گریند35
1یہُوواہنؔ ؤنؠ موسیٰؔ ہس یہ کتھ تمہِ وقتہٕ ییٚلہ بنی اسرائیلی یردن درؠ یاوس نکھٕ موآبؔ کِس مٲدانس منٛز یریحو اپارِ ٲسؠ،2"اسرائیل کیٚن لوٗکن وَن زِ یۅسہ زمین تِمن میلہ تمہ منٛزٕ دِن تمہٕ ضرور کینٛہہ شہر لاوین ہنٛدین اولادن یتہِ تِم روزِتھ ہیٚکن۔ بیٚیہِ دِن لٲزمی تِمن شہرن انٛدؠ پٔکؠ تِمن کینٛہہ زمین تہِ۔3یم شہر آسن لاوی ہنٛدین اولادن بسنہٕ خٲطرٕ تہٕ شہرن انٛدؠ پٔکؠ آسہ تِمن چارواین، تیٖرن، ژھاولیٚن تہٕ باقی جانورو باپتھ ہڈرو باپتھ زمین۔4یۅسہ زمین توٚہؠ تِمن چاروایو باپتھ دِیو سۅ گژھِ شہرٕ کیٚو دیوارو پٮ۪ٹھٕ 457 میٹر تام پھٲلِتھ آسٕنؠ۔5شہرٕ کہِ پرٛتھ دیوارٕ پٮ۪ٹھٕ گژھن 920 میٹر میننہٕ ینؠ۔ سۅ اضافی زمین آسہ تہنٛدیو چاروایو باپتھ شہرٕ کیٚن دیوارن نیٚبر کُن۔6یِم شہر توٚہؠ لاوی ہنٛدیٚن اولادن دِیو تِمن منٛز آسن شےٚ شہر یمن لوٗکھ ٹھیک پٲٹھؠ چلاوِتھ ہیٛکن۔ اگر کانٛہہ وشفن کانٛسہِ دویمِس مارِ، یمؠ شخصن سُہ مورمُت آسہ سُہ ہیٚکہ محفوظ روزنہٕ باپتھ یمو شہرو منٛزٕ کُنہِ أکِس شہرس منٛز گٔژھِتھ۔ 7توٚہؠ دِیو لاوی ہنٛدین اولادن مذید دویہ تٲجی شہر تہٕ تِمن شہرن انٛدؠ پٔکؠ چاروایو باپتھ زمین تہِ۔8بنی اسرائیل کیٚن یمن قبیلن زیادٕ لوٗکھ آسن تِمن قبیلن گژھن زیادٕ شہر دِنؠ تِمو قبیلو کھۅتہٕ یمن کم نفر آسن۔ پرٛتھ کُنہ قبیلس پزن پنٕنؠ کینٛہہ شہر لاوی ہنٛدین اولادن دِنؠ، یمن قبیلن نِش زیادٕ زمین آسہ تِم دِن زیادٕ شہر تہٕ یمن قبیلن نِش کم شہر آسن تِم دِن کم شہر۔"9یہُوواہنؔ ووٚن موسیٰؔ ہس یتہِ،10"اسرائیل کیٚن لوٗکن ون یِتہِ زِ ییٚلہ توٚہؠ یردن درؠ یاوس اپور تٔرِتھ کنعان کِس علاقس منٛز وٲتیٚو،11توٚہہ پزِ کینٛژن تِمن شہرن ہُنٛد انتخاب کرُن یمہٕ شہر لوٗکھ آرامہٕ سان چلاوِتھ ہیٚکن۔ اگر کانٛسہ بیٚیہِ کانٛہہ شخص مور، تہٕ سُہ قٲتِل ہیٚکہِ تِمو منٛزٕ کُنہِ اکِس شہرس منٛز پان بچاونہٕ باپتھ گٔژھِتھ۔12یُس شخص قتل آسہ کرنہٕ آمُت تٔمسنٛدیٚو رشتہٕ دارو منٛزٕ اگر کانٛہہ سونچہِ زِ سُہ قٲتِل قتل کرِتھ ہیٚمہٕ بہٕ تس پننِس رشتہٕ دار سُنٛد بدلہٕ۔ مگر تتھ شہرس منٛز آسہ سُہ قٲتِل محفوظ تکیازِ تمہِ شہرٕکؠ لوٗکھ کرن تمسنٛدین رشتہٕ دارن قتل اگر سُہ تتہِ بدلہٕ ہیٚنٕچ کوشش کرِ۔ یمؠ شخصن کانٛہہ وشفن قتل آسہ کۅرمُت تمِس خلاف ییہِ عدالتس منٛز مقدِمہ دٲئر کرنہٕ۔13توٚہہِ پزن شےٚ شہر الگ تھاوٕنؠ تاکہ تِمہ آسن تیٚتھؠ شہر یتہِ کانٛہہ سُہ شخص بسِتھ ہیٚکہِ تہٕ محفوظ روزِ یمؠ سنٛدؠ دٔسؠ وشفن کانٛہہ قتل آسہ سپُدمُت۔14یمو منٛزٕ گژھن ترےٚ شہر یردن درؠ یاوس مشرقہٕ انٛدٕ تہٕ ترےٚ مغربی بٹھِس پٮ۪ٹھ کنعان علاقس منٛز آسٕنؠ گژھن۔15یمہ شےٚ شہر آسن تمہٕ شہر یور اسرائیلی لوٗکھ ژٔلِتھ گژھِتھ محفوظ روزِتھ ہیٚکن، یوٚت پردیسٕکؠ تہٕ توٚہہِ سٟتؠ روزن وٲلؠ باقی لوٗکھ یمو وشفن کانٛسہِ ہنٛدؠ قٲتِل کۅرمُت آسہ گژھن ژٔلِتھ یمن شہرن منٛز تہٕ روزن محفوظ۔16مگر توٚہہِ چُھ یتھ پٮ۪ٹھ غور کرُن زِ یُس شخص کانٛسہِ دویمِس سمبلہِ، بجہِ کنہِ یا لکٕرِ ہنٛدِ کُنہِ ڈنٛڈٕ سٟتؠ مارِ سُہ چُھ قٲتِل تہٕ یمؠ کانٛہہ قتل کۅر تمِس گژھِ پھٲسؠ دنہٕ ینؠ۔19یُس شخص قتل کرنہٕ ییہِ تمسُنٛد رشتہٕ دار چُھ سُے یُس قٲتلس وُچھِ تہٕ وُچھتھےٕ تس پھٲسؠ دییہِ۔20اگر کانٛہہ شخص کانٛسہِ دویمِس کٔنؠ ہیٚتھ پتہٕ دورِ یا کانٛہہ چیز لگاویس،21یا تمِس شخصس پننہِ اتھ سٟتؠ مارِ تہٕ نتیجہٕ نیرِ سُہ مرِ، اگر تٔمؠ یہ اوٕ مۅکھٕ کۅر زِ تس آسہ تمِس فردٕ سنٛز نفرت تیلہِ گژھِ زانُن زِ سُہ چُھ تمسُنٛد قٲتِل۔ تہٕ سُہ گژھِ پھاسہِ کھالنہٕ یُن۔ مقتول سُنٛد رشتہٕ دار گژھِ تیٚوتھ آسُن زِ سُہ گژھِ تس وُچھتھےٕ پھٲسؠ دیُن۔22مگر یتہِ ممکن زِ کانٛہہ دییہِ کانٛسہِ الغٲبہٕ دکہٕ یا لایہ الغٲبہٕ کانٛسہِ کانٛہہ چیٖز تہٕ ماریٚس مگر یمہِ کِنؠ نہٕ زِ سُہ آسہ تس نفرت کران۔23یا پییَس نہٕ نظرے تہٕ دِییہ کانٛسہِ پٮ۪ٹھ پل دٲرِتھ۔ یتِھس نفرس باپتھ چُھ اکھ قانون یمؠ نہٕ زٲنِتھ مٲنِتھ کانٛسہِ تکلیف واتناونُک اِرادٕ کۅرمُت آسہ تہٕ مرن وٲلِس سٟتؠ آسیٚس نہٕ کانٛہہ عداوت۔24سُہ قانون چُھ یِتھ کنؠ زِ امہِ شہرٕ کیٚن لوٗکن چُھ فٲصلہ کرُن زِ مرن وٲلؠ سنٛدین رشتہٕ دارن چھا بدلہٕ ہیٚنُک حق یا یمؠ قتل کۅر تمِس چھا پزی یہ غلطی سببہٕ سپُدمُت۔ 25اگر تِم فٲصلہٕ کرن زِ قٲتلن اوس یہ نفر قتل کرنُک منصوبہ بنوومُت تیٚلہ ہیٚکن نہٕ تِم تس پننِس شہرس منٛز روزنُک اجازت دِتھ۔ وۅنؠ اگر تِمو فٲصلہٕ کۅر زِ یہ قتل چُھ الغٲبہٕ سپُدمُت، تیٚلہِ چُھ تِمن قٲتِل مقتول سنٛدیو رشتہٕ دارو دٔسؠ قتل کرنہٕ نِش بچاوُن۔ تِم گژھن قٲتلس تِمو شہرو منٛزٕ کُنہ اکِس شہرش منٛز سوزٕنؠ یتہِ سُہ محفوظ روزِ تہٕ سُہ روزِ تۅتام تٔتؠ یۅتام سردار کاہن وفات کرِ۔ امہِ پتہٕ ہیٚکہ قٲتِل پنُن گرٕ واپس گٔژھتھ، تکیازِ مرن وٲلؠ سنٛدین رشتہٕ دارن چُھنہٕ بدلہٕ ہیٚنُخ کانٛہہ حق۔26مگر یۅتام سردار کاہن زنٛدٕ چُھ، تۅتام یُس شخص تتھ محفوظ شہرس منٛز چُھ تس پزِ نہٕ تمہ شہرٕ منٛزٕ نیرُن۔27وۅنؠ اگر سُہ تمہِ شہرٕ منٛزٕ دراو، تہٕ مقتول سنٛدؠ کانٛسہِ رشتہٕ دارن اگر سُہ وُچھ تمِس رشتہٕ دارس چُھ سُہ قتل کرنُک اجازت، تہٕ لوٗکھ گژھن نہٕ تس رشتہٕ دارس تمسنٛدِ قتلٕکؠ قصوروار ٹھہراوٕنؠ۔28قٲتلس پزِ تٔتھؠ شہرس منٛز روزُن یتہ سُہ سردار کاہن سنٛدِس مرنس تام محفوظ روزِ۔ تمہ پتہٕ سپدِ سُہ انتقامہٕ نِشہ محفوظ، تکیازِ سردار کاہن سُنٛد مرُن ییہِ تمہِ قتلُک کفار تصوُر کرنہٕ۔ امہِ پتہٕ ہیٚکہ قٲتِل پنُن گرٕ واپس یِتھ۔29توٚہؠ یتہِ تہِ ٲسیٚو توٚہہِ پزِ ہمیشہ یمن قانونی کاروٲین ہُنٛد پابنٛد روزُن۔30اگر کانٛسہِ کانٛہہ شخص قتل کرنُک الزام آسہ تہٕ یمس پٮ۪ٹھ یہ الزام آسہ تمِس ییہِ صِرف تتھ صورتس منٛز پھٲسؠ دنہٕ ییٚلہ سُہ کانٛسہِ یہ کران وُچھمُت آسہ۔ گواہ گژھن اکہِ کھۅتہٕ زیادٕ گواہ گژھن آسٕنؠ۔ اگر صرف اکھ گواہ آسہ تیٚلہ ییہِ نہٕ کانٛسہِ پھٲسؠ دِنُک اجازت دِنہٕ۔ 31اگر کانٛہہ قٲتِل آسہ یمِس پٔزؠ پٲٹھؠ پھٲسؠ دِنؠ آسہ، فدیہ رٹِتھ گژھِ نہٕ سُہ یلہٕ تراونہٕ یُن۔ تمِس گژھِ پھٲسؠ دِنہٕ ین۔32اگر کانٛہہ تِتھِس شہرس منٛز ژٔلِتھ گو یتہِ سُہ محفوظ روزِ تہ تٔمس چُھنہٕ توٚہہِ پونٛسہٕ دِنُک اجازت دیٚون یُتھ سُہ سردار کاہن سنٛدِ مرنہٕ برونٛہےٕ گرٕ ینُک اجازت حٲصِل کرِ۔33توٚہہِ پزِ تِمن لوٗکن پھٲسؠ دِنؠ یمہٕ پٔزؠ پٲٹھؠ بییَن قتل چھِ کران۔ اگر توٚہہِ تہِ کۅرو نہٕ توٚہؠ ٲسیٚو تمہٕ لوٗکھ یمہٕ یتھ ملکس منٛز روزن وٲلؠ میانہِ باپتھ نا قٲبل قبول آسن۔ یُس تہِ زٲنِتھ مٲنِتھ کانٛسہٕ بے قصورس قتل آسہ کران سُہ گژھِ پھاسہِ کھسُن۔ 34بہٕ چُھس یہُوواہؔ تہٕ بہٕ چُھس توٚہہِ بنی اسرائیل ین منٛز روزان، لہٰذا چُھنہٕ توٚہہِ یہ زمیٖن کانٛہہ ناحقہ قتل کٔرِتھ گنٛدٕ کرنُک اجازت یۅتام نہٕ تس سزا ییہِ دِنہٕ۔"
Bridge Connectivity Solutions Pvt. Ltd.