گریند15
1پتہٕ ووٚن یہُوواہنؔ موسیٰؔ ہس،2"اسرائیلی لوٗکن ون یہ زِ، ییٚلہِ توٚہؠ تتھ ملکس منٛز وٲتیٚو یُس بہٕ توٚہہِ دِمو،3تہٕ توٚہؠ کٔرؠ زیٚو میانہ باپتھ خاص قربٲنیہِ پیش یمہٕ مےٚ پسنٛد ین ییٚلہ کاہن تِم قربان گاہَس پٮ۪ٹھ بُزن۔ امہِ منٛزٕ آسن کینٛہہ قربٲنی تِم یمہٕ پوٗرٕ پٲٹھؠ قربان گاہَس پٮ۪ٹھ بُزنہٕ ین تہٕ کینٛہہ آسن تِمو منٛزٕ یمہ یہ باس دِن زِ توٚہہ کۅرو مےٚ سٟتؠ مکمل عہد۔ یمو منٛزٕ آسن تِم تہِ کینٛہہ یم توٚہؠ پننہِ مرضی پٮ۪ٹھ پیش کٔریٚو۔ کینٛہہ آسن تِمہ تہٕ یمہٕ توٚہؠ کُنہ وۅرسس پٮ۪ٹھ پرٛتھ وریہ پیش کران چُھو۔ یمہٕ قربٲنیہ آسن تہُنٛزن گٲون ہنٛدؠ ؤژھؠ یا تیٖرن تہٕ ژھاولیٚن ہنٛدؠ ژَھو۔4ییٚلہ توٚہؠ یمہ قربٲنیہ پیش کٔریٚو تہٕ توٚہہِ پیٚیو مےٚ نِش قریبن زٕ کلو اوٹ اکِس لیٹر زیتون تیٖلس سٟتؠ رلٲوِتھ تہِ انُن۔5ییٚلہ توٚہؠ کانٛہہ کٹھ یا مونٛگُر قربٲنی باپتھ پیش کٔرؠ وون یُس پوٗرٕ پٲٹھؠ بُزنہٕ ییہِ یا ییٚلہ توٚہؠ پرٛتھ اکھ کٹہٕ برٕ قربٲنی باپتھ پیش کٔرؠ وون تہٕ اکھ لیٹر مےَ تہِ پییہ توٚہہِ قربٲنی باپتھ تیار کرُن۔6ییٚلہ توٚہؠ قربٲنی باپتھ کٹھ پیش کٔرؠ وون، تہٕ توٚہہِ تقریبن ترییہِ پٮ۪ٹھٕ ژور، پانٛژھ سیر زٲویُل پیسمُت اوٹ تہِ قربٲنی خٲطرٕ انُن یتھ سٟتؠ اکہ لیٹرُک ژورِم حصہٕ زیتون تیٖل رلٲوِتھ آسہ۔7تہٕ قربان گاہَس پٮ۪ٹھ ترٲوؠ زیٚو تقریٖبن کِلو پانٛژھ پاوٕ مےَ تہِ۔ ییٚلہ یِم بُزنہٕ یوان آسن تہٕ أمِچ خوشبو کرِ مےٚ سیٹھاہ مُعطر۔8کُنہ ساعتہٕ کٔرؠ زیٚون توٚہؠ اکھ جوان ہکُھر تہِ قربان گاہس پٮ۪ٹھ بُزنہٕ باپتھ پیش۔ کُنہٕ ساعتہٕ کٔرؠ زیٚو توٚہؠ یہ باور کرنہٕ باپتھ تہِ قربٲنی پیش زِ توٚہہِ چُھ مےٚ سٟتؠ پۅختہٕ وعدہ کۅرمُت۔ کُنہِ ساعتہٕ کٔرؠ زیٚو توٚہؠ میانؠ ہمدردی بحال تھاونہٕ موٚکھٕ تہِ قربٲنی پیش۔9ییٚلہ توٚہؠ یمہ قربٲنی پیش کران ٲسیٚو، توٚہؠ ٲسؠ زیٚو تقریبن ساڑھ شےٚ سیر زٲویُل اوٹ تہِ قربٲنی باپتھ پیش کران یتھ تقریٖبن زٕ لیٹر زیتون تیٖل رلٲوِتھ آسہ۔ 10تہٕ قربان گاہس ترٲوؠ زیٚو زٕ کوارٹ مےَ تہِ نذرانہٕ رنٛگؠ۔ ییٚلہ یمہ خاص تحفہٕ بُزنہٕ آسن یوان تہٕ اتھ ینہٕ وول مُشِک آسہ مےٚ سیٹھہےٕ خوش کران۔11ییٚلہِ تہِ کانٛہہ شخص دانٛد، ہونٛڈ، کٹھ یا ژھاوج قربٲنی باپتھ پیش کران آسہ تہٕ تمِس پزِ سُہ یتھےَ پٲٹھؠ کرُن۔12پرٛتھ کانٛسہِ جانورس باپتھ یُس توٚہؠ مےٚ نِش قربٲنی باپتھ أنؠ وون چھےٚ یِمن ہِدایتن پٮ۪ٹھ عمل کرٕنؠ۔13توٚہؠ سٲری لوٗکھ یمہٕ پوٗرٕ وانٛسہِ اسرائیلی رودؠ مٕتؠ چُھو ییٚلہ یژھٕ قربٲنی پیش کران ٲسیٚو ہیزیٚو یمن اصولن کٲم یمہٕ قربان گاہَس پٮ۪ٹھ بُزنہٕ وزِ مےٚ پسنٛد ین14اگر کانٛہہ غٲر ملکی توٚہہِ نِش ییہِ یا توٚہہِ سٟتؠ روزان آسہ سُتہ یژھٕ قربٲنیہٕ انُن یژھان آسہ یمہٕ قربان گاہَس پٮ۪ٹھ بُزنہٕ وزِ مےٚ پسنٛد ین تہٕ تِمن تہِ پزِ ہدایِتن پٮ۪ٹھ عمل کرٕنؠ۔15بہٕ چُھس زانان زِ یمہٕ پتہٕ وتہٕ اسرائیلی چھِ تہٕ یمہٕ غٲر ملکی چھِ برابر، اوٕ کِنؠ پزن یمن سارنی کُنی ہدایت اپناوِنؠ۔ چانیٚن سارنی اولادن تہِ پزِ یِمن سارنی ہدایِتن پٮ۪ٹھ عمل کران روزُن۔16توٚہہ اسرائیل ین تہٕ توٚہہِ سٟتؠ روزن والیٚن یِمن غٲر ملکی ین سارنی چھِ کُنی ھدایت عملاوٕنؠ۔17یہُوواہنؔ ووٚن موسیٰؔ ہس یتہِ،18"یمہٕ ہِدایت ون اسرائیلی لوٗکن، ییٚلہ توٚہؠ تتھ زمینہِ پٮ۪ٹھ وٲتیٚو یوٚت بہٕ توٚہؠ نِوان چُھسو۔19تہٕ سُہ پھسٕل کھیٚیو یُس تتہِ ۅپدان چُھ، توٚہہ پزِ تمہِ منٛزٕ ضروری میانہٕ مقدس نذرانہٕ باپتھ کینٛہہ الگ تھاوُن، تہٕ سُہ کریٚو مےٚ پیش۔20پرٛتھ ورؠ یہ ٲسیٚو اناجہٕ منٛزٕ گۅڈٕ کینٛہہ الگ تھاوان یُس توٚہؠ لوننہٕ پتہٕ جمع کران چُھو۔ گۅڈٕ گژھِ ٲٹِس اکھ ژۅٹ بناوٕنؠ یُس توٚہؠ پیسان چُھو تہٕ سۅ گژھِ مےٚ برُونٛہہ کنہِ نذرانہٕ پیش کرٕنؠ۔21پرٛتھ ورؠ یہ یُس توٚہہ تہٕ تُہنٛدیٚن اولاد پھسٕل لونُن آسان چُھ تتھ گژھِ گۅڈنِچ ژۅٹ بنٲوِتھ مےٚ پیش کرنہٕ یِنؠ۔22کُنہ ساعتہٕ ہیٚکہ یتہِ بٔنِتھ زِ توٚہؠ اسرائیلی کٔریٚو نہٕ تِمن سارنی ہِدایتن پٮ۪ٹھ عمل یمہٕ مےٚ موسیٰؔ ہَس توٚہہِ وننہٕ خٲطرٕ دِتمٕتؠ چھِ، مگر امہِ نہٕ زِ توٚہؠ کٔریٚو تِمن ہنٛز نافرمٲنی۔23سُتہ آسہ وقت زِ تُہنٛدیٚو اولادو منٛزٕ آسن کینٛہہ تمن سارنی ہِدایِتن پٮ۪ٹھ عمل یمہٕ مےٚ موسیٰؔ ہس توٚہہِ وننہٕ خٲطرٕ دِتمٕتؠ چھِ۔24اگر توٚہؠ یا تِم یمن ہدایتن پٮ۪ٹھ عمل نہ کٔرِتھ گناہ گار سپدیٚو تہٕ کانٛسہِ اسرائیلی فردس باسہِ نہٕ زِ تِم چھِ یہ کران تیٚلہ چُھ سارنی لوٗکن ہدیہِ رنٛگؠ اکھ دانٛڈ کاہنس نش انُن۔ ییٚلہ یہ قربان گاہس پٮ۪ٹھ بُزنہٕ ییہِ تہٕ مےٚ سپدِ خوشی۔ تِم انن مےٚ نِش آٹِچ قربٲنی، مےَ تہٕ اکھ مونٛگُر یُس تہنٛدؠ کٔرمٕتؠ گناہ دور کرنہٕ خٲطرٕ قربان ییہِ کرنہ:25یمہٕ قربٲنیہِ پیش کٔرِتھ کرِ کاہن توٚہہِ سارنی اسرائیلی لوٗکن ہُنٛد کفارٕ ادا۔ پتہٕ نیرِ مےٚ نِش یمہ قربٲنی قربان گاہس پٮ۪ٹھ زٲٲلِتھ پیش کرنُک نتیجہ یہ زِ توٚہہ ییہِ معاف کرنہٕ، تکیازِ توٚہہ سپُد یہ زاننہٕ بغٲر گناہ زِ توٚہؠ چُھو گناہ کران۔26توٚہہِ اسرائیلی لوٗکن تہٕ توٚہہِ سٟتؠ روزن والیٚن پردیسی لوٗکن سارنی ییہِ معاف کرنہٕ۔27اگر کانٛہہ شخص یہ زاننہٕ بغٲر گناہ کران چُھ زِ یہ چُھ گناہ تہٕ سُہ شخص انہِ نذرانہٕ باپتھ مےٚ نِش اکھ ژھاوٕج تاکہ تٔمس وسہِ تمہِ گُنہُک سزا نکھٕ۔28کاہن کرِ تٔمس شخصہٕ سنٛدؠ گناہ دور کرنہٕ خٲطرٕ سۅ پیش تہٕ تمس شخصہٕ سنٛدؠ گناہ ین معاف کرنہٕ۔29توٚہؠ اسرائیلی تہٕ توٚہہِ درمیان روزن والیٚن سارنےٕ پردیسؠ ین پزِ یمنےٕ ہِدایِتن پٮ۪ٹھ عمل کرٕنؠ۔30مگر یمہٕ لِکھٕ زٲنِتھ مٲنِتھ میانی حکم عدولی کران چھِ، اسرائیلی تہٕ توٚہہِ درمیان روزن وٲلؠ پردیسی چھِ یہ کٔرتھ میانیٚن گُنہن ہنٛدؠ مُرتکب سپدان۔ لہٰذا گژھن تِم تُہنٛدیٚو کیمپو منٛزٕ نیٚبر کڈنہٕ یِنؠ۔31تِمو کٔر میانیٚن حکمن حقارت تہٕ زٲنِتھ مٲنِتھ کٔرکھ تِمن ہنٛز نافرمٲنی، لہٰذا گژھِ تِمن پننٮ۪ن گُنہن ہُنٛد سزا میلُن یُتھ نہٕ تِمن دُبارٕ توٚہہِ درمیان روزنُک اجازت میلہِ۔"32اکہِ دوٚہہ اسرائیلی بیابانن منٛز ٲسؠ۔ تمو منٛزٕ او اکھ نفر وُچھنہٕ یُس سبت دوٚہہ زیٚون جمع کران اوس۔33یمو سُہ یہ کران وُچھ تِمو نیٚو سُہ ہارونسؔ، موسیٰؔ ہس تہٕ باقی اسرائیلی نفرن نِش۔34تِمو نیٚو سُہ احتیاط سان حفاظتس منٛز، تکیازِ تِمن ٲس نہٕ پتاہ زِ سزا دنہٕ خٲطرٕ کیاہ پزِ کرُن۔35پتہٕ ووٚن یہُوواہنؔ موسیٰؔ ہس، "یہ نفر گژھِ قتل کرنہٕ یُن۔ توٚہؠ سٲری مٲرؠ وُون سُہ کیمپس نیٚبرٕ کنہِ سنگسار کٔرِتھ۔"36تہٕ تِمو ساروےٕ کوٚڈ سُہ کیمپس نیٚبر کُن تہٕ سنگسار کٔرِتھ مورُکھ سُہ نفر، یتھ کنؠ یہُوواہنؔ موسیٰؔ ہس تہِ کرنُک حکم کۅر۔37یہُوواہنؔ ووٚن موسیٰؔ ہس یتہِ،38"یہ کتھ وَن اسرائیلی لوٗکن: 'توٚہؠ تہٕ تُہنٛدؠ سٲری اولاد بنٲیو ییرٕ پنن ہنٛزٕ گوٚچھِ تہٕ پتہٕ ترٲیو تِمہ نیجن ڈوٗریٚن گنٛڈتھ پننٮ۪ن پلون دامنن الوٲنتؠ۔39ییٚلہ توٚہؠ یمہ گونٛدؠ وُچھان ٲسؠ ووکھ تہٕ توٚہہِ آسنو تمہٕ سٲری ہِدایات یاد پیٚوان یمہٕ مےٚ توٚہہِ دِتمٕتؠ چھِ تہٕ توٚہؠ ٲسیٚو تِمن پٮ۪ٹھ عمل کران۔ یتھٕ پٲٹھؠ کٔریٚو نہٕ توٚہؠ مےٚ سٟتؠ بے وفٲیی۔ توٚہؠ ٲسیٚو نہٕ تمِس بے وفا گانہِ ہنٛدؠ پٲٹھؠ یۅسہ شرمناک کٲم کران چھےٚ، تہِ وُچھان چھےٚ تہٕ پتہٕ بیٚیہِ کرٕنؠ یژھان چھےٚ۔40یمہٕ گونٛدؠ وُچِھنہٕ سٟتؠ آسہ توٚہہِ یاد تھاونس منٛز مدد میلان زِ توٚہہِ پزِ میانیٚن تمام احکامن پٮ۪ٹھ عمل کرٕنؠ تہٕ میانؠ مقدس لوٗکھ بنٕنؠ۔41یمہٕ مٔشرایو زِ بہٕ یہُوواہؔ چُھس تُہنٛد خدا۔ بہٕ چُھس سُے یمؠ توٚہؠ مِصرٕ منٛزٕ کٔڈتھ أننو تاکہِ توٚہؠ بٔنیٚو میانؠ۔ بہٕ چُھس یہُوواہؔ، تُہنٛد خدا۔"
Bridge Connectivity Solutions Pvt. Ltd.