نحمیاؔہ6
1ییٚلہِ سنبلط، طُوبیاہؔ، جشمؔ، عربیؔ تہٕ سانیٚو باقی دُشمنوں بوز زِ اسہِ واتنٲو دیوارن ہنٛز تعمیری کٲم انٛد، تہٕ وُنؠ چُھنہٕ تتھ کُنہِ انٛدٕ وژھر، ییٚلہ زن اسہِ وُنہِ برنیٚن دروازٕ لاگنے ٲسؠ۔2سنبلط تہٕ جشمؔ سوز مےٚ یہِ شیٚچھ زِ "ٲسؠ چھِ یژھان اونوؔ گامہٕ کِس کنہِ مٲدانس منٛز توٚہہِ سٟتؠ مشورٕ کرُن۔ "مگر بہٕ اوسُس زانان زِ تم چھِ یہِ اوٕ مۅکھٕ ونان تاکہِ تم واتناون مےٚ نۅقصان۔3لہٰذا سوز مےٚ تمن شیٚچھ۔ "یۅسہ بہٕ کٲم یتہِ کران چُھس چھےٚ واریاہ اہم۔ اتھ دوران یتہِ میون نیرُن چُھنہٕ ممکن۔ مےٚ چُھنہٕ کانٛہہ بہانہ زِ یہِ کٲم بنٛد کٔرِتھ نیرٕ بہٕ یتہِ توٚہہ سمکھنہٕ خٲطرٕ۔4تِمو سوز مےٚ یہِ شیٚچھ ژورِ پھرِ مگر مےٚ کوٚرمکھ پرٮ۪تھ وزِ یی ؤنِتھ جواب۔5پتہٕ سوز پٲنٛژمہِ لٹہِ سنبلطن یہےَ شیٚچھ ہیٚتھ پنُن خاص خٲدِم مگر یمہِ وزِ ٲس یہِ سنبلّطن تحریری صوٗرتس منٛز کُنہِ لفافہٕ ورٲے سوزمٕژ تاکہِ باقین تہِ لگہ پے دلیل کیاہ چھےٚ۔ تکیازِ سُہ اوس مےٚ ینہٕ باپتھ دباو تراوُن یژھان۔6چِٹھ منٛز اوس لیٚکِھتھ، "اسہِ انٛدؠ پٔکؠ ملکس منٛز روزن وٲلؠ لوٗکھ تہِ چھِ ونان تہٕ جشمُوؔہن تہِ ووٚن، کیا یہِ چھا پزر زِ توٚہہِ تہٕ یہُودینؔ چھےٚ ارتخشستاؔ بادشاہس خلاف بغاوت کرٕنؠ۔ اوے چُھو توٚہؠ شہرس دیوار بنٛدی کران۔ تم چھِ یتہِ ونان زِ توٚہؠ چُھو پانہٕ امہِ شہرٕکؠ بادشاہ بنٕنؠ یژھان۔7یم لوٗکھ چھِ یتہِ ونان زِ ژےٚ چھِ تھکھ پیغمبر تہِ مقرر کٔرمٕتؠ یم یروشلمسؔ منٛز تُہنٛز منٲدی کرن۔ تم چھِ ونان زِ ووٚن چُھ یہُوداؔ ہس منٛز اکھ خۅد ساخت بادشاہ۔ ارتخشستاؔ بادشاہس نِش ییہِ ضرور یہِ شیٚچھ واتناونہٕ تہٕ یتُھے سُہ بوزِ تس گژھِ ژےٚ خلاف غۅصہٕ۔ لہٰذا سمکھو تہٕ کرو اتھ پٮ۪ٹھ کتھ۔8مےٚ سوز تمِس واپس شیٚچھ تہٕ وُنمس، "یہِ کینٛژھا ژٕ ونان چُھکھ اتھ منٛز چھنہٕ کانٛہہ حقیقت۔ یم چھی ژےٚ پنٕنؠ انٛدرِم خیال۔"9بہٕ چُھس زانان زِ تم سٲری ٲسؠ اسہِ کھۅژناوُن یژھان۔ تم ٲسؠ سونچان اگر أسؠ یمہٕ کتھٕ تمن ونو تِم تراون خوفہٕ سٟتؠ یہِ کٲم کرنی تہٕ پتہٕ گژھن نہٕ یم دیوار زانٛہہ مکملےٕ۔ مگر مےٚ موٚنگ خدایس۔ "اے خدایہ مےٚ دِ ہمتھ تہٕ حوصلہٕ یہِ کٲم انٛد واتناونُک۔"10أتھؠ وقتس دوران گوس بہٕ دِلایاہؔ سٕنٛدِس نیٚچوِس تہٕ مُہِیطبیلؔ سٕنٛدِس زُرِس سمعیاؔہ ہس نِشہ۔ مےٚ وُچھ سُہ پننِس گرسےٕ منٛز، سُہ اوس نہٕ گرِ اوٕ موٚکھ درامت تکیازِ سُہ اوس زانان تہٕ یہِ باور کرُن یژھان زِ یہُودؠ زِٹھؠ چُھنہٕ خطرہ روٚس زِ تم نیرن نیٚبر تہٕ ہاون خلقن پان۔ تٔمؠ ووٚن مےٚ، "أسؠ چُھنہٕ یتہِ محفوظ، اسہِ پزٕ مندرس منٛز اژُن تہٕ منٛدرٕکؠ دروازٕ بنٛد کرٕنؠ، تکیازِ لوٗکھ چھِ ژٕ مارنٕچ سٲزِش کران۔ اکہٕ رٲژ ینے ژےٚ تم مارنہِ۔"11مےٚ ونمکھ، "بہٕ چُھس نہٕ کانٛہہ عام انسان زِ ژورِ بہمہٕ، بہٕ چُھس گورنر، تہٕ پرٮ۪تھ کانٛہہ چُھ مےٚ زانان، لہٰذا پزِنہ مےٚ پان بچاونہٕ باپتھ مندرس منٛز ژورِ بہُن۔ بہٕ کرنہٕ یہِ۔"12اچانک آو مےٚ یہِ ذہنس منٛز زِ سمعیاہؔس چھنہٕ میانہِ خٲطرٕ یہِ کانٛہہ الہٲمی شیٚچھ۔ بلکہ چُھ یہِ وننہٕ باپتھ أمِس سنبلط تہٕ طُوبیاہؔ ہَن ماوضہٕ دیتمُت۔13تہٕ تِمو ٲسؠ أمِس بہٕ کھۅژناونہٕ باپتھ اوٕ موکھٕ دیار دِتؠ مٕتؠ تاکہِ ہٲبتہ سٟتؠ کٲم اڈوتی ترٲوِتھ بہمہٕ بہٕ مندرس منٛز ژورِ تہٕ گژھٕ لوٗکن نِش بد ظۅن۔ اگر بہٕ تہِ کرٕ تمہٕ کرن مےٚ خجالت کٔرتھ بدنام۔14لہٰذا موٚنگ مےٚ خدایس، "میانہِ خدایہِ، طُوبیاہنؔ تہٕ سنبلطن یہِ کینٛژھا کوٚر تِمن دِتہٕ تمیُک بدلہٕ، تِتھے پٲٹھؠ تھاوتن خوتوٗن نبیا نَوعیدیاؔہ تہٕ باقی تِم سٲری پیغمبر یاد یم مےٚ کھوژناون یژھان چھِ۔15یتھ کِنؠ واتنٲو اسہِ 52 ہن دوٚہُن منٛز الُول ریٚتہٕ کہِ 25 ہمہِ تٲریخہٕ فصیلچہِ نوِ تعمیرٕچ کٲم انٛد۔ 16ییٚلہِ سانیٚو ساروٕے دشمنو یہِ بوز زِ اسہِ کٔر کمسےٕ کالس منٛز تعمیرٕچ کٲم مکملِ تِمو زون پانے زِ اسہِ چُھ خدا مددٕتس۔ امہِ سٟتؠ لٔگؠ اسہِ انٛدؠ پٔکؠ روزن وٲلؠ ملکٕکؠ لوٗکھ شرمنٛدٕ گٔژھِتھ کھۅژنہِ17اتھ وقتس دوران ٲسؠ یہُوداؔ شہرٕکؠ عہددار طُوبیاؔہس مےٚ متعلق چِٹھِ سوزان تہٕ طُوبیاہؔ اوسُکھ تورٕ مشورٕ لیٚکھتھ سوزان۔18طُوبیاہس اوس یہُوداؔ شہرٕکِس أکِس ناو دار رئیس آرخؔ سنٛز کور سِکنیاہؔ نیتٕھرؠ تہٕ نیٚچوِس یہُوحانانسؔ ٲسٕس بیٚیس ناو دار تہٕ آسن وٲلِس برکیاہؔ سٕنٛدِس نیٚچو مسلامؔ سنٛز کور نِکحن۔ اوٕ موکھ اوسس یہُوداؔ کیٚو واریہو لوٗکو وفادٲری ہُنٛد قول و اقرار کوٚرمُت۔19تمسنٛدؠ یم وفادار لوٗکھ ٲسؠ مےٚ تمسنٛدؠ تعریف کرنہِ یوان تہٕ پتہٕ ٲسِس یورٕچ سٲرےٕ شیٚچھ واتناوان یہِ بہٕ ونہکھ یا یہِ بہٕ کران آسہ ہا۔ تہٕ طُوبیاہؔ اوس مےٚ کھۅژناونہٕ باپتھ چِٹھیاہ چِٹھیاہ تہِ سوزان۔
Bridge Connectivity Solutions Pvt. Ltd.