اِستِثنا1
1اتھ کتابہِ منٛز چھےٚ تِمہ کتھہٕ لیکھنہٕ آمژٕ یمہٕ موسیٰؔ ہن تمام اسرائیل ین ونہِ ییٚلہ تِمو مشرقی یردنسؔ منٛز یردنؔ کٮ۪ن ریگستٲنی مٲدانن منٛز سُوفؔ ناوچہِ جایہ نِش، یتھ اکہِ طرفہٕ فاران چُھ پنٕنؠ خٟمہٕ لٲگِتھ، درؠ یاے یردن کِس بٹھِس تہٕ درؠ یاوٕ کہِ دوٚیمہِ طرفہٕ طوفُل، لابن، حصیراتؔ تہٕ دیذہبٕکؠ شہر ہیٚتھ۔2کوہہِ سیناؔ پٮ۪ٹھٕ قادِس برنِیع تانؠ ٲسؠ لوٗکھ عام طور کہَن دوٚہُن یہ صفر طے کران تہٕ تِم ٲسؠ یہِ صفر ادومؔ ناوٕ کہِ پہٲڑی علاقہٕ کِنؠ کڈان۔ 3مِصرٕ منٛزٕ بنی اسرائیل نیرنہٕ پتہٕ ژتجی ؤہرؠ ووٚن موسیٰؔ ہن اسرائیلی لوٗکن تہِ سورےٕ یہِ یہُوواہنؔ تمِس حکم دیتمُت اوس۔4یہ سپُد تمہِ وزِ ییٚلہِ تِمو عمور قومہٕ کِس بادشاہ سیحونؔ یُس حسبون تہٕ عوجؔ شہرس منٛز روزان اوس تہٕ بسنؔ علاقہٕ کِس بادشاہ عوجسؔ یُس عستارات تہٕ ادرعیؔ شہرن منٛز روزان اوس شکست دیُت۔5موسیٰؔ ہن ونہِ یمہٕ کتھٕ تِمن تمہِ وزِ ییٚلہ لوٗکھ یردن دریاوٕ کِس مشرِقس منٛز موآبؔ جایہ ٲسؠ۔ تِمو سمجھٲوؠ خدایہ سنٛدؠ ہِدایات۔ تِمو ووٚن تِمن یتھٕ کنؠ:6سٲنؠ خدا یہُوواہؔ ہن ووٚن اسہِ ییٚلہ أسؠ کوہہِ سیناؔہس پٮ۪ٹھ ٲسؠ، "توٚہؠ رودِیو یتھ بالہٕ دامنَس تل واریہس کالس۔7لہٰذا تھٲیو وۅنؠ سفر جٲری۔ ہُتھ پہٲڑی ملکس کُن یتہِ اموریؔ روزان چھِ تہٕ اندؠ پٔکؠ کٮ۪ن علاقن منٛز، یردن بٹھِ کٮ۪ن مٲدانن، پہٲڑی ملکن، مغربی پاتھلِس، جنوبی یہُودیہ کٮ۪ن بیابانن منٛز، رومؔ کٮ۪ن سمندری سٲحِلن منٛز، کنعان کِس سٲرسےٕ ملکس منٛز۔ لبنان کٮ۪ن پہاڑن تام تہٕ شمال مشرق کِس عظیم فرات دریاوس تام۔8بہٕ دِمو سۅ زمین توٚہہِ۔ مےٚ، یہُوواہنؔ، اوس تُہنٛدٮ۪ن جدن ابراہامسؔ تہٕ اضحاقسؔ تہٕ یعقوبسؔ وعدہ کوٚرمُت زِ بہٕ دمہٕ تِمن تِہنٛدین اولادن یہ زمین۔ امہِ کِنؠ گٔژھیٚو تہٕ کٔریٚو اتھ پٮ۪ٹھ قبضہٕ۔"9موسیٰؔ ہن ووٚن لوٗکن یتہِ، "ییٚلہ أسؠ وُنہِ سیناؔ بالہٕ سےٕ پٮ۪ٹھ ٲسؠ، مےٚ ووٚن تُہنٛدین جد اجدادن، "میانہِ خٲطرٕ چھےٚ یہ اکھ بٔڈ کٲم توٚہہ سارنےٕ پٮ۪ٹھ حکومت کرٕنؠ۔ بہٕ ہیٚکہ نہٕ یہ خۅد پانہٕ کٔرِتھ۔10سٲنؠ خدا یہُوواہنؔ بنٲوؠ أسؠ بنی اسرائیلی آسمان کٮ۪ن تارکن ہنٛدؠ پٲٹھؠ شُمارٕ روٚس۔ 11تہٕ مےٚ چھےٚ امید زِ یہُوواہؔ خدا یمسنٛز عبادت سٲنؠ جدٕاجداد کران ٲسؠ کرِ اسہِ تمہِ وزِ ساسہٕ گنہٕ زیادٕ تہٕ کرِ اسہِ برکت یتھٕ کنِؠ تٔمؠ وعدہ کوٚرمُت چُھ۔12مگر بہٕ ہیٚکہٕ نہٕ پزنہٕ پٲٹھؠ تُہنٛزن سارنےٕ شکایِژن تہٕ تنازن ہُنٛد ازالہٕ کٔرِتھ۔13اوٕ کِنؠ ژٲرؠ ووکھ پننیٚو قبیلو منٛزٕ کینٛہہ تِتھؠ نفر یِم سونچ سمجھ وٲلؠ، عقلمنٛد تہٕ عزتہٕ وٲلؠ آسن۔ پتہٕ کرکھ بہٕ تِم تُہنٛدؠ قٲید مقرر۔"14تُہنٛدیٚو جدٕ اجداد ووٚن جواب، "یہ کینٛژھا توٚہہ تجویز کوٚرو، تہِ آسہ سانہِ باپتھ بہتر۔"15اوٕ کِنؠ تُلؠ مےٚ تِم عقلمنٛد تہٕ معزز نفر یمہٕ تہنٛدیٚو جدٕاجدادو تُہنٛدیٚو قبیلو منٛزٕ ژٲرؠ مٕتؠ ٲسؠ تہٕ کٔرم تُہنٛدؠ قٲید مقرر۔ کانٛہہ کوٚرم ساسس نفرن پٮ۪ٹھ حکومت کرنس مقرر، کانٛہہ ہتَس نفرس، کانٛہہ پنٛژہن نفرن تہٕ کانٛہہ کوٚرم دہَن نفرن پٮ۪ٹھ حکومت کرنس مقرر۔ مےٚ کٔرؠ تُہنٛدیٚو تمام قبیلو منٛزٕ دوٚیم افسر تہِ مقرر۔16مےٚ دِتؠ تُہنٛدین قٲیدن ہِدایات زِ پننٮ۪ن لوٗکن منٛز موجود نیاے بوزیٚو۔ تِمن نیاین ہند کریو فٲصلہٕ، تِمن نیاین تہِ یمہ تُہنٛدٮ۪ن قریبی رشتہٕ دارن تہٕ پننٮ۪ن لوٗکن دویمٮ۪ن ملکہٕ کٮ۪ن لوٗکن سٟتؠ آسن یمہٕ توٚہہِ سٟتؠ روزان چھِ۔ 17توٚہہ، پزِنہٕ کٲنٛسہِ ہُنٛد پاس رچُھن۔ توٚہہ پزِ غریب لوٗکن تہٕ امیر لوٗکن سٟتؠ یکسان سلوٗک کرُن۔ توٚہہِ پزِ نہٕ یمہِ کتھِ ہنٛز فِکر کرٕنؠ زِ کُس کیاہ سونچہِ، تکیازِ توٚہؠ انٛزرٲیو ماملات تِتھے پٲٹھؠ یتھٕ پٲٹھؠ خدا توٚہہِ نِش یژھان چُھ۔ اگر کانٛہہ نیاے پیچیدٕ آسہ تہٕ تُہنٛدِ دٔسؠ ہیٚکہِ نہٕ سُہ انٛزراونہٕ یِتھ تہٕ سُہ أنیٚو مےٚ نِش بہٕ انٛزراوٕ سُہ پانے۔" 18تمہِ وقتہٕ ونہِ مےٚ توٚہہ بیٚیہِ تہِ واریاہ کتھٕ" 19"پتہٕ، یتھٕ پٲٹھؠ زن سٲنؠ خدا یہُوواہنؔ اسہِ حکم دیتمُت اوس، دراے أسؠ کوہہِ سیناؔ پٮ۪ٹھٕ تمہِ بڈِ ریگستانہٕ منٛزؠ یُس سٮ۪ٹھاہ خطرناک چُھ، تمہِ پہٲڑی علاقچہِ وتہِ پٮ۪ٹھ یتہِ عمورٕکؠ لوٗکھ روزان چھِ۔ پتہٕ وٲتؠ أسؠ قادِس برنِیع۔20مےٚ ووٚن تُہنٛدین جدٕاجدادن، "وۅنؠ وٲتؠ أسؠ پہٲڑی علاقن منٛز یتہِ عمور لوٗکن ہنٛز جماتھ روزان چھےٚ۔ یہ چُھ تمہِ علاقُک حصہٕ یُس سون خدا یہُوواہؔ، یمسنٛز عبادت سٲنؠ جدٕاجداد کران چھِ، اسہِ دِوان چُھ۔21یاد تھٲیو زِ سون خدا یہُوواہؔ چُھ یہ ملک اسہِ دِوان۔ ہرگِز مہٕ کھوٚژیٚو۔22مگر تُہنٛدؠ جدٕاجداد آے مےٚ نِش تہٕ ونُکھ، "گژھنہٕ برُونٛہہ پزن اسہِ توٚت کینٛہہ نفر سوزٕنؠ تاکہِ واپس یِتھ ونن تِم۔ توٚت گژھنہٕ باپتھ کۅسہٕ وتھ روزِ بہتر تہٕ تتہِ کٔمہِ قسمٕکؠ شہر چھِ۔"23مےٚ سونچ زِ یہ کرُن روزِ بہتر، اوٕ کِنؠ ژٲرؠ مےٚ پرٮ۪تھ کُنہِ قبیلہٕ منٛزٕ اکھ اکھ نفر24تِم باہ نفر گےَ پہٲڑی علاقہٕ منٛزؠ اِسکالؔ وادی تانؠ تہٕ نیوکھ تمہِ سارے علاقُک جٲئزٕ۔25تِمو أنؠ اسہِ نِش تِمو میٚوو منٛزٕ کینٛہہ یمہٕ تتہِ وُچھِکھ۔ تِمو ؤنؠ یہ شیٚچھ زِ یۅسہ زمین سون خدا اسہِ دنہٕ وول چُھ، سۅ چھےٚ واریاہ بہتر۔26مگر تُہنٛدیٚو جدٕاجدادو کوٚر تور گژُھن تہٕ سُہ ملک فتح کرنہٕ نشہٕ انکار۔ تِمو کٔر تتھ خلاف بغاوت یُس سٲنؠ خدا یہُوواہنؔ تِمن کرنُک حکم دِژاو، تہٕ تمہٕ گےَ نہٕ تتھ ملکس منٛز۔27تُہنٛدؠ جدٕاجداد رودؠ پننٮ۪ن خٟمن منٛز تہٕ کٔرکھ شکایتھ۔ تِمو ووٚن، "یہُوواہؔ چُھ اسہِ سٟتؠ نفرت کران۔ توے أنؠ تٔمؠ أسؠ مِصرٕ پٮ۪ٹھٕ یور تاکہ عمورچہٕ لُکہ جمٲژ کرن اسہِ تباہ۔28أسؠ چھنہٕ تور گژُھن یژھان۔ یمہٕ نفر اسہِ تور سوزؠ تِمو کٔر اسہِ سٮ۪ٹھاہ حوصلہٕ شکنی۔ تِمو ووٚن اسہِ زِ تتِکؠ لوٗکھ چھِ سانہ کھوٚتہٕ زیادٕ زیٹھؠ تہٕ مضبوط تہٕ تہنٛدین شہرن ہنٛدؠ دیوار چھِ سٮ۪ٹھاہ تھدؠ۔ تِمو ووٚن یتہِ زِ تِمو وُچھ تتہِ دیو تہِ یِم عناقؔ سنٛدؠ اولاد چھِ۔ 29پتہٕ ووٚن مےٚ تہنٛدٮ۪ن جدٕاجدادن، "یمن لوٗکن مہٕ کھوژیٚو ہرگِز!30سون خدا یہُوواہؔ آسہ توٚہہ برُونٛہہ برُونٛہہ تہٕ سُہ لڈِ تُہنٛدِ باپتھ، یتھ کِنؠ سُہ توٚہہِ مِصرس منٛز تہنٛدِ باپتھ کران وُچھ ووٗن31تہٕ بیابانن منٛز تُہنٛدِ خٲطرٕ کران وُچھوون۔ توٚہہِ وُچھو زِ کِتھٕ پٲٹھؠ واتنٲوؠ نو تٔمؠ توٚہؠ یور حفاظتہٕ سان، زنتہٕ کانٛہہ نفر پننِس اولادس پکناوان اوس۔ 32مےٚ پُوو تِمن ژیٚتس زِ ییٚلہ تمہٕ صحراوس منٛز صفر کران ٲسؠ تہٕ سُہ اوس ہمیشہٕ تِمن برُونٛہہ برُونٛہہ نیران۔ تٔمؠ کٔر تِمن روتلہِ نارٕ مشٲلؠ تہٕ دوٚہلہِ ابرٕ لنٛگہ سٟتؠ رہنمٲئی۔ تٔمؠ ہٲو تِمن پنٕنؠ خٟمہ لاگنٕچ جاے تہِ۔ مگر یہ کینٛژھا مےٚ ووٚن تمہِ باوجود کوٚر نہٕ چانیٚو جدٕاجدادو سٲنِس خداوند یہُوواہسؔ پٮ۪ٹھ بھروسہٕ۔34یہُوواہنؔ بوز تہِ یہ تِمو ووٚن تہٕ سُہ سپُد غضبناک۔ تٔمؠ کوٚر پوٗرٕ پٲٹھؠ حلفن اعلان،35یفُنہؔ سُنٛد نیٚچو کالِبؔ اژِ اتھ ملکس منٛز۔ تٔمؠ کٔر میٲنؠ پوٗرٕ عبادت۔ اوٕ کِنؠ دمہٕ بہٕ تمِس تہٕ تٔمسنٛدین اولادن کینٛہہ زمیٖن یۅسہ تٔمؠ ژھٲنٛڈمٕژ چھےٚ۔ توٚہہِ ساروےٕ لوٗکو منٛزٕ چُھ صرف سُے یُس یتھ ملکس منٛز أژتھ ہیٚکہِ۔ یمو بُرٕ لوٗکو منٛزٕ ہیٚکہِ نہٕ زانٛہہ کانٛہہ سۅ اصل زمیٖن وُچِھتھ یۅسہ مےٚ چانٮ۪ن جدٕاجدادن دِنُک وعدہ کوٚرمُت اوس۔37مگر چانٮ۪ن جدٕاجدادن ہنٛزو کامیٚو سببہٕ سپُد یہُوواہؔ تہِ مےٚ پٮ۪ٹھ ناراض۔ تِمؠ ووٚن مےٚ، "ژٕتہِ ہیٚککھ نہٕ تتھ زمیٖنس منٛز دٲخل سپدِتھ۔38نُونؔ سُنٛد نیٚچو یشُوع یُس تُہنٛد مددگار چُھ سپدِ اتھ منٛز دٲخٕل۔ تمِس کٔرؠ زیٚو حوصلہٕ افزائی، تکیازِ سُے چُھ سُہ یُس توٚہہِ اسرائیلی لوٗکن اتھ ملکس پٮ۪ٹھ قبضہ کرنس قٲبل بناوِ۔"39پتہٕ ووٚن یہُوواہنؔ اسہِ سارنے، "تِمو فرموو زِ تُہنٛدؠ بچہٕ گژھن تُہنٛدین دشمنن ہنٛدِس قبضس منٛز۔ تکیازِ تِم چھِ واریاہ لۅکٕٹؠ، تِم زاننےٕ نہٕ زِ اصل کیاہ گو تہٕ فراح کیاہ گو۔ مگر تِمے چھِ تِم یمن بہٕ سُہ ملک دمہٕ تہٕ تِم تتھ منٛز دٲخل سپدِتھ کرن تتھ پٮ۪ٹھ قبضہٕ۔40مگر یۅتام تُہنٛد تعلق چُھ توٚہؠ پھیریٚو پوٚت تہٕ گٔژھیٚو بحرِ قُلزمؔ سٲحلہٕ کِنؠ ریگستانن منٛز واپس۔41پتہٕ دیُت تُہنٛدیو جدٕاجدادو جواب، "اسہِ کٔرؠ گناہ۔ اسہِ کٔر یہُوواہؔ سنٛز نافرمٲنی۔ تہٕ وۅنؠ گژھو أسؠ تہٕ کرو تمہِ ملکہٕ کٮ۪ن روزن والٮ۪ن پٮ۪ٹھ حملہٕ، یتھٕ کِنؠ زن سٲنؠ خدا یہُوواہنؔ اسہِ کرنُک حکم دیُت" تہٕ تِمو منٛزٕ گنٛڈؠ پرٮ۪تھ أکؠ پنٕنؠ ہتھیار، تہٕ سونٛچکھ زِ پہٲڑی علاقن پٮ۪ٹھ حملہٕ کرُن چُھ آسان۔42مگر یہُوواہنؔ ووٚن مےٚ، "زِ یِمن ون زِ تور گٔژھتھ مہٕ کٔریٚو تِمن لوٗکن پٮ۪ٹھ حملہٕ تکیازِ بہٕ یمہٕ نہٕ توٚہہِ سٟتؠ تہٕ اگر ژٕ گژھکھ تہٕ ژٕ تھٲوؠ زِ یقین چٲنؠ دشمن دِنے ژےٚ شِکس۔43اوے اوس مےٚ چانٮ۪ن جدٕاجدادن ونمُت مگر تِم ٲسؠ نہٕ میانؠ کتھ بوزُن یژھان۔ تِمو کٔر بیٚیہِ تتھ خلاف بغاوت یمیُک حکم تِمن یہُوواہنؔ تِمن کوٚرمُت اوس۔ تہنٛدیٚو سِپہو کوٚر فخرٕ سان تتھ پہٲڑی ملکس کُن پیش قدمی۔44پتہٕ درایہ عمور لوٗکن ہنٛزٕ جمٲژ یِم اتھ علاقس منٛز روزان ٲسؠ پن پننیٚو شہرو منٛزٕ تہٕ کوٚرکھ تِمن سِپہن پٮ۪ٹھ حملہٕ۔ تِمو کوٚر چانٮ۪ن جدٕاجدادن ہنٛدین سِپہن پیچھا یتھ کنؠ زن مانٛچھ تُلرین فوج کٲنٛسہِ شخصس پیچھا کران چُھ، تہٕ تِمو کٔر ادومؔ پٮ۪ٹھٕ جنوب کُن پننٮ۪ن نفرن لار۔ تہٕ واتنٲوِکھ شکس دِتھ شعیر پٮ۪ٹھٕ حُرمہؔ۔ 45اوٕ کِنؠ گےَ چٲنؠ جدٕاجداد قادِس برنیاؔ واپس تہٕ کوٚرکھ یہُوواہسؔ منٛگؠ منٛگؠ تِمن مدد کرنُک التجا مگر تٔمؠ بوزنہٕ تِہُنٛد اکھ رژھ تہِ۔ تٔمؠ دیُت نہٕ تِمن کُن کانٛہہ توجہ۔46اوٕ کِنؠ ٹھہریاے أسؠ تتہِ قادِسؔ برنیہ ہس منٛز واریہس کالس۔
Bridge Connectivity Solutions Pvt. Ltd.