مکاشفہ13
1پتہٕ وُچھ مےٚ اکھ جانور سمندرٕ منٛزٕ ہیٚور کھسان۔ تمِس ٲسؠ داہ ہینٛگ تہٕ ستھ کلہٕ۔ تمِس اوس پرٛتھ ہینٛگس پیٚٹھ شٲہی تاج۔ امسنٛدِس پرٛتھ کُنہِ کلس پیٚٹھ اوس اکھ ناو یمہِ سٟتؠ خدایس توہین سپدان اوس۔ 2یہ جانور اوس خر سٕہہ سنٛزِ چالہِ مگر امسنٛدؠ کھۅر ٲسؠ زنتہٕ ہاپتہٕ سنٛدؠ۔ امسُنٛد ٲس اوس سٕہہ سنٛدِ ٲسٕکؠ پٲٹھؠ۔ اژدھاہن بنوو سُہ جانور سیٚٹھاہ طاقتہٕ وول۔ تٔمؠ دیُت تس لوٗکن پیٚٹھ بادشاہ سنٛدِ حثیتہٕ حکومت کرنُک تہِ تھوٚد حق۔3امِس جانور سنٛدیو کلو منٛزٕ اوس اکھ کلہٕ تیٚوتھ باسان زنتہٕ یہ کانٛسہِ ہنٛدؠ دٔسؠ زخمی گژھِتھ مودمُت اوس۔ مگر سُہ زخم اوس بلیامُت۔ یمہِ کنؠ زمینس پیٚٹھ روزن وٲلؠ سٲری یہ جانور وُچھِتھ حٲران سپٕدؠ تہٕ کرٕکھ أمسنٛز اطاعت۔4تِمو کٔر اژدھا سنٛز عبادت تکیازِ تٔمؠ چُھ تمِس جانورس تِمن پیٚٹھ حکومت کرنُک اختیار دیتمُت۔ تِم ٲسؠ جانور سنٛز تہِ عبادت کران۔ تِمو ووٚن "یمِس جانورس ہیٚوٗ طاقتور چُھنہٕ کانٛہہ، أمِس خلاف ہیٚکہ نہٕ کانٛہہ تہِ لڑِتھ"5اژدھاہن بنوو یہ جانور فخرٕ سان کتھ کرنس تہٕ خدا سنٛز توہین کرنس قٲبِل۔ اژدھاہن بنوو سُہ زمینس پیٚٹھ لوٗکن پیٚٹھ حکومت کرنس قٲبِل۔ مگر خدا دیہِ جانورس صرف 42 ریٚتن حکومت کرنُک موقہٕ۔6ییٚلہ تہِ جانورن کتھ کٔر تٔمؠ کٔر خدایہ سنٛز توہین۔ یہ اوس ہاوان زِ خدایہ سنٛز حقیقت ٲس نہٕ دراصل تہِ یہ زن لوٗکھ تمِس متعلق یقین کران ٲسؠ۔ امؠ جانورن کٔر آسمٲنؠ لوٗکن ہنٛز تہِ توہین یِمن منٛز خدا روزان چھُ۔7اژدھاہن بنوو یہ جانور خدا سنٛدین لوٗکن خلاف لڑنہٕ تہٕ تِمن پیٚٹھ فتح پراونس قٲبِل۔ اژدھاہن دیُت امِس جانورس تہِ لوکن پیٚٹھ حکومت کرنُک حق چاہے تمسُنٛد تعلُق کُنہِ تہِ قبیلس سٟتؠ آسہِ یا کُنہِ تہِ جمٲژ سٟتؠ وابستہٕ آسہِ یا کانٛہہ تہِ زبان بولن وول آسہِ یا یتیُک تہِ روزان آسہِ۔ 8زمینس پیٚٹھ روزن والیٚن کینٛژن لوٗکن ہنٛدؠ ناو چھنہٕ زندگی ہنٛزِ کتابہِ منٛز لیٚکِھتھ۔ تِم لوٗکھ تہِ کرن جانور سنٛز عبادت۔ زندگی ہنٛز کتاب چھےٚ کٹہٕ برٕ سنٛز۔ کٹہٕ برن دیُت نجات دنہٕ وول بننہٕ موٚکھ دنیا کِس اپتداہسےٕ منٛز پنُن زوو۔9پرٛتھ کانٛہہ سُہ شخص یُس سمجھُن یژھان آسہِ بوزِن خدایہ سُنٛد یہ پٲغام غورٕ سان۔10اگر کانٛسہِ ہنٛدؠ دشمن تمِس رٹُن یژھان آسن تہٕ تِم رٹن تس۔ اگر کانٛسہِ ہنٛدؠ دشمن تمِس تلوارِ سٟتؠ مارُن یژھن تہٕ تِم مارن تس تلوارِ سٟتؠ۔ لہٰذا پزِ خدا سنٛدین لوٗکن مصیبت برداش کرُن تہٕ تمسُنٛد وفادار روزُن۔ 11پتہٕ وُچھ مےٚ بیاکھ جانور زمینہِ منٛزٕ کھٔسِتھ یوان۔ تمسنٛدِس کلس پیٚٹھ ٲسؠ کٹہٕ سنٛدؠ پٲٹھؠ لۅکٕٹؠ زٕ ہینٛگ۔ مگر تمسنٛز آواز ٲس اژدھا سنٛزِ آوازِ ہِش۔12زمین پیٚٹھُک یہ جانور چھُ سمندری جانور سنٛدؠ سٲری احکام پوٗرٕ کران۔ یہ چھُ زمین پیٚٹھٕ کٮ۪ن لوٗکن سمندری جانور سنٛز پرستِش کرنُک تقاضہٕ کران۔ یہ چُھ سُہ جانور یُس یہ دٔپؠ زِ تہِ ممُت چُھ مگر یمسُنٛد زخم ٹھیک چُھ گمُت۔13زمینہِ پیٚٹھٕکؠ جانورن تہِ کٔرؠ حٲرت انگیز معجزٕ۔ یۅتام زن آسمانہٕ اندرٕ زمینس پیٚٹھ نار وسنُک سبب بنیٚو یہ زن لوٗکھ وُچھان رودؠ۔ 14اژدھاہن دیُت زمین ہنٛدِس پیٚٹھمِس جانورس سمندری جانور سنٛدِ بدلہٕ یِم معجزٕ کرنُک طاقت۔ زمین پیٚٹھٕکؠ درندن دیُت معجزٕ کرِتھ زمینہٕ پیٚٹھ روزن والیٚن لوٗکن دونٛکھٕ۔ یہ ونِتھ زِ توٚہؠ بنٲیو اکھ بُت یُس سمندری جانورس ہیٚوٗ آسہِ۔ یوہے اوس سُہ جانور یُس تلوارِ ہنٛدِ زخمہٕ پتہٕ تہِ زنٛدٕ رود یُس تس مرن وول باسان اوس۔15اژدھاہن دیُت زمینہِ پیٚٹھٕ کِس جانورس اتھ پۅتلِس زُو دِنُک طاقت۔ پتہٕ گو سُہ بُت یُس سمندرکِس جانورس ہِیو باسان اوس کتھ کرُن لایکھ۔ پتہٕ دیُت زمین پیٚٹھٕکؠ درندن حکم زِ یُس تہِ بُت سنٛز عبادت کرنہٕ نِشہٕ انکار کرِ سُہ ییہِ قتٕل کرنہٕ۔ 16زمین پیٚٹھٕکؠ جانورن تہِ کوٚر پرٛتھ کانٛسہِ ہنٛدِس دٔچھنِس اتھس یا ڈٮ۪کس پیٚٹھ نشانہٕ تھاونُک مطالبہ۔ یہ آسہ خاص لوٗکن پیٚٹھ تہِ تہٕ عام لوٗکن پیٚٹھ تہِ لاگو۔ امیُک اطلاق سپدِ تِمن لوٗکن پیٚٹھ تہِ یِم امیر آسن تہٕ تِمن پیٚٹھ تہِ یِم غریب آسن۔ یہ آسہِ آزاد لوٗکن پیٚٹھ تہِ تہٕ غلام لوٗکن پیٚٹھ تہِ لاگو۔ یہ اسہِ سارنی پیٚٹھ عٲیِد!17پتہٕ دیُت زمین پیٚٹھٕکؠ جانورن حکم زِ کانٛہہ تہِ ہییہِ یا کٕنہِ نہٕ کانٛہہ تہٕ چیز اگرنہٕ تس یہ نشانہٕ آسہِ۔ یہ نشانہٕ اۅس سمندر پیٚٹھٕ آمتِس جانور سُنٛد ناو یا سُہ نمبر یُس تمسنٛدِس ناوس سٟتؠ منسوٗب اوس۔18توٚہہِ پزِ یتھ متعلق دٲنشمندی سان سونٛچن: یس تہِ چیزن متعلق اصٕل پٲٹھؠ سمجھان چُھ سُہ ہیٚکہِ سمندرٕ منٛزٕ امِس جانور سنٛز شناخت نٔنؠ کٔڈِتھ۔ امیُک وجہ چُھ یہ زِ یُس نمبر امسنٛدِس ناوس سٟتؠ منصوب چُھ سُہ چُھ بنیٲدی طور اکِس آدمؔ سنٛدِ ناوٕچ نمایندگی کران۔ یہ نمبر چُھ شےٚ ہتھ تہٕ شٕہٲٹھ۔
Bridge Connectivity Solutions Pvt. Ltd.