گریند16
1اکہ دوٚہہ کٔر اضہارؔ سنٛدؠ نیٚچی قورحؔ ہن تہٕ لاوی سنٛدؠ زُرؠ قہاتنؔ الیابؔ سنٛدین نیٚچوٮ۪ن داتنؔ تہٕ ابیرامسؔ سٟتؠ سٲزِش، تہٕ بیٚیہِ اوسکھ پلتؔ سُنٛد نیٚچو اونؔ سٟتؠ۔ یمہ سٲری ٲسؠ روبن سنٛدِ قبیلٕکؠ۔2یمو ژورو نفرو کٔرؠ بیٚیہِ 250 نفر یم اسرائیلی لوٗکن ہنٛدؠ رہبر ٲسؠ موسیٰؔ ہس خلاف بغاوت کرنس پٮ۪ٹھ آمادٕ۔3تِم گے ہارونسؔ تہٕ موسیٰؔ ہس کٕٹھ کڈنہٕ باپتھ جمع۔ تِمو ووٚن تِمن، "توٚہؠ زٕ چُھو تمہِ کھۅتہٕ زیادٕ زٹِھل ہاوان ییتیاہ توٚہؠ چُھو! یہُوواہنؔ تھٲوؠ أسؠ سٲری اسرائیلی الگ تہٕ سُہ چُھ اسہِ سارنےٕ سٟتؠ۔ تہٕ توٚہؠ کیازِ چُھو تہِ کران زنتہٕ توٚہؠ باقی لوٗکو کھۅتہٕ زیادٕ اہم چُھو، یمہ یہُوواہؔ سنٛدؠ چھِ؟4ییٚلہ موسیٰؔ ہن بوز زِ یمہ کیاہ چھِ ونان تہٕ سُہ گو زمینس پٮ۪ٹھ سر بسجود دۅکھس منٛز۔5پتہٕ ووٚن تٔمؠ قورحؔ ہس تہٕ قورحؔ سنٛدین سٲتھین، "پگاہ صُبحٲے ہاوِ یہُوواہؔ اسہِ زِ تٔمؠ کُس چُھ پنُن کاہن ژورمُت، کُس چُھ پاک تہٕ کس چُھ تس برُونٛہہ کُن ینُک اجازت۔ یہُوواہؔ دییہِ صرف تِمن نفرن اجازت یمن سُہ پانس برُونٛہہ کُن ینُک اجازت دِوان چُھ۔6ہے قورحؔ، پگاہ کٔرزِ ژٕ تہٕ ژےٚ یمہٕ باقی سٟتؠ چھی بخور زالنہٕ باپتھ پنٕنؠ بانہٕ تیار۔7پتہٕ زٲلؠ زیٚو توٚہؠ تتھ منٛز نار تہٕ نارس منٛز یہُوواہؔ سنٛدِس خدمتس منٛز بخور۔ پتہٕ وُچھو أسؠ زِ اسہِ منٛزٕ کُس چُھ یہُوواہنؔ پنُن مقدس خٲدم بننہٕ خٲطرٕ ژورمُت۔ یہ چُھو توٚہی لاوی یو ہنٛدیٚو اولادو انٛدرٕ لوٗکھ یمہٕ زیادٕ اختیار استعمال کرنٕچ کوشش کران چھِ!8پتہٕ کٔر موسیٰؔ ہن دبارٕ قورحؔ ہس سٟتؠ کتھَ۔ تٔمؠ ووٚن، "اے لاوی قبیلہٕ کیٚو لوٗکو، میانؠ کتھ بوزیٚو وۅنؠ!9توٚہؠ چھون سُہ یہُوواہؔ زانان، یمؠ اسرائیل لٕکؠ خداین توٚہؠ لاوی ژٲرؠ نو اسرائیلی قبیلو منٛزٕ تاکہِ توٚہؠ کٔریٚو تمسنٛدِ باپتھ مقدس خٟمس منٛز کٲم تہٕ سرچٲووکھ لوٗکھ۔ کیاہ توٚہہِ چُھوا پننہِ خٲطرٕ یہ کرُن اکھ معمولی کتھ باسان؟10یہُوواہنؔ اُنکھ ژٕ قورحؔ تہٕ لاوی نسلٕکؠ سٲتھی پانس قریب۔ وۅنؠ چُھو توٚہؠ کاہن بننٕکؠ تہِ مطالبہ کران؟11یہ چُھ سیدِ سیٚود یہُوواہؔ یمِس خلاف ژٕ تہٕ چٲنؠ سٲتھی لاوین ہنٛدؠ اولاد بغاوت کران چھِ۔ ہارونؔ چُھنہٕ اکھ یمِس خلاف توٚہؠ پزی شکایت کران چُھو۔"12پتہٕ انیاے موسیٰؔ ہن داتنؔ تہٕ ابیرامؔ ناد دِتھ مگر تِمو مونُس نہٕ۔ تِمو سوزٕس شیٚچھ زِ أسؠ یمو نہٕ ژےٚ نِش۔13ژےٚ أنِتھ أسؠ مِصرٕ منٛزٕ کٔڈتھ یُس سیٹھاہ زرخیز ملک اوس یُتھ أسؠ یتھ سحراوس منٛز مرَو۔ سُہ گو سیٹھاہ ناکارٕ۔ مگر وۅنؠ چُھکھ ژٕ کوشش کران اسہِ پٮ۪ٹھ حکمرانی کرنٕچ، یہ گو نہٕ جان۔14ژےٚ دِژتھ نہٕ اسہِ روزنہٕ خٲطرٕ کانٛہہ نٔو جایاہ۔ یتہِ باقی زرخیز کھاہ تہٕ دچھِ باغ آسہٕ ہن۔ ژٕ چُھکھ صرف یمہٕ لوٗکھ أنؠ بناونٕچ کوشش کران۔ امہِ کِنؠ یمو نہٕ أسؠ ژیٚنِش۔"15موسیٰؔ ہس کھۅت یہ بوزِتھ سخت شرارتھ۔ تٔمؠ مونٛگ دعا یہُوواہسؔ، "یُس اناج یمو نذرانہٕ اوٚن سُہ کٔرؠ زیٚو نہٕ قبوٗل۔ مےٚ روٚٹ نہٕ یمن نِش کِہین، معمولی اکھ خچُر تیٚنہٕ، تہٕ مےٚ ورتوو نہٕ زانٛہہ تہِ یمن سٟتؠ کُنہِ قسمُک غلط۔ لہٰذا گژھِنہٕ یمن مےٚ سٟتؠ شکایِتُک کانٛہہ بٲعث آسن۔"16پتہٕ ووٚن موسیٰؔ ہن قورحؔ ہسِ "ژےٚ تہٕ ژےٚ سٟتؠ روزن والیٚن پزِ پگاہ یتُتھ یُن تہٕ یہُوواہسؔ برُۅنٛہہ کنہِ کھڑا سپدُن۔ ہارونؔ تہِ اسہِ یتی۔17ژٕ تہٕ ژےٚ سٟتؠ یمہ تمام 250 نفر رٹن اکھ اکھ تٲو تہٕ تتھ منٛز زالن یہُوواہسؔ نذرانہٕ رنٛگؠ بخور۔ ہارون تہِ کرٕ یتھے پٲٹھؠ۔"18چونکہ تِمو منٛزٕ ٲس پرٛتھ أکِس نفرس اتھِ بخور زالنہٕ باپتھ اکھ اکھ تٲو۔ تمو بوٚر تِمن منٛز نار تہٕ تروٕہس بخور یُتھ سُہ چمکہِ، تہٕ پتہٕ گے تِم سٲری ہارونسؔ تہٕ موسیٰؔ ہس سٟتؠ مقدس خٟمہ کِس دروازس پٮ۪ٹھ کھڑا۔19پتہٕ أنؠ قورحؔ ہن تِم ساری یمہ تسنٛدؠ حٲمی تہٕ موسیٰؔ ہس مُخالف ٲسؠ ناد دٕتھ تہٕ تِمہ تہِ گے خٟمہ کِس دروازس نِش جمع۔ پتہٕ گو یہُوواہؔ سُنٛد جلال تِمن سارنی پٮ۪ٹھ طٲری۔20یہُوواہنؔ ووٚن ہارونسؔ تہٕ موسیٰؔ ہس،21"یمو ساروےٕ لوٗکو نشہٕ روزیٚو دور تاکہ یم کرکھ بہٕ یکدم نابود!"22مگر ہاروننؔ تہٕ موسیٰؔ ہن ترُوو دۅکھس منٛز زمینس پٮ۪ٹھ سجدٕ۔ تِمو منٛج یہُوواہسؔ مِنت تہٕ ونُن، "خدایہ، ژےٕ چُھکھ یمؠ یِمن لوٗکن زُوو دیُت۔ یمو منٛزٕ کۅر أکؠ فردن خطا۔ کیاہ یہ چھا تُہنٛدِ خٲطرٕ جان زِ توٚہؠ گٔژھیٚو سارنی لوٗکن ناراض؟ 23یہُوواہنؔ ووٚن موسیٰؔ ہس،24"ٹھیک چُھ، مگر سارنی لوٗکن ون زِ قورحؔ، داتنؔ تہٕ ابیرامؔ سنٛدین خٟمن نِش روزیٚو دور۔"25پتہٕ وُتھ موسیٰؔ تھوٚد تہٕ گو داتنؔ تہٕ ابیرامؔ سنٛدِس خٟمس کُن۔ اسرائیلی زِٹھؠ دراے تس پتہٕ پتہٕ۔26یمو گناہ گار نفرن ہنٛدیٚو خٟمو نشہٕ روزیٚو دور تہٕ یہنٛدس کُنہِ چیزس مہٕ لٲگیٚو اتھٕ۔ اگر توٚہؠ کنہٕ چیزس اتھٕ لٲگیٚو یہنٛدؠ گناہ ولنہٕ ینہٕ سببہٕ مٔریٚو توٚہؠ!"27پتہٕ ژٔلؠ تمام لوٗکھ قورحؔ، داتنؔ تہٕ ابیرامؔ سنٛدیو خٟمو نشہٕ دور۔ داتن تہٕ ابیرامؔ دراو پنٕنؠ گرٕ واجِنؠ تہٕ لۅکٕٹؠ بٔڈؠ شُرؠ ہیٚتھ خٟمہٕ منٛزٕ نیٚبر تہٕ رودؠ پننٮ۪ن خٟمہٕ کیٚن دروازن پٮ۪ٹھ وۅدٕنؠ۔28پتہٕ ووٚن موسیٰؔ ہن، بہٕ اوسُس نہٕ سُہ یمؠ یمہٕ چیز کرنُک فٲصلہٕ نِمُت اوس یمہٕ مےٚ کٔرؠ۔ یہ اوس یہُوواہؔ یمؠ بہٕ ژٲرِتھ یہ کرنہٕ خٲطرٕ سوزُس۔ تہٕ وۅنؠ کرِ سُہ توٚہہ امیُک تصدیق۔29اگر یمہٕ لوٗکھ سیٚدِ بُتھِ مودؠ تہٕ یہ گژھِ ثٲبت زِ بہٕ اوسُس نہٕ یہُوواہنؔ ژورمُت۔30وۅنؠ اگر یہُوواہنؔ کینٛہہ تیٚوتھ کۅر ینہٕ پتھ کُن سپُدمُت اوس، اگر سُہ تِمن کھۅرٕ تلہٕ زمینَس چاہ کٔرِتھ تِمن نفرن تہٕ تِہنٛدؠ خاندان ہیٚتھ تہنٛدؠ تمام چیز نینٛگلاوِ تہٕ تتھ چہَس منٛز دفن گژھن، تہٕ پتہٕ سپدن تمہٕ، تُہنٛدؠ خاندان تہٕ تِہُنٛد تمام مال و اسباب تتھ زمینس منٛز زنٛدے غٲب تیٚلہ زٲنؠ زیٚو توٚہؠ زِ یمو لوٗکو چُھ یہُوواہؔ سُنٛد توہین کۅرمُت۔31وُنہ اوس موسیٰؔ یہ ونٲنی، تہٕ یمن نفرن ژٔج کھۅرو تلہٕ زمین نیرتھ۔32تمہِ نینٛگلٲوؠ تمہٕ ساری نفر تہنٛدؠ خاندان تہٕ تمہٕ ساری لوٗکھ یمہٕ قورحؔ ہس سٟتؠ کھڑا ٲسؠ تہٕ تِہُنٛد سورےٕ مال و اسباب ہیٚتھ۔33تِمہ گے زنٛدٕ زُوے تتھ چہَس منٛز تہٕ ننہِ وانہٕ تِہُنٛد سورےٕ مال تہِ۔ تِم گے غٲب تہٕ زمین گییہِ بیٚیہِ برابر۔34یُتھےٕ تِم پیی تِمو لاجہِ چیخہ کڈنہٕ تہٕ یمہٕ تتہِ کھڑا ٲسؠ تِمو بوزٕ تِمہ چیخہٕ۔ لوٗکھ کھوژؠ تہٕ لٔگؠ ژلان ژلان نالہٕ زٲری کرنہِ، "أسؠ چھنہٕ یژھان زِ یہ زمین گژھِ اسہِ تہِ نینٛگلٕنؠ!35امہِ پتہٕ ووٚتھ یہُوواہؔ سنٛدِ طرفہٕ آسمانہٕ پٮ۪ٹھ اکھ نار یمؠ تمہٕ 250 نفر زٲلؠ یمہٕ بخور زالان ٲسؠ۔36پتہٕ وُن یہُوواہنؔ موسیٰؔ ہس،37"ہارون سنٛدِس نیٚچوِس الِیعزرؔس ون زِ سُہ تُلہ نارٕ منٛزٕ بخور دانہِ تہٕ نارٕ تیٚونٛگل ژھنہِ تٔتی چھکرِتھ۔ تمہٕ بانہٕ یمہ لوٗکن اتھِ ٲسؠ چھِ مقدس تکیازِ تمو اوس تِمن منٛز اوس میانہٕ مۅکھٕ بخور زالنہٕ آمُت۔38تِم لوٗلھ مودؠ پننیٚو گُنہو سببہٕ۔ لہٰذا پزِ اِلیعزرسؔ یمہٕ بانہٕ تُلٕنؠ تہٕ دۅکرِ سٟتؠ دگٕنؠ یُتھ تِم تٔنؠ بنن۔ یتھ کنؠ پزِ تس امہِ دھاتہٕ سٟتؠ قربان گاہ باپتھ اکھ غلاف بناوِنؠ۔ تمہِ بانہٕ آے مےٚ بخور زالنہٕ باپتھ استعمال کرنہٕ، اوٕ کِنؠ چھِ تِم مقدس۔ تِمن بانن سٟتؠ کیاہ سپُد روزن اسرائیلی لوٗکن ژینہٕ ون دِوان۔39کاہن الِیعزرؔن کٔرؠ 250 بانہٕ جمع یمہٕ نارس منٛز مرن وٲلؠ نفر استعمال کران ٲسؠ۔ تمؠ بنٲوؠ یمہٕ بانہٕ واریاہ تٔنؠ تہٕ کۅرُن قربان گاہ باپتھ وۅلُت تیار، یتھ کٔنؠ زن یہُوواہنؔ موسیٰؔ ہس ونمُت اوس۔ تِمو کٔرؠ اسرائیلی خبردار زِ صرف چُھ ہارون سنٛدین اولادنےٕ یوت یہُوواہسؔ باپتھ بخور زالنُک اجازت۔ اگر بدل کانٛہہ تہِ کرِ تہٕ تٔمس سٟتؠ سپدِ تی یہ قورحؔ ہس تہٕ تمسنٛدین سٲتھیٚن سٟتؠ سپُد۔41مگر بیٚکہ دوٚہہ صبحٲے لٲج اسرائیل کیٚو لوٗکو ہارونسؔ تہٕ موسیٰؔ ہس خلاف شکایت شروع کرٕنؠ، ونُکھ توٚہہِ مٲرؠ ووکھ واریاہ لوٗکھ یمہٕ یہُوواہؔ سنٛدؠ ٲسؠ۔42ییٚلہ سٲری لوٗکھ ہارونسؔ تہٕ موسیٰؔ سنٛدِس کٔرمتِس پٮ۪ٹھ احتجاج کرنہٕ خٲطرٕ جمع گے تِمو ترٲو مقدس خٟمس کُن نظر تہٕ وچُھکھ زِ سُہ اوس مقدس ابرن ولمُت تہٕ یہُوواہؔ سُنٛد جلال اوس نوٚن سپُدمُت۔43ہارونؔ تہٕ موسیٰؔ گے تہٕ رودؠ مقدس خٟمس برُونٛہہ کنہِ کھڑا۔44پتہٕ ووٚن یہُوواہنؔ موسیٰؔ ہس،45"یمو لوٗکو نشہٕ روزیٚو دوٗر تاکہ بہٕ انو توٚہؠ دوٚنوے یمن نِش زخمی گژھنہٕ بغٲر جلدےٕ بچٲوتھ۔ "مگر ہاروننؔ تہٕ موسیٰؔ ہن ترُوو پتھرِس پٮ۪ٹھ سجدٕ تہٕ پرٕکھ نماز۔46موسیٰؔ ہن ووٚن ہارونس، "جلدےٕ ان بیاکھ اکھ تٲو تہٕ تتھ منٛز تراو قربان گاہ پٮ۪ٹھٕ أنِتھ کینٛہہ تیٚونٛگل۔ تاوِ منٛز تراو بخور تہٕ لوٗکن ہنٛدیٚن گُنہن ہُنٛد کفارٕ دنہٕ باتھ نہِ سۅ لوٗکن منٛز۔ یہُوواہؔ چُھ تِمن سیٹھاہ ناراض، تہٕ بہٕ چُھس زانان زِ یمن منٛز گو اکھ خطرناکھ وباہ ظٲہر۔47لہٰذا کۅر ہارونن تی یہ موسیٰؔ ہن تمِس ووٚن۔ تٔمؠ اوٚن دزٕوُن بخور تہٕ پھرٕوُن لوٗکو منٛزؠ۔ لوٗکن منٛز ٲس طوونہٕ بٮ۪مٲرؠ پھٲلیمٕژ، مگر ہارون رود لوٗکن ہنٛدیٚن گُنہن ہُند کفارٕ دنہٕ مۅکھٕ بخور زالان۔48سُہ گو تِمن لوٗکن منٛزباگ کھڑا یمہ گۅڈے گذریمٕتؠ ٲسؠ تہٕ یمن منٛز وُنہِ کینٛہہ زنٛدے ٲسؠ۔ تہٕ پتہٕ رُکیٚو وباہ۔49مگر قورحؔ ہس سٟتؠ مرن والیٚو علاوٕ ٲسؠ امہِ وباہ سٟتؠ گۅڈے ژوٗداہ ساس ستتھ ہتھ لوٗکھ گُذریمتؠ۔ 50وباہ ختم گٔژھتھ آے ہارونؔ تہٕ موسیٰؔ مقدس خٟمہ کِس دروازس پٮ۪ٹھ بیٚیہِ واپس۔
Bridge Connectivity Solutions Pvt. Ltd.