گریند30
1موسیٰؔ ہن بُلٲوؠ اسرائیلی قبیلٕکؠ زِٹھؠ تہٕ ووٚنُن تِمن۔ تٔمؠ ؤنؠ تِمن تِم احکام یِم یہُوواہنؔ تمِس دِتمٕتؠ ٲسؠ:2"اگر کانٛہہ شخص یہُوواہسؔ سٟتؠ وعدہ کرِ زِ بہٕ کرٕ کینٛہہ تمِس پزِ سُہ وعدہ نباوُن۔ 3اگر کانٛہہ جوان زٔنؠ یۅسہ وُنہٕ مٲلس ماجہِ سٟتی روزان آسہ تہٕ یہُوواہسؔ سٟتؠ کینٛہہ کرنُک وعدہ کرِ،4اگر تمسنٛدؠ مٲلؠ بوز زِ أمؠ کیاہ وعدہ کۅر تہٕ پتہٕ ونیٚس نہٕ سُہ کہین تہٕ تٔمؠ یُس وعدہ کۅرمُت آسہ سُہ پزِ تس پوٗرٕ کرُن۔5وۅنؠ اگر تمسنٛدؠ مٲلؠ بوز زِ أمؠ کیاہ وعدہ کۅر تہٕ تٔمؠ دِتُس نہٕ تہِ کرنُک اجازت تیٚلہِ چُھنہٕ تمسنٛدِ خٲطرٕ تہِ کرُن ضروری۔ یہُوواہؔ کرِ تمِس معاف سُہ وعدہ پوٗرٕ نہ کرنہٕ خٲطرٕ یُس تٔمؠ کۅرمُت آسہ۔6اگر کانٛہہ انۂرِش زٔنؠ یہُوواہسؔ سٟتؠ وعدہ کرِ زِ سۅ کرِ کانٛہہ کٲم، مگر پتہٕ سپدِ تمسُنٛد خاندر،7اگر سۅ تتھ اقرار تحت خاندارس سٟتؠ خاندر کرِ، یا سۅ کتھٕ پانس پٮ۪ٹھ وٲجب بنٲوِتھ کرِ، تمِس پزِ تتھ پٮ۪ٹھ قٲیم روزُن۔8وۅنؠ اگر تمسُنٛد خاندار تمہِ وزِ تس رُکاوِ ییٚلہِ سُہ تتھ متعلق بوزِ، تمہِ دوٚہہ پُھٹراوِ سۅ سُہ اقرار یُس تٔمؠ کۅرمُت اوس، تمؠ یہ زبٲنؠ سٟتؠ پانس پٮ۪ٹھ وٲجب کۅرمُت اوس تہٕ پتہٕ پالنہٕ تہِ۔ یہُوواہؔ تراوِ تس یلہٕ۔9اگر کانٛہہ مونٛڈ یا مۅکلاونہٕ آمٕژ زٔنؠ کانٛہہ وعدہ کرِ تہٕ تمِس پزِ سُہ کۅرمُت وعدہ پوٗرٕ کرُن۔10اگر کانٛہہ خانٛدرٕ واجِنؠ زٔنؠ کینٛہہ کرنُک وعدہ کرِ،11تہٕ تمسُنٛد خاندار تتھ متعلق بوزِ تہٕ پتہٕ کرنہٕ کانٛہہ اعتراض تہٕ تمِس تہِ پزِ سُہ وعدہ برابر پوٗرٕ کرُن۔12وۅنؠ اگر تٔمؠ تتھ متعلق بوز تہٕ پتہٕ دیُتنس نہٕ تہِ کرنُک اجازت تیٚلہِ چُھنہٕ تس سُہ وعدہ پوٗرٕ کرنُک کانٛہہ ضرورت، تہٕ یہُوواہؔ کرِ تس تہِ نہ کرُن معاف۔13اکِس زنہِ ہُنٛد خاندار ہیٚکہ تس سۅ کٲم کرنہٕ باپتھ ونِتھ یمیُک تٔمؠ وعدہ آسہ کۅرمُت، نتہٕ ہیٚکیٚس نہٕ اجازتھےٕ دِتھ یمیُک تٔمؠ وعدہ آسہ کۅرمُت۔14وۅنؠ اگر سُہ اتھ ماملس منٛز واریہس کالس کانٛہہ اعتراضےٕ کرِنہٕ تہٕ تمِس پزِ تی کرُن یمیُک تمہِ وعدہ آسہ کۅرمُت۔15اگر سۅ کینٛہہ کرنُک وعدہ کرنہٕ پتہٕ واریہس کالس پرارِ تہٕ پتہٕ ونہِ سُہ تس زِ بہٕ دِمے نہٕ ژےٚ تہِ کرنُک اجازت، اگر نہٕ پتہٕ تمہِ سُہ وعدہ پوٗرٕ کۅر یُس تمہِ کۅرمُت اوس تہٕ تمِس ییہِ نہٕ سزا دِنہٕ۔ تمسُنٛد خاندار آسہ سُہ یمِس یہُوواہؔ سزا دییہِ۔"16یم چھِ تِم ضٲبطٕ یمہٕ یہُوواہنؔ موسیٰؔ ہس خاندارن، خاندارنیٚن تہٕ جوان زنیٚن خٲطرٕ یمہٕ والدینن سٟتؠ روزن آسن دِتمٕتؠ ٲسؠ۔
Bridge Connectivity Solutions Pvt. Ltd.