گریند2
1پتہٕ دِتؠ خداوندن موسیٰؔ ہس تہٕ ہارونسؔ یِم ہدایت،2ییٚلہ اسرائیل لٕکؠ پنٕنؠ خٟمہ تِمن جاین لاگن یمہ جایہ مقدس خٟمن انٛدؠ پٔکؠ چھےٚ مگر تتھ نزدیک آسن نہٕ۔ پرٛتھ کُنہِ قبیلہٕ کیٚن لوٗکن پزن الگ الگ جاین پن پنٕنؠ خٟمہ دِنؠ۔ پرٛتھ کُنہِ قبیلس پزِ تتِتھ پنُن اکھ جھنٛڈٕ لاگُن یُس تہنٛدِ قبیلٕچ نشاندہی کران آسہ3یہُوداؔ قبیلٕکؠ لوٗکھ دِن پنٕنؠ خٟمہ مقدس خٟمن مشرقہ طرفہ یتِتھ تِمن پننہِ قبیلُک جھنٛڈٕ آسہ۔ عِمیندآبؔ سُنٛد نیٚچو نحسونؔ آسہ یہُوداؔ قبیلہٕ کیٚن ژُسَتتھ ساس شےٚ ہتھ نفرن ہُنٛد زیُٹھ۔ 5اشکارؔ قبیلٕکؠ لوٗکھ دِن یہُوداؔ کیٚن خٟمن نِش پنٕنؠ خٟمہ۔ ضُغر سُنٛد نیٚچو نتنی ایلؔ آسہ اِشکار قبیلہٕ کیٚن ژوٗونزاہ ساس ژور ہتھ نفرن ہُنٛد سردار۔7زبولونؔ قبیلٕکؠ لوٗکھ دِن اِشکار قبیلہٕ کیٚن خٟمن سٟتؠ پنٕنؠ خٟمہ۔ حیلونؔ سُنٛد نیٚچو الیابؔ آسہ زبولونؔ قبیلہٕ کیٚن ستتھ ونزاہ ساس ژور ہتھ نفرن ہُنٛد سردار۔9یتھ کِنؠ آسن مقدس خٟمن مشرقہ طرفہ اکھ لچھ شیہِ شیتھ ساس ژور ہتھ فوجی۔ ییٚلہ تہ اسرائیل لٕکؠ کُنہ نوِ جایہ گژھن تہٕ یِم ترےٚ قبیلہٕ روزن باقین قبیلن برُونٛہہ کنہِ۔10روبنؔ قبیلہٕ لاگہِ پنٕنؠ خٟمہ مقدس خٟمن جنوب طرفہ یتہِ تِمن پننہِ قبیلُک جھنٛڈٕ لٲگِتھ آسہ۔ شدیورؔ سُنٛد نیٚچو الیصورؔ آسہ روبنؔ قبیلہٕ کیٚن شیہِ تٲجی ساس تہٕ پانٛژن ہتن نفرن ہُنٛد سردار۔12شمعونؔ قبیلٕکؠ لوٗکھ لاگن روبنؔ قبیلس سٟتؠ پنٕنؠ خٟمہ۔ صوری شدیؔ سُنٛد نیٚچو سلُومی ایلؔ آسہ شمعونؔ قبیلہٕ کیٚن کُنہٕ ہٲٹھ ساس ترےٚ ہتھ نفرن ہُند سردار۔14جدؔ قبیلٕکؠ لوکھ لاگن شمعونؔ کیٚن خٟمن سٟتؠ پنٕنؠ خٟمہ۔ رعوایلؔ سُنٛد نیٚچو الیاسبؔ آسہ جد قبیلہٕ کیٚن پنٛژتٲجی ساس شےٚ ہتھ پنژہن نفرن ہُنٛد سردار۔16یتھ پٲٹھؠ آسن مقدس خٟمن جنوب طرفہ اکھ لچھ اَکہٕ وونزاہ ساس ژور ہتھ پنژاہ فوجی۔ یِم ترےٚ قبیلہٕ آسن گۅدنِچہ جمٲژ پتہٕ دویِم اسرائیل ین پٲروی کران ییٚلہ تِم کُنہ سفرس نیرن۔17امہِ جمٲژ پتہٕ آسہ لاوی قبیلٕچ جماتھ یم مقدس خٟمہ تُلان آسن۔ اسرائیلی آسن امی ترتیبہٕ سان پکان تہٕ امی حسابہٕ آسن ہمیشہٕ پنٕنؠ خٟمہ لاگان۔ پرٛتھ کانٛہہ قبیلہٕ آسہ پنُن جھنٛڈٕ سٟتؠ تُلان۔18افرائیمؔ قبیلہٕ کیٚن پزن پنٕنؠ خٟمہ مقدس خٟمن مغرب طرفہٕ پننہِ قبیلہٕ کِس جھنٛڈس سٟتؠ لاگٕنؠ۔ عِمیہُودؔ سُنٛد نیٚچو الِیسمعؔ آسہ افرائیمؔ قبیلہٕ کیٚن ژتجی ساس پانٛژھ ہتھ نفرن ہُنٛد زیُٹھ۔20منسیؔ قبیلٕکؠ لوکھ دِن افرائیمؔ ہنٛدین خٟمن سٟتؠ پنٕنؠ خٟمہ۔ فداہ صُورؔ سُنٛد نیٚچو جملی ایلؔ آسہ منسیؔ قبیلہٕ کیٚن دوٗیہِ ترٕ ساس زٕ ہتھ نفرن ہُنٛد سردار۔22بنیمِینؔ قبیلٕکؠ لوکھ دِن منسیؔ قبیلہٕ کیٚن خٟمن نِش پنٕنؠ خٟمہ۔ جدعونیؔ سُنٛد نیٚچو ابِدانؔ آسہ بنیمِینؔ قبیلہٕ کیٚن پنژترٕہ ساس ژور ہتھ نفرن ہُنٛد سردار۔24یتھٕ پٲٹھؠ آسن مقدس خٟمس مغرب طرفہ اکھ لچھ ٲٹھ ساس اکھ ہتھ سِپاہ۔ یِم ترےٚ قبیلہٕ روزن لاوی سنٛدین اولادن پتہٕ پتہٕ دویمہ جمٲژ ہنٛز پٲروی کران۔ یہِ آسہ ترییِم جماتھ۔25دانؔ قبیلہٕ کیٚن پزن پنٕنؠ خٟمہ مقدس خٟمن شمال انٛدٕ پننہِ قبیلہٕ کِس جھنٛڈس نکھٕ دِنؠ۔ عمیشدائیؔ سُنٛد نیٚچو اخِیرع آسہ دان قبیلہٕ کیٚن دوٗ ہٲٹھ ساس ستتھ ہتھ نفرن ہُنٛد سردار۔27آشرؔ قبیلٕکؠ لوٗکھ دِن پنٕنؠ خٟمہٕ دانؔ ہنٛدین خٟمن نِش۔ عکرانؔ سُنٛد نیٚچو فجعی ایلؔ آسہ آشرؔ قبیلہٕ کیٚن اکہٕ تٲجی ساس پانٛژھ ہتھ نفرن ہُنٛد سردار۔29نفتالیؔ قبیلن ہنٛدؠ لوٗکھ لاگن آشرؔ قبیلہٕ کیٚن خٟمن نِش پنٕنؠ خٟمہ۔ عینانؔ سُنٛد نیٚچو اخِیرع آسہ نفتالیؔ قبیلہٕ کیٚن ترُووٛنزاہ ساس تہٕ ژورن ہتن نفرن ہُنٛد سردار۔31یتھ پٲٹھؠ آسن مقدس خٟمن شمال انٛدٕ اکھ لچھ ستونٛزاہ ساس شےٚ ہتھ فوجی۔ یم ترےٚ قبیلہٕ آسن سارنی پۅتَس۔ ییٚلہ اسرائیل لٕکؠ سفرس نیران آسن یِم آسن امی حسابہ پنُن جھنٛڈٕ ہیٚتھ۔32یتھٕ کٔنؠ ٲسؠ شےٚ لچھ ترےٚ ساس پانٛژھ ہتھ پنٛژاہ اسرائیلی جوان جنگ کرنؠ لایکھ یم سٲری پن پننہِ خاندانہٕ تہٕ اسلافن ہنٛدِ نٮ۪سبتہٕ درج ٲسؠ۔33مگر موسیٰؔ تہٕ ہارونن ٲسؠ نہ لاوی اسرائیل ین سٟتؠ شمار کٔرؠ مٕتؠ یتھٕ کنؠ زن خداوند یہُوواہنؔ حکم دیُتمت اوس۔34اسرائیل یو کۅر تہِ سورےٕ یہ یہُوواہنؔ موسیٰؔ ہس ونمُت اوس۔ تِمو دِتؠ پننٮ۪ن قبیلہٕ کیٚن جھنٛڈن تل پنٕنؠ پنٕنؠ خٟمہ تہٕ ییٚلہ تِم کُنہ نوِ جایہ گژھٕ ہن تِم ٲسؠ پن پننٮ۪ن قبیلن تہٕ خاندٲنی جمٲژن سٟتؠ پکان۔
Bridge Connectivity Solutions Pvt. Ltd.