گریند1
1اسرائیل لٕکؠ مِصرٕ منٛزٕ نیرنہٕ پتہٕ ؤریکہِ دویمہِ ریٚتہٕ سپُد خداوند موسیٰؔ ہَس سٟتؠ تمہِ وزِ ہمکلام ییٚلہِ سُہ سیناؔ کِس بیابانس منٛز مقدس خٟمس منٛز اوس۔ خداوندن ووٚن تمِس،2"اسرائیل کہ پرٛتھ گرٕکؠ مرد، تُہنٛدؠ بب، جد گنٛزراوُکھ تہٕ تہنٛدیو ناوو حسابہٕ کرُکھ گرینٛد۔3ژےٚ تہٕ ہارونس پزن تِم نفر گنٛزراونؠ یہنز وانٛس کمَس کم وُوہہ وری آسہ یم فوجس منٛز بحثیتِ سِپاہ کٲم کرِتھ ہیٚکن۔ تِمن مردن ہُنٛد تعداد کٔریٚو درج، تہنٛدیٚن قبیلن تہٕ خاندانن ہنٛدیٚو ناوو سان۔4مےٚ چُھ پرٛتھ اکہِ قبیلہٕ منٛزٕ اکھ نفر امہِ کامہِ مۅکھٕ چانہِ مدتہٕ خٲطرٕ ژورمُت۔ پرٛتھ کانٛہہ نفر گژھِ پننہِ قبیلُک زیُٹھ آسُن۔5تِمن ہنٛدؠ ناو چھِ یم: روبنؔ سنٛدِ قبیلہٕ منٛزٕ شدیورؔ سُنٛد نیٚچو الیصورؔ۔ شمعونؔ سنٛدِ قبیلہٕ منٛزٕ صوری شدیؔ سُنٛد نیٚچو سلُومی ایلؔ۔7یہُوداؔ سنٛدِ قبیلہٕ منٛزٕ عِمیندآبؔ سُنٛد نیٚچو نحسونؔ۔8اشکار سنٛدِ قبیلہٕ منٛزٕ ضُغر سُنٛد نیٚچو نتنی ایلؔ۔9زبولون سنٛدِ قبیلہٕ منٛزٕ حیلونؔ سُنٛد نیٚچو الیابؔ۔10یوسفؔ سنٛدیو زُریٚو منٛزٕ افرائیمؔ قبیلُک الِیسمعؔ بنِ عِمیہُودؔ تہٕ منسیؔ سنٛدِ قبیلہٕ منٛزٕ فداہ صُورؔ سُنٛد نیٚچو جملی ایل۔11بنیمِینؔ سنٛدِ قبیلہٕ منٛزٕ جِدعونیؔ سُنٛد نیٚچو ابِدانؔ۔12دان سنٛدِ قبیلہٕ منٛزٕ عمیشدائیؔ سُنٛد نیٚچو اخِیرع۔13آشرؔ سنٛدِ قبیلہٕ منٛزٕ عکرانؔ سُنٛد نیٚچو فجعی۔14جد سنٛدِ قبیلہٕ منٛزٕ دعوایلؔ سُنٛد نیٚچو الیاسبؔ15نفتالیؔ سنٛدِ قبیلہٕ منٛزٕ عینان سُنٛد نیٚچو اخِیرع۔16یم ٲسؠ تِم نفر یِم خداوندن لوٗکو منٛزٕ ژٲرمٕتؠ ٲسؠ۔ تِم ٲسؠ پننٮ۪ن خاندانن ہنٛدؠ زِٹھؠ تہٕ اسرائیل کیٚن قبیلن ہنٛدؠ سردار۔ ہاروننؔ تہٕ موسیٰؔ ہَن أنؠ یم سٲری قٲید ناد دِتھ۔17ہارونن تہٕ موسیٰؔ ہن تہٕ تِمو کٔرؠ یِم سٲری باہ قبٲیلی زِٹھؠ امی دوٚہہ جمع۔18تِمو کٔرؠ تِم سٲری لوٗکھ تٔمی ؤرؠ یکہِ دویمہِ ریتکہِ گۅڈنکہِ دوٚہہ جمع۔ تِمو کٔرؠ سارنےٕ لوٗکن ہنٛدؠ ناو درٕج یہنٛز وانٛس کمس کم وُوہہ ؤری ٲس تہٕ تہنٛدیٚن ناون سٟتؠ تھٲوِکھ قبیلن تہٕ تہنٛدین خاندانن ہنٛدؠ ناو تہِ درج۔19یتھ پٲٹھؠ زن موسیٰؔ ہن فرموٕمُت اوس۔ یمو لیکھؠ یمہٕ ناو تمہِ وزِ ییٚلہ اسرائیل لٕکؠ سینا کِس صراوس منٛز ٲسؠ۔20روبنؔ سنٛدِ قبیلٕکؠ ٲسؠ شیہِ تٲجی ساس پانٛژھ ہتھ نفر۔ یُس یعقوبؔ سُنٛد ساروےٕ کھۅتہٕ زیُٹھ ہیٚو نیٚچو اوس یمن ہنٛز وانٛس کمس کم وُوہہ ؤری ٲس تہٕ یم ٲسؠ جنگس منٛز لڑنَس لایق۔ تِم سٲری ٲسؠ پننیٚو ناوو، قبیلو تہٕ پننیٚو خاندٲنی جمٲژو مطٲبق درج کرنہٕ آمٕتؠ۔22شمعون سنٛدِ قبیلٕکؠ ٲسؠ کُنہٕ ہٲٹھ ساس ترےٚ ہتھ نفر۔ یہنٛز وانٛس کمس کم وُوہہ ؤری ٲس تہٕ تِم ٲسؠ لڑایہِ منٛز لڑنس لایکھ۔ تم آے پننیٚو ناوو، قبیلن تہٕ خاندٲنی گرانن ہنٛدین ناون تحت درج کرنہٕ۔24جد سنٛدِ قبیلٕکؠ ٲسؠ پنٛژتٲجی ساس شےٚ ہتھ پانٛژھ نفر۔ یہنٛز وانٛس لگ بگ وُوہہ وری ٲس تہٕ تِم تہِ ٲسؠ جنٛگس منٛز ہَر کرنس قٲبل۔ تِم تہِ آے پننیٚو ناوو، قبیلو تہٕ پننیٚو خاندٲنی جمٲژو مطٲبق درج کرنہٕ۔26یہُوداؔ سنٛدِ قبیلٕکؠ ٲسؠ ژُستَتھ ساس شےٚ ہتھ نفر۔ یہنٛز وانٛس لگ بگ وُوہہ وری ٲس تہٕ تِم تہِ ٲسؠ جنٛگس منٛز ہَر کرنس قٲبل۔ تِم آے پننیٚو ناوو، قبیلو تہٕ پننیٚو خاندٲنی جمٲژو مطٲبق درج کرنہٕ۔28اشکار سنٛدِ قبیلہٕ منٛزٕ ٲسؠ ژوٗونزاہ ساس ژور ہتھ نفر۔ یمن ہنٛز وانٛس کمس کم وُوہہ ؤری ٲس تہٕ تِم سٲری ٲسؠ جنگس منٛز لڑٲے کرنس لایق۔ تِم تہِ سپٕدؠ پننیٚو ناوو، قبیلو تہٕ پننیٚو خاندٲنی جمٲژو مطٲبق درج۔30زبولونؔ سنٛدِ قبیلٕکؠ ٲسؠ ستہٕ ونزاہ ساس ژور ہتھ نفر۔ یہنٛز وانٛس لگ بگ وُوہہ وری ٲس تہٕ تِم تہِ ٲسؠ جنٛگس منٛز ہَر کرنس قٲبل۔ تِم آے پننیٚو ناوو، قبیلو تہٕ پننیٚو خاندٲنی جمٲژو مطٲبق درج کرنہٕ۔32افرائیمؔ سنٛدِ قبیلٕکؠ ٲسؠ ژتجی ساس پانٛژھ ہتھ نفر۔ یہنٛز وانٛس کمس کم وُوہہ ؤری ٲس تہٕ تِم ٲسؠ لڑایہِ منٛز لڑنس لایکھ۔ تم آے پننیٚو ناوو، قبیلن تہٕ خاندٲنی گرانن ہنٛدین ناون تحت درج کرنہٕ۔34منسیؔ سنٛدِ قبیلٕکؠ ٲسؠ دوٗیہِ ترہ ساس زٕ ہتھ نفر۔ یہنٛز وانٛس کمس کم وُوہہ ؤری ٲس تہٕ تِم ٲسؠ لڑایہِ منٛز لڑنس لایکھ۔ تم آے پننیٚو ناوو، قبیلن تہٕ خاندٲنی گرانن ہنٛدین ناون تحت درج کرنہٕ۔36بنیمِینؔ سنٛدِ قبیلٕکؠ ٲسؠ پنژٕترٕہ ساس ژور ہتھ نفر۔ یہنٛز وانٛس لگ بگ وُوہہ وری ٲس تہٕ تِم تہِ ٲسؠ جنٛگس منٛز ہَر کرنس قٲبل۔ تِم تہِ آے پننیٚو ناوو، قبیلو تہٕ پننیٚو خاندٲنی جمٲژو مطٲبق درج کرنہٕ۔38دانؔ سنٛدِ قبیلہٕ منٛزٕ ٲسؠ دُہٲٹھ ساس ستتھ ہتھ نفر۔ یمن ہنٛز وانٛس کمس کم وُوہہ ؤری ٲس تہٕ تِم سٲری ٲسؠ جنگس منٛز لڑٲے کرنس لایق۔ تِم تہِ سپٕدؠ پننیٚو ناوو، قبیلو تہٕ پننیٚو خاندٲنی جمٲژو مطٲبق درج۔40آشرؔ سنٛدِ قبیلٕکؠ ٲسؠ اکتٲجی ساس پانٛژھ ہتھ نفر۔ یہنٛز وانٛس لگ بگ وُوہہ وری ٲس تہٕ تِم تہِ ٲسؠ جنٛگس منٛز ہَر کرنس قٲبل۔ تِم تہِ آے پننیٚو ناوو، قبیلو تہٕ پننیٚو خاندٲنی جمٲژو مطٲبق درج کرنہٕ۔42نفتالیؔ سنٛدِ قبیلٕکؠ ٲسؠ تروونزاہ ساس ژور ہتھ نفر۔ یہنٛز وانٛس کمس کم وُوہہ ؤری ٲس تہٕ تِم ٲسؠ لڑایہِ منٛز لڑنس لایکھ۔ تم آے پننیٚو ناوو، قبیلن تہٕ خاندٲنی گرانن ہنٛدین ناون تحت درج کرنہٕ۔44یہ ٲس پرٛتھ کُنہِ قبیلہٕ منٛزٕ کیٚن مردن ہنٛز تعداد۔ یم ہاروننؔ، موسیٰؔ ہَن، تہٕ اسرائیلی قبیلہٕ کیٚو بہو سردارو پننٮ۪ن قبیلہٕ والیٚن ہنٛدین ناون سٟتؠ درٕج۔46یمن ہُنٛد کُل تعداد اوس شےٚ لچھ ترےٚ ساس پانٛژھ ہتھ پنژاہ مرد۔47مگر اتھ تعدادس منٛز ٲسؠ نہٕ لاوی قبیل کیٚن مردن ہنٛدؠ ناو شٲمل،48تکیازِ خداوندن اوس موسیٰؔ ہس وونمُت،49"ییٚلہ توٚہؠ اسرائیل کیٚن قبیلن ہنٛدؠ نفر گنٛزرٲووکھ تہٕ تِم مرد گنٛزرٲؠ زیوکھ نہٕ یِم لاوی قبیلٕکؠ آسن۔50لاوینؔ ہنٛدؠ اولاد تھٲوزیٚوکھ مقدس خٟمن تہٕ تِمن اندر موجود المارین ہنٛدؠ رٲچھ در یمن منٛز تِم تختی موجود چھےٚ یِمن پٮ۪ٹھ داہ احکام لیٚکِھتھ چھِ۔ تِمن پییہِ خٟمن انٛدر موجود باقی چیزن ہُنٛد تہِ خیال تھاوُن۔ ییٚلہِ توٚہؠ سفرس نیریٚو تہٕ تِمے آسن تِم لوٗکھ یم مقدس خٟمہ تہٕ اتھ انٛدر موجود تمام چیز پانس سٟتؠ تُلن تہٕ تِمن ہنٛز پوٗرٕ رٲچھ راوٕٹ کرن تہٕ پنٕنؠ خٟمہٕ دِن تتھ انٛدؠ پٔکؠ۔ 51ییٚلہ سُہ وقت واتہِ ییٚلہ توٚہہِ سارنی کُنہِ بدل جایہ گژھُن پییہِ تہٕ لاوی قبیلٕکؠ اولاد ژٕھنن لٲزمن مقدس خٟمہ بوٚن وٲلِتھ۔ تہٕ ییٚلہ کُنہ جایہ پڈاو دِنُک موقہٕ واتہِ تہٕ تِمے آسن یمہٕ تتھ دبارٕ کھڑا کرن۔ کانٛہہ دویم نفر اگر یہ کٲم کرنہٕ باپتھ مقدس خٟمن نزدیک گژھِ تٔمس گژھِ پھٲسؠ دِنؠ۔52اسرائیل کہِ پرٛتھ کُنہِ قبیلٕکؠ لوٗکھ دِن پن پننِس علاقس منٛز پنُن خٟمہ تہٕ بیٚیہِ کھالن اکھ جھنڈٕ یُس تمہِ قبیلٕچ نشاندہی کران آسہ۔53مگر لاوینؔ پیٚن پنٕنؠ خٟمہ مقدس خٟمن انٛدؠ پٔکؠ لاگٕنؠ تاکہ باقی اسرائیل کیٚن لوٗکن پییہِ نہٕ خٟمن نزدیک گژھنہٕ کِنؠ خداوند سنٛدِ طرفہٕ سزا تُلن۔ لاوینؔ ہنٛدؠ اولاد چھِ تِم یِم مقدس خٟمن انٛدؠ پٔکؠ حفاظتہٕ باپتھ کھڑا روزن ۔"54لہٰذا کۅر اسرائیل کیٚو لوٗکو پرٮ۪تھ کینٛہہ بلکُل تِتھے پٲٹھؠ یتھٕ پٲٹھؠ موسیٰؔ ہس خداوندن کرنُک حکم کۅرمُت اوس۔
Bridge Connectivity Solutions Pvt. Ltd.