نحمیاؔہ4
1سٲنؠ دیوار کھالنچ تہٕ مرمتچ شیٚچھ بوزِتھ سپد سنبلط نارو نار تہٕ لوٚگ یہُودینؔ ٹسنہٕ ژٹنہِ تہٕ ریژھٕ تُلنہِ۔2أمؠ کٔر باقی علاقٲیی، مقٲمی لوکن تہٕ فوجی عہددارن سٕتؠ تہِ کتھ تہٕ ووننکھ۔ "یِم لیٚثرؠ یہُودؠ ہیٚکن نہٕ کانٛہہ کٲم انٛد واتنٲوِتھ۔ یِم ہیٚکن نہٕ شہرس نَہ بحال کٔرِتھ تہٕ نَہ ہیٚکیٚکھ پنُن خدا کانٛہہ مدد کٔرتھ۔ یمن چھنہٕ یہِ کتھ فِکرے تٔرمٕژ زِ اتھ کامہِ کوتاہ وقت چُھ ضرورت۔ کینٛہہ حٲصل کرنُک اوس اکُے وسیلہٕ تِمن برونٛہہ کنہِ سُہ گو امہِ ملبہٕ ڈھیرٕ منٛزٕ کنہِ کڈنہِ۔ بابلؔ کیو لوٗکو چُھ اتھ شہرس ژوٚک تام زولمُت تہٕ اوے ما آسن یمہٕ کنہِ ہنا سۅسریمژٕ۔3سبلاطس نکھے اوس طُوبیاہؔ عمونیؔ تہٕ أمؠ ژٔٹؠ یہُودینؔ یہِ ؤنِتھ ٹسنہٕ زِ یس دیوار یم یہُودؠ کھالان چھِ تمہِ پیٚٹھؠ یوٚدوے پُژھلو تہِ پکہِ یہِ دیوار گژھِ بہتھ4ییٚلہِ مےٚ تہنٛزٕ یِم کتھہٕ بوزٕ زِ یِم کِتھٕ پٲٹھؠ چھِ اسہِ ریٚژھِ تُلان۔ مےٚ کوٚر پننِس خدایس کُن رجوع زِ بوز یمہٕ کیاہ کیاہ چھِ اسہِ ونان تہٕ کِتھٕ پٲٹھؠ چھِ اسہِ ریٚژھِ تُلان۔ یم کرتکھ اسہِ کانٛہہ تھۅس اننس منٛز ناکام۔ تاکہِ یمن اسن باقیو لوٗکھ۔ یہندین دشمنن دِ یمن پٮ۪ٹھ غلبہٕ تہٕ یمہٕ کرُکھ وتہٕ ویلٲشؠ۔5یِم چھِ گناہ گار تہٕ یِمو کٔرؠ ژےٚ خلاف گناہ یم لگی ژےٚ بتھِ تہٕ کورُکھ یہِ گناہ۔ یہنٛد یہِ جرم مہٕ کرِ معاف تہٕ نَہ مشراو یہنٛدؠ گناہ۔ بہٕ چھسے ژیی منٛگان، اوٕ مۅکھٕ زِ یِم چھِ پننیٚو یمو کتھو سٕتؠ باقین تہِ اسہِ خلاف تُلان، یِم یہِ دیوار بناوان چھِ۔6أسؠ رودؠ برابر دیوار بناوان۔ کینژس کالس منٛز اوس اسہِ شہرس انٛدؠ انٛدؠ یہِ دیوار ضروری نیصف تھزرس تام کھولمُت یہِ زن حفاظتہ باپتھ ضروری اوس۔ ہر کانٛہہ اوس یہِ کٲم اند واتناونس کن لگتھ۔7سنبلّطن، طُوبیاہنؔ تہٕ عرب علاقٕکؠ، عمونیؔ قومن تہٕ اشدُود شہرکیو لوٗکو ییٚلہِ یہِ بوز زِ أسؠ چھِ یروشلم شہرکؠ دیوار برابر کھالان تہٕ سنبلطن دیوارس درمیان ژھین تہٕ پراٹنہٕ آمٕتؠ حصہ لگاتار برابر کران۔ تِم سپدؠ سٲری نارو نار۔8یمو ساروٕے کوٚر سمِتھ یروشلمسؔ پٮ۪ٹھ وۅتلِتھ ینُک تہٕ ہر تُلنُک فٲصلہٕ۔ تم ٲسؠ یژھان زِ شہرکؠ لوٗکھ گژھن انتشارس منٛز پیٚنؠ9مگر اسہِ موٚنگ پننس خدایس پننہِ باپتھ پناہ تہٕ اسہِ بنٲوِ نظر گذر تھاونہٕ باپتھ حفاظتی چوکہِ تاکہِ أسؠ روزو پریٚتھ وزِ دشمنو نِشہ خبر دار۔10یپٲرؠ لوگ یہودایو ونُن "دیوارچہ کنہِ سارن وٲلؠ چھِ وُنؠ ژھۅکیمٕتؠ تہٕ ژھیٚنؠ مٕتؠ۔ یوٚت ملبہٕ چُھ وُنتہِ پڑا۔ أسؠ ہیکو نہٕ یہِ دیوار زانہٛہ مکمل کٔرِتھےٕ۔11امہِ پتہٕ لوگ سانیو دشمنو تہِ ونُن۔ امہِ برونٛہہ زِ یمن یہُودینؔ لگہ پے زِ أسؠ آے، أسؠ یمو یمن پٮ۪ٹھ اچانک وۅتلِتھ تہٕ ژھنؠ ووکھ مٲرِتھ تہٕ دیوارچ کٲم کرَو روٹہٕ12ییٚلہِ سانین دشمنن نکھے بسن وٲلؠ یہُودؠ پروشلم آیہ تِمو کوٚر اسہِ زارٕ پارٕ زِ سانین نفرن دیتو واپس گرٕ گژھنُک اجازت تاکہِ تم کرن تتہِ اسہِ حفاظت۔13مگر مےٚ کٔرؠ دیوارس تمن جاین رٲچھ در کھڑا یتہِ نس فصیل بوٚن ٲس یا دیوارس درمیان ژھین موجود اوس۔ پرٮ۪تھ گرٕ منٛزٕ کٔرؠ مےٚ رٲچھ در تیار یِم تلوارٕ، نیزٕ، ہارنجہ تہٕ کمان ہٮ۪تھ ٲسؠ۔14ییٚلہِ مےٚ پرٮ۪تھ چیزچ پوٗرٕ سام ہیٚژ، مےٚ أنؠ معزز شہری، شہرکؠ عہددار تہٕ باقیو کینٛہہ لوٗکھ ناد دِتھ تہٕ وونمکھ۔ "یمن دُشمنن مٕہ کھوژیو۔ خدا چُھ بوٚڈ تہٕ عظمتہٕ وول۔ ذرا سونٛچو۔ سُہ کیا کیا ہیٚکہِ کٔرِتھ تہٕ لگیٚو پننؠن گرن، بٲژن تہٕ شُرین ہنٛدِس حفاظتس۔15ییٚلہِ سانیو دشمنو یہِ بوز زِ اسہِ چُھ تہنٛدین اِرادن ہُنٛد پے۔ تِمو زون زِ خداین رٔٹؠ تِم پتھ، اسہِ پٮ۪ٹھ بے خبر پٲٹھؠ حملہٕ کرنہٕ نِشہ۔ تِمو کور اسہِ پٮ۪ٹھ فلحال حملہٕ نَہ کرنُک فٲصلہٕ۔ لہٰذا لٔگؠ أسؠ سٲری بیٚیہِ دیوار کھالنس کُن۔ پرٮ۪تھ کانٛہہ رود پنٕنؠ پنٕنؠ مَٹہِ ہیٚژمٕژ کٲم کران16مگر امہِ نیتہٕ رودؠ نیصف کارکُن دیوارس سٕتؠ آوٕرؠ تہٕ باقیو نیصف رودؠ نیزٕ، سِپر، ہارنجہ تہٕ کمانہٕ تہٕ داتو ذرٕ بکتر ہٮ۪تھ رٲچھ باپتھ۔ عہددار رودؠ مُزوٗرن تہٕ رٲچھ درن پتہٕ کنہِ تمن حوصلہٕ تہٕ ہدایت دِنہٕ باپتھ یوٚدوے کانٛہہ حملہٕ سپدِ۔17تِم سٲری یِم دیوار کھالان ٲسؠ تہٕ بور تُلان ٲسؠ رودؠ پنٕنؠ ہتھیار ہر وزِ پانس اتھِ رٔٹِتھ تاکہِ کنہ تہِ حملہٕ باپتھ روزن تیار18دیوار بناون وٲلِس پرٮ۪تھ مُزورس ٲس پنٕنؠ پنٕنؠ تلوار ۂلِس اویزان اکھ نفر تھوو مےٚ پانس نکھے تاکہِ سُہ بجاوِ کُنہِ تہِ خطرٕ وزِ پنُن کٹہٕ ہینگ تہٕ کرِ تُرے۔19امہِ پتہٕ ووٚن مےٚ معزز شہرین، شہری عہددارن تہٕ باقے واریہن لوٗکن۔ أسؠ چھِ أکِس زیٹِھس علاقس پٮ۪ٹھ مُحیط دیوارس پٮ۪ٹھ کٲم کران تہٕ أسؠ چھِ دیوارس سٟتؠ سٟتؠ اکھ أکِس واریاہ دوٗر۔20مگر یُتھےٕ توٚہؠ کٹہٕ ہینٛگ بجنٕچ آواز بوزِو فوراً وٲتؠ زیٚو مخصوص جایہِ پٮ۪ٹھ۔ سون خدا روزِ اسہِ سٟتؠ برابر۔21أسؠ رودؠ پنٕنؠ کٲم لگاتار کران۔ نیصف لوٗکھ رودؠ پنٕنؠ ہتھیار ہٮ۪تھ تیار حفاظتہٕ خٲطرٕ۔22اتھ موقس پٮ۪ٹھ ووٚن مےٚ لوٗکن۔ ہر کانٛہہ کارکُن تہٕ تسُنٛد خٲدِم روزِ راتس یروشلمسؔ منٛزےٕ۔ یوٚدوے سُہ شہرٕ نیٚبر بسان چُھ۔ یتھٕ پٲٹھؠ روزن ژٔرؠ لوٗکھ راتس شہرکہِ حفاظتہٕ باپتھ دستیاب تہٕ دوٚہس کرن یِم دیوار کھالنچ پنٕنؠ کٲم۔23تتھ وقتس دوران کٔڈؠ نہٕ اسہِ منٛز کٲنسے پنٕنؠ نٲلؠ پلو۔ مےٚ کڈؠ نہٕ، میانیٚو بایو، میانیٚو خٲدمو تہٕ میانیٚو ذٲتی رٲچھ درو تہِ کٔڈؠ نہٕ۔ اسہِ سارنےٕ ٲسؠ ہمیشہٕ پنٕنؠ ہتھیار پانس نِش آسان۔ یہِ دٔپؠ زِ تہِ سران دیان کرنہٕ وزِ تہِ۔
Bridge Connectivity Solutions Pvt. Ltd.