گریند20
1دویمہِ ورؠ یکہٕ گۅڈنِکہ ریٚتہٕ دراے اسرائیل لٕکؠ لوٗکھ صِینؔ کیٚن بیابانن کُن تہٕ دتِکھؠ پنٕنؠ خٲمہٕ قادِس جایہ نِش۔ تتہِ روزنس دوران گُزرییہِ موسیٰؔ سنٛز بیٚنہِ مریمؔ تہٕ کٔرکھ تتہِ دفن۔2تتہِ اوس نہٕ لوٗکن چیٚنہٕ خٲطرٕ آبےٕ یمہ کِنؠ تِم ہارونسؔ تہٕ موسیٰؔ ہس نِش آے۔3تِمو کٔر تتہِ شکایت تہٕ ونُکھ، "کاش أسؠ آسہٕ ہو یہُوواہؔ سنٛدِس مقدس خٟمس نِشہ گُزریمٕتؠ، ییٚلہ سٲنؠ اسرائیلی سٲتھی مودؠ!4کیاہ توٚہہِ أنوا أسؠ یہُوواہؔ سنٛدؠ لوٗکھ یتھ ریگسانس منٛز سٲنؠ چو چاروٲے ہیٚتھ مرنہٕ باپتھ؟5توٚہہِ کیازِ أنیٚو أسؠ مِصرٕ پٮ۪ٹھٕ یتھ منحوس جایہ؟ یتہِ نہ چُھ کانٛہہ کھیٚن چیٚن، نہ چھِ انجیر، نہ دچھ تہٕ نہ دٲن۔ تہٕ نہ چھےٚ اسہِ چیٚنہٕ باپتھ تریش۔"6موسیٰؔ تہٕ ہارونؔ ژٔلؠ لوٗکو نشہٕ تہٕ گے مقدس خٟمہٕ کِس دروازس نِش تہٕ دتُکھ سجدٕ۔ تِتھُے گو یہُوواہؔ پننِس جلالس منٛز تِمن برُونٛہہ کنہِ ظٲہر۔7پتہٕ ووٚن یہُوواہنؔ موسیٰؔ ہس، ییٚلہ یہُوواہؔ پننِس جلالس منٛز ظٲہر سپُد،8"ژےٚ تہٕ ہارونس پزِ ہارونؔ سُنٛد عاصہ تلُن تہٕ تمام لوٗکھ جمع کرٕنؠ۔ ییٚلہ لوٗکھ وچھان آسن، ہُتھ بجہ کنہِ دی زیٚو حکم زِ آب دِ۔ امہِ منٛزٕ نیرِ لوٗکو باپتھ آب۔ یمن سارنی باپتھ تہٕ یہنٛدین چون چارواین بابتھ نیرِ واریاہ آب۔9موسیٰؔ ہن کۅر تی یہ یہُوواہنؔ تمِس کرُن ووٚن۔ تٔمؠ اوٚن مقدس خٟمہٕ منٛزٕ ہارون سُنٛد سُہ عاصہٕ یُس تتہِ تھومُت اوسُکھ۔10پتہٕ أنؠ ہاروننؔ تہٕ موسیٰؔ ہن تمام لوٗکھ تتھ کنہِ نِش ناد دِتھ۔ تہٕ موسیٰؔ ہن ووٚن تِمن، "اے سرکش لوٗکو، بوزیٚو! یہ چُھ سانہِ خٲطرٕ ضروری زِ أسؠ ہیٚمو تُہنٛدِ باپتھ یتھ کنہِ آب؟11پتہٕ تُلؠ موسیٰؔ ہن پنٕنؠ اتھٕ تہٕ کنہِ سٟتؠ کتھ کرنہٕ بجایہ دِتُن اسہِ سٟتؠ کنہِ دویہِ لٹہِ ٹاس۔ تہٕ آب لوٚگ بُبرایہ نیرنہ۔ یتھ کنؠ چییہِ تمام لوٗکو تہٕ تہنٛدیٚو چاروایو تریش یۅسہ تِم ژھانٛڈان ٲسؠ۔ 12مگر یہُوواہنؔ ووٚن ہارونس تہٕ موسیٰؔ ہس، "توٚہہ کۅرو نہٕ مےٚ پٮ۪ٹھ بھروسہٕ تہٕ نہ کۅرو اسرائیلی لوٗکن برُونٛٹھ کنہِ میٚون احترام، لہٰذا ہیٚکؠ ووکھ نہٕ یِم توٚہؠ تتھ ملکس منٛز نِتھ یُس مےٚ یِمن دیُتمُت چُھ۔"13امہِ پتہٕ پیٚو اتھ جایہ مریبہؔ ناو تمیُک مطلب چُھ 'بحث کرُن' تکیازِ تتھ جایہ کۅر اسرائیل یو یہُوواہسؔ خلاف بحث تہٕ تتِتھ بچوو تٔمؠ تمہٕ تریش چیٲوِتھ پنُن عزت تہٕ تقدُس۔14ییٚلہ لوٗکھ قادِسؔ جایہ ٲسؠ تہٕ موسیٰؔ ہو سوز پنُن قٲصد عدوم کِس بادشاہس نِش یہ وننہٕ باپتھ، "تُہنٛدؠ رشتہٕ دار یعنی اسرائیلی لوٗکھ چھِ توٚہہِ یہ پٲغام سوزان۔ توٚہؠ چُھو زانان زِ اسہِ کٲتیاہ مصیبت آے۔15توٚہؠ چُھو زانان زِ جدٕ اجداد گے مِصر۔ توٚہؠ چُھو زانان زِ تِم رودؠ تتہِ واریہن ورؠ ین۔ تِمو تُلؠ تتہِ مصیبت، تکیازِ مِصرٕ کیٚو حٲکمو بنٲوؠ تمہٕ پنٕنؠ غلام تہٕ کرنٲوِکھ سخت محنت۔16مگر ییٚلہ تِمو یہُوواہسؔ ناد لوُے تہٕ تمؠ بوز تِہُنٛد تہٕ سوزنکھ اکھ فرشتہٕ یمؠ تمہٕ مِصرٕ منٛزٕ کڈِتھ أنؠ۔ وۅنؠ دِتؠ اسہِ یتہ چٲنِس ملکس منٛز سرحدس نِشہ واقع قادِس شہرس منٛز پنٕنؠ خٟمہٕ۔17مہربٲنی کرِتھ دی تو اسہِ پننہ ملکہ منٛزؠ نیرنُک اجازت۔ أسؠ روزو حیٚسہٕ، چانیٚو کھہَو تہ باغو منٛزؠ نیرو نہٕ۔ أسؠ کرو نہٕ چانیٚن کریریٚن ہُنٛد آب تہِ استعمال۔ ییٚلہ أسؠ سفر کرو، أسؠ ٹھہرو شٲہی وتہِ پٮ۪ٹھ، یۅسہ مرکزی سڑک جنوب پٮ۪ٹھٕ شمال کُن گژھان چھےٚ تہٕ أسؠ وسو نہٕ تمہِ سڑکہ پٮ۪ٹھ تۅتام بۅن یۅتام نہٕ أسؠ تُہنٛدِ ملکٕکؠ سرحد پار کرو۔"18مگر ادومٕکؠ بادشاہن مون نہٕ۔ تٔمؠ ووٚن، "میانہ ملکہٕ نیٚبر روزؠ زیٚو! اگر توٚہہ یور اژنٕچ کوشش کٔرو تہٕ بہٕ سوزٕ توٚہہِ پٮ۪ٹھ حملہٕ کرنہٕ باپتھ پنُن فوج۔19اسرائیل کیٚو قٲصدو دِتُس جواب، "اگر أسؠ تُہنٛدِ ملکہٕ منٛزؠ نیرو أسؠ روزو مرکزی سڑکہ پٮ۪ٹھ۔ اگر اسہِ منٛزٕ یا سانیٚو چاروایو منٛزٕ کانٛہہ تُہنٛز تریش چییہِ تہٕ أسؠ دِمو تمیُک قٟمت۔ أسؠ چھِ صرف تُہنٛدِ ملکہٕ منٛزؠ سفر کرُن یژھان۔ اسہِ گژھِ نہٕ بیٚیہِ کِہین۔"20مگر ادومٕکؠ بادشاہن وُننکھ یورٕ، "نہ! سانہِ ملکہ نشہٕ روزیٚو دوٗر! أسؠ دِمو نہٕ توٚہہِ پننہِ سرِ زمینہ منٛزؠ نیرنُک اجازت!" پتہٕ سوز تٔمؠ پننہِ فوجُک اکھ مضبوط سِپاہ یُتھ زن تِمہ بنی اسرائیلی پننِس ملکس منٛز اژنہٕ نِشہ رکاونہٕ ین۔21چونکہ ادومٕکؠ بادشاہن کۅر اسرائیل ین پننہِ ملکہ منٛزؠ نیرنُک اجازت دِنس انکار اوٕ کِنؠ پھیرؠ تِم واپس تہٕ دراے بدل وتہِ۔22اسرائیلی لوٗکو ترُوو قادِسؔ شہر۔ تِم گے ہور پہاڑس پٮ۪ٹھ،23یُس ادوم سرحدس پٮ۪ٹھ چُھ۔ ییٚلہ تِم تتہِ ٹھہریاے، یہُوواہنؔ ووٚن ہارونسؔ تہٕ موسیٰؔ ہس،24"ہارون سنٛدِ مرنُک وق ووت۔ سُہ سپدیٚنہٕ تتھ ملکس منٛز دٲخل یُس بہٕ توٚہہِ اسرائیل ین دِوان چُھس، تکیازِ توٚہہ دوٚنویو ہارونن تہٕ موسیٰؔ ہن کٔرو میانؠ نافرمٲنی ییٚلہ مےٚ توٚہہِ ووٚن زِ کنہِ سٟتؠ کٔریٚو کتھ یُتھ سۅ توٚہہِ مریبہؔ ہس منٛز آب دییہِ۔ 25موسیٰؔ وۅنؠ نِن ژٕ، ہارونؔ تہٕ تمسُنٛد نیٚچو الِیعزرؔ ہورؔ پہاڑس پٮ۪ٹھ۔26تتہِ کڈِ ہارونؔ تِمہ پلو نیٚبر یمہٕ سُہ بحثیتِ کاہن لاگان چُھ تہٕ لاگہ پننِس نیٚچوِس الِیعزرؔس۔ ہارونؔ گُذرِ تٔتی تہٕ رلہِ پننٮ۪ن گُذریمتٮ۪ن جدن سٟتؠ۔"27لہٰذا کۅر موسیٰؔ ہن تی یہ یہُوواہنؔ حکم کۅرُس۔ تِم تریٚنوے کٔھتؠ ہور پہاڑس پٮ۪ٹھ، یہ زن سٲری اسرائیلی وچھان ٲسؠ۔28پہاڑ کِس تینتٲلِس پٮ۪ٹھ کٔڈؠ موسیٰؔ ہن ہارونؔ سنٛدؠ تِم پلو یمہٕ سُہ بحثیتِ کاہن لاگان اوس تہٕ لاگِن الِیعزرؔس۔ پتہٕ گُذریٚو ہارونؔ تٔتھؠ پہاڑٕ تینتٲلِس پٮ۪ٹھ، الِیعزرؔ تہٕ موسیٰؔ ؤتھؠ واپس بوٚن۔29ییٚلہِ اسرائیل ین پےَ لُگ زِ ہارون گُذریاو تہٕ ساروےٕ رۅٹ تمسنٛدِ باپتھ أکِس ریٚتس ماتم۔
Bridge Connectivity Solutions Pvt. Ltd.