نحمیاؔہ5
1أتھؠ وقتس دوران آے مےٚ نِش کینٛہہ مرد تہٕ مستوراتہٕ پننؠن یہُودؠ باین ہنٛزٕ مختلف شکایژ ہیٚتھ۔2کینٛژو ووٚن، اسہِ چھِ واریاہ شُرؠ۔ لہٰذا گژھِ اسہِ تِم کھیاونہٕ باپتھ مذید اناج میلُن۔3دویمیٚو کٔر شکایت زِ کہتس دوران چُھ اسہِ پنُن زمین، دچھِ باغ تہٕ گرٕ گِروی پیوان تھاوِنؠ تاکہِ اناج میلہِ۔ اگر نہٕ أسؠ قرضُک رقم نکھِ چھِ وٲلِتھ ہیٚکان اسہِ چُھ پیوان تمہِ وزِ اناج دیُن یمہِ وزِ أسؠ پانہٕ چھِ محتاج آسان۔4بیٚیہِ کینٛژو ووٚن۔ "اسہِ چُھ بادشاہ سٕنٛدِ حکمہٕ تمِس کُن پننِس زمینَس تہٕ دچھِ باغن ہُنٛد مٲلیہِ برنہٕ باپتھ قرضہٕ تلُن پیوان۔"5اسہِ کٲتیاہ مصیبت چھِ تُلنؠ پیوان۔ أسؠ چھِ پنٕنؠ شُرؠ تلبس دِوان۔ یتہِ چُھ پزر زِ کینٛژو دِژٕ دایہِ تٲنِس کورِ تہٕ تمہٕ رَچکھ کنیزو رنٛگؠ۔ أسؠ چھِ بےٚ بس تکیازِ سانؠ زمین تہٕ دچھِ باغ چھِ قرض دارن گِرو۔ اسہِ چُھنہٕ امہِ بغٲر بیٚیہِ کانٛہہ چارٕ۔ مگر أسؠ تہِ چھِ تِتھی یہُودؠ یتھؠ تم چھِ یم اسہِ سٟتؠ یہِ ورتاوان چھِ۔6ییٚلہ مےٚ تہنٛدؠ یم سِتم بوزؠ مےٚ کھوٚت سخ شرارتھ۔7مےٚ سونچ اتھ پٮ۪ٹھ سیٹھاہ غورٕ سان زِ کیاہ پزِ کرُن تہٕ کیاہ نہٕ۔ مےٚ دِتؠ سرکردٕ شہرِین تہٕ حٲکمن ہدایت۔ مےٚ بُلوو اکھ بوٚڈ اجتماع تاکہِ تم بوزن یمن لوٗکن پٮ۪ٹھ لگاونہٕ آمٕتؠ الزام۔ مےٚ ووٚن یمن حٲکمن، "توٚہؠ چُھو پننؠن سٲتھی یہُودؠ باین غٲر منٲسب سوٗد ہیوان، توٚہؠ چُھو زانان زِ یہِ چُھ موسیٰؔ سنٛدین اصولن خلاف۔"8مےٚ ووٚن تِمن، "سٲنؠ کینٛہہ ہم وطن یہُودؠ بٲے ٲسؠ غٲر یہُودینؔ کٔننہٕ آمٕتؠ یۅتام ممکن سَپُد اسہِ أنؠ تم تتہِ آزاد کٔرِتھ واپس۔ مگر توٚہؠ چھوکھ پننؠ یم یہُودؠ بٲے پننؠ سوٗدٕ پونٛسہٕ حٲصل کرنہٕ باپتھ بیٚیہِ کٔنہٕ ناوان۔ یم چھِ کینٛہہ لوٗکھ یم اسہِ مۅکلٲوِتھ واپس پزن اننٕؠ!" تِم ٲسؠ زانان زِ یم الزام چھِ صحی، اوے گوکھ دم تہٕ کانٛہہ جواب ہیٚوککھ نہٕ ؤنِتھ۔9پتہٕ ووٚن مےٚ تِمن، "یہِ کینٛژھا توٚہؠ کران چُھو یہِ چُھنہٕ ٹھیک! توٚہہِ پزِ خدایس کھوژِتھ تمسنٛدؠ حکم بجا انٕنؠ تہٕ تہِ کرُن یہِ جٲیز چُھ۔ نتہٕ گژھو أسؠ پننؠن دشمن لوٗکن برونٛہہ کنہِ وارے رسوا۔10مےٚ، میانیٚو سٲتھیو تہٕ ملٲزمو تہِ چُھ واریہن قرضہٕ تہٕ اناج دیتمُت مگر تمہٕ ہین نہٕ تِمن سوٗد۔ اسہِ سارنی پزِ سوٗد ہیٚنہٕ نِشہ پتھ ہیٚون۔11"تِمن دِیو أزؠ پنٕنؠ زمین، دچھِ باغ زیتون تہٕ گرٕ واپس۔ کٔریو یہِ ٹھیک پٲٹھؠ! اختُے دِیو تمن پنُن سُہ ہیٚوتمُت سالانہٕ باہ فیصد سوٗد تہِ واپس یُس توٚہہِ پونٛسن، اناجس، شرابس تہٕ زیتون تیٖلس تِمن لوگمُت چُھو۔"12یمو حٲکمو ووٚن درجواب، "آ، أسؠ کرو تی یہِ توٚہہِ ونُو۔ أسؠ دمو تِمن پنٕنؠ زمین، دچھِ باغ زیتون، تہٕ گرٕ واپس۔ تہٕ أسؠ کرو تِمن سوٗد ہیٚون تہِ بنٛد۔ "پتہٕ أنؠ مےٚ یم کاہن بلٲوِتھ، تہٕ کرنٲوِم عہد، خدا حٲضر نٲضر رٔٹتھ کرن تی یمیٚک تِمو وعدہ کوٚر۔13پتہٕ تُلؠ مےٚ پنٕنؠ پلو دٕنان دٕنان تہٕ ونمکھ، "یُس اکھ تہِ یمن وعدن برخلاف کرِ خدا کرِ تمِس یتھے کِنؠ دٔنِتھ گرٕ تہٕ تمام گرٕ ویٹھِ نِشہ محروم۔ آ، تمِس شخصس رٲوِن پریتھ کینٛہہ! تتہِ موجود ساروٕے لوکو کوٚر "آمین" یی بٔنِن! تہٕ لٔگؠ یہُوواہؔ خداوند سنٛدؠ تعریف کرنہِ۔ تمہِ پتہٕ روٚٹ نہٕ کانٛسہِ یہُودؠ کٲنٛسہِ ہُنٛد گرٕ یا زمین گِرو، تہٕ نَہ لوگُکھ کٲنٛسہِ سوٗد۔14یتِتھ چُھس بہٕ یہِ کتھ تہِ باوُنؠ یژھان زِ بہٕ رودُس بہَن ؤرین یہُوداؔ شہرُک حٲکم یعنی ارتخششتاؔ بادشاہ سٕنٛدِ 20 مہِ ؤرؠ یہِ پٮ۪ٹھٕ 32 مِس ؤرؠ یس تام۔ یمن 12 ورین دوران یتہِ پٮ۪ٹھٕ مےٚ حکومت رٔٹ تتہِ پٮ۪ٹھ 31 مِس ؤرؠ یس تام رٔٹ نہٕ مےٚ زنٛہے حٲکمی ہنٛدس ناوس پٮ۪ٹھ خۅردٔنی تہٕ نَہ پٲلم اتھ پٮ۪ٹھ پنٕنؠ رشتہٕ دار۔ مےٚ اوس معلوم زِ یم غریب لوٗکھ ہیٚکن نہٕ میانہِ ماوضُک بار ویترٲوِتھ۔15پرٲنؠ حٲکم یم مےٚ برونٛہہ اتہِ ٲسؠ، ٲسؠ لوٗکن پٮ۪ٹھ بوٚڈ بار۔ تم ٲسؠ لوٗکن نِش کھیٚن خوٚردنی تہٕ شرابہٕ علاوٕ پرٮ۪تھ دوٚہہٕ 40 چانٛدِ ہنٛدؠ سِکہٕ طلب کران۔ حطاکہِ تہنٛدؠ نوکر تام ٲسؠ تمن باج ہیٚوان۔ مگر بہٕ اوسُس خدایس کھوژوُن لہٰذا کٔرؠ نَہ مےٚ تِم کُنہِ رنٛگہٕ عٲجِز۔16مےٚ کوٚر پنُن پان وقف نوِ سرٕ اتِکؠ فصیل تٲمیر کرنہٕ خٲطرٕ۔ میانیٚو رشتہٕ دارو تہٕ مےٚ بنٲو نہٕ کانٛہہ دولت۔ اتھ بجایہ ٲسؠ میانؠ سٲری نوکر تعمیری کامین منٛز برونٛہہ برونٛہہ۔17بحثیتِ گورنر ٲسؠ مےٚ 150 ہَن یہُوداؔ زِٹھین تہٕ شہری حٲکمن ہنٛدِ کھیٚن چیٚنٕچ ذمہٕ دٲری نَکھس۔ حالانٛکہ مےٚ کٔرؠ اتھ منٛز تم یہُودؠ تہِ شٲمل یم دویمیٚو ہمسایہِ ملکو پٮ۪ٹھٕ تہِ آمٕتؠ ٲسؠ۔18بہٕ اوسُس پرٮ۪تھ دوٚہہ پننؠن خٲدمن اتھِ اکھ دانٛد، شیٚہ کٹھ، تہٕ مختلف قٕسمن ہنٛدؠ کۅکر رنناوان۔ امیٚک قٟمت اوسس بہٕ پانے ادا کران۔ اکھتُے اوسُس پرٮ۪تھ دہہِ دوٚہؠ قسمہٕ قسمہٕ شراب تہِ انناوان۔ مگر بہٕ اوسس زانان زِ لوٗکن چھنہٕ پنٕنؠ کفالت کرنٕچ تۅژھ تہٕ مُشکلنےٕ چھِ زُوان۔ لہٰذا اوسُس بہٕ یہِ پننیٚو خرچو سٟتؠ پوٗرٕ کران تہٕ قومی خزانہٕ منٛزٕ اوسس نہٕ کھیٚن خۅردنی ہُنٛد خرچہٕ تُلان19اے میانہِ خدایہ، یہِ کینٛژھا مےٚ یمن یہُوداؔ لوٗکن ہنٛدِ باپتھ کوٚر تمیُک رُت اجر کٔرؠ زیم عطا۔
Bridge Connectivity Solutions Pvt. Ltd.