فلپین3
1ٲخرس پیٚٹھ! میانیو ایمان باجو، خداے سنٛدِس سایس تل منٲوِو شٲدیانہٕ، بییٚہِ روزیو تتھ متعلق خۅش یہِ تمؠ کوٚرمُت چُھ بییٚہِ کران چُھ۔ اگرچہ وونؠ بہٕ توٚہہِ لیکھہٕ تِمنےٕ چیزن متعلق یِمن ہنٛز توٚہہِ برونٛہہ کنہِ مےٚ وضاحت کٔرمٕژ چِھ، سۅ چھِنہٕ میانہِ خٲطرٕ کانٛہہ تہِ دِقت، تہٕ یہِ کرِ توٚہہِ تِمو کتھو نِشہٕ حفاظت یِم توٚہہِ تِم کتھہٕ ہیٚچھناون چھِ یِم توٚہہِ گمراہ کرنو تِم چھنہٕ پزٕ۔2تِمو نِشہٕ کریو پانس حفاظت یِم ہوٗنین ہنٛدؠ پٲٹھؠ گندٕ چھِ۔ تِمو نِشہٕ کریو پانس حفاظت یِم غلط ہیٚچھناون چھِ۔ پننِس پانس کریو تِمن نِشہٕ حفاظت یِم پنٕنؠ جسم ژٹان چھِ۔ 3پوٚز یوٚت تام سون تعلق چھُ أسؠ چھِ پانہٕ پزؠ پٲٹھؠ تہِ یمیک معنہِ چُھ ختن وول آسُن۔ خدایہِ سُنٛد روح چُھ اسہِ اصل پٲٹھؠ خدایس عبادت کرنس قٲبل بناون، تہٕ اسہِ چھے مسیحؔ یسوعس جلال بخشان نہٕ زِ ختن ہاوُن مذہبی عملن پیٚٹھ بھروسہٕ کران۔4بہرحال، اگر کانٛہہ سونچہِ تِم ہیکن مذہبی عملن پیٚٹھ بھروسہٕ کرِتھ، بہٕ ہیٚکہٕ باقین ہندِ کھۅتہٕ زیادے پہن کرِتھ۔ بہٕ وننہٕ ھو توٚہہِ کیازِ۔5مےٚ آیہِ زینہٕ پتہٕ ٲٹھِ دۅہے ختنہٕ کرنہٕ۔ بہٕ چُھس اسرائیلکیو لوٗکو منٛزٕ تہٕ بہٕ چُھس بنیمینؔ سنٛدِ قبیلہٕ منٛزٕ۔ بہٕ چُھس اکھ عبرٲنؠ یمِس عبرٲنؠ زبان تہٕ تمدن چُھ۔ موسیٰؔ سنٛدِ شریعتُک چُھس پابند، بہٕ اوسس اکھ فریسی، توے کٔر مےٚ موسیٰؔ سنٛدِ شریعتچ کتابن ہنٛزن تعلیمن پیٚٹھ سختی سان عمل۔6یتھ پیٚٹھ مےٚ ایمان اوس تمہِ حوالہٕ کور مےٚ تتھ پیٚٹھ جوشہٕ سان اعتبار، مےٚ اوس اتھ بارس منٛز یوٗتاہ جذبہٕ زِ مےٚ اوس یسوعس پتہٕ پتہٕ پکن والین لوٗکن تکلیف دِین۔ موسیٰؔ سٕندس شریعتس منٛز یہِ خداے سٕنٛز ضرورت ٲس تہٕ یہِ کرنہٕ کہِ حوالہٕ سٟتؠ یُس نوشتن متعلق ضروری چُھ، مےٚ ٲس نہٕ خٲمی۔7مگر یِمن سارنےٕ چیزن یِمن پٹؠھ مےٚ برونٛہہ بھروسہٕ اوس، یِمے چیز چُھس بہٕ وونؠ مسیحؔ سنٛدِ سببہٕ بے کار مانان۔8امہِ بجایہ چُھس بہٕ وونؠ تمام چیزن بے کار سمجھان یتھ مقابلس منٛز یسوع مسیحؔ میٚون خداوند زاننُ کوتاہ عظیم چُھ۔ أمؠ سنٛدِ خٲطرٕ چھِ مےٚ زٲنتھ مٲنتھ تمام چیز ترک کٔرِمٕتؠ تہٕ بہٕ چُھس تِمن کباڑٕ سمجھان یُس دٲریتھ چھِ دوان یُتھ زن بہٕ مسیحؔ حٲصل کرن۔9یِمن چیزن پیٚٹھ بہٕ برونٛہہ بھروسہٕ اوسس کران تِم کٔر مےٚ زٲنتھ مٲنتھ ترک کرِمٕتؠ یُتھ زن بہٕ مسیحسؔ پیٚٹھ ایمان تھٲوِتھ مکمل پٲٹھؠ متحد روزٕ، تہٕ نہٕ کہ موسیٰؔ سٕندس شریعتچ فرمانبردٲری کرنؠ یُس خداین موسیٰؔ ہس عطا کور۔ بہٕ چُھس یہِ کران تکیازِ بہٕ چُھس زانان زِ خدا خۅش تھاونچ چھِ صرف أکے ووٚتھ سُہ گوو مسیحسؔ پیٚٹھ ایمان قٲیم کرُن۔10بہٕ چُھس یژھان مسیحؔ بڈٕ اصل پٲٹھؠ زانن۔ بہٕ چُھس یژھان پننہِ زندگی منٛز تمس زبردس کٲم کرنُک لگاتار تجربہٕ کرُن، یتھٕ پٲٹھؠ خداین جلالہٕ سان کٲم کٔر ییٚلہِ تمؠ مسیحؔ مرنہٕ پتہٕ زندٕ کور۔ بہٕ تہِ چُھس یژھان لگاتار تکلیف تُلن یُتھ زن بہٕ خدایہِ سٕنٛز فرمانبردٲری کرٕ، یتھٕ پٲٹھؠ مسیحنؔ خدایس فرمانبردٲری کرنہٕ خٲطرٕ تکلیف تُلؠ۔ بہٕ چُھس یژھان تمؠ سٕندس مرنس منٛز تمسے ہیو بنُن۔11بہٕ چُھس یہِ سورےٕ یژھان تکیازِ بہٕ چُھس یژھان خداے کرِ مےٚ مرنہٕ پتہٕ کُنہِ طریقہٕ دبارٕ زندٕ۔12بہٕ چُھس نہٕ دعوا کران زِ مےٚ چُھ یہِ حٲصل کوٚرمُت۔ نہٕ چُھس بہٕ ونن زِ خداین چھِ مےٚ یسوع سنٛدؠ پٲٹھؠ بناونہٕ خٲطرٕ گۅڈے مےٚ منٛز کٲم کرنؠ مکمل کٔرمٕژ۔ مگر بہٕ چُھس دلچسپی سان یسوع سنٛدؠ پٲٹھؠ زیادٕ کھۅتہٕ زیادٕ بننٕچ کوٗشش کران، تکیازِ توے چُھ یسوع مسیحنؔ مےٚ تھپ کٔرمٕژ۔13میانیو ایمان باجو، مےٚ چُھنہٕ گمان زِ بہٕ چُھس برونٛٹھےٕ یسوعس ہیو مکمل پٲٹھؠ بنوومُت۔ نو چُھ مےٚ سُہ پوٚرٕ پٲٹھؠ پرزنوومُت۔ بلکہ، مےٚ چُھ ارادٕ کوٚرمُت تِم چیز مشراوٕنؠ یِم پتھ کن گیہِ تہٕ تِمن چیزن ہندِ خٲطرٕ سخ محنت کرنؠ یِم مےٚ برونٛہہ کنہِ چھِ۔14تمہِ بجایہ، چُھس بہٕ صرف یسوعس ہیو زیادٕ کھۅتہٕ زیادٕ بننس کن توجہ دِوان یوٚتام بہٕ مرٕ۔ تمیک نتیجہ نیرِ، خدا کرِ مےٚ آسمانس منٛز انعام عطا تکیازِ مےٚ چُھ یسوع مسیحسؔ سٟتؠ رشتہٕ۔15لہٰذا اسہِ سارِنےٕ ایمانِ کٲمل تھاون والین شۅبہِ أمی اندازٕ سونٛچن۔ پوٚز ہرگاہ توٚہؠ میانس لیٚکھنس متعلق مختلف سونچِو، خداے تہِ ہاوِ توٚہہِ یی۔16بہرحال، پزن چیزن ہندِ حوالہٕ یِم خداین اسہِ برونہٛےٕ ظٲہر کٔرمٕتؠ چھِ، ولِو أسؠ سٲری کرو تِمنے چیزن مطٲبق پننٕؠ زندگی بسر۔17میانیو ایمان باجو، مےٚ وُچھ وُچھ سپدیو یکوٹہٕ، تہٕ تِمن لوٗکن ہند کریو نکھہٕ روزتھ مشٲہدٕ یِم سٲنؠ پٲٹھؠ زندگی بسر کران چھِ۔18تتہِ چھِ تِم واریاہ لوٗکھ یِمن ہنٛز عمل چھِ ہاوان زِ تِم چھِ مسیحؔ سٕندس صلیبس پیٚٹھ مرنکِس تتھ پٲغامس مخٲلفت کران۔ مےٚ چُھ توٚہہِ یِمن لوٗکن متعلق برونہٛےٕ واریاہہِ لٹہِ وونمُت، تہٕ وونؠ چُھس بہٕ مایوس، ہتاکہ ووٚدُن، ییٚلہِ بہٕ توٚہہِ تِمن متعلق دبارٕ ونن چُھس۔19خداے دیہِ تِمن لوٗکن سختی سان سزا۔ یِم لوٗکھ چھِ خدا پرستی بجایہ نفس پرست، تِمن چُھ تِمن چیزن پیٚٹھ فخر یِمن پیٚٹھ تِمن پزِہے شرمندٕ سپدن۔ یِم لوٗکھ چھِ آسمٲنؠ چیزو بجایہ صرف دنیٲوی چیزن متعلق سونچان۔20یوٚتام زن أسؠ چھِ، أسؠ چھِ آسمانٕکؠ باشنٛدٕ، تہٕ أسؠ چھِ بےصبری سان یسوع مسیحسؔ آسمانہٕ پیٚٹھ واپس وسنُک انتظار کران تہٕ اسہِ بچاوِ سُہ۔21خدا بدلاوِ کمزور تہٕ عٲجز جسمن یِم أسؠ ونہِ کس چھِ یسوعؔ سنٛدِ شاندار جلٲلی بڈنٕکؠ پٲٹھؠ سُہ کرِ یہِ پننہِ طاقتہٕ سٟتؠ، یِمہِ سٟتؠ سُہ تمام چیزن کاپہِ رٔٹان چُھ۔
Bridge Connectivity Solutions Pvt. Ltd.