اِفسِیونؔ6
1یۅتام تُہنٛد تعلق چُھ یِم زن شُرؠ چھِ، پننِس مٲلِس ماجہِ ہنٛز کٔرِو اطاعت زنتہٕ خداوند یسوعؔ سنٛز خدمت چُھو کران تکیازِ یہِ کرُن چُھ تہنٛدِ باپتھ صحیح۔2خداین دِیُت صحیفن منٛز حکم،
"پننِس مٲلِس تہٕ ماجہِ ہُنٛد کٔرِو واریاہ احترام۔ "یہِ چُھ گۅڈنیُک قانون یمیُک حکم خداین دِیُت یتھ منٛز تٔمؠ کُنہِ چیزُک وعدٕ تہِ کوٚر۔ تٔمؠ کوٚر وعدٕ،3"اگر توٚہؠ تہِ کٔرِو، تیٚلہِ ہیٚکِو توٚہؠ خۅشحٲلی پرٲوِتھ، تہٕ توٚہؠ روزیٚو زمینس پٮ۪ٹھ واریہس کالس زِنٛدٕ۔" 4یۅتام تِہُنٛد تعلق چُھ یِم مٲلؠ چھِ، پننٮ۪ن شُرٮ۪ن سٟتؠ مہٕ کٔرِو سُہ سلوک یمہِ سٟتؠ تِمن شرارتھ کھسہِ۔ امہِ بجایہ کٔرِو تِمن ہِدایت دِتھ حوصلہٕ افزٲیی سان نظم و ضبطچ تربیت یہ خداوند یسوع توٚہہِ نِش یژھان چُھ۔ 5یۅتام تُہنٛد تعلق چُھ یم غلام چھِ، سٮ۪ٹھا احترامہٕ تہٕ خلوصہٕ سان کٔرِو تِمن لوٗکن ۂنٛز اطاعت یم زمینس پٮ۪ٹھ تُہنٛدؠ آغہٕ چھِ، یتھٕ پٲٹھؠ توٚہؠ مسیحؔ سنٛز اطاعت چُھو کران۔6تِمن ۂنٛز اطاعت کٔرِو نہٕ صرِف تٔمہِ وِزِ ییٚلہِ توٚہہِ پننٕؠ مٲلکھ وُچھان آسن، یِتھ کِنؠ زَن لوٗکھ کران چھِ یِم صرف امہِ چیزچ فِکر چھِ تھاوان زِ تمن گژھن وُچِھن کٲم کران۔ امہِ بجایہ، کٔرِو تِتھٕ کِنؠ کٲم زنتہٕ ٲسِو توٚہؠ مسیحؔ سٕنٛدؠ غلام، یتھٕ پٲٹھؠ خدا یژھان چُھ زِ توٚہؠ کٔرِو جوشہٕ سان کٲم۔7پننٮ۪ن آغن ہنٛز کٔرِو رضامنٛدی سان خدمت، یتھٕ کِنؠ زَن توٚہؠ لوٗکو بدلہٕ خداوند یسوعؔ سنٛز خدمت کران چُھو۔8یہِ کٔرِو تکیازِ توٚہؠ چُھو زانان زِ خداوند یسوعؔ دِیہ پرٮ۪تھ شخصس تمؠ سنٛزِ اصل کامہِ ہُنٛد انعامہٕ۔ اتھ چھنہٕ کانٛہہ فرق زِ سُہ شخص اوسا غلام یا آزاد۔9یۅتام تُہنٛد تعلق چُھ یِم آغہٕ چھِ، یتھٕ کِنؠ تُہنٛدؠ غلام توٚہہِ اصل پٲٹھؠ خدمت کران چھِ تِتھے کِنؠ پزِ توٚہہِ تہِ تِمَن سٟتؠ اصل پٲٹھؠ پیش یُن۔ تِمن دھمکی دِنؠ کٔرِو بنٛد۔ یہِ مہٕ مٔشرٲیو زِ سُہ یعنی توٚہہِ دۅشوٕنؠ ہُنٛد خداوند چُھ آسمانس پٮ۪ٹھ تہٕ سُہ چُھ تمام لوٗکن ہُنٛد ہیٚووٕے فٲصلہٕ کران یوٚدوے تُہنٛد رۅتبہٕ تھوٚد ٲسؠ تن یا کم۔ 10ٲخٕرکار تھٲیِو خداوند یسوعسؔ پٮ۪ٹھ مکمل بھروسہٕ یُتھ سُہ توٚہہِ روحٲنی طور مضبوط کرِ تکیازِ سُہ چُھ بے پناہ مضبوط۔11یتھٕ کِنؠ اکھ سِپاہ پننِس دشمنس خلاف لڑنہٕ باپتھ پوٗرٕ ذِرہ بکتر نٲلؠ ترٲوِتھ تھاوان چُھ، توٚہہ پزِ خدایہِ سٕنٛدِ طرفہٕ فراہم کرنہٕ آمُت پرٮ۪تھ کُنہِ روحٲنی وصیلُک استعمال کرُن تاکہِ توٚہؠ ہیٚکو شیطانس کامیٲبی سان مزاحمت کٔرتھ ییٚلہِ سُہ چالٲکی سان توٚہہِ خلاف منصوبہ بناوان چُھ۔12یاد تھٲیِو زِ أسؠ چھِنہٕ باقین انسانن خلاف لڑان۔ بلکہِ چھِ أسؠ تِمن شیطانَن خلاف لڑان یِمن یَتھ بُرٕ وقتس منٛز بُرٕ کٲم کرن والیٚن لوٗکن پٮ۪ٹھ حکومت کرنُک اختیار چُھ، یعنی ہوہَس منٛز روزَن والیٚن بد روحن خلاف۔13امی مۅکھہٕ پَزن توٚہہِ تِم تمام روحٲنی وسٲیِل اصٕل پٲٹھؠ استعمال کرٕنؠ یِم خداین توٚہہِ دِتؠ مٕتؠ چھِ، یتھٕ کِنؠ اکھ سِپاہ پنُن سورےٕ ذِرہ بکتر لٲگِتھ تھاوان چُھ۔ اگر توٚہؠ یہِ کٔرِو، تیٚلہِ ہیٚکو توٚہؠ بد روحَن ہُنٛد مقابلہٕ کٔرِتھ ییٚلہِ تِم توٚہہِ پٮ۪ٹھ حملہٕ کرن۔ توٚہؠ روزیٚو تٔمہِ وِزِ تہِ تیار ییٚلہِ تِم توٚہہِ پٮ۪ٹھ بیٚیہِ حملہٕ کرن تہٕ توٚہؠ بنیٚو خدایہِ سٕنٛدِ خٲطرٕ بہتر پٲٹھؠ زِنٛدٕ روزنس قٲبل14توٚہہِ پَزِ شیطانَس تہٕ أمؠ سنٛدٮ۪ن بد روحَن خلاف مزاحمت کرنہٕ خٲطرٕ تیار روزُن یتھٕ پٲٹھؠ سِپہن پزِ دشمنس سٟتؠ لڑنہٕ خٲطرٕ تیار روزُن۔ یہِ کرنہٕ خٲطرٕ روزیٚو تِمن پزٮ۪ن چیزن مُتعلق سونچان یِم خداین توٚہہِ ہٲوِمٕتؠ چھِ۔ راستبٲزی سان کٲم کرٕنؠ تہِ تھٲیِو جٲری۔ یہِ کۅرو توٚہہِ تِتھٕ پٲٹھؠ بچاو یِتھ پٲٹھؠ أکِس سِپاہ سُنٛد بکھتر چُھ امسنٛدِس سینس بچاو کرن۔ 15یتھٕ کِنؠ اکھ سِپاہ یُس پَنُن بوٗٹھ لٲگؠ تھےٕ چُھ تھاوان، تتہِ روزیٚو کُنہِ تہِ جایہِ گژھنہٕ خٲطرٕ تیار یوٚت توٚہہِ ضروٗرت آسہِ رٕژِ خبرِ خٲطرٕ یۅسہ لوٗکن خدایس سٟتؠ امنہٕ سان روزُن ونان چھےٚ۔ 16یتھٕ کِنؠ اکھ سِپاہ تِم تیٖر رُکاونہٕ خٲطرٕ ڈھال تھاوان چُھ یِم امسنٛدؠ دُشمن أمِس پٮ۪ٹھ چلاوان چھِ، توٚہہِ پزِ پرٮ۪تھ وِزِ خداوندس پٮ۪ٹھ پوٗرٕ پٲٹھؠ بھروسہٕ کرُن۔ یہِ بچاوِ توٚہہِ تِمو تمام چیزو نِشہ یِم تُہنٛدؠ دُشمن، شیطان، بد روح، توٚہہِ روحٲنی طور نقصان واتناونہٕ خٲطرٕ کوشِش کرن۔17یتھٕ کِنؠ اکھ سِپاہ پننِس کلَس بچاونہٕ خٲطرٕ تہِ شِستٕر ٹوپہِ پٮ۪ٹھ انحصار چُھ کران، اتھ حقیقتس پٮ۪ٹھ کٔرِو انحصار زِ خداین بچٲیو توٚہؠ۔ تہٕ یتھٕ پٲٹھؠ اکھ سِپاہ پننِس دشمنس ہارناونہٕ باپتھ تلوارِ ہُنٛد استعمال چُھ کران۔ یہِ ہتھیار کٔرِو استعمال یُس خداین سٕنٛدؠ روحن توٚہہِ دِتُو۔ یۅسہٕ اکھ شیٚچھؠ چھےٚ یۅسہٕ خدایہِ سٕنٛدِ طرفہٕ چھےٚ یِوان۔ 18ییٚلہِ تہِ توٚہؠ خدایس دُعا چُھو کران تہٕ چُھوس کُنہِ چیزٕچ عرضی کران، ہمیشہٕ گژھہِ خدایہ سُنٛد روح توٚہہِ ہدایت دیُن زِ توٚہؠ کِتھہٕ کِنؠ کٔرِو دعا تہٕ کمہِ خٲطرٕ چُھ دعا کرُن۔ ساروےٕ کھۅتہٕ زیادٕ موثر گژھنہٕ خاطرٕ، روزیٚو وُچھان زِ خدا کیا چُھ کران، تہٕ روزیٚو مستقل ییٚلہ توٚہؠ خدایہ سنٛدٮ۪ن سارنےٕ لوٗکن خاطرٕ دعا چُھو کران۔19میانہٕ خٲطرٕ کٔرِو دُعا، زِ خدا ونہِ مےٚ زِ ییٚلہِ تہِ بہٕ کتھ کرٕ تہٕ بہٕ کیا ونہٕ، تاکہِ بہٕ ونہٕ دلیری سان یِمن مسیحؔ ہس متعلق رٕژ شیٚچھ یۅسہٕ نہٕ لوٗکن گۅڈٕ پتاہ آسہِ۔20امیُک وجہ چُھ یہِ زِ بہٕ چُھس لوٗکن مسیحؔ ہس مُتعلق ونان زِ بہٕ چُھس وۅنؠ جیلَس منٛز امسنٛز نمایندگی کران۔ دعا کٔرِو زِ بہٕ روزٕ یتھٕ کِنؠ باقین مسیحؔ ہس متعلق ونان روزان، بہٕ گژھٕ ہیٚکُن دلیری سان کتھ کٔرِتھ تکیازِ مےٚ پزِ یتھے پٲٹھؠ کتھ کرٕنؠ۔21وۅنؠ ییٚلہِ توٚہہِ یہِ پتاہ لگہ زِ مےٚ سٟتؠ کیا چُھ گژھان تہٕ بہٕ کیا چُھس کران، تُخِکسؔ ونہِ توٚہہِ تہِ سورےٕ کینٛہہ یہِ ییٚتہِ گژھان چُھ۔ سُہ چُھ اکھ ایماندار سٲتھی یمِس أسؠ سٲری واریاہ لول چھِ بران، تہٕ سُہ چُھ خداوند یسوعؔ سنٛز وفادٲری سان خدمت کران۔22یہِ چُھ وجہ زِ بہٕ چُھسن سُہ توٚہہِ نِش یہِ چِٹھؠ ہٮ۪تھ سوزان؛ بہٕ چُھس یژھان زِ توٚہؠ زٲنِو زِ أسؠ کِتھؠ چھِ، تہٕ بہٕ چُھس یژھان زِ سُہ دِیہ توٚہہِ تسلی تہٕ کرِ حوصلہٕ افزٲیی۔23بہٕ چُھس دُعا کران زِ خدا سون بب تہٕ خداوند یسوع مسیحؔ دِییہ توٚہہِ سارنےٕ ایماندار سٲتھین اکھ پُر امن جذبہٕ تہٕ بناوِ توٚہہِ اَکھ أکِس سٟتؠ لول برنس تہٕ خدایس پٮ۪ٹھ بھروسہٕ جٲری تھاونس قٲبل۔24بہٕ چُھس دُعا کران زِ خدا روزِ تِمَن تمام لوٗکن پٮ۪ٹھ مہربٲنی سان کٲم کران یِم سٲنِس خداوند یسوع مسیحؔ ہس سٟتؠ ثابت قدمی سان لول چھِ بران۔
"پننِس مٲلِس تہٕ ماجہِ ہُنٛد کٔرِو واریاہ احترام۔ "یہِ چُھ گۅڈنیُک قانون یمیُک حکم خداین دِیُت یتھ منٛز تٔمؠ کُنہِ چیزُک وعدٕ تہِ کوٚر۔ تٔمؠ کوٚر وعدٕ،3"اگر توٚہؠ تہِ کٔرِو، تیٚلہِ ہیٚکِو توٚہؠ خۅشحٲلی پرٲوِتھ، تہٕ توٚہؠ روزیٚو زمینس پٮ۪ٹھ واریہس کالس زِنٛدٕ۔" 4یۅتام تِہُنٛد تعلق چُھ یِم مٲلؠ چھِ، پننٮ۪ن شُرٮ۪ن سٟتؠ مہٕ کٔرِو سُہ سلوک یمہِ سٟتؠ تِمن شرارتھ کھسہِ۔ امہِ بجایہ کٔرِو تِمن ہِدایت دِتھ حوصلہٕ افزٲیی سان نظم و ضبطچ تربیت یہ خداوند یسوع توٚہہِ نِش یژھان چُھ۔ 5یۅتام تُہنٛد تعلق چُھ یم غلام چھِ، سٮ۪ٹھا احترامہٕ تہٕ خلوصہٕ سان کٔرِو تِمن لوٗکن ۂنٛز اطاعت یم زمینس پٮ۪ٹھ تُہنٛدؠ آغہٕ چھِ، یتھٕ پٲٹھؠ توٚہؠ مسیحؔ سنٛز اطاعت چُھو کران۔6تِمن ۂنٛز اطاعت کٔرِو نہٕ صرِف تٔمہِ وِزِ ییٚلہِ توٚہہِ پننٕؠ مٲلکھ وُچھان آسن، یِتھ کِنؠ زَن لوٗکھ کران چھِ یِم صرف امہِ چیزچ فِکر چھِ تھاوان زِ تمن گژھن وُچِھن کٲم کران۔ امہِ بجایہ، کٔرِو تِتھٕ کِنؠ کٲم زنتہٕ ٲسِو توٚہؠ مسیحؔ سٕنٛدؠ غلام، یتھٕ پٲٹھؠ خدا یژھان چُھ زِ توٚہؠ کٔرِو جوشہٕ سان کٲم۔7پننٮ۪ن آغن ہنٛز کٔرِو رضامنٛدی سان خدمت، یتھٕ کِنؠ زَن توٚہؠ لوٗکو بدلہٕ خداوند یسوعؔ سنٛز خدمت کران چُھو۔8یہِ کٔرِو تکیازِ توٚہؠ چُھو زانان زِ خداوند یسوعؔ دِیہ پرٮ۪تھ شخصس تمؠ سنٛزِ اصل کامہِ ہُنٛد انعامہٕ۔ اتھ چھنہٕ کانٛہہ فرق زِ سُہ شخص اوسا غلام یا آزاد۔9یۅتام تُہنٛد تعلق چُھ یِم آغہٕ چھِ، یتھٕ کِنؠ تُہنٛدؠ غلام توٚہہِ اصل پٲٹھؠ خدمت کران چھِ تِتھے کِنؠ پزِ توٚہہِ تہِ تِمَن سٟتؠ اصل پٲٹھؠ پیش یُن۔ تِمن دھمکی دِنؠ کٔرِو بنٛد۔ یہِ مہٕ مٔشرٲیو زِ سُہ یعنی توٚہہِ دۅشوٕنؠ ہُنٛد خداوند چُھ آسمانس پٮ۪ٹھ تہٕ سُہ چُھ تمام لوٗکن ہُنٛد ہیٚووٕے فٲصلہٕ کران یوٚدوے تُہنٛد رۅتبہٕ تھوٚد ٲسؠ تن یا کم۔ 10ٲخٕرکار تھٲیِو خداوند یسوعسؔ پٮ۪ٹھ مکمل بھروسہٕ یُتھ سُہ توٚہہِ روحٲنی طور مضبوط کرِ تکیازِ سُہ چُھ بے پناہ مضبوط۔11یتھٕ کِنؠ اکھ سِپاہ پننِس دشمنس خلاف لڑنہٕ باپتھ پوٗرٕ ذِرہ بکتر نٲلؠ ترٲوِتھ تھاوان چُھ، توٚہہ پزِ خدایہِ سٕنٛدِ طرفہٕ فراہم کرنہٕ آمُت پرٮ۪تھ کُنہِ روحٲنی وصیلُک استعمال کرُن تاکہِ توٚہؠ ہیٚکو شیطانس کامیٲبی سان مزاحمت کٔرتھ ییٚلہِ سُہ چالٲکی سان توٚہہِ خلاف منصوبہ بناوان چُھ۔12یاد تھٲیِو زِ أسؠ چھِنہٕ باقین انسانن خلاف لڑان۔ بلکہِ چھِ أسؠ تِمن شیطانَن خلاف لڑان یِمن یَتھ بُرٕ وقتس منٛز بُرٕ کٲم کرن والیٚن لوٗکن پٮ۪ٹھ حکومت کرنُک اختیار چُھ، یعنی ہوہَس منٛز روزَن والیٚن بد روحن خلاف۔13امی مۅکھہٕ پَزن توٚہہِ تِم تمام روحٲنی وسٲیِل اصٕل پٲٹھؠ استعمال کرٕنؠ یِم خداین توٚہہِ دِتؠ مٕتؠ چھِ، یتھٕ کِنؠ اکھ سِپاہ پنُن سورےٕ ذِرہ بکتر لٲگِتھ تھاوان چُھ۔ اگر توٚہؠ یہِ کٔرِو، تیٚلہِ ہیٚکو توٚہؠ بد روحَن ہُنٛد مقابلہٕ کٔرِتھ ییٚلہِ تِم توٚہہِ پٮ۪ٹھ حملہٕ کرن۔ توٚہؠ روزیٚو تٔمہِ وِزِ تہِ تیار ییٚلہِ تِم توٚہہِ پٮ۪ٹھ بیٚیہِ حملہٕ کرن تہٕ توٚہؠ بنیٚو خدایہِ سٕنٛدِ خٲطرٕ بہتر پٲٹھؠ زِنٛدٕ روزنس قٲبل14توٚہہِ پَزِ شیطانَس تہٕ أمؠ سنٛدٮ۪ن بد روحَن خلاف مزاحمت کرنہٕ خٲطرٕ تیار روزُن یتھٕ پٲٹھؠ سِپہن پزِ دشمنس سٟتؠ لڑنہٕ خٲطرٕ تیار روزُن۔ یہِ کرنہٕ خٲطرٕ روزیٚو تِمن پزٮ۪ن چیزن مُتعلق سونچان یِم خداین توٚہہِ ہٲوِمٕتؠ چھِ۔ راستبٲزی سان کٲم کرٕنؠ تہِ تھٲیِو جٲری۔ یہِ کۅرو توٚہہِ تِتھٕ پٲٹھؠ بچاو یِتھ پٲٹھؠ أکِس سِپاہ سُنٛد بکھتر چُھ امسنٛدِس سینس بچاو کرن۔ 15یتھٕ کِنؠ اکھ سِپاہ یُس پَنُن بوٗٹھ لٲگؠ تھےٕ چُھ تھاوان، تتہِ روزیٚو کُنہِ تہِ جایہِ گژھنہٕ خٲطرٕ تیار یوٚت توٚہہِ ضروٗرت آسہِ رٕژِ خبرِ خٲطرٕ یۅسہ لوٗکن خدایس سٟتؠ امنہٕ سان روزُن ونان چھےٚ۔ 16یتھٕ کِنؠ اکھ سِپاہ تِم تیٖر رُکاونہٕ خٲطرٕ ڈھال تھاوان چُھ یِم امسنٛدؠ دُشمن أمِس پٮ۪ٹھ چلاوان چھِ، توٚہہِ پزِ پرٮ۪تھ وِزِ خداوندس پٮ۪ٹھ پوٗرٕ پٲٹھؠ بھروسہٕ کرُن۔ یہِ بچاوِ توٚہہِ تِمو تمام چیزو نِشہ یِم تُہنٛدؠ دُشمن، شیطان، بد روح، توٚہہِ روحٲنی طور نقصان واتناونہٕ خٲطرٕ کوشِش کرن۔17یتھٕ کِنؠ اکھ سِپاہ پننِس کلَس بچاونہٕ خٲطرٕ تہِ شِستٕر ٹوپہِ پٮ۪ٹھ انحصار چُھ کران، اتھ حقیقتس پٮ۪ٹھ کٔرِو انحصار زِ خداین بچٲیو توٚہؠ۔ تہٕ یتھٕ پٲٹھؠ اکھ سِپاہ پننِس دشمنس ہارناونہٕ باپتھ تلوارِ ہُنٛد استعمال چُھ کران۔ یہِ ہتھیار کٔرِو استعمال یُس خداین سٕنٛدؠ روحن توٚہہِ دِتُو۔ یۅسہٕ اکھ شیٚچھؠ چھےٚ یۅسہٕ خدایہِ سٕنٛدِ طرفہٕ چھےٚ یِوان۔ 18ییٚلہِ تہِ توٚہؠ خدایس دُعا چُھو کران تہٕ چُھوس کُنہِ چیزٕچ عرضی کران، ہمیشہٕ گژھہِ خدایہ سُنٛد روح توٚہہِ ہدایت دیُن زِ توٚہؠ کِتھہٕ کِنؠ کٔرِو دعا تہٕ کمہِ خٲطرٕ چُھ دعا کرُن۔ ساروےٕ کھۅتہٕ زیادٕ موثر گژھنہٕ خاطرٕ، روزیٚو وُچھان زِ خدا کیا چُھ کران، تہٕ روزیٚو مستقل ییٚلہ توٚہؠ خدایہ سنٛدٮ۪ن سارنےٕ لوٗکن خاطرٕ دعا چُھو کران۔19میانہٕ خٲطرٕ کٔرِو دُعا، زِ خدا ونہِ مےٚ زِ ییٚلہِ تہِ بہٕ کتھ کرٕ تہٕ بہٕ کیا ونہٕ، تاکہِ بہٕ ونہٕ دلیری سان یِمن مسیحؔ ہس متعلق رٕژ شیٚچھ یۅسہٕ نہٕ لوٗکن گۅڈٕ پتاہ آسہِ۔20امیُک وجہ چُھ یہِ زِ بہٕ چُھس لوٗکن مسیحؔ ہس مُتعلق ونان زِ بہٕ چُھس وۅنؠ جیلَس منٛز امسنٛز نمایندگی کران۔ دعا کٔرِو زِ بہٕ روزٕ یتھٕ کِنؠ باقین مسیحؔ ہس متعلق ونان روزان، بہٕ گژھٕ ہیٚکُن دلیری سان کتھ کٔرِتھ تکیازِ مےٚ پزِ یتھے پٲٹھؠ کتھ کرٕنؠ۔21وۅنؠ ییٚلہِ توٚہہِ یہِ پتاہ لگہ زِ مےٚ سٟتؠ کیا چُھ گژھان تہٕ بہٕ کیا چُھس کران، تُخِکسؔ ونہِ توٚہہِ تہِ سورےٕ کینٛہہ یہِ ییٚتہِ گژھان چُھ۔ سُہ چُھ اکھ ایماندار سٲتھی یمِس أسؠ سٲری واریاہ لول چھِ بران، تہٕ سُہ چُھ خداوند یسوعؔ سنٛز وفادٲری سان خدمت کران۔22یہِ چُھ وجہ زِ بہٕ چُھسن سُہ توٚہہِ نِش یہِ چِٹھؠ ہٮ۪تھ سوزان؛ بہٕ چُھس یژھان زِ توٚہؠ زٲنِو زِ أسؠ کِتھؠ چھِ، تہٕ بہٕ چُھس یژھان زِ سُہ دِیہ توٚہہِ تسلی تہٕ کرِ حوصلہٕ افزٲیی۔23بہٕ چُھس دُعا کران زِ خدا سون بب تہٕ خداوند یسوع مسیحؔ دِییہ توٚہہِ سارنےٕ ایماندار سٲتھین اکھ پُر امن جذبہٕ تہٕ بناوِ توٚہہِ اَکھ أکِس سٟتؠ لول برنس تہٕ خدایس پٮ۪ٹھ بھروسہٕ جٲری تھاونس قٲبل۔24بہٕ چُھس دُعا کران زِ خدا روزِ تِمَن تمام لوٗکن پٮ۪ٹھ مہربٲنی سان کٲم کران یِم سٲنِس خداوند یسوع مسیحؔ ہس سٟتؠ ثابت قدمی سان لول چھِ بران۔
Bridge Connectivity Solutions Pvt. Ltd.