بھروسہٕ کران چھِ۔ تِمن پزن تِمہ کامہِ وفادٲری سان کرنہِ تکیازِ یِم خدایہ سنٛز نافرمٲنی کران چھِ تہٕ یسوعسؔ انکار کران چھِ تِمن پیٚن یِم عذاب تُلٕنؠ۔13پتہٕ بوز مےٚ اکھ شخص اوس آسمانہٕ پیٚٹھٕ ونان، "یہ لیٚکھیٚو: وُنکہِ پتہٕ کٲتیاہ خۅش قسمت چھِ تِم لوٗکھ یمہٕ یسوعسؔ پیٚٹھ وفادار ایماندارن ہنٛدؠ رنٛگؠ مران چھِ" خدایہِ سُنٛد پاک روح چُھ ونان، "آ، یہنٛدِ مرنہٕ پتہٕ پیٚن نہٕ یِمن مذید تکلیف برداشت کرٕنؠ۔ بلکہِ آسہِ یہ عیان زِ تِم ٲسؠ صحیح کامہِ کران"14پتہٕ وُچھ مےٚ بییہِ اکھ خاص چیز۔ مےٚ وُچھ اکھ سفید ابُر، تہٕ تتھ ابرس پیٚٹھ اوس کُستام بہِتھ یُس انسان ہیٚوٗ باسان اوس۔ تٔمؠ اوس پننِس کلس سۅنہٕ سُنٛد تاج دیتمُت۔ تمسنٛدِس اتھس منٛز اوس اکھ تیز دروت۔ 15امہِ باوجود دراو آسمٲنؠ ہیکلہٕ منٛزٕ اکھ فرشتہٕ نیٚبر۔ أمؠ ووٚن ابرس پیٚٹھ بہِتھ نفرس سیٚٹھاہ بڈِ، "زمینس پیٚٹھ چُھ فصٕل پپیامُت۔ تہٕ یہ چُھ اناج لوننُک وقت، لہٰذا لاگ پننہِ دراتہِ سٟتؠ اناج لونُن"16تہٕ یُس نفر اکِس انسانہٕ سنٛدؠ پٲٹھؠ نظرِ گژھان اوس تہٕ اوبرس پیٚٹھ اوس بہِتھ تٔمؠ نیٚو پننہِ دراتہِ سٟتؠ زمینس پیٚٹھ موجود تمام اناج لونِتھ۔17پتہٕ دراو بیاکھ شخص آسمانچہِ مقدسہِ منٛزٕ نیٚبر۔ امِس فرشتس تہِ اوس اکھ تیز دروت اتھس کیٚتھ۔18بیاکھ فرشتہٕ تہِ دراو قربان گاہ منٛزٕ۔ یوٚہے چُھ سُہ یُس قربان گاہ کہِ نارُک خیال تھاوان چُھ۔ تٔمؠ ووٚن بڈِ ہٹہِ تمِس فرشتس یُس دروت ہیٚتھ اوس، "زمینس پیٚٹھ چھےٚ دچھ پپیمٕژ، لہٰذا کر زمینہِ ہنٛزو دچھِ کُجو پیٚٹھٕ دچھِ گۅرن ژٹنہٕ خٲطرٕ پنُن دروت استعمال۔ پتہٕ کرُکھ یِم دچھِ گۅرن جمع"19چناچہ فرشتن کوٚر دچھ ژٹنہٕ باپتھ پنُن دروت استعمال۔ پتہٕ ترٲو تٔمؠ دچھ اکِس بٔڈِس دچھِ حوضس منٛز یُس تمہِ جایہ ہنٛز نشاندہی کران چھُ یتہِ خدا لوٗکن تہنٛزن غلط کامٮ۪ن ہُنٛد سزا دییہِ۔20خداین لتہٕ نٲوؠ یروشلم شہرٕ نیٚبر کُن دچھِ حوضس منٛز یِم دچھ۔ ییٚلہِ تٔمؠ یہ کوٚر مےَ کہِ حوضہٕ منٛزٕ لوٚگ گُرٮ۪ن ہنٛزن لاکمن تام خوٗن نیرنہ! یہ اوس تتھ مقدارس منٛز نیران زِ سٟتؠ بنییہِ اکھ کۅل یۅسہٕ ڈۅڈ میٹر سرٔنؠ تہٕ ترٮ۪ن ہتن کِلو میٹرن تام پھٲلِتھ ٲس۔
Bridge Connectivity Solutions Pvt. Ltd.