فلپین1
1بہٕ پولُس چُھس یہِ چِٹھؠ تِمن سارِنےٕ خدایہِ سنٛدین بندن لیٚکھان یِم فلپی شہرس منٛز مسیحؔ یسوعس سٕتؠ شٲمل سپدان چھِ۔ تیمُتھیس چُھ مےٚ سٕتؠ۔ أسؠ چھِ مسیحؔ یسوع سنٛدؠ خدمت گار۔ أسؠ چھِ یہِ چِٹھؠ خاص کر تِمن ایمان والین ہنٛدین سردارن بییٚہِ تِمن ہنٛدِ خٲطرٕ لیٚکھان یِم تِمن مدد کران چھِ۔ 2سٲنس ببَ خداۓ تہِ سٲنس خداوند یسوع مسیحؔ سنٛدِ طرفہٕ روزن توٚہہِ فضل تہٕ سلامتی جٲری۔3پرٛیتھ ساعتہٕ چُھس بہٕ توٚہہِ متعلق سونچان، بہٕ چُھس پننِس خدایہِ سُنٛد شُکر ادا کران یمِس بہٕ تُہندِ سببہٕ عبادت کران چُھس۔4بہٕ چُھس ہمیشہِ خۅشی سان دعا کران تہٕ ہر ساعتہٕ توٚہہِ سارِنےٕ ہنٛدِ باپتھ دعا کران۔5میون خۅشی سان دعا کرنُک وجہ چھیو توٚہؠ تکیازِ توٚہہِ کرِو ییٚلہِ توٚہہِ ایمان اوٚنُو گۅڈٕ پیٚٹھے لوٗکن نش رٕژ شیچھ وونس منٛز مےٚ سٟتؠ شرکت تہٕ توٚہؠ چھیو ونہِ تہٕ مےٚ سٕتؠ شریک۔6خداین کٔر توٚہہِ منٛز رٕژ کٲم کرنؠ شروع ییٚلہِ توٚہہِ گۅڈٕ تمس پیٚٹھ ایمان اونُو، تہٕ مےٚ چُھ بھروسہٕ زِ سُہ تھاوِ سۅ کٲم توٚتام جٲری یوٚت تام یسوع مسیحؔ واپس واتہِ۔7بہٕ چُھس توٚہہِ سارِنےٕ سخ لول بران، لہٰذا یہِ چُھ میٚون حق زِ بہٕ سونچہِ توٚہہِ متعلق أمؠ اندازٕ۔ خداین چھِ اسہِ اتھ کامہِ یکوٹہٕ کرنس پیٚٹھ بٔڈؠ برکت عطا کٔرمٕژ، یتھ کِنؠ بہٕ أکس قٟدؠ سٕنٛدؠ رنگؠ برداش کران چُھس تہٕ یتھ کِنؠ بہٕ لوٗکن واضیح کران چُھس زٕ یسوعس متعلق رٕژ شیچھ کیازِ چِھ پزؠ۔8بہٕ چُھس یژھان توٚہہِ سارِنےٕ سٕتؠ روزُن، تہٕ بہٕ چُھس توٚہہِ سارِنےٕ تمی اندازٕ لول بران یمؠ اندازٕ یسوع مسیحؔ توٚہہِ لول بران چُھ۔ خداۓ چُھ زانان زِ یہِ چُھ پوٚز۔9بہٕ چُھس دعا منٛگان زِ خداے بناوٕ توٚہہِ خدایس بیٚیہِ باقین تمہِ اندازٕ لول بٲگراونس قٲبل یتھ منٛز ہُریر روزِ سپدان۔ یتھ توٚہؠ باقین زیادٕ کھوٚتہٕ زیادٕ لول بریو، بہٕ منگہٕ دعا زِ خداۓ کرِ توٚہہِ تمس زانس منٛز اصل پٲٹھؠ مدد بییٚہِ یہِ سمجھنس منٛز زِ باقین سٕتؠ کِتھہٕ پٲٹھؠ چھِ تمام حالاتن منٛز لول بٲگران۔10میانہِ دعا منٛگنُک وجہ چُھ یہِ توٚہؠ کٔریو ملاحظ بییٚہِ ژٲرِو تہِ یہِ خداۓ پسند چُھ کران مطلب پٲکی یتھ زن توٚہؠ کانٛہہ تہِ غلط کٲم کرنہٕ نِشہٕ مکمل پٲٹھؠ آزاد ٲسیٚو ییٚلہِ مسیحؔ واپس ییہِ۔11غلط کامہِ کرنہٕ بجایہ، روزیو توٚہؠ تمہٕ کامہِ کرنس منٛز آوٕرؠ یمہٕ یسوع مسیحؔ اسہِ کرناونس قٲبل بناون چُھ۔ یمؠ کامہِ کرناون لوٗکن خدایس احترام تہٕ تعریف۔ 12میانیو ایمان تھاون والیو بایو تہٕ بینیو، بہٕ چُھس یژھان زاننُ زِ یمؠ چیز مےٚ سٕتؠ پیش آیہِ تِمو سٕتؠ آیہِ نہٕ لوٗکن رٕژ شیچھ بوزنس منٛز کانٛہہ تہِ رُکاوٹ۔ تمہِ بجایہ، چھِ واریاہو لوٗکو رٕژ شیچھ بوزنس قٲبل بنیمٕتؠ تکیازِ بہٕ چُھس قٲدخانس منٛز۔ 13در حقیقت، ییٚتکؠ تمام فوجی محٲفظن تہٕ باقےٕ واریاہ لوٗکھ چھِ ووٚنؠ زانن زِ بہٕ چُھس قٲدخانس منٛز تکیازِ بہٕ چُھس مسیحسؔ متعلق رٕژِ شیچھِ ہُند اعلان کران۔14بییٚہِ چُھ یتہِ ایمان والیو وُچھمُت زِ خداوندن کیاہ کوٚر میانہِ دٔسؠ قٲدخانس اندر ہانٛکلو سٟتؠ، تِمو منٛز چھِ اکثر ووٚنؠ برونٛٹھمہِ کھۅتہٕ زیادٕ ہمتہٕ سان تہٕ بےخوف پٲٹھؠ یسوعس مطلق رژِ شیچھِ ہُند اعلان کران۔15کینٛہہ لوٗکھ چھِ مسیحسؔ متعلق رٕژِ شیچھِ ہنٛد اعلان کران تکیازِ تِم چھِ خداۓ سٕنٛز فرمانبردٲری یژھان کرنؠ بییٚہِ چھِ تِم مےٚ تہٕ باقین لول بران۔ تِم چھِ سمجھان زِ خداین چُھس بہٕ یسوعس متعلق رٕژ شیچھ لوٗکن واضیح کرنہٕ خٲطرٕ مقرر کوٚرمُت یِس پزؠ چھِ۔ مگر تِمو منٛز چھِنہٕ کینٛہہ ایماندار زِ تِم کیازِ چھِ مسیحسؔ متعلق رٕژِ شیچھِ ہُنٛد اعلان کران۔ تِم چھِ یہِ صرف پننہِ ترقی باپتھ کران۔ تِمن چُھ میٚون حسد تہٕ تِم چھِ مےٚ تکلیف واتناوُن یژھان۔ تِم چھِ سونچان زِ مےٚ گژھِ قٲد خانس منٛز زیادے پہن تکلیف واتُن یُتھ زن تِم رٕژ شیچھِ ہنٛد اعلان کرنہٕ سٟتؠ مشہور سپدن۔18مگر تہِ چُھنہٕ اہم یہِ تِم مےٚ سٟتؠ کرُن یژھان چھِ! یُس چیز اہم چُھ سُہ چُھ یہِ زِ لوٗکھ چھِ مسیحسؔ متعلق رٕژِ شیچھِ ہُنٛد اعلان کران، چاہے تِہنٛد مُدعا نیک چھا یا بد۔ لہٰذا مےٚ چھِ خۅشی سپدان زِ لوٗکھ چھِ مسیحسؔ متعلق پٲغام پھہلاوان! تہِ اتھ منٛز روزٕ بہٕ خۅش مناون!19بہٕ روزٕ خۅش تکیازِ بہٕ چُھس زانان یُتھ موقعہٕ واتہِ: زِ خداۓ کرِ مےٚ قٲدٕ منٛز آزاد۔ سُہ کرِ یہِ تکیازِ توٚہؠ چھُو میانہِ خٲطرٕ دعا منٛگان بییٚہِ چُھ یسوع مسیحؔ سُنٛد روح مےٚ مدد کران۔
20مےٚ چُھ مولوم زِ یہِ سپدِ، تکیازِ بہٕ چُھس پُر امید زِ بہٕ روزٕ وفادٲری سان مسیحسؔ احترام کران۔ مےٚ چُھ بھروسہٕ بییٚہِ چھِم خوٲہِش زِ بہٕ کرٕ بہادری سان ونہِ کہِ پیٚٹھے پننہِ عملہِ سٕتؠ مسیحسؔ ہمیشہِ احترام، خواہ بہٕ زندٕ روزٕ یا بہٕ مرا۔21یوٚت تام میٚون تعلق چُھ، بہٕ روزٕ مسیحسؔ احترام کرنہٕ باپتھ زندٕ، تہٕ ہرگاہ بہٕ مودُس، یہِ روزِ میانہِ خٲطرٕ تمہِ کھۅتہٕ بہتر۔22ہرگاہ میانس جسمس اندر زُو روٗد، بہٕ کرٕ فٲیدٕ منٛد اندازس منٛز مسیحسؔ خدمت کران۔ لہٰذا مےٚ چُھنہٕ مولوم بہٕ کتھ دِمہٕ گۅڈٕ انوٲرؠ، زندٕ روزنس یا مَرنس۔23یہِ چُھ میانہِ باپتھ مشکل بہٕ کتھ دِمہٕ گۅڈٕ انوٲرؠ، زندٕ روزنس یا مَرنس۔ بہٕ چُھس کانچھان زِ بہٕ نیرٕ یمہِ دنیا منٛزٕ تہٕ گژھٕ مسیحسؔ سٕتؠ، تکیازِ ییتہِ روزٕ نہٕ نِشہٕ چُھ مسیحسؔ سٕتؠ روزُن سؠٹھاہ بہتر،24مگر مےٚ چُھ یتھ زمینہِ پیٚٹھ زندٕ روزنچ ضرورت یُتھ میٚون مدد توٚہہِ آیِتن روزِ۔25تکیازِ مےٚ چُھ یقین، بہٕ چُھس زانان زِ بہٕ روزٕ توٚہہِ سارِنےٕ سٟتؠ زندٕ یُتھ زن بہٕ زیادٕ خۅشی سان توٚہہِ یسوعس پیٚٹھ تُہند ایمان جٲری تھاونس منٛز مدد کرہوو۔26بہٕ کرٕ یہِ یُتھ زن توٚہؠ میانہِ موجُب یسوع مسیحسؔ حدٕ کھۅتہٕ زیادٕ تعریف کریو، تکیازِ بہٕ یمہٕ تہٕ واتہٕ توٚہہِ نِشہٕ دُبارٕ۔27ضروری کتھ چھِ یہِ زِ تُہنٛد چال و چلن گژھِ تمہِ اندازٕ آسُن یمہِ سٟتؠ مسیحسؔ متعلق رٕژِ شیچھِ ہند احترام سپدان آسہِ۔ یہِ کریو یُتھ زن لوٗکھ مےٚ ونن زِ توٚہؠ چھو أکس منظم اندازس منٛز یکوٹہٕ سخ محنت کران یُتھ زن توٚہؠ تِمن ہُند مقابل کریو یِم مسیحسؔ متعلق پٲغامس مخالفت کران چھِ بییٚہِ کریو توٚہؠ رٕژِ شیچھِ مطٲبق لوٗکن مدد۔ توٚہہِ پزِ أمی اندازٕ عمل کرنؠ خواہ بہٕ توٚہہِ نِشہٕ دُبارٕ واتا یا نہٕ واتا۔28پننین مخٲلف لوٗکن ہنٛزن حرکژن تہٕ وننس مہٕ کھۅژِو۔ ییٚلہِ تِم وُچھن زِ توٚہؠ چھیو نہٕ تِمن کھۅژان، تِمن ترِ فکرِ زِ خداۓ کرِ تِمن برباد، مگر سُہ بچاوِ توٚہہِ۔ یہِ سورےٕ چُھ خدایہِ سٕنٛدِ طرفہٕ۔29یہِ سورےٕ چُھ خداے تُہندِ خٲطرٕ کران تکیازِ تمؠ چُھ توٚہہِ مسیحؔ سنٛدِ خٲطرٕ تکلیف تُلنُک فضل عطا کوٚرمُت، اتھ سٟتؠ سٟتؠ چھُو تمؠ توٚہہِ تمس پیٚٹھ ایمان قٲیم کرنُک فضل تہِ عطا کوٚرمُت۔30توٚہہِ وُچھوٕ زِ بہٕ کتھہٕ پٲٹھؠ اوسس پننین مخٲلفن ہُند مقابل کران ییٚلہِ بہٕ فلپی منٛز اوسس۔ وونؠ چُھ توٚہہِ تِمن لوٗکن ہند مقابل کرُن یِم توٚہہِ تمی اندازٕ مخالفت کران چھِ۔ یتھٕ پٲٹھؠ لوٗکھ توٚہہِ ونہِ کین تہِ ونان چھِ، بہٕ چُھس ووٚنؠ تہِ تمہِ قسمٕکیٚن لوٗکن ہُند مقابل کران۔
20مےٚ چُھ مولوم زِ یہِ سپدِ، تکیازِ بہٕ چُھس پُر امید زِ بہٕ روزٕ وفادٲری سان مسیحسؔ احترام کران۔ مےٚ چُھ بھروسہٕ بییٚہِ چھِم خوٲہِش زِ بہٕ کرٕ بہادری سان ونہِ کہِ پیٚٹھے پننہِ عملہِ سٕتؠ مسیحسؔ ہمیشہِ احترام، خواہ بہٕ زندٕ روزٕ یا بہٕ مرا۔21یوٚت تام میٚون تعلق چُھ، بہٕ روزٕ مسیحسؔ احترام کرنہٕ باپتھ زندٕ، تہٕ ہرگاہ بہٕ مودُس، یہِ روزِ میانہِ خٲطرٕ تمہِ کھۅتہٕ بہتر۔22ہرگاہ میانس جسمس اندر زُو روٗد، بہٕ کرٕ فٲیدٕ منٛد اندازس منٛز مسیحسؔ خدمت کران۔ لہٰذا مےٚ چُھنہٕ مولوم بہٕ کتھ دِمہٕ گۅڈٕ انوٲرؠ، زندٕ روزنس یا مَرنس۔23یہِ چُھ میانہِ باپتھ مشکل بہٕ کتھ دِمہٕ گۅڈٕ انوٲرؠ، زندٕ روزنس یا مَرنس۔ بہٕ چُھس کانچھان زِ بہٕ نیرٕ یمہِ دنیا منٛزٕ تہٕ گژھٕ مسیحسؔ سٕتؠ، تکیازِ ییتہِ روزٕ نہٕ نِشہٕ چُھ مسیحسؔ سٕتؠ روزُن سؠٹھاہ بہتر،24مگر مےٚ چُھ یتھ زمینہِ پیٚٹھ زندٕ روزنچ ضرورت یُتھ میٚون مدد توٚہہِ آیِتن روزِ۔25تکیازِ مےٚ چُھ یقین، بہٕ چُھس زانان زِ بہٕ روزٕ توٚہہِ سارِنےٕ سٟتؠ زندٕ یُتھ زن بہٕ زیادٕ خۅشی سان توٚہہِ یسوعس پیٚٹھ تُہند ایمان جٲری تھاونس منٛز مدد کرہوو۔26بہٕ کرٕ یہِ یُتھ زن توٚہؠ میانہِ موجُب یسوع مسیحسؔ حدٕ کھۅتہٕ زیادٕ تعریف کریو، تکیازِ بہٕ یمہٕ تہٕ واتہٕ توٚہہِ نِشہٕ دُبارٕ۔27ضروری کتھ چھِ یہِ زِ تُہنٛد چال و چلن گژھِ تمہِ اندازٕ آسُن یمہِ سٟتؠ مسیحسؔ متعلق رٕژِ شیچھِ ہند احترام سپدان آسہِ۔ یہِ کریو یُتھ زن لوٗکھ مےٚ ونن زِ توٚہؠ چھو أکس منظم اندازس منٛز یکوٹہٕ سخ محنت کران یُتھ زن توٚہؠ تِمن ہُند مقابل کریو یِم مسیحسؔ متعلق پٲغامس مخالفت کران چھِ بییٚہِ کریو توٚہؠ رٕژِ شیچھِ مطٲبق لوٗکن مدد۔ توٚہہِ پزِ أمی اندازٕ عمل کرنؠ خواہ بہٕ توٚہہِ نِشہٕ دُبارٕ واتا یا نہٕ واتا۔28پننین مخٲلف لوٗکن ہنٛزن حرکژن تہٕ وننس مہٕ کھۅژِو۔ ییٚلہِ تِم وُچھن زِ توٚہؠ چھیو نہٕ تِمن کھۅژان، تِمن ترِ فکرِ زِ خداۓ کرِ تِمن برباد، مگر سُہ بچاوِ توٚہہِ۔ یہِ سورےٕ چُھ خدایہِ سٕنٛدِ طرفہٕ۔29یہِ سورےٕ چُھ خداے تُہندِ خٲطرٕ کران تکیازِ تمؠ چُھ توٚہہِ مسیحؔ سنٛدِ خٲطرٕ تکلیف تُلنُک فضل عطا کوٚرمُت، اتھ سٟتؠ سٟتؠ چھُو تمؠ توٚہہِ تمس پیٚٹھ ایمان قٲیم کرنُک فضل تہِ عطا کوٚرمُت۔30توٚہہِ وُچھوٕ زِ بہٕ کتھہٕ پٲٹھؠ اوسس پننین مخٲلفن ہُند مقابل کران ییٚلہِ بہٕ فلپی منٛز اوسس۔ وونؠ چُھ توٚہہِ تِمن لوٗکن ہند مقابل کرُن یِم توٚہہِ تمی اندازٕ مخالفت کران چھِ۔ یتھٕ پٲٹھؠ لوٗکھ توٚہہِ ونہِ کین تہِ ونان چھِ، بہٕ چُھس ووٚنؠ تہِ تمہِ قسمٕکیٚن لوٗکن ہُند مقابل کران۔
Bridge Connectivity Solutions Pvt. Ltd.