گریند5
1یہُوواہنؔ ووٚن موسیٰؔ ہس مذید،2"اسرائیلی لوٗکن ؤنیٚو زِ تِم تھاون تِمن نفرن پننیٚو خٟمو نِشہ دوٗر یمہٕ مینٛدؠ بٮ۪مارِ منٛز مُبتلا آسن یا اگر کُنہ قسمُک پَس نیران آسیٚکھ چاہے مرٕد آسہ یا زٔنؠ، بیٚیہِ سُہ شخص یُس کانٛسہ مُردس اتھٕ لاگنہٕ سٟتؠ ناپاک گٔژھِتھ خدایس قبول آسہ نہٕ۔3تِم لوٗکھ یِمن مٕسلن ہنٛز خوفناک بٮ۪مٲرؠ آسہ یا پَس نیران آسیٚکھ، کٔڑؠ ووکھ پننیٚو خٟمہ گاہو نِشہ دوٗر یُتھنہٕ خٟمہ گاہن ہنٛدِس علاقس منٛز یتہِ بہٕ توٚہہ سٟتؠ روزان چُھس تتہِ کیٚن لوٗکن اتھٕ لاگن تہٕ تِم سپدن میانہِ خٲطرٕ نا پسنٛد۔"4یتھٕ پٲٹھؠ کٔر اسرائیل یو تتھ حکمس پٮ۪ٹھ عمل یُس یہُوواہنؔ موسیٰؔ ہس کۅر۔5یہُوواہنؔ ووٚن موسیٰؔ ہس یتہِ،6"یہ کتھ ؤنیٚو اسرائیلی لوٗکن: 'اگر کانٛہہ شخص کانٛسہِ فردٕ سنٛدؠ گناہ ہیٚوان چُھ، بہٕ چُھس زانان زِ تٔمؠ شخصن کۅر مےٚ پٮ۪ٹھ ظُلم۔7تٔمس شخصس پزِ اقبالِ جُرم کرُن زِ بہٕ چُھس قصوروار، تہٕ أمِس پزِ تمِس شخصس کُن کفارٕ ادا کرُن یمِس سٟتؠ تٔمؠ غلط کۅرمُت آسہ یمہ سٟتؠ سُہ یا سۅ رٲزؠ سپدیس تہِ پزیٚس تس ادا کرُن، اکھتُے پزیٚس تمہِ نشہٕ وُہہ فیصد رقم زیادٕ ادا کرُن۔8اگر سُہ شخص یمِس ظلُم کرنہٕ آمُت آسہ فوت سپدِ تہٕ کانٛہہ وٲرث آسیٚس نہٕ یس سُہ رقم دمہٕ ہو، سُہ رقم چُھ میٚون تہٕ گژھِ کاہنن حوالہٕ یُن کرنہٕ۔ امہِ علاوٕ چُھ تٔمس یمؠ غلط کۅرمُت آسہ اکھ کٹھ قربٲنی خٲطرٕ کاہنن دیٚون تاکہِ تمِس شخصہٕ سنٛدؠ گناہ سپدن معاف۔9تِم تمام مقدس نذرانہٕ یِم اسرائیلی لوٗکھ کاہنن دِتھ مےٚ پیش کران چھِ، تِم چھِ کاہنن ہنٛدؠ10کاہن ہیٚکن تِمہ تحفہٕ پانس تھٲوِتھ۔"11یہُوواہنؔ ووٚن موسیٰؔ ہس یتہِ:12"یہ کتھ وَن اسرائیلی لوٗکن، فرض کرو اگر کانٛسہِ مردس یہ باسان آسہ زِ میانؠ خاندارِنؠ چھنہٕ ہمیشہ مےٚ سٟتی شونٛگِتھ وفادٲری نباوان۔13فرض کرو تمِس آسہ باسان زِ سۅ چھےٚ کانٛسہ دوٚیمِس نفرس نِش شونٛجمٕژ مگر یہ آسیٚس نہٕ خبر زِ یہ چھا پوٚز کِنہٕ نہ تکیازِ تٔمؠ آسہ نہٕ سۅ یہ کران وُچھمٕژ۔ سۅ آسہ نہٕ یہ کران رٹنہٕ آمٕژ تہٕ نہ ہیٚکو یہ حقیقت ثٲبت کٔرِتھ زِ امہِ چھےٚ پننِس خاندارس سٟتؠ بےوفٲیی کٔرمٕژ تکیازِ سۅ وُچھ نہٕ کٲنسہِ یہ کران۔14وۅنؠ اگر أمِس زنہِ ہُنٛد خاندار باغٲرت آسہ تہٕ شک آسیٚس امہِ چُھ غلط کۅرمُت، تہٕ سُہ آسہ زانُن یژھان یہ چھا پوٚز کِنہٕ اپُز، تمِس ننہِ یتھٕ پٲٹھؠ زِ یہ چھےٚ مٔکٕر سپٕزمٕژ۔15یہ پرکھاونہٕ خٲطرٕ زِ آیا امہِ چھا ناجایز کۅرمُت نِین سُہ پنٕنؠ گرٕواجِنؠ کاہنس نِش۔ تمِس پزن نیازٕ باپتھ کٕنکہٕ آٹِکؠ زٕ کِلو نِنؠ ۔ کاہنس پزِ نہٕ اتھ پٮ۪ٹھ نہ زیتون تیٖل تراوُن تہٕ نہ لُبان تھاوُن تکیازِ یہ چُھ سُہ نذرانہٕ یُس أمؠ نفرن امہِ حسدٕ مۅکھٕ اوٚنمُت چُھ زِ أمِس گژھِ امہِ نذرانہٕ سٟتؠ ننُن زِ سۅ چھا قصور وار کنہٕ نہ۔16کاہن انہِ پتہٕ أمِس زنہِ تہٕ ونیٚس مےٚ تھی روز یتھ قربان گاہَس برُونٛہہ کنہِ کھڑا۔17سُہ تراوِ کتریٚو بانس منٛز مقدس آب تہٕ پتہٕ تُلہِ مقدس خٟمہ کہ فرشہٕ پٮ۪ٹھٕ کینٛہہ میٚژ تہٕ تراوِ اتھ آبس منٛز۔18سُہ مُژراوِ أمِس زنہِ ہُنٛد مَس۔ پتہٕ دییہِ سُہ تمِس اتھس منٛز نیازُک اوٹ یُس تمسنٛدؠ غٲرت منٛد خاندار یہ نٔنراونہٕ باپتھ پیش کران چُھ زِ امہِ چھا غلط کۅرمُت کِنہ نہ۔ کاہن رٹہِ اتھس کیٚتھ اکھ پیالہٕ یتھ منٛز ٹیٚوٹھ آب آسہ یمہِ سٟتؠ سۅ زٔنؠ لانتی ثٲبت سپدِ اگر سۅ قصور وار آسہ۔19کاہنس پزِ سۅ قسم کھیٲوِتھ اعلان کرناوٕنؠ زِ ونہِ پۅز۔ تس چُھ تمِس ضروری ونُن، "کیاہ ژےٚ سٟتؠ شونٛگا بیٚیہِ کانٛہہ وۅپر نفر؟ کیاہ ژٕ شونٛجہ کھا ایماندٲری سان صرف پننِس خاندارس سٟتؠ کِنہٕ نہ؟ اگر ژٕ کانٛسہِ دویٚمِس نفرس نِش شونٛجمٕژ چھیٚکھ نہٕ تیٚلہ اگر ژٕ یہ آب چیٚکھ ژےٚ گٔژھی نہٕ کِہین۔20وۅنؠ اگر ژٕ کانٛسہِ دویمِس نفرس نِش شونٛجمٕژ آسکھ تہٕ یہُوواہؔ وٲلی ژےٚ لانتھ۔21اتھ وقتس پٮ۪ٹھ پزِ کاہنن یہِ ؤنِتھ زنانہِ حلف تلُن، "لوٗکن لگہ پتاہ زِ یہُوواہؔ سنٛز لعنت چھےٚ توٚہہِ پٮ۪ٹھ ییٚلہِ سُہ توٚہہِ بانجھ بناوان چُھ، یمہِ سٟتؠ تُہنٛد حمل چُھ پھُٹان۔ یمہِ سٟتؠ چٲنؠ بچہٕ دٲنؠ ژمہِ تہٕ چٲنؠ یڈ ہُنہِ۔ ژےٚ ہیٚکہٕ نےَ نہٕ زانٛہہ تہِ شُرؠ زیٚتھ امیُک نتیجہ نیرِ یہ زِ ژےٚ ٲسی پرٛتھ اکھ بددُعا دِوان تہٕ ژےٚ نِش آسن دوٗر ژلان۔ اگر ژٕ کانٛسہِ نِش شونٛجمٕژ ٲسٕکھ، تہٕ پتہٕ یہ آب چیٚکھ ژےٚ سٟتؠ سپدِ ضرور یہ۔ امہِ پتہٕ پزِ زنہِ جواب دیُن، "اگر بہٕ مجرم آسہٕ، تہٕ مےٚ سٟتؠ سپدِ یہ مےٚ چُھنہٕ تیٚلہ اعتراض۔23پتہٕ پزن کاہنس أکس لۅکٹِس کاغذس پٮ۪ٹھ میٖلہِ سٟتؠ یمہٕ لانتہٕ لیٚکھنہِ تہٕ پتہٕ یہ میٖل اتھ ٹیٚٹھِس آبس منٛز چھلٕنؠ۔24پتہٕ گژھِ کاہن أمِس نِشہ کٕنکہٕ اوٹ رٹُن یُس تمِس نِش آسان چُھ تہٕ تمِس پزِ سُہ مےٚ نذر کرنہٕ باپتھ تلُن تہٕ قربان گاہس پٮ۪ٹھ تراوُن۔26تہٕ امیُک کینٛہہ حصہٕ قربانی رنٛگؠ زالُن۔ پتہٕ پزِ أمِس زنہِ یہ ٹیٚوٹھ آب چیٚون۔27اگر امہِ زنہِ پننِس خاندارس سٟتؠ وفادٲری سان شونٛگنہٕ بجایہ ناجایز کۅرمُت آسہ تیٚلہ واتہِ امہ آبہٕ سٟتؠ تمِس واریاہ تکلیف۔ تمؠ سنٛزِ یٔڈ کھسہِ پُھۅکھ تہٕ بچہٕ دٲنؠ ژمیٚس۔ سۅ روزِ نہٕ بچہٕ دِنس قٲبل۔ تہٕ پتہٕ آسن تس پنٕنؠ رشتہٕ دار لانت ملامت کران۔28وۅنؠ اگر سۅ بے قصور آسہ تیٚلہ واتہ نہٕ تٔمسنٛدِس جسمَس کانٛہہ نقصان تہٕ سۅ ہیٚکہِ پتہٕ بچن تہِ زایُن دِتھ۔29یہ چھےٚ سۅ رسٕم یۅسہ تمہِ وزِ ورتاونہٕ ییہِ ییٚلہِ کانٛہہ نیترٕ واجِنؠ زٔنؠ بدکٲری ہُنٛد گناہ کرِ،30یا ییٚلہ کانٛسہِ مردس حسد وۅتھِ تہٕ شک پٲدٕ گژھیٚس زِ تمؠ سنٛز خاندارنؠ چھےٚ کانٛسہِ نِش شونٛجمٕژ۔ کاہنس پزِ تمِس زنہِ ونُن زِ میانہِ موجودگی منٛز روز قربان گاہس پٮ۪ٹھ کھڑا تہٕ کرِ تِمن ہدایہ تن پٮ۪ٹھ عمل۔31حطاکہِ اگر نہٕ تٔمہِ زنہِ سۅ غلط کٲم کٔرمٕژ آسہ یتھ پٮ۪ٹھ تمسنٛدس خاندارس شک گمُت آسہ تیٚلہ تہِ ییہِ نہٕ تمِس کانٛہہ سزا دنہٕ اگر تٔمؠ پنٕنؠ خاندارِنؠ امہ باپتھ کاہنس نشہٕ نیٚیہ۔ وۅنؠ اگر تمؠ سنٛز خاندارِنؠ قصوروار ٲس تیٚلہ ییہِ تمِس امیُک سزا دِنہٕ۔"
Bridge Connectivity Solutions Pvt. Ltd.