گریند36
1منسیؔ قبیلہٕ کہِ جلعادؔ خاندانٕکؠ قٲید، مکِیر سُنٛد اولاو گےَ اکہِ دوٚہہ موسیٰؔ ہَس تہٕ اسرائیلی قومہٕ کیٚن باقی خاندانہٕ کیٚن قٲیِدن نِش۔2تِمو ووٚن موسیٰؔ ہس، "سانہِ سردار، یہُوواہنؔ دِتُےٕ ژےٚ حکم زِ سۅ زمین دِیو اسرائیلی قبیلن منٛز چیٖرِ ترٲوِتھ بٲگرِتھ تاکہ یہ فٲصلہٕ سپدِ زِ کُس ونڈٕ کُس انٛد رٹہِ۔ یہُوواہنؔ دیُت توٚہہِ یہ حکم تہِ زِ سۅ زمین یۅسہ سٲنِس بنی اسرائیلی سٲتھی صِلافحاد سنٛز چھےٚ دِیو تمؠ سنٛزن کوریٚن۔3وۅنؠ اگر یمہٕ کورِ دویمیٚن اسرائیلی قبیلہٕ کیٚن مردن سٟتؠ خاندر کرن تیٚلہِ روزٕ نہٕ سۅ زمین سانہِ قبیلٕچ۔ سۅ میلہ دویمیٚن قبیلہٕ کیٚن لوٗکن۔ لہٰذا روزِ نہٕ سٲنؠ کینٛہہ زمین اسہِ نِش۔4ییٚلہ جشنِ یوبلی مناونُک وری واتہِ، یمہِ وزِ موٚلؠ ہیٚژمٕژ سٲرےٕ زمین پننٮ۪ن اصلی وٲرث درن واپس دنہٕ ییہِ تہٕ سۅ زمین یۅسہ صلافِحاد سنٛز ٲس ییہِ تمہِ قبیلہٕ کیٚن تِمن نفرن دنہٕ یمن سٟتؠ تمؠ سنٛزو کوریٚو خاندر کۅرمُت آسہ۔ یتھ کنؠ ییہِ سٲنؠ کینٛہہ زمیٖن سۅ زمیٖن یۅسہ اسہِ مٲلؠ وراثت چھےٚ اسہِ نِشہ ننہٕ، تہٕ أسؠ آسو نہٕ پتہٕ زانٛہہ تمِکؠ مٲلک۔ 5یہُوواہنؔ ووٚن موسیٰؔ ہس زِ یمن کیاہ چُھ ونُن، لہٰذا ووٚن موسیٰؔ ہن تِمن، "منسیؔ سنٛدِ قبیلٕکؠ لوٗکھ چھِ ٹھیک ونان۔6یہ چُھ تہِ یہ یہُوواہؔ صِلافحاد سنٛزن کوریٚن ونان چُھ زِ توٚہہ منٛزٕ یُس یس سٟتؠ یژھِ سۅ کرِ تس سٟتؠ خاندر، مگر توٚہہِ پزِ ضروری پننِسےٕ قبیلس منٛز کانٛسہِ سٟتؠ خاندر کرُن۔7یتھٕ پٲٹھؠ سپدینہٕ بنی اسرائیلٕچ وراثت اکہِ قبیلہٕ پٮ۪ٹھٕ بییِس قبیلس کُن منتقل۔ اسرائیل لُک پرٛتھ کانٛہہ رٹہِ پننہِ قبیلٕچ سۅ وراثت یۅسہ تس جدٕ اجدادن ہنٛز آسہ۔8یۅسہ زٔنؠ پننِس مٲلؠ سنٛدِ زمیٖنٕچ وٲرث آسہ سۅ ہیٚکہِ خاندر کٔرِتھ مگر تمِس چُھ پننِس قبیلہٕ کِس کانٛسہِ نفرس سٟتؠ خاندر کرُن۔ یتھٕ پٲٹھؠ کرٕ پرٛتھ کانٛہہ اسرائیلی تمہِ زمیٖنٕچ حفاظت یۅسہ تس جد اجدادن ہنٛز آسہ۔9اکہِ قبیلمچ زمیٖن پزِنہٕ بییِس قبیلس دِنؠ۔ پرٛتھ اکِس اسرائیلی قبیلس پزِ تتھ زمیٖنس رٲچھ کرٕنؠ یۅسہ تس جدٕ اجدادن نِش میجمٕژ آسہ۔10صِلافحاد سنٛزو کوریٚو کۅر تی یہ یہُوواہنؔ موسیٰؔ ہس فرموو۔11پانٛژوٕیو کوریٚو محلاہؔ، تِرضاہ، حُجلاہ، مِلکاہؔ تہٕ نُوعاہنؔ کۅر پننٮ۪ن پِتٕر بایَن تہٕ مٲلؠ سنٛدین رشتہٕ دارن سٟتؠ خاندر۔12یمن مردن سٟتؠ تِمو خاندر کۅر تِم ٲسؠ منسیؔ سنٛدِ قبیلٕکؠ، اوٕ کِنؠ روز تہنٛز زمیٖن تہنٛدِس مٲلؠ سنٛدِس قبیلس تہٕ خاندانس منٛز۔13یم ٲسؠ تِم حکم تہٕ احکام یم یہُوواہنؔ موسیٰؔ ہس اسرائیل ین وننہٕ خٲطرٕ دِتؠ ییٚلہِ تِم موآبؔ کیٚن مٲدانن منٛز یردن درؠ یاوس نکھٕ یریحو اپارِ ٲسؠ۔
Bridge Connectivity Solutions Pvt. Ltd.