گریند4
1پتہٕ ووٚن یہُوواہنؔ موسیٰؔ تہٕ ہارونسؔ مزید،2تِمن نفرن ہنٛدؠ ناو لیٚکھیٚو یِم قہاتؔ قبیلس سٟتؠ تعلُقق چھِ تھاوان۔3تِمن نفرن ہنٛدؠ ناو لیٚکھیٚو یہنٛز وانٛس 30 پٮ۪ٹھ 50 وری تام آسہ۔ یِم آسن تِم نفر یِم مقدس خٟمس منٛز کٲم کرن۔4قہاتؔ کیٚن یِمن نفرن ہنٛز کٲم ٲس تِمن مقدس چیزن ہنٛز رٲچھ راوٕٹ کرٕنؠ یمہٕ مقدس خٟمس منٛز عبادت کرنہٕ وزِ استعمال سپدان ٲسؠ۔5ییٚلہ توٚہؠ اسرائیل لٕکؠ کُنہِ دوٚیمہ جایہ گٔژھیٚو، ہارونؔ تہٕ تمسنٛدیٚن نیٚچوٮ۪ن پزِ خٟمس منٛز اژُن تاکہ تِم والن سُہ پردٕ یُس مقدس خٟمس منٛز مقدس مقام مقدس جایہ نِشہ الگ چُھ کران۔6پتہٕ کرن تمہٕ تتھ اصل چمبرو غلاف۔ تمہ پتہٕ ولنس سبٕز رنٛگُک کپُر۔ تہٕ تُلنہٕ باپتھ برَن لکٕرِ ہنٛدؠ تھمب صندوق کیٚن کُنٛڈن منٛز۔7پتہٕ تراون میزس پٮ۪ٹھ سبٕز رنٛگُک کپُر یتھ پٮ۪ٹھ کاہن خدایس برُونٛہہ کنہِ ژۅٹ تھاون۔ کپر ژادرِ پٮ۪ٹھ تھاوَن مُشکہٕ دٲنؠ، تٲو، باقی بانہٕ، شرابہٕ باپتھ نارِ یُس نیازٕ رنٛگؠ پیش سپدِ تہٕ مقدس ژۅٹ۔8اتھ سٲرسےٕ پٮ۪ٹھ تراون تِم ضروری اکھ ۅزٕج کپر ژادر۔ تہٕ ٲخرس کرن اتھ نفیس چمبرو بناونہٕ آمٕژ غلاف۔ پتہٕ پزنَکھ میزس کونن پٮ۪ٹھ پکناونہٕ باپتھ کُنڈٕ لاگٕنؠ۔9پتہٕ انَن سبٕز رنٛگٕچ بیاکھ کپَر ژادر سۅ ولن شمعدانن، ژانٛگیٚن، سوئتن، مجمن تہٕ ژانٛگین زالنہٕ باپتھ زیتون تیٖلہٕ کیٚن خاص بانن۔10تِم ولن ژٲنگؠ تارن تہٕ باقی تمام چیزن اصل چمبرو بستو سٟتؠ۔ تِمن پزن یم تمام چیز پکناونہٕ باپتھ أکِس چۅکاٹھس تھاونؠ۔11پتہٕ تھاون تِم سۅنہٕ سنٛزِ تتھ قربان جایہ پٮ۪ٹھ تہِ اکھ نیج کپر ژادر ضرور یۅسہ مُشِک زالنہٕ باپتھ استعمال سپدان چھےٚ۔ تتھ پٮ۪ٹھٕ تراون پتہٕ چمبرس بناونہٕ آمٕژ اکھ نفیس غلافہِ ہٕن۔ پتہٕ لاگن قربان گاہ کیٚن کریٚن منٛز سۅ پکناونہٕ باپتھ ڈنٛڈٕ۔12تِم تھاون دوٚیم تمام چیز یمہ مقدس خٟمس انٛدر چھِ نیٖلِس کپرس ؤلِتھ تہٕ چمبرو زٲوجہِ بستہِ بناونہٕ آمژِ غلافہِ منٛز تہٕ یم چیز ننہٕ خٲطرٕ تھاون أکِس چۅکاٹھس پٮ۪ٹھ۔13پتہٕ ڈُون قربان گہَس سُہ سوٗر یُس تِمو بُزٕمژو قربٲنیٚو سٟتؠ تروٕمُت اوس۔ پتہٕ ولن سۅ قربان گاہ وانٛگٕنؠ رنگہٕ کپرٕ سٟتؠ۔14پتہٕ تراون تِم قربان گاہٕکؠ تمام چیز تتھ کپر ژادرِ پٮ۪ٹھ وہرِتھ۔ یعنی تٔتؠ ینٛگر پکناونہٕ باپتھ لیٚجہ، ماز کھنٕکؠ کانٛٹہٕ، بیلچہٕ، تِم پیالہٕ یمن منٛز لوٗکن چھکنہٕ باپتھ خوٗن چُھ رٹنہٕ یوان تہٕ باقی تمام بانہٕ بٹھٕ۔ پتہٕ تھاون یِم سٲری چیز زٲولِس چمبرس بناونہٕ آمژن نفیس غلافن ؤلِتھ۔ امہِ پتہٕ پزنکھ یہ پکناونہٕ باپتھ قربان گاہ کیٚن انٛدن پٮ۪ٹھ کریٚن منز ڈنٛڈٕ لاگٕنؠ۔15ییٚلہ ہارون تہٕ تمسنٛدؠ اولاد یمہ سٲری چیز بنٛد کٔرِتھ مۅکلاون تہٕ اسرائیل لٕکؠ لوٗکھ اکِس نیٚیہ جایہ گژھنہٕ خٲطرٕ تیار سپدن۔ قہاتؔ سنٛدین اولادن پزِ یُن تہٕ سری مقدس چیز بییِس جایہ واتناونؠ۔ مگر قہاتؔ قبیلہٕ کیٚن اولادن پزِنہٕ کُنہِ تہِ مقدس چیزس اتھٕ لاگُن، تکیازِ اگر تِم تتھ اتھٕ لاگن تِم مرن تٔتی۔ یِم چھِ تمہٕ یمہ یمن چیزن پکنٲوِتھ ہیٛکن مگر اتھٕ ہیٚکن نہٕ لٲگِتھ۔16ہارونؔ سنٛدِس نیٚچوِس الِیعزرؔس اتھِ آسہ ژانگیٚو باپتھ زیتون تیٖل، مُشکہٕ دانہِ، قربان گاہَس پٮ۪ٹھ پرٛتھ دوٚہہ زالن وول اوٹ تہٕ کاہنن مسح کرنہٕ باپتھ زیتون تیٖل۔ الِیعزرؔ چُھ سُہ یُس مقدس خٟمس منٛز سپدن واجنیٚن کامیٚن ہنٛز نگرٲنی کرِ تہٕ یہےَ چُھ سُہ نفر یُس تتہِ پرٛتھ چیزُک نگران آسہ۔17پتہٕ ووٚن یہُوواہنؔ ہارونس تہٕ موسیٰؔ ہس مزید،18ییٚلہ قہاتؔ سنٛدؠ اولاد مقدس خٟمس منٛز موجود مقدس چیز کُنہ دوٚیمہ جایہ ننہٕ خٲطرِ واتن، ہارون تہٕ تمسنٛدیٚن اولادن پزِ ہمیشہٕ تِمن نشہٕ واتُن۔ تِمن نشہٕ گٔژھتھ تِمو منٛزٕ پرٛتھ اکِس ونُن زِ کۅسہٕ کٲم چھےٚ کرنؠ تہٕ کٕمہ چیٖز چھِ نِنؠ۔ مگر قہاتؔ کیٚن اولادن پزِنہٕ بیٚیہِ کُنہِ وزِ مقدس خٟمس منٛز اژُن تہٕ تتہِ موجود چیز وُچِھنؠ۔ اگر تِم یہ کرن تہٕ بہٕ تُلناوٕ تیٚلہ قہات کہ تمام قبیلہٕ نشہٕ تھف۔21یہُوواہنؔ ووٚن موسیٰؔ ہس یتہِ زِ،22تِمن سانی نفرن ہنٛدؠ ناو لیٚکھیٚو یِم جیرسونؔ قبیلس سٟتؠ تعلق چھِ تھاوان۔23تِمن مردن ہنٛدؠ ناو کٔریٚو درج یِمن ہنٛز ترٛہیٚیہ پٮ۪ٹھٕ پنٛژاہ وری تام چھےٚ۔ یمے آسن تِمہ نفر یمہٕ مقدس خٟمس پٮ۪ٹھ کٲم کرن۔24یہ چھےٚ سۅ کٲم یۅسہ تِمن ضروری کرٕنؠ چھےٚ تہٕ ییٚلہ کُنہِ نوِ جایہ گژھن یم چیز پکہٕ ناون ضروری پانس سٟتؠ:25تِم تُلن مقدس خٟمٕکؠ پردٕ۔ تِم تُلن مقدس خٟمہٕ تہٕ تِم سٲری چیز یمو سٟتؠ سُہ ولنہٕ یوان چُھ۔ یتھ منٛز نفیس چمبرٕ سٟتؠ بناونہٕ آمٕژ نیٚبرِم غلاف تہٕ سُہ پردٕ یُس مقدس خٟمہ کِس دروازس پٮ۪ٹھ چُھ۔26تمہٕ پردٕ تہِ تُلن یمہٕ صحنس منٛز مقدس خٟمس تہٕ قربان گاہَس انٛدؠ انٛدؠ دیوار بنٛدی لگان چھِ تہٕ سُہ پردٕ تہِ یُس صحنچہِ برٕنؠ پٮ۪ٹھ چُھ، بیٚیہِ تُلن تِمہ رزٕ یمو سٟتؠ پردٕ گنٛڈنہٕ یوان چھِ۔ تِم گنٛڈن تہٕ برن یہ سورےٕ سامانہٕ پانہ۔27ہارونؔ تہٕ تمسنٛدؠ نیٚچوؠ کرن جیرشومؔ سنٛدین سارنی اولادن ہنٛزِ کامہ ہنٛز نگرٲنی۔ یتھ منٛز یمہٕ چیز پکناوٕنؠ تہٕ یمہٕ پکناونس منٛز ضروری شٲمل چھےٚ۔ تِم ونن جیرشومؔ سنٛدین اولادو منٛزٕ پرٮ۪تھ أکِس زِ کَس کُس چیز چُھ پکناوُن لٲزمی۔28یِم چھےٚ تِمہ کامہ یمہٕ توٚہہ تِمن نفرن دِنہ چھےٚ یمہٕ خیرشوم قبیلس سٟتؠ تعلق تھاوان چھِ۔ ہارونؔ سُنٛد نیٚچو اِتمرؔ چُھ سُہ یُس تہنٛز کامہِ نگرٲنی کرِ۔29مراریؔ قبیلٕکؠ نفر تہِ گنٛزرٲؠ ووکھ۔30تِمن مردن ہنٛدؠ ناو کٔریٚو درج یمن ہنٛز وانٛس ترٛیہیہِ پٮ۪ٹھٕ پنٛژاہن ورؠ ین درمیان چھےٚ۔ یمہٕ آسن تِمہ مرد یمہٕ مقدس خٟمس منٛز تہِ کٲم کرن۔31تِمن ہنٛز کٲم آسہ تِم چۅکاٹھ تُلٕنؠ یِمن پٮ۪ٹھ مقدس خٟمہٕ دٔرِتھ چُھ، تٔمچہِ پھلیہِ کرِ تِمہ کٔرؠ یمن پٮ۪ٹھ پردٕ دٔرِتھ چھِ تہٕ بیٚیہِ کھوٗرؠ۔32تِمن چھِ تِمن پردن ہنٛدؠ ڈکھ تہِ تُلٕنؠ یِمو سٟتؠ صحنس منٛز دیوار بنٛدی سپدان چھےٚ، تہنٛدؠ کھوٗرؠ خٟمو خٲطرٕ چِل تہٕ پردٕ گنٛڈنہٕ خٲطرٕ رزٕ تہٕ سٟتؠ تُلنہِ۔ پرٛتھ کانٛسہِ نفرس چُھ ونُن زِ کس کُس چیز چُھ تلُن۔33یمہٕ چھےٚ تِمہ کامہِ یمہٕ مراریؔ قبیلہٕ کیٚن مقدس خٟمس منٛز کرنہِ چھےٚ۔ ہارونؔ سُنٛد نیٚچو اِتمرؔ چُھ سُہ یُس یہنٛز نگرٲنی کرِ۔"34چونکہِ ہارونؔ، موسیٰؔ تہٕ اسرائیلی زِٹھیٚو گنٛزرٲوؠ قہاتؔ زٲژ ہنٛدؠ تہٕ تہنٛدیٚن قبیلن تہٕ خاندٲنؠ گرانن ہنٛدؠ ناو تہِ کٔرِکھ درٕج۔35تِمو گنٛزرٲوؠ تِمہ سٲری نفر یہنٛز وانٛس ترٛیہیہِ پٮ۪ٹھٕ پنٛژاہن ؤرین درمیان ٲس تہٕ مقدس خٟمس منٛز کٲم کرنَس قٲبل ٲسؠ۔36کُل ٲسؠ زٕ ساس ستھ ہتھ تہٕ پنٛژاہ نفر۔37تمہٕ ٲسؠ قہات سنٛدیو زُریٚو منٛزٕ یمہٕ مقدس خٟمس منٛز کٲم کرنس لایکھ ٲسؠ۔ ہارونؔن تہٕ موسیٰؔ ہن کۅر تِہُنٛد شُمار تِتھے پٲٹھؠ یتھ کنؠ خداوندن موسیٰؔ ہس حکم دیُتمت اوس۔38تِمو گنٛزرٲوؠ جیرسون زٲژ ہنٛدؠ نفر تہِ تہٕ تِہنٛدین قبیلن تہٕ خاندٲنؠ ونٛڈن ہنٛدؠ ناو تہِ کٔرِکھ درٕج۔39تِمو گنٛزرٲوؠ تِم سٲری نفر یہنٛز وانٛس ترٛیہیہِ پٮ۪ٹھٕ پنٛژاہن ؤرین تام ٲس، یم مقدس خٟمس منٛز کٲم کرنَس قٲبل ٲسؠ۔40لٲوین ہُنٛد کُل تعداد اوس زٕ ساس شےٚ ہتھ ترٕ۔41تِمہ چھِ جیرسون قبیلٕکؠ یمہٕ مقدس خٟمس منٛز کٲم کرٕنؠ لایکھ چھِ۔ ہاروننؔ تہٕ موسیٰؔ ہن کٔرؠ تِم تِتھے کِنؠ شمار یتھٕ کنؠ تِمن یہُوواہنؔ حکم دیُتمت اوس۔42تِمو کٔر مراریؔ نسلٕکیٚن تہِ گرٛینٛد تہٕ تِہنٛدین قبیلن تہٕ خاندٲنؠ ونٛڈن ہنٛدؠ ناو تہِ کٔرِکھ درٕج۔43تِمو گنٛزرٲوؠ تِم سٲری نفر یہنٛز وانٛس ترٛیہیہِ پٮ۪ٹھٕ پنٛژاہن ؤرین تام ٲس، یم مقدس خٟمس منٛز کٲم کرنَس قٲبل ٲسؠ۔44تِہُنٛد کُل تعداد اوس ترےٚ ساس زٕ ہتھ نفر۔45تِم ٲسؠ مراری زٲژ ہنٛدؠ یِم کٲم کرنس لایکھ ٲسؠ۔ ہارونؔن تہٕ موسیٰؔ ہن کۅر تِہُنٛد شُمار تہِ تِتھے پٲٹھؠ یتھ کنؠ یہُوواہنؔ موسیٰؔ ہس حکم کۅرمُت اوس۔46یتھٕ کنؠ کٔرؠ ہاروننؔ، موسیٰؔ ہن تہٕ اسرائیلی زِٹھیٚو تمام لاوی شمار تہٕ یہنٛدیٚو قبیلو تہٕ خاندٲنؠ کُمبو حسابہٕ کٔرِکھ درِج۔47تِمو گنٛزرٲوؠ تِم سٲری نفر یہنٛز وانٛس ترٛیہیہِ پٮ۪ٹھٕ پنٛژاہن ؤرین تام ٲس یمہٕ ٲسؠ تِم لوٗکھ یمہٕ مقدس خٟمس منٛز کٲم کرٕنؠ لایکھ ٲسؠ تہٕ یمہٕ خٟمہٕ تہٕ اتھ سٟتؠ مُنسلِک پرٛتھ اکھ چیز پکناوان ٲسؠ۔48یِمن ہُنٛد کُل تعداد اوس ٲٹھ ساس پانٛژھ ہتھ شیتھ نفر۔49یمو کٔر لاوین ہنٛدین سارنی قبیلن ہنٛز گرینٛد مکمل یتھٕ کنؠ زن موسیٰؔ ہس یہُوواہنؔ فرموٕمُت اوس۔ تہٕ تِمو ؤنؠ پرٛتھ أکِس فردس پنٕنؠ پنٕنؠ کٲم زِ کٔمِس کۅسہٕ کٲم چھےٚ مٹہِ تہٕ کٔمس کیاہ چُھ تلُن ییٚلہ تِمن کُنہِ نوِ جایہ گژھن آسہ۔
Bridge Connectivity Solutions Pvt. Ltd.