مکاشفہ11
1پتہٕ دیُت مےٚ أکؠ فرشتن اکھ نرکون یُس اکِس مینن وٲلِس گزس ہِیو اوس۔ خداین ووٚن مےٚ، "مینِس ہیکلس منٛز گژھ تہٕ سُتہِ تتھ منٛز موجود قربان گاہ مینُن تہٕ عبادت کرن وٲلؠ گنٛزراوُکھ۔2مگر ہیکلچہ جایہ ہُنٛد نیٚبرِم صحنہٕ مینہِ زٮ۪ن نہٕ مےٚ دِتُے سُہ غٲر یہُودؠ لوٗکہٕ جمٲژن۔ یمہِ کِس نتیجس منٛز تِم یروشلم شہرس منٛز روزن والیٚن پیٚٹھ 42 ہن ریٚتن تام ظلُم کرن۔3بہٕ سوزکھ زٕ گواہ یمہٕ یہ اعلان کرن یُس بہٕ تِمن پیٚٹھ اکھ ساس زٕ ہتھ تہٕ شیٹھن دوہُن تام ظٲہِر کرٕ تِم کرن جنٛدٕ پلو لٲگِتھ ظٲہِر یمہٕ کانٛسہٕ ژھاوِلؠ والن ؤنؠ مٕتؠ آسن زِ تِم چھِ لوٗکن ہنٛدین گُنہن پیٚٹھ غمگین۔ 4تِمہٕ گواہ چھِ تِم یہنٛز نمایندگی زیتونٕکؠ زٕ کُلؠ تہٕ زٕ ژٲنگؠ تار کران چھِ۔ تِم کُلؠ تہٕ ژٲنگؠ تار چھِ خداوند سنٛزِ حضوری منٛز، یُس زمینس پیٚٹھ حکومت چھُ کران۔ 5وۅنؠ اگر کانٛہہ یِمن گواہن نقصان واتناونٕچ کوشش کران چُھ تہٕ تِم چھِ پننیٚو عٲسو منٛزٕ نار چھکن تہٕ تِمن زٲلِتھ ژھنان۔ یتھٕ پٲٹھؠ مارن تِم زٕ گواہ سیٚکہٕ پٲٹھؠ کٲنٛسہِ اکِس تہِ یُس تِمن زکھ واتناوُن یژھِ۔6تِمن گواہن آسہِ اختیار زِ تِم تراون نہٕ تمہِ ساعتہٕ آسمانہٕ پیٚٹھٕ بٲرِش ییٚلہ تِم تمہِ کتھ، ہُنٛد اعلان کران آسن یۅسہٕ خدا تِمن پیٚٹھ ظٲہر کران آسہِ۔ تِمن آسہِ جیلن تہٕ کۅلن ہُنٛد آب خوٗنی بناونُک تہِ اختیار حٲصل۔ تِمن آسہِ زمینس پیٚٹھ رنٛگہٕ رنٛگہٕ تووون اننُک اختیار تہِ حٲصل۔ تمہٕ کرن یم چیز تمہِ وقتہٕ ییٚلہ تِم محسوس کرن زِ یہ چُھ تہنٛدِس پٲغامس پیٚٹھ خدا زور دِوان۔7مگر ییٚلہِ تِم خدایہ سنٛدِ طرفہٕ پننہِ پٲغامُک اعلان کرُن سپداون، سُہ جانور کھسہِ سرنہِ انہِ گٹہِ کھۅڈٕ منٛزٕ ہیٚور تہٕ کرِ تِمن پیٚٹھ حملہٕ۔ جانور دییہِ تِمن شِکس تہٕ ژھنیٚکھ مٲرِتھ۔8وۅنؠ ٲسؠ دونوے گواہ عظیم شہرس منٛز خدایہ سنٛدِ پٲغامُک اعلان کران یتھ لوٗکھ علامتی طور سدومؔ ونان ٲسؠ تکیازِ اتِکؠ لوٗکھ ٲسؠ واریاہ بد۔ لوٗکھ ٲسؠ اتھ شہرس مِصر تہِ ونان تکیازِ اتِکؠ لوٗکھ ٲسؠ خدایہِ سنٛدین لوٗکن سٟتؠ بُرٕ سلوک کران۔ یہ چُھ سُہ شہر تہِ یتہِ یسوعؔ یمسنٛز خدمت گواہ کران ٲسؠ، صلیبس پیٚٹھ مود۔ گواہن ہنٛز بے عزتی کرنہٕ خٲطرٕ دفناون نہٕ شہرٕکؠ لوٗکھ تِہنٛزٕ لاشہٕ۔ تمہٕ تراون تہنٛزٕ لاشہٕ شہرٕ کِس کھلہٕ مٲدانس منٛز۔9واریہن لوٗکن ہنٛزٕ جمٲژ، قبیلہٕ، مختلف زبانن ہنٛزٕ جمٲژ تہٕ قومن ہنٛدؠ لوٗکھ وُچھن ساڑن تریٚن دوٚہن تِمن لاشن۔ مگر شہرٕکؠ لوٗکھ دِن نہٕ کانٛسہِ تِمہٕ لاشہٕ مقبرس منٛز دفناونُک اجازت۔10خدایس تعظیم نہ کرن وٲلؠ لوٗکھ ییٚلہ وُچھان چھِ زِ گواہ سپدؠ فوت تِمن سپدِ واریاہ مسرت تہٕ مناون شٲدیانہٕ۔ تہٕ یہ خۅشی مناونہٕ باپتھ نِن تِم اکھ اکِس تحفہٕ۔ تِم آسن سیٚٹھاہ خۅش تکیازِ تِم زٕ نبی گُذریاے یمو تِمن وباہ تُل یمہ سٟتؠ تِمن تکلیف ووت۔11مگر ساڑِ ترییہِ دوٚہؠ پتہٕ کرِ خدا تِمن بییہِ زنٛدٕ۔ تِم روزن نہٕ مۅردٕ بٔنِتھ ڈاف ترٲوِتھ تہٕ گژھن اِستادٕ! یِم لوٗکھ تِمن دوبارٕ زنٛدٕ وُچھن تمن گژھِ دہشت۔12پتہٕ بوزن دوٚنوے گواہ تھدِ اکھ آسمٲنی آواز یۅسہٕ تِمن ونان آسہِ: " ؤلیٚو کھسیٚو ہیٚور" پتہٕ کھسن تِم اُبرٕ منٛزؠ آسمانس کُن۔ تِہنٛدؠ دشمن وُچھن تِمن ہیٚور کھسان۔13تمی ساعتہٕ ییہِ اکھ بوٚڈ بنیُل یمہِ سٟتؠ شہرٕ کٮ۪ن مکانن ہُنٛد دہِم حصہٕ ؤسؠ پیٚیہِ۔ یمہِ سٟتؠ ستھ ساس نفر ہلاک سپدن۔ باقی لوٗکھ سپدن سیٚٹھاہ خوفزدہ تہٕ کرن یہ کتھ تسلیم زِ پٔزؠ خداین دیُت تِمن یِمن گواہن قتل کرنہٕ باپتھ جٲیِز سزا۔14سُہ آسہِ دویِم خوفناک واقعہٕ۔ خبردار روزؠ زیٚو زِ امہ پتہٕ جلدی سپدِ ترییِم خوفناک واقعہٕ رونما۔15پتہٕ ووے سٔتِم فرشتن نرسنگا تہٕ آسمانہٕ پیٚٹھٕ گےَ آوازٕ بُلنٛد، "سون خداوند خدا تہٕ مسیحؔ یُس تٔمؠ مقرر کوٚرمُت چُھ کرِ ووٚنؠ دنیا کٮ۪ن تمام لوٗکن پیٚٹھ حکومت، تِم روزن ہمیشہٕ تِمن تمام لوٗکن پیٚٹھ حکومت کران۔ 16تِم 24 بُزرگ یِم خدایہ سنٛدِس تختس انٛدؠ انٛدؠ تختن پیٚٹھ بہِتھ ٲسؠ سپٕدؠ سربسجود تہٕ کٔرٕکھ تمسنٛز عبادت۔17تِمو ووٚن:اے خداوند خدایہ، ژٕ چُھکھ پرٛتھ چیزس پیٚٹھ حکومت کرن وول!ژےٕ چُھکھ یُس ووٚنؠ موجود چُھ!ژےٕ چُھکھ یُس ہمیشہٕ روزن وول چُھ!أسؠ چھِ چٲنؠ مشکوٗر زِ ژےٚ دِتُتھ پننہِ طاقتہٕ سٟتؠ،پرٛتھ کانٛسہ تس نفرس شکس یمؠ ژےٚ سٟتؠ بغاوت کٔر،تہٕ ووٚنؠ چُھکھ ژٕ دنیا کٮ۪ن تمام لوٗکن پیٚٹھ حکومت کران۔18قومن ہنٛدین بے اعتقاد لوٗکن اوس تُہنٛد زبردست شرارتھ۔یمہِ کِنؠ توٚہہ تِمن سزا دِتو۔ ژےٚ نیوٗتھ فٲصلہٕ زِ چانہِ باپتھ چُھ تِمن سارنی لوکن ہنٛدِس حقس منٛز یہ فٲصلہٕ نِنُک صحی وق یمہٕ گُذریمٕتؠ چھِ۔ژٕ چُھکھ پننٮ۪ن تِمن بنٛدن انعام دِوان یِم چون پٲغام بوزناوان تہٕ توٚہہ سٟتؠ تعلق تھاوان چھِ۔ژٕ چُھکھ تِمن تمام لوٗکن انعام دِوان یِم توٚہہ عزت کران چھِ، یُس تہِ کانٛہہ آسہِ۔ژےٚ نیوٗتھ فٲصلہٕ زِ ووٚنؠ ووت وقت زِ ژٕ کرہکھ تِم لوٗکھ حلاک یِم زمینس پیٚٹھ تبٲہی کران رودؠ مٕتؠ چھِ۔19پتہٕ کھولؠ خداین آسمانس پیٚٹھ پننہِ ہیکلٕکؠ دروازٕ تہٕ تتھ منٛز وُچھ مےٚ سُہ مقدس صندوق یتھ منٛز خدایہِ سنٛدؠ وعدٕکؠ نشانہٕ ٲسؠ۔ یمہِ منٛزٕ وُزملہٕ آسہٕ چمکان۔ مےٚ بوز گگراین ہُنٛد گرٮ۪زُن۔ زمین الییہِ، تہٕ آسمانہٕ پیٚٹھٕ ؤتھؠ ویٹھؠ ڈوٹھٕ پٔھلؠ۔
Bridge Connectivity Solutions Pvt. Ltd.