گریند19
1امہِ پتہٕ ووٚن یہُوواہنؔ ہارونسؔ تہٕ موسیٰؔ ہس،2وۅنؠ چُھسو بہٕ توٚہہِ بیٚیہِ اکھ حکم دِوان۔ اسرائیلی لوٗکن ؤنیٚو زِ تِم انن تۅٚہہ نش گُرٕ رنٛگچ گاو یۅسہٕ نۅقصہٕ ورٲے آسہ۔ یہ گژھِ نہٕ آسٕنؠ زانٛہہ وانہِ لاگنہٕ آمٕژ3یہ کٔرؠ وون کاہن الِیعزرؔس حوالہٕ۔ سُہ نیٚیہ أمِس کیمپس نیٚبر کُن تہٕ کرناویس کانٛسہِ اتھِ زبح۔4تہٕ الِیعزرؔ بُڈٕناوِ اتھ خوٗنس منٛز پنٕنؠ اونٛگڈ تہٕ کرٕ امہِ سٟتؠ ستہِ لٹہ مقدس خٟمس نِش پتھرِس چِھرکاو۔5پتہٕ روزِ الِیعزرؔ وچھان، گاو گژھِ مکمل پٲٹھؠ بُزنہٕ ینؠ، تمسُنٛد چمبرٕ، ماز، باقی خوٗن، تہٕ تمسُنٛد گُہہ تام۔6پتہٕ تُلہ الِیعزرؔ دیودارٕچ اکھ لور، زوفا ناوچہ لکٕرِ ہُنٛد اکھ ڈنڈٕ تہٕ ۅزلہِ رنگُک کینٛہہ ییر تہٕ تراوِ تتھ نارس منٛز یتھ منٛز گاو بُزنہٕ آیہ۔ 7پتہٕ چھِ کاہنس ضروری پنٕنؠ پلو چھلٕنؠ تہٕ سران کرُن۔ یہ کرنہٕ پتہٕ ہیٚکہ سُہ کیمپس منٛز واپس یِتھ۔ مگر امہ دوٚہہ شامس تام آسہ نہٕ سُہ کانٛہہ تہِ مقدس کٲم کرُن لایکھ۔8گاو بُزن وول تہِ چھلہِ پنٕنؠ پلو تہٕ بیٚیہِ کرِ غسُل تہٕ سُتہ آسہ شام تام میانہِ خٲطرٕ ناقٲبلِ قبول۔9پتہٕ یُس شخص میانہِ باپتھ ناقٲبلِ قبول آسہ نہٕ سُہ سومبراوِ گٲو ہُنٛد سوٗر تہٕ تھاوِ خٟمس نیٚبرٕ کنہِ کُنہ مقدس جایہ جمع۔ یہ سوٗر گژھِ ضروری تتھ جایہ روزُن یُتھ زن اسرائیل لٕکؠ لوٗکھ تتھ استعمال کرن ییٚلہ تِم پنٕنؠ گناہ دور کرنٕچ رسٕم انجام دنہٕ باپتھ سُہ آبس سٟتؠ رلاوِتھ چیٚن۔ 10یُس نفر گٲو ہُنٛد سوٗر جمع کرِ تس تہِ پزن پنٕنؠ پلو چھلٕنؠ تہٕ روزِ نہٕ امہِ دوٚہہ شام تام کانٛہہ مقدس کٲم کرنس قٲبل۔ یہ چُھ اکھ سُہ ضٲبط یُس نہٕ زانٛہہ تہِ بدلاونہٕ ییہِ۔ توٚہہِ سارنی اسرائیل ین تہٕ توٚہہِ سٟتؠ روزن والیٚن غٲر ملکی ین چھےٚ امِچ عبادت کرنؠ۔11تِم سٲری یم کانٛسہِ میتس اتھٕ لاگن روزن ستن دوٚہُن میانہِ باپتھ نا قٲبلِ قبول۔12کُنہ لاشہ اتھٕ لاگنہٕ پتہٕ تریٚیہ دوٚہؠ تہٕ ستمہِ دوٚہؠ پتہٕ میانؠ قبولیت پراونہٕ باپتھ چُھ گۅڈٕ تِمن امہِ آبہٕ سٟتؠ پانس چھرکاو کرن تاکہ تِہنٛدؠ گناہ ین چھلنہٕ۔ اگر تِم یمن دونونؠ دوٚہُن یہ کرن نہٕ تیٚلہ روزن تِم میانہِ خٲطرٕ ناقٲبلِ قبول۔13تِم سٲری لوٗکھ یمہ کُنہ لاشہ اتھٕ لاگن تہٕ دبارٕ مےٚ قٲبلِ قبول بننہٕ خٲطرٕ یہ رسٕم بہتر پٲٹھؠ انجام دِن تِم چھِ یہُوواہؔ سُنٛد مقدس خٟمہ ناپاک کران۔ تِمن آسہ نہٕ اسرائیلی لوٗکن سٟتؠ روزنُک اجازت۔ تِمن پٮ۪ٹھ آسہ نہ گناہ چھلنہٕ باپتھ آبُک چِھرکاو کرنہٕ آمُت، اوٕ کِنؠ آسن تِم میانہِ باپتھ نا قٲبلِ قبول۔14بیٚیہِ تہِ چھےٚ اکھ عمل یۅسہ خٟمس منٛز کانٛسہِ ہنٛدس مرنس پٮ۪ٹھ انجام دِنؠ ضروری چھےٚ۔ تمہ تمام لوٗکھ یمہ خٟمس منٛز آسن ییٚلہ سُہ شخص مرِ یا کانٛہہ خٟمس انٛدر اژِ تمہٕ سپدن مےٚ ستن دوٚہُن خٲطرٕ ناقٲبلِ قبوٗل۔15تتھ خٟمس منٛز اگر کانٛہہ بانہٕ ٹھانہٕ وُتھےٕ آسہ سُہ استعمال کرنُک چُھنہٕ اجازت۔16اگر کانٛہہ شخص کھہَس پٮ۪ٹھ آسہ تہٕ تتہِ کانٛسہِ ہنٛزٕ لاشہ اتھٕ لاگہ، یُس مارنہٕ آمُت آسہ یا پانے ممُت آسہ یا کانٛہہ شخص کانٛسہِ انسان سنٛزِ أڈجہ اتھٕ لاگہ یا کُنہِ قبرِ اتھٕ لاگہ، سُہ شخص سپدِ میانہِ خٲطرٕ ستن دوٚہُن باپتھ ناقٲبلِ قبوٗل۔17اگر کانٛہہ شخص یتھٕ پٲٹھؠ دُبارٕ میانہِ خٲطرٕ قٲبلِ قبول سپُد تہٕ تمِس چُھ تمِس گٲو ہُنٛد سوٗر یۅسہ زالنہٕ آمٕژ ٲس انُن تہٕ کُنہٕ بانس منٛز برُن۔ پتہٕ اتھ سوٗرس پٮ۪ٹھ تازٕ آبہٕ ہنا تراوٕنؠ۔18پتہٕ ییٚلہ کانٛہہ شخص یُس نہٕ میانہِ خٲطرٕ ناقٲبلِ قبوٗل سپُدمُت آسہ تمِس پزِ زوف کلِچ اکھ لنٛڈ تُلٕنؠ تہٕ سۅ آبس منٛز بُڈٕونؠ۔ پتہٕ پزِ تمِس شخصس تتھ خٟمس آبہٕ سٟتؠ چِھرکاو کرُن یتہ سُہ نفر ممُت آسہ، تتھ خٟمس منٛز موجود چیزن پٮ۪ٹھ تہٕ تِمن لوٗکن پٮ۪ٹھ یمہ خٟمس منٛز ٲسؠ۔ تمِس پزِ امہِ آبہٕ سٟتؠ تمِس شخصس تہِ چِھرکاو کرُن یمؠ کانٛسہِ انسان سنٛزِ أڈجہ تہِ اتھٕ لوگمُت آسہ یا کانٛسہِ مارنہٕ آمتِس انسانس اتھٕ لوگمُت آسہ یا کانٛسہ تِتھس نفرس یُس قُدرتی طور گُزریمُت آسہ یا یمؠ کُنہِ قبرِ اتھٕ لوگمُت آسہ۔19تریمہِ دوٚہہ یا تمہ پتہٕ ستہِ دوٚہؠ یُس شخص مےٚ پسند چُھ چُھکھ ضروری تِمن نفرن تہِ سُہ آب یمہ میانہِ خٲطرٕ نا پسنٛد دیدٕ آسن۔ سٔتمہِ دوٚہہ یمہ لوٗکھ یہ رسم انجام دِن تاکہ تِم سپدن دُبارٕ میانہٕ باپتھ قٲبلِ قبول تِم چھلن پنٕنؠ پلو تہٕ کرن غسُل۔ اگر تِم یہ کرن تہٕ امہِ دوٚہہ شامس سپدن تمہٕ بیٚیہِ میانہِ باپتھ قٲبلِ قبول۔20اگر تمہٕ لوٗکھ یمہ میانہٕ باپتھ ناقٲبلِ قبوٗل سپٕدؠ مٕتؠ آسن تہٕ پتھ تہِ کٔرِتھ دبارٕ میانہ باپتھ ناقٲبلِ قبوٗل سپدن تہٕ تیٚلہ آسہ نہٕ تِمن پتہٕ اسرائیلی قومس منٛز روزنُک اجازت، تکیازِ تہنٛدِ سٟتؠ سپُد میٚون مقدس خٟمہ ناپاک۔ تِمو کۅر نہٕ تمہِ آبہٕ سٟتؠ پانس چِھرکاو یمہ سٟتؠ تہنٛدؠ کٔرؠ مٕتؠ گناہ چھلنہٕ یہَن، امہِ کِنؠ روزن تِمہ میانہِ باپتھ ناقٲبلِ قبول۔21یہ چُھ اسرائیلی لوٗکن باپتھ اکھ قانون یُس نہٕ زانٛہہ بدلہِ۔ یمہ لوٗکھ امہِ آبہٕ سٟتؠ پانس چِھرکاو کرن چھلن پنٕنؠ پلو تہِ۔ تہٕ یُس اتھ آبس اتھٕ لاگہ یُس گُنہن ہنٛدؠ قصور دوٗر چُھ کرن۔ سُہ روزِ شامس تام خدایس برُونٛہہ کنہِ ناقٲبلِ قبوٗل۔22کانٛہہ تہِ چیز یا کانٛہہ تہِ شخص یس کانٛسہِ ناقٲبلِ قبوٗل فردن اتھٕ لوگمُت آسہ سپدِ میانہِ باپتھ ناقٲبلِ قبوٗل سُہ روزِ امہِ دوٚہہ شامس تام میانہِ باپتھ ناقٲبلِ قبوٗل۔
Bridge Connectivity Solutions Pvt. Ltd.