گریند29
1پرٛتھ وریہ ستمہِ ریٚتکہِ گۅڈنِکہ دوٚہہ گٔژھؠ زیٚو میانہ عبادتہٕ باپتھ جمع، تہٕ امہ دوٚہہ کٔرؠ زیٚو نہٕ کانٛہہ تہِ کٲم یۅسہ توٚہؠ عام پٲٹھؠ کران چُھو۔ امہ تہوار دوٚہہ بجاون کاہن ضرور پنٕنؠ پوگ شہنائی 2ییٚلہ امہ دوٚہہ قربان گاہس پٮ۪ٹھ سپدن واجنہِ قربٲنیہ پوٗرٕ پٲٹھؠ بُزنہٕ ین تہٕ مےٚ ییہِ تمِچ مُشِک سیٹھاہ پسنٛد۔ یمہٕ جانور توٚہہِ انٕنؠ پزن تمن منٛز آسہ اکھ ہکھر، اکھ کَٹھ تہٕ وٲرشِنؠ ستتھ کٹہٕ برٕ۔ یمن نہٕ کانٛہہ نۅقُص آسہ۔3یمن جانورن سٟتؠ أنزیٚو زیتون تیٖل رلاوِتھ زٲولہ آٹِکؠ زٕ کلو نذرانہٕ۔ ہکھرس سٟتؠ دوٗن شےٚ سیر، کٹس سٟتؠ سۅد ترےٚ سیر4تہٕ ستن کٹہٕ برن سٟتؠ زٟ زٟ سیر۔5پننٮ۪ن گُنہَن ہُنٛد کفارٕ دنہٕ باپتھ کٔرؠ زیٚون اکھ مُونٛگر تہِ نذرانہٕ۔6یم سٲری جانور آسن تِمو جانورو نِشہ علاوٕ یم پرٛتھ دوٚہہ صبحٲے تہٕ ہر ریتکہ گۅڈنِکہ تٲریخہ پوٗرٕ پٲٹھؠ بُزنہٕ یوان چھِ۔ مےَ یُک تہٕ آٹیُک نذرانہٕ ییہِ بلکُل تِتھے پٲٹھؠ پیش کرنہٕ یتھ کٔنؠ مےٚ توٚہہِ کرنُک حکم دیُتمُت چُھ۔ ییٚلہ یہ نذرانہٕ بُزنہٕ ییہِ تہٕ امِچ خوشبو ییہِ مےٚ سیٹھاہ پسنٛد۔ 7پرٛتھ وریہ سٔتمہِ ریتکہِ دہمہِ تٲریخہ گٔژھؠ زیٚو میانہِ عبادتہٕ خٲطرٕ جمع۔ امہِ دوٚہہ نہ کٔرزیٚو کانٛہہ کٲم تہٕ نہ کھیی زیٚو کینٛہہ۔8ییٚلہ توٚہؠ امہِ دوٚہہ قربان گاہس پٮ۪ٹھ قربٲنیہ بُزیٚو تہٕ امِچ خوشبو ییہِ مےٚ سیٹھاہ پسنٛد۔ یمہ جانور توٚہہ انٕنؠ پزن، تِمن منٛز آسہ اکھ ہکُھر، اکھ کٹھ تہٕ وٲرشِنؠ ستتھ کٹہٕ برٕ۔ یم نۅقصہٕ ورٲے آسن۔9ہکھرس سٟتؠ آسہ زیتون تیٖل رلاوِتھ دوٗن شےٚ سیر اوٹ، کٹس سٟتؠ سۅد ترےٚ سیر۔10پرٛتھ کانٛسہِ کٹہٕ برس سٟتؠ زٟ سیر۔11پننٮ۪ن گُنہَن ہُنٛد کفارٕ دنہٕ باپتھ کٔرؠ زیٚون اکھ مُونٛگر تہِ نذرانہٕ، تہٕ یِم جانور، اوٹ تہٕ مےَ آسہ تِمو جانورو، مےَ تہٕ آٹہِ علاوٕ یُس توٚہؠ پرٛتھ دوٚہہ قربان گاہس پٮ۪ٹھ مکمل پٲٹھؠ بُزِتھ پیش کران چُھو۔12پننہِ ستمہِ ریتکہِ پنٛدہٲمہِ تٲریخہ چُھ توٚہہِ سارنی میانہِ عبادتہٕ باپتھ سمُن۔ امہِ دوٚہہ کٔریو نہٕ توٚہؠ بیٚیہِ کانٛہہ کٲم یۅسہ توٚہؠ عام پٲٹھؠ امہِ دوٚہہ کران چُھو۔ توٚہہ چُھ برابر ستن دوٚہُن یہ جشن مناوُن۔ 13ییٚلہ قربان گاہَس پٮ۪ٹھ قربٲنیہِ بُزنہٕ ین تہٕ امِچ خوشبو ییہِ مےٚ پسنٛد۔ یمہ جانور توٚہہِ قربٲنی خٲطرٕ انٕنؠ پزن تِم آسن تُرواہ ہکَھر ؤژھؠ، زٕ کٹھ، تہٕ وٲرشِنؠ ژۅداہ کٹہٕ برٕ۔ یمن جانورن گژھِ نہٕ کانٛہہ تہِ عٲب آسُن۔14تُرواہ ہو ہکھرو منٛزٕ گژھِ پرٛتھ أکِس سٟتؠ زیتون تیٖل رلاوِتھ دوٗن شےٚ سیر زٲیُل پیسِتھ اوٹ آسن۔ پرٛتھ کٹَس سٟتؠ سۅاد ترےٚ سیر۔15ژۅدہو کٹہٕ برو منٛزٕ ہر اکِس سٟتؠ زٟ زٟ سیر۔16تہٕ پنٕنؠ گناہ چھلنہٕ باپتھ گژھِ اکِس مُونگرٕ سنٛز قربانی تہِ دِنؠ یہ آسہ تِمو جانورو، آٹہِ تہٕ مےَ علاوٕ یمہٕ پرٛتھ دوٚہہ قربان گاہَس پٮ۪ٹھ بُزنہٕ یوان چھےٚ۔17ستن دوہن ہنٛدِ امہِ تہوارکہِ دوٚیمہِ دوٚہہ أنیٚو توٚہؠ قربان گاہَس پٮ۪ٹھ باہ ہکھر ؤژھؠ، زٕ کٹھ تہٕ وٲرشِنؠ ژۅداہ کٹہٕ برٕ۔ یمن جانورن گژھِ نہٕ کانٛہہ عٲب آسُن۔18جانورن سٟتؠ أنزیٚو اوٹ تہٕ مےَ یمِچ ضرورت چھےٚ۔19اکھ مُونگُر تہِ أنزیٚون قربٲنی خٲطرٕ پننٮ۪ن گُنہَن ہُند کفارٕ دنہٕ باپتھ۔ یمہٕ جانور آسن قربان گاہس پٮ۪ٹھ پرٛتھ دوٚہہ بُزنہٕ ینہٕ والیٚن جانورن، آٹہِ تہٕ مےَ کہ نذرانہٕ علاوٕ20تہوار کہِ تریمہِ دوٚہہ أنزیٚوکھ توٚہؠ قربان گاہس پٮ۪ٹھ کاہ ہکھر ؤژھؠ، زٕ کٹھ، تہٕ وٲرشِنؠ ژۅداہ کٹہٕ برٕ۔ یمن جانورن گژھِ نہٕ کانٛہہ تہِ عٲب آسُن۔ یم سٲری گژھن قربان گاہس پٮ۪ٹھ بُزنہٕ ینؠ، تہٕ یہنٛزِ خوشبو سٟتؠ گژھٕ بہٕ خوش۔21یمن جانورن سٟتؠ گژھِ اوٹ تہٕ مےَ تہِ نذرانہٕ باپتھ انُن یمِچ ضرورت پیٚوان چھےٚ۔22پننٮ۪ن گُنہن ہُنٛد کفارٕ دنہٕ باپتھ گژھِ اکِس مُونگرٕ سنٛز تہِ قربٲنی دِنؠ۔ یمہٕ جانور آسن قربان گاہس پٮ۪ٹھ پرٛتھ دوٚہہ بُزنہٕ ینہٕ والیٚن جانورن، آٹہِ تہٕ مےَ کہ نذرانہٕ علاوٕ۔23تہوار کہ ژورمہِ دوٚہہ أنیٚو توٚہؠ قربان گاہس پٮ۪ٹھ داہ ہکھر ؤژھؠ، زٕ کٹھ تہٕ وٲرشِنؠ ژۅداہ کٹہٕ برٕ۔ یمن جانورن گژھِ نہٕ کانٛہہ عٲب آسُن۔ یمہ سٲری گژھن قربان گاہس پٮ۪ٹھ بُزنہٕ یِنؠ، تہٕ یہنٛز خۅشبوٗ کرِ مےٚ خوش۔24یمن جانورن سٟتؠ أنزیٚو اوٹ تہٕ مےَ تہِ نذرانہٕ رنٛگؠ، یمِچ ضرورت چھےٚ۔25پنٕنؠ گناہ چھلنہٕ باپتھ کٔرؠ زیٚون اکھ مُونٛگُر تہِ قربان۔ یمہٕ جانور آسن تِمو جانورو علاوٕ یمہٕ جانور، اوٹ تہٕ مےَ پرٛتھ دوٚہہ قربان گاہس پٮ۪ٹھ بُزنہٕ یوان چھِ۔26تہوار کہ پانٛژمہِ دوٚہہ أنزیٚکھ توٚہؠ قربان گاہس پٮ۪ٹھ نو ہکھر، زٕ کٹھ تہٕ وارشِنؠ ژۅداہ کٹہٕ برٕ۔ یمن جانورن منٛز کانٛہہ عٲب آسہ نہٕ۔ یمہٕ سٲری گژھن قربان گاہس پٮ۪ٹھ بُزنہٕ یِنؠ، تہٕ یہنٛز خۅشبوٗ ییہِ مےٚ پسنٛد۔27یمن جانورن سٟتؠ گژھِ اوٹ تہٕ مےَ نذرانہٕ انُن یمچ ضرورت چھےٚ۔28تہٕ پننٮ۪ن گُنہَن ہُنٛد کفارٕ دنہٕ باپتھ کٔرزیٚون اکھ مُونگُر تہِ قربان۔ یمہ جانور آسن تِمو جانورو علاوٕ یمہِ جانور، اوٹ تہٕ مےَ پرٛتھ دوٚہہ قربان گاہس پٮ۪ٹھ نذر کرنہٕ ین۔29تہوار کہ شیمہِ دوٚہہ گژھن قربان گاہس پٮ۪ٹھ ٲٹھ ہکھر، زٕ کٹھ تہٕ وٲرشِنؠ ژۅداہ کٹہٕ برٕ انٕنؠ۔ یمن گژھِ نہٕ کُنہِ قسمُک عٲب آسُن۔ یمہٕ گژھن قربان گاہس پٮ۪ٹھ بُزنہٕ یِنؠ، تہٕ یہنٛزِ خۅشبویہِ سٟتؠ گژھٕ بہٕ سیٹھاہ خوش۔30یمن جانورن سٟتؠ گژھِ ضرورتُک اوٹ تہٕ مےَ تہِ نذرانہٕ انُن۔31تہٕ پنٕنؠ گناہ معاف کرناونہٕ باپتھ گژھِ اکھ مُونگُر تہِ قربانی باپتھ انُن۔ یمہ جانور آسن تِمو جانورو علاوٕ یمہِ جانور، اوٹ تہٕ مےَ پرٛتھ دوٚہہ قربان گاہس پٮ۪ٹھ پیش کرنہٕ یوان چُھ۔32تہوار کہ سٔتمہِ دوٚہہ أنیٚو توٚہؠ قربان گاہس پٮ۪ٹھ ستتھ ہکھر ؤژھؠ، زٕ کٹھ تہٕ وٲرشِنؠ ژۅداہ کٹہٕ برٕ۔ یمن جانورن گژھِ نہٕ کانٛہہ عٲب آسُن۔ یمہ سٲری گژھن قربان گاہس پٮ۪ٹھ بُزنہٕ یِنؠ، تہٕ یہنٛز خۅشبوٗ کرِ مےٚ خوش۔33یمن جانورن سٟتؠ أنزیٚو اوٹ تہٕ مےَ تہِ نذرانہٕ رنٛگؠ، یمِچ ضرورت چھےٚ۔34تہٕ پنٕنؠ گناہ چھلنہٕ باپتھ کٔرؠ زیٚون اکھ مُونٛگُر تہِ قربان۔ یمہٕ جانور آسن تِمو جانورو علاوٕ یمہٕ جانور، اوٹ تہٕ مےَ پرٛتھ دوٚہہ قربان گاہس پٮ۪ٹھ بُزنہٕ یوان چھِ۔35یہ تہوار شروع سپدنہٕ پتہٕ ٲٹھِ دوٚہؠ گٔژھؠ زیٚو توٚہؠ میانہ عبادتہٕ باپتھ بیٚیہِ جمع۔ توٚہہ چھنہٕ بیٚیہِ کانٛہہ سۅ کٲم کرٕنؠ یۅسہ توٚہؠ عام پٲٹھؠ دوٚہہ دوٗش کران چُھو۔36امہِ دوٚہہ چُھ توٚہہ قربان گاہس پٮ۪ٹھ اکھ دانٛد، اکھ بوٚڈ کٹھ تہٕ وٲرشِنؠ ستتھ کٹہٕ برٕ انٕنؠ۔ یمن جانورن منٛز گژھِ نہٕ کانٛہہ عٲب آسُن۔ یمہٕ سٲری گژھن قربان گاہس پٮ۪ٹھ بُزنہٕ ینؠ، تہٕ یہنٛز مُشٕک کرِ مےٚ مُعطر۔37دانٛدس، کٹس تہٕ پرٛتھ کانٛسہِ کٹہٕ برس سٟتؠ چُھ اوٹ تہٕ مےَ تہِ قربٲنی باپتھ ضرورت۔38تہٕ پنٕنؠ گناہ معاف کرناونہٕ باپتھ گژھِ اکھ مُونگُر تہِ قربانی باپتھ انُن۔ یمہ جانور آسن تِمو جانورو علاوٕ یمہِ جانور، اوٹ تہٕ مےَ پرٛتھ دوٚہہ قربان گاہس پٮ۪ٹھ پیش کرنہٕ یوان چُھ۔39تُہنٛدین تہوارن پٮ۪ٹھ چھےٚ یمہٕ قربٲنیہِ، یمہٕ توٚہہ مےٚ نِش اننہِ چھےٚ، تمہٕ قربٲنیہ، یمہٕ قربقن گاہس پٮ۪ٹھ پوٗرٕ پٲٹھؠ بُزنہٕ ین، اناجچ قربٲنی، مےَ یچ قربٲنی، تہٕ مےٚ سٟتؠ رفاقت قٲیم تھاونٕچ تہٕ ورتاونٕچ قربٲنی۔ یمہٕ آسن تمو نذرانو علاوٕ یمہٕ توٚہؠ مےٚ دِوان چُھو تکیازِ توٚہہ چُھو مےٚ سٟتؠ کینٛہہ کرنُک وعدہ کۅرمُت، تہٕ باقی کینٛہہ خاص نذرانہٕ یمہٕ یمہٕ توٚہؠ مےٚ دِنؠ چُھو یژھان۔40پتہٕ ونہِ موسیٰؔ ہن تمہٕ سارے کتھٕ اسرائیلی لوٗکن یمن ہُنٛد حکم یہُوواہنؔ تمِس کۅر۔
Bridge Connectivity Solutions Pvt. Ltd.