گریند14
1تمہِ دوٚہہ راتس ٲسؠ اسرائیلی تمام لوٗکھ بڈِ بڈِ ودان۔ 2دویمہِ دوٚہہ کٔر ساروےٕ ہارونؔ تہٕ موسیٰؔ سنٛز شکایت۔ ساروےٕ نفرو ووٚن، "کاش أسؠ مرٕہو مِصرس منٛز یا یمن بیابانن منٛز! 3یہُوواہؔ کیازِ چُھ اسہِ تتھ ملکس منٛز نِوان یتہ أسؠ تلوارو سٟتؠ مارنہٕ یمو؟ تہٕ تِمہ بناون سانیٚن بچن تہٕ سانیٚن گرٕواجنیٚن پنٕنؠ غلام۔ کنعان گژھنہٕ کھۅتہٕ چُھ سانہِ خٲطرِ بہتر مِصر واپس گژُھن!"4پتہٕ ووٚن تِمو منٛزٕ کینٛژۅ اکھ أکِس، "اسہِ پزِ اکھ سُہ زیُٹھ ژارُن یُس اسہِ مِصر واپس نیٚیہ۔" 5پتہٕ کۅر ہاروننؔ تہٕ موسیٰؔ ہن تمام اسرائیلی لوٗکن یمہ تتہِ موجود ٲسؠ برونٛہہ کنہِ سجدٕ۔6یشُوع تہٕ یفُنہؔ سُنٛد نیٚچو کالِب ناوٕ کیٚو دوٚیو نفرو یمو یمو زمینٕچ دریافت کٔرمٕژ ٲس ژٔٹؠ پانس پلو، تکیازِ تِم گابرے سیٹھاہ۔7تِمو ووٚن اسرائیل کیٚن، "اسہِ یمہ ملکٕچ دریافت کٔر سُہ چُھ واریاہ جان۔8اگر یہُوواہؔ اسہِ رٲضؠ آسہ تہٕ سُہ نیٚیہ اسہِ تتھ سیٹھہےٕ زرخیز زمینہِ پٮ۪ٹھ تہٕ دییہِ سۅ اسہِ۔9لہٰذا مہٕ کٔریٚو یہُوواہسؔ خلاف بغاوت! تہٕ تمہِ ملکہ کیٚن لوٗکن مہٕ کھۅژیٚو! أسؠ کرووکھ تِمہ ختم! تمن نشہٕ چُھنہٕ کانٛہہ یس تِہنٛز حفاظت کرِ، مگر یہُوواہؔ آسہ اسہِ سٟتؠ تہٕ کرِ اسہِ مدد۔ لہٰذا مہٕ کھۅژیٚو تِمن!" 10اسرائیلی لوٗکو ہیٚتؠ کالبؔ تہٕ یشُوع کنہِ لٲیتھ مارنٕچ کتھ کرِنؠ۔ مگر اچانک گو تِمن پٮ۪ٹھ خٟمہ منٛزٕ یہُوواہؔ سُنٛد جلال ظٲہر۔11پتہٕ ووٚن یہُوواہنؔ موسیٰؔ ہس زِ یم لوٗکھ کۅتام روزن مےٚ رد کران؟ بہٕ آس یمو نشہٕ سیٹھاہ تنٛگ زِ بھروسہٕ نہٕ کرنہٕ یِنہٕ موجُب کیاہ ورتاوٕ بہٕ یمن سٟتؠ، تمہٕ معجزٕ ہاونہٕ باوجود یمہٕ مےٚ یِمن برُونٛہہ کنہِ کٔرؠ۔12بس بہٕ تراوٕ یمن وُبا تہٕ تُلہ ناوٕ یمن نشہٕ تھف۔ مگر چٲنؠ اولاد بناوکھ بہٕ اکھ عظمتہٕ واجِنؠ رَیت۔ تمہِ آسن تیٚوتھ اکھ قوم یمہ تمو لوٗکو نشہٕ سیٹھاہ عظیم تہٕ زیادٕ مضبوط آسن۔13مگر موسیٰؔ ہن ووٚن یہُوواہؔ ہس یورٕ، "مہربٲنی کٔرِتھ مہٕ کٔریوٚ تہِ، تکیازِ مِصرٕکؠ لوٗکھ بوزن اتھ متعلق! توٚہہ أنووکھ پننہٕ عظیم طاقتہٕ سٟتؠ اسرائیل لٕکؠ یم لوٗکھ مِصرٕ پٮ۪ٹھٕ واپس،14تہٕ مِصرٕکؠ لوٗکھ ونن ملکس منٛز روزن والیٚن کنعانیٚن ہنٛدیٚن اولادن۔ یہُوواہؔ، تِمو چُھ گۅڈے توٚہہ متعلق بوزمُت۔ تِم چھِ زانان زِ توٚہؠ چُھو تِمن لوٗکن سٟتؠ روزان تہٕ تِمو وُچھہو توٚہؠ روبرو تہِ۔ تِمو بوز زِ تُہنٛد اکھ بوٚڈ ابرٕ لونٛگ چُھ تِمن پٮ۪ٹھ سایہ کٔرِتھ روزان۔ تہٕ سُہ ابُر چُھ تِمن دوٚہلہِ وتہٕ ہاوُک بنان تہٕ راتس نارٕ بٔنتھ تِمن گاش دِوان۔15اگر توٚہؠ یِم سٲری لوٗکھ اکی ساعتہٕ مٲرؠ ووکھ تہٕ یمو لوٗکو تُہنٛدس طاقتس متعلق بوزمُت چُھ تِمہٕ ونن،16"یہُوواہؔ اوس نہٕ یتھ قٲبل زِ سُہ انہِ ہے یِمن اسرائیل ین یتھ ملکس منٛز یمیُک تٔمؠ یِمن وعدہ کۅرمُت اوس۔ تٔمؠ ژھٕنؠ یِم صحراوس منٛز مٲرِتھ۔" 17اے یہُوواہؔ، لہٰذا ہاو زِ ژٕ چُھکھ واریاہ طاقتہٕ وول۔ تِمو فرموو،18"بہٕ چُھس یِتھے ناراض سپدان، بلکہ چُھس بہٕ لوٗکن سٟتؠ واریاہ محبت کران، بہٕ چُھس لوٗکن ہنٛدؠ گناہ تہٕ پننٮ۪ن حکمن ہنٛز نافرمٲنی معاف کران۔ مگر بہٕ دِمہ ہمیشہٕ تِمن سزا یِمن غلطی سرِزد سپدن۔ ییٚلہ مٲلؠ گناہ کرن تہٕ بہٕ دِمہ تِمن سزا۔ مگر بہٕ دِمہ تہنٛدیٚن اولادن، تہنٛدیٚن زُریٚن تہٕ زُریٚن ہنٛدیٚن زُریٚن تہِ سزا۔" 19چونکہ توٚہؠ چُھو پننٮ۪ن لوٗکن سٟتؠ بے لوٗث تہٕ اژھیٚون محبت کران، یمن لوٗکن کٔریٚو معاف تمہٕ گناہ یمہٕ یمو کٔرؠ مٕتؠ چھِ، یتھٕ کنؠ توٚہہ یمن سٟتؠ معاف کرنٕچ ریٚوایت قٲیم کٔرمٕژ چھےٚ ینہٕ تِمہ مِصرٕ منٛزٕ درامٕتؠ چھِ۔"20پتہٕ دیُت یہُوواہنؔ جواب، "مےٚ کۅر یِمن معاف یتھ کنؠ مےٚ معاف کرنہٕ باپتھ توٚہہ عرضی کٔرو۔21مگر زنتہ بہٕ اچانک زنٛدٕ گوس تہٕ سارے دُنیہٕکؠ لوٗکھ وچُھن میٚون جلال، بہٕ چُھس یہ اعلان کران زِ 22یمو ساروےٕ لوٗکو وُچھ میٚون جلال تہٕ تِم سٲری معجزات یمہٕ مےٚ مِصرس تہٕ بیابانن منٛز ہٲوؠ۔ مگر تِمو کٔر میانؠ نافرمٲنی، تہٕ کٔژِ پھرِ کٔر تِمو یہ ازمٲیش زِ کیاہ أسؠ ہیٚکوا میٚون سزا تلُنہٕ بغٲر بُرٕ کامہِ جٲرے تھٲوِتھ۔ 23امہِ کِنؠ ہیٚکہ نہٕ تِمو منٛزٕ کانٛہہ اکھ سُہ ملک وُچِھتھ یُس دِنُک وعدہ مےٚ تہنٛدیٚن مالیٚن تہٕ بُڈِ ببن سٟتؠ کۅرمُت چُھ۔ کانٛہہ تہِ یمؠ بہٕ منسووُس ہیٚکنہٕ سۅ زمین وُچِھتھ۔24مگر کالبؔ یُس مےٚ بہترین خدمت کران چُھ چُھ باقیٚو نشہٕ الگ۔ سُہ چُھ مکمل پٲٹھؠ میانؠ عبادت کران۔ لہٰذا انن بہٕ سُہ یتھ ملکس منٛز یُس تٔمؠ گۅڈے وُچھمُت چُھ، تہٕ تمسنٛدؠ اولاد آسن تتہِ کُنیٚکؠ وٲرث۔25چونکہ عمالیق تہٕ کنعانؠ نسٕل یم کنعان وادی منٛز روزان ٲسؠ چھِ سیٹھاہ مضبوط، لہٰذا ییٚلہ توٚہؠ پگاہ یتہِ نیریٚو توٚہؠ گٔژھؠ زیٚو کنعانچہِ سرِزمینہِ کُن سفر کرنہٕ بجایہ ریگستانن منٛز بحرِ قُلزمؔ کِنؠ واپس۔26پتہٕ ووٚن یہُوواہنؔ ہارونسؔ تہٕ موسیٰؔ ہس،27"امہِ قومٕکؠ یمہٕ شرارتی لوٗکھ کٲتِس کالس روزن میانؠ شکایت کران؟ مےٚ بوز تہِ سورےٕ یہ یمو مےٚ خلاف بۅکمُت چُھ۔28لہٰذا ؤنیٚو یمن وۅنؠ یہ زِ یۅتام بہٕ 'یہُوواہؔ' زنٛدٕ چُھس، بہٕ کرٕ تی یہِ توٚہہ وُنو۔29بہٕ مارو توٚہؠ سٲری یتی یمنےٕ بیابانن منٛز۔ تکیازِ توٚہؠ رودیٚو میانؠ شکایت کران یمہِ کِنؠ توٚہہِ منٛزٕ کانٛہہ تہِ یمسنٛز وانٛس وُوہہ وری کھۅتہٕ زیادٕ آسہ تہٕ یُس موسیٰؔ ہن سٲری گنٛزراونہٕ وزِ شمارس اُنمُت آسہ، 30گژھِ نہٕ تتھ ملکس منٛز دٲخٕل یمیُک وعدہ مےٚ توٚہہِ ٮسٟتؠ کۅرمُت چُھ۔ صرف گژھن کالبؔ تہٕ یشوعؔ تتھ ملکس منٛز دٲخٕل۔31توٚہہِ وُنو زِ تُہنٛدؠ بچہٕ توٚہہِ نِش نِتھ بنن غلام، مگر بہٕ نِمکھ تِمہ تتھ ملکس منٛز تہٕ تمہ تُلن تتہِ روزِتھ تمہِ ملکُک لُطف یُس توٚہہِ مسترد کۅرون۔32مگر یمہٕ توٚہؠ بالینٛگ چُھو توٚہؠ مٔریٚو یتؠ یمنےٕ بیابانن منٛز۔33تُہنٛدؠ بچہٕ روزن یتھ بیابانس منٛز چارواین ہنٛدؠ پٲٹھؠ ژتجہن ورؠ ین تام پھیران تھۅران تکیازِ توٚہؠ بٔڈؠ چُھو نہٕ میانؠ وفادار، تُہنٛدؠ بچہٕ تُلن تۅتام دۅکھ تہٕ پریشانی یۅتام نہٕ توٚہؠ بیابانن منٛز مٔریٚو۔34توٚہؠ روزیٚو ژتجہَن ورؠ ین پننٮ۪ن گُنہَن ہُنٛد سزا تُلان۔ یہ آسہ تِمو ژتجہو دوٚہو منٛزٕ پرٛتھ اکِس خٲطرٕ اکھ اکھ وری یمو بہَو نفرو کنعانٕچ سرِ زمین دریافت کٔر۔ تہٕ بہٕ روزٕ تُہنٛد دشمن بٔنِتھ۔ 35یہ سپدِ پٔزؠ پٲٹھؠ تکیازِ بہٕ 'یہُوواہؔ' چُھس یہ ونان۔ بہٕ کرٕ یمہ کتھٕ تمہِ ونٛڈٕ کِس پرٛتھ اکِس نفرس سٟتؠ یمؠ مےٚ خلاف سٲزَش کٔر۔ تِم سٲری مرن یتؠ یمنےٕ بیابانن منٛز۔"36پتہٕ کۅر یہُوواہنؔ تِمن دہن نفرن پٮ۪ٹھ حملہٕ یمو لوٗکن ہنٛز حوصلہٕ شکنی کٔر تہٕ تِمہ مودؠ۔ یمہٕ ٲسؠ تمہٕ نفر یمو کنعان دریافت کۅرمُت اوس تہٕ پتہٕ ونُکھ لوٗکن زِ تِم ہیٚکن نہٕ تتھ زمینہِ پٮ۪ٹھ قبضہٕ کٔرِتھ۔ یمو نفرو سببہٕ لاجہ لوٗکو موسیٰؔ ہس خلاف کتھٕ کرنہِ۔38یمو بہَو نفرو کنعان دریافت کۅر تِمو منٛزٕ رودؠ صرف یسوعؔ تہٕ کالبؔ زنٛدٕ۔39ییٚلہ موسیٰؔ ہن اسرائیل کیٚن یہُوواہؔ سنٛزِ کتھِ ہنٛز خبر دِژ تہٕ تِمو منٛزٕ سپدؠ واریاہ لوٗکھ سیٹھاہ غمگین۔40ییٚلہ لوٗکھ بیٚیہِ دوٚہہ صبحٲے نینٛدرِ ؤتھؠ تہٕ ہیٚوتُکھ کنعان کیٚن پہٲڑی علاقن کُن پکُن۔ تِمو ووٚن، "أسؠ چھِ زانان زِ اسہِ چھِ گناہ کٔرؠ مٕتؠ، مگر أسؠ چھِ وۅنؠ تتھ ملکس منٛز اژنہٕ خٲطرٕ تیار یُس یہُوواہنؔ اسہِ دِنُک وعدہ کۅرمُت چُھ۔41مگر موسیٰؔ ہن ووٚن، "یہُوواہنؔ کۅرنو توٚہہ حکم واپس ریگستانن منٛز گژھنُک، تہٕ وۅنؠ کیازِ چُھو توٚہؠ تمؠ سنٛز نافرمٲنی کران؟ اتھ چھنہٕ کامیٲبی۔42وۅنؠ مہٕ کٔریٚو اتھ زمینہِ کُن گژھنٕچ کوشش۔ اگر توٚہؠ کوشش کٔریٚو تہِ تہٕ تُہنٛدؠ دشمن دِنو توٚہہِ شِکس، تکیازِ یہُوواہؔ آسہ نہٕ توٚہہِ سٟتؠ۔43ییٚلہ توٚہؠ عمالیقؔ تہٕ کنعانؔ کیٚن اولادن سٟتؠ ہر شروع کٔریٚو تہٕ تِم کرن توٚہہِ ذبح! یہُوواہؔ ژھنیٚو توٚہہ ترٲوتھےٕ، تکیازِ توٚہہِ تروُون سُہ۔"44مگر امہِ باوجود تہِ دراو نہٕ موسیٰؔ خٟمہ گاہ منٛزٕ، تہٕ سُہ مقدس صندوق یتھ منٛز داہ احکام ٲسؠ آو نہٕ خٟمہٕ منٛزٕ ڈالنہٕ مگر توتہِ رودؠ لوٗکھ کنعانؔ کیٚن پہاڑی علاقن کُن پکان۔45پتہٕ آے عمالیقؔ تہٕ کنعانیٚن ہنٛدؠ اولاد یمہٕ پہاڑین منٛز روزان ٲسؠ تہٕ کۅرُکھ اسرائیل ین پٮ۪ٹھ حملہٕ۔ تِمو کٔر تِمن جنوبی حُرمہَس تام لار۔
Bridge Connectivity Solutions Pvt. Ltd.