گریند6
1یہُوواہنؔ ووٚن موسیٰؔ ہس یتہِ:2"یہ کتھ ونیٚو اسرائیلی لوٗکن: اگر توٚہہِ منٛزٕ کانٛہہ یمن ہدایِتن پٮ۪ٹھ عمل کرنہٕ پتہٕ پنُن پان اکہ خاص طریقہ میانہِ باپتھ وقف کرنُک پۅختہٕ عہد کرُن یژھِ۔ تس ییہِ نذیر وننہٕ، تمیُک مطلب گو اکھ وقف شخص۔3تٔمس چُھنہٕ دچھِ رس چیٚون تہٕ نہ پزیٚس دچھ تہٕ کِشمِش کھیٚنؠ ۔4ییٚلہ توٚہؠ نذیر بٔنیٚو توٚہہِ پزِنہٕ دچھِ بیلِس نیرن وول کانٛہہ تہٕ چیز کھیٚون، چاہے سُہ دٮ۪ل آسہ یا بیول۔5 حالانکہ تُہنٛد مُوے تام ییہِ میانہٕ باپتھ وقف کرنہٕ ییٚلہِ توٚہؠ نذیر ٲسیٚو، لہٰذا دی زیٚو نہٕ توٚہؠ بلیڈٕ سٟتؠ کانٛسہِ پنُن مَس تہِ کاسنہٕ۔ یۅتام نہٕ مےٚ سٟتؠ تُہنٛد کۅرمُت وقف سپدنُک پۅختہٕ وعدہ پورٕ سپدِ، توٚہہِ پزِ پننِس مستس زیٹھنہٕ دیُن۔6تہٕ یۅتام توٚہؠ نذیر چُھو تۅتام مہٕ گٔژھیٚو مۅردن نزدیک۔7اگر زن یہ مۅردٕ تُہنٛد مول، تُہنٛز موج، تُہنٛد بوے یا تُہنٛز بیٚنہٕ تہِ آسہ۔ تمہِ باوجود تہِ ہکیٚو نہٕ توٚہؠ میتَس نزدیک گٔژھِتھ پنُن پان مےٚ نِش ناقٲبلِ قبول بنٲوِتھ۔ تُہنٛد زیُٹھ مَس آسہ یہ باوتھ کران زِ توٚہؠ چُھو اکہِ خاص طریقہ مےٚ سٟتؠ مُنسلِک، لہٰذا پزِ توٚہہِ تی کرُن یمیُک پۅختہٕ وعدہ توٚہہِ کۅرمُت چُھ تہٕ پنُن مَس مہٕ کاسہٕ نٲیو۔8توٚہہِ پزِ ہمیشہٕ أتھؠ کامہِ سٟتؠ روزُن زِ توٚہؠ چُھو اکہِ خاص طریقہٕ مےٚ سٟتؠ وقف سپدؠ مٕتؠ۔9اگر توٚہہِ برُونٛہہ کنہِ اچانک کانٛہہ مرِ تہٕ تُہنٛد مس یُس توٚہہِ میانہٕ خٲطرٕ وقف کۅرمُت چُھ روزنہٕ پتہٕ مقدس۔ لہٰذا پزِ توٚہہِ ستن دوٚہُن پرارنہٕ پتہٕ سُہ کٲسِتھ ژھنُن۔ پتہٕ چھےٚ توٚہہِ اکھ خاص رسٕم انجام دِنؠ یُتھ توٚہؠ بیٚیہِ میانہٕ خٲطرٕ قٲبلِ قبول بٔنیٚو۔10لاشہِ ہنٛدِ ناپاک گژھنہٕ پتہٕ ٲٹھمہِ دوٚہہ چُھو توٚہہِ زٕ قُمرؠ یا زٕ کوتر مقدس خٟمہ کِس دروازس پٮ۪ٹھ کاہنس نِش انٕنؠ۔11کاہنس پزن تِم زٕ جانور مٲرِتھ قربٲنی رنگؠ پیش کرٕنؠ۔ یمو منٛزٕ اکھ تُہنٛدؠ گناہ چھلنہٕ باپتھ قربانی آسہ تہٕ بیاکھ ییہِ مےٚ خوش کرنہٕ باپتھ پوٗرٕ پٲٹھؠ بُزنہٕ۔ کاہن سنٛدِ قربان گاہس پٮ۪ٹھ بُزنہٕ پتہٕ کرٕ بہٕ توٚہہِ أکِس میتَس برُونٛہہ کُن یُن معاف، تہٕ ییٚلہِ تُہنٛد مس دُبارٕ زیٹھِ تہٕ سُہ گژھِ بیٚیہِ میانہِ ناوٕ وقف۔12پتمہِ لٹہِ ییتِس وقتس توٚہؠ میانہِ خٲطرٕ الگ ٲسیٚو سُہ ییہِ نہٕ مُجرا، تکیازِ ییٚلہ توٚہؠ نذیر ٲسیٚو تہٕ اکِس مۅردس برُونٛہہ کُن یتھ گو توٚہؠ میانہِ خٲطرٕ ناقٲبلِ قبول۔ لہٰذا چُھ توٚہہِ دُبارٕ اکھ پۅختہٕ وعدہ کرُن زِتوٚہؠ کٔریٚو پنُن پان امہِ پورٕ وقتہٕ باپتھ میانہِ خٲطرٕ وقف یور کُن توٚہہِ پتمہِ لٹہِ اشارٕ کۅرمُت چُھو۔ تہٕ توٚہہِ پزِ پنٕنؠ گناہ دور کرنہٕ خٲطرٕ وٲرشنِس برٕ سنٛز قربٲنی تہِ دِنؠ۔13ییٚلہ سُہ وقت انٛد واتہِ یُس توٚہہِ مےٚ سٟتؠ وقف کرنُک عہد کۅرمُت چُھو ادٕ گٔژھؠ زیٚو مقدس خٟمہٕ کِس دروازس پٮ۪ٹھ،14تہٕ کٔرؠ زیٚو میانہٕ ناوٕ تریٚن جانورن ہنٛز قربٲنی پیش یمن نہٕ کانٛہہ عٲب آسہ۔ قربٲنی خٲطرٕ اکھ وٲرشُن برٕ یُس پوٗرٕ پٲٹھؠ بُزنہٕ ییہِ، وٲرشِنؠ گٔب یۅسہ گناہ دوٗر کرنہٕ باپتھ قربان سپدِ تہٕ میانؠ رفاقت بحال کرنہٕ باپتھ گژھِ اکھ بوٚڈ کٹھ قربان یُن کرنہٕ۔15ییٚلہِ توٚہؠ یمہٕ جانور أنووکھ تہٕ توٚہؠ أنؠ زیٚو قربٲنی باپتھ کینٛہہ مےَ تہِ۔ تہٕ بیٚیہِ أنؠ زیٚو اکھ ژۅچہٕ ٹوکٕر یمہٕ توٚہہِ نفیس آٹہِ تہٕ زیتون تیٖلہٕ سٟتؠ بناومژٕ آسن۔ مگر ژۅچہ گژھِ نہٕ کانٛہہ خمیر تراونہٕ یِنؠ۔ امہِ علاوٕ گژھَن زیتون تیٖل مٔتھتھ زٲولؠ پیالہٕ کاہنن نِش واتٕنؠ۔16کاہن تھاوِ کٹہٕ برٕ تہٕ گٔب قربان گاہس پٮ۪ٹھ تہٕ بُزیکھ پوٗرٕ پٲٹھؠ تاکہ خوش گٔژھتھ کرو بہٕ توٚہہ معاف۔17پتہٕ کرِ سُہ میانؠ رفاقت حٲصِل کرنہٕ باپتھ بوٚڈ ہیٚو کٹھ قربان تہٕ تِم سارے ژۅچہِ، اوٹ تہٕ شراب زالہِ قربان گاہس پٮ۪ٹھ۔18تمہِ پتہٕ گٔژھیٚو توٚہؠ مقدس خٟمہ کِس دروازس پٮ۪ٹھ تہٕ کٲسیٚو پنُن مس۔ پتہٕ ترٲیو سُہ مس تتھ نارس منٛز یُس قربٲنی ہنٛدِس تس جانورس تل آسہ یُس قربان گاہس پٮ۪ٹھ قربان کرنہٕ چُھ آمُت، تاکہ میانؠ رفاقت سپدیٚو حٲصِل۔19کٹہٕ سنٛدِ کنٛگویُک ماز گژھِ پتہٕ سیٚونہٕ یُن۔ تیار گٔژھِتھ تھاوِ کاہن تتھ اکِس خوشک ژۅچہِ منٛز تہٕ بیٚیہِ تھاویس زیتون تیٖل مٔتھِتھ بیاکھ ژۅٹ تہٕ تھاوِ تُہنٛدین اتھن کیٚتھ۔20پتہٕ نیٚیہ کاہن تتھ بیٚیہِ واپس تہٕ رٹہِ مےٚ پیش کرنہٕ باپتھ تھوٚد۔ وۅنؠ چھِ تِم کاہنن ہنٛدؠ، تہٕ وۅنؠ چُھ تِمن کٹہٕ سنٛدِ کنٛگوِ، کانہِ تہٕ رانہِ ہُنٛد کینٛہہ ماز کھیٚنُک اجازت، تکیازِ سُہ ماز چُھ قربٲنیہ منٛزٕ تمسُنٛد حصہٕ۔ امہِ پتہٕ ٲسیٚو نہٕ توٚہؠ نذیر، تہٕ توٚہہِ ییہِ دُبارٕ شراب چیٚنُک اجازت دِنہٕ۔21یمہٕ چھِ تِمن نذرانن ہنٛدؠ ظٲبطٕ یِم نذیرو میانہ باپتھ وقف سپدنکہ وقتہٕ اختتام کرنہٕ باپتھ مےٚ سٟتؠ کٔرؠ۔ تِمن پزن یمہٕ نذرانہٕ انٕن، وۅنؠ اگر تِم یژھن تِم ہیٚکن مذید قربٲنیہِ تہِ انِتھ۔ تہٕ تِمن پزِ تہِ سورےٕ کرُن یمیُک تِمو تمہِ وزِ مکمل وعدہ کۅرمُت چُھ ییٚلہ تِمو پنُن پان میانہِ باپتھ وقف کۅر۔22یہُوواہنؔ ووٚن موسیٰؔ ہس مزید،23"ہارون تہٕ تمسنٛدین نیٚچوٮ۪ن ونیٚو زِ ییٚلہ تمہ مےٚ لوٗکن دُعا کرنہٕ خٲطرٕ ونن، تِم ونن ضرور،24یہُوواہؔ کٔرؠ نو برکت،تہٕ بیٚیہِ کٔرؠ نو رٲچھ۔25سُہ روزنؠ توٚہہِ پٮ۪ٹھ خوش،تہٕ توٚہہِ پٮ۪ٹھ روزِنؠ مہربان۔26توٚہہِ سٟتؠ کٔرِنؠ رُت برتاو،تہٕ تُہنٛدِ خٲطرٕ روزِنؠ جان27پتہٕ ووٚن یہُوواہنؔ، "اگر ہارونؔ تہٕ تمسنٛدؠ نیٚچوؠ مےٚ اسرائیلی لوٗکن خٲطرٕ برکت دنہٕ باپتھ ونن، تہٕ بہٕ کرٕ تِمن پٔزؠ پٲٹھؠ برکت عطا۔"
Bridge Connectivity Solutions Pvt. Ltd.