متی21
1یسوعؔ تہٕ تسٕنٛدؠ شاگردو یروشلم کُن رُخ کوٚر، تِم وٲتؠ زیتون پہاڑس نکھٕ بیت فگےؔ گامس منٛز۔ یسوعنؔ ووٚن تِمن پننٮ۪ن دوٚن شٲگردن، "گٔژھِو اتھ نزدیکی گامس کُن۔ یُتھےٕ توٚہؠ اتھ منٛز دٲخل گٔژھِو، توٚہؠ وُچھوون اکھ خر تہٕ تسُنٛد بچہٕ یُس کٲنٛسہِ گنٛڈؠ مٕتؠ آسن۔ تِم کٔرؠ ووکھ الگ تہٕ انؠ ووکھ مےٚ نِش۔3اگر توٚہہِ کانہٛہ پرژھیٚو زِ توٚہؠ کیازِ چھُووُکھ یِم نِوان، تمِس ونؠ زیٚو خداوندس چھِ یِم ضرورت۔ تیٚلے دِیو سُہ توٚہہِ یِم نِنہٕ"4یہٕ سورےٕ سپدیاو پوٚز ثٲبت کرنہٕ خٲطرٕ یہِ خداین واریاہ برونہٛہ نبی سنٛدِ ذریعہٕ فرموومُت اوس۔ تٔمؠ نبین لیٚوکھ، "یروشلمس منٛز روزن والیٚن لوٗکن وَن، "وُچھِو! تُہنٛد بادشاہ چُھ توٚہہِ نِش یِوان! سُہ ییہِ عٲجزی سان، خَر بچس پیٚٹھ سوار گژِھتھ، خرٕ سُنٛد اولاد۔6لہٰذا وٲتؠ زٕ شٲگرد تہٕ کوٚرُکھ تی یہِ تِمن یسوعنؔ کرنہٕ باپتھ ووٚنمُت اوس۔7تِمو انؠ خر تہٕ تسُنٛد بچہٕ یسوعسؔ نِش۔ تِمو تھاوِ یسوعؔ سنٛدِ بیٚہنہٕ باپتھ تِمن پیٚٹھ پننہِ ژادرٕ۔ پتہٕ گوٚو یسوعؔ سوار تہٕ بیوٹھ یِمن ژادرن پیٚٹھ۔8اوٕ پتہٕ وہرٲوؠ أکؠ بٔڈؠ لُکہٕ ہجومن پنٕنؠ کینٛہہ پیٚٹھؠ پلو وتہِ امسنٛزِ وتہِ۔ تہٕ باقے لوٗکو ژچہِ کھزر کُلٮ۪ن ہنٛزٕ لنجہٕ تہٕ ووتراوٮ۪کھ وتہِ۔9لُکہٕ ہجوم یُس أمِس برونہٛہ برونہٛہ پکان اوس تہٕ أمِس پتہٕ پتہٕ اوس گیٚوان: "تعریف کرو مسیحؔ سنٛدؠ داود بادشاہ سنٛدؠ زُرؠ سنٛدؠ!" "خداوند خدا تھٲوِن أمِس پیٚٹھ پنھن سایہِ یُس خدایہِ سُنٛد نمایندٕ بٔنِتھ یوان چھُ خدایہِ سنٛدِ حکمہٕ" خدایس کٔرِو تعریف یُس تھدِس آسمانس پیٚٹھ چھُ!"10ییٚلہِ یسوع یروشلم شہرس منٛز ژاو، شہرٕکؠ واریاہ لوٗکھ سپٕدؠ حٲران تہٕ ٲسؠ ونان، "اما یمِس نفرس کیازِ لوٗکھ یتھٕ پٲٹھؠ عزت کران"11ہجوم، یُس أمِس گۅڈے پتہٕ پتہٕ اوس ووٚتھُکھ یورٕ، یہِ چھُ یسوع، گلیلی ہنٛدِ ناصرت جایہِ ہنٛد نبی۔12اوٕ پتہٕ ژاو یسوعؔ ہیکل کِس صحنس منٛز تہٕ کرٕن لار تِمن سارنے یِم اتہِ چیزن ہُنٛد ہیوٚن دیوٚن کران ٲسؠ تہٕ تِمن سارنےٕ ہنٛدؠ میز پھِرٕنؠ دُبہٕ یِم اتہِ ہیکل کِس محصول رنگؠ آمتس پونٛسس رومی سِکن بدلاوان ٲسؠ تہٕ یہنٛزٕ کرسی تہِ نہناوٮ۪ن یِم اتہِ قربانی باپتھ کوتر کٕنان ٲسؠ۔13اوٕ پتہٕ ووننکھ، "أکؠ نبین لیٚوکھ پننِس صحیفس منٛز زِ خدا چھُ ونان، "بہٕ چھُس یژھان پنُن گرٕ سۅ جاے تھاونؠ یتہِ لوٗکھ بس میٲنؠ عبادت کرن۔ مگر توٚہہِ لوٗکو چھُو یہِ جاے رہزنن ہنٛد سمن بل بنومُت۔14اوٕ پتہٕ آے واریاہ أنؠ تہٕ لنٛگؠ لوٗکھ یسوعس نِش ہیکلس منٛز تاکہِ سُہ بخشہِ تِمن شفا تہٕ تمؠ کوٚر یی۔15سردار کاہنو تہٕ یہُودؠ شریعت ہیٚچھناون والیٚو وُچھ یِم شاندار کارنامہٕ یسوع سنٛدؠ۔ تمو وُچھؠ شُرؠ ہیکلس منٛز کریکہٕ دوان۔ "أسؠ چھِ تعریف کران مسیحؔ سنٛدؠ، بادشاہ داود سنٛدِس زُرؠ سنٛدؠ!" یہِ بوزنہٕ گو تِمن برطبع۔16تِمو پرُژھ أمِس، "ووٚنؠ کِتھٕ چھُکھ ژٕ یہِ ژٲلِتھ ہیٚکان؟ بوزان چھُکھا یِم لوٗکھ کیا کریکہٕ چھِ دِوان؟ اوٕ پتہٕ ووٚنُکھ یسوعن، "اوٕ بہٕ چھُس یہُنٛد بوزان۔ ووٚنؠ گوو یودوے توٚہہِ ژٮ۪تس آسہِ یہِ توٚہہِ صحیفن منٛز پوٚرمُت چھو شُریٚن ہُنٛد مےٚ تعریف کرنس متعلق۔ توٚہہِ آسہِ تیٚلہِ ژٮ۪تس، خدا کوتاہ خۅش چھُ یِمن شُریٚن لیوکھ خداین کیا وون "ژےٚ ہیٚچھنٲوؠ تھکھ نوزاد تہٕ شُرؠ تعریف یوت مکمل پٲٹھؠ۔17أمہِ پتہٕ تروو یسوعن یہِ شہر۔ شٲگرد رودؠ أمسےٕ سٟتؠ تہٕ گے بیت عنیاہ نٲوؠ گامس منٛز۔ یہِ راتھ کٔڈ یِمو أتی۔18دویمہِ دوٚہہ صبحٲے ییٚلہِ یِم شہر کُن واپس پھیران ٲسؠ، یسوعس باسییہِ بۅچھِ۔19أمؠ وُچھ وتہِ دنٛدِس پیٚٹھ اکھ کُل۔ اوے گو سُہ اتھ کُن تاکہِ کھٮ۪نہٕ باپتھ والہِ کینٛہہ انجیر۔ مگر یُتھےٕ سُہ اتھ نکھہٕ ووت تٔمؠ وُچھ اتہِ چھرا پنےٕ پن انجیر نہٕ کُنے۔ اوے وون أمؠ انجیرؠ کُلِس۔ گژھ ژےٚ مہٕ پھۅلنے وونؠ زانہٛہ انجیر۔ اوٕ کِنؠ آو أتی یہِ انجیر کُل ہوٚکھِتھ۔20دویمہِ دوٚہہ وُچھ شاگردو یہِ انجیر کُل پوٗرٕ ہوٚکھمُت۔ تِم سپدؠ حٲران تہٕ ووٚنُکھ یسوعس، "یہِ کُل کِتھہٕ آو ؤلؠ ؤلؠ ہوٚکھِتھ"21یسوعن ووٚنُکھ، "یتھ بارس منٛز دِیو ژٮ۪تھ: یودوے توٚہہِ ایمان چھُ زِ خدایس چھےٚ قدرت تہِ کرنس پیٚٹھ یہِ توٚہؠ تس منگیِو، تہٕ توٚہہِ آسہِ نہٕ کانہٛہ شک اتھ پیٚٹھ۔ توٚہؠ تہِ ہیٚکِو تِم چیز کٔرِتھ یہِ زن مےٚ یتھ کُلِس سٟتؠ کوٚر۔ توٚہؠ ہیٚکِو أمہِ کھۅتہٕ تہِ شاندار کارنامہٕ کٔرِتھ مثلاً ہُتھ بالس یہِ ؤنِتھ پنُن پان کڈ موٗلے نٮ۪بر تہٕ لگاو پانس سۅدرس منٛز تہٕ یی سپدِ۔22امہِ ہریمانہٕ ییٚلہِ تہِ توٚہؠ خدایہِ سٕنٛز عبادت کران خدایس کینٛہہ منٛگِو، ہرگاہ توٚہہِ ایمان آسہِ زِ سُہ دِیہِ سُہ چیز توٚہہِ، توٚہؠ کٔرِو سُہ منٛگنہٕ آمُت چیز تس نِش حٲصِل۔23اوٕ پتہٕ گو یسوع ہیکل کِس صحنس منٛز۔ لوٗکن تعلیم دِنس دوران آے تس نِش سردار کاہن تہٕ لوٗکن ہنٛدؠ زِٹھؠ۔ تِمو پرُژھُس، "ژٕ کمہِ حکمہٕ چھُکھ یِتھؠ چیز کران۔ ژٕ کٔمؠ بنووُکھ مجاز تِمہٕ کامہِ کرنہٕ باپتھ یِمہٕ ژےٚ راتھ یتہِ کریٚتھ۔24یسوعنؔ وون تِمن، "بتہِ پرٕژھو اکھ سوال تہٕ یودوے توٚہؠ مےٚ جواب دِیو، بہٕ ونو بہٕ کٔمؠ کوٚرُس مجاز یِمہٕ کامہِ کرنس"25بپتسمی یوحناہن کتہِ روٹ حکم تس نِش یِنہٕ والیٚن بپتسمہ دِنُک؟ تِم رٹنا یہِ حکم خدایس نِش کِنہٕ لوٗکن نِش؟ سردار کاہن تہٕ لوٗکن ہنٛدؠ زِٹھؠ لٔگؠ پانہٕ وٲنؠ بحث کرنہِ زِ تِم کیا جواب دِن۔ تِمو وون اکھ أکِس۔ یودوے أسؠ ونو زِ یہِ اوس آسمانس پٮ۪ٹھ خدا یُس اسہِ ونہِ۔ تیٚلہِ پزِ مےٚ تہٕ توٚہہِ تسنٛزِ شیٚچھِ پٮ۪ٹھ یقین کرُن۔26مگر یودوے أسؠ ونو زِ حکم دِنہٕ وٲلؠ ٲسؠ لوٗکھ۔ یہِ لُکہٕ حجوم ووٚتھ وُچاپہٕ پٲٹھؠ اسہِ خلاف تکیازِ تمام لوٗکھ چھِ زانان زِ یوحنا اوس نبی یُس خداین سوزمُت اوس۔27اوے وون یِمو یسوعس، "اسہِ چھنہٕ خبر یوحناہن کتہِ اون حکم۔ اوٕ پتہٕ وونُکھ یسوعن، "تکیازِ توٚہہِ دِتو نہٕ میانہِ سوالُک جواب. بہٕ ونو نہٕ زِ مےٚ کٔمؠ دیُت یہِ حق تہِ کرنُک یہِ مےٚ راتھ یتہِ کوٚر۔28"ونِو مےٚ تُہنٛد خیال کیا چھُ تتھ متعلق یہِ بہٕ توٚہہِ ونُن یژھان چھُس۔ اکھ نفر اوس یمِس زٕ گۅبر ٲسؠ۔ سُہ گو پننِس زِٹھِس گۅبرس نِش تہٕ ووننس، "گوبرا! نیر سا گژھ میٲنِس دچھٕ باغس منٛز از دوٚہس کٲم کرنہٕ باپتھ"29مگر گوٚبرن ووٚن اورٕ مٲلِس، "بہٕ گژھے نہٕ" ووٚنؠ گو پتہٕ پہن بدلیوس گوس افسوس تہٕ گو دچھِ باغس منٛز دوٚہس کٲم کرنہِ۔30یپٲرؠ گو مول کٲنژھِس گوبرس نِش تہٕ ووننس یہِ تٔمؠ زِٹھِس گوبرس ووٚنمُت اوس۔ أمؠ نیٚچِوؠ ووٚنُس، "جناب۔ بہٕ گژھٕ تہٕ کرٕ تتھ باغس منٛز از دوٚہس کٲم" مگر سُہ گو نہٕ کینٛہہ31ونؠ ؤنؠ تو کٔمؠ اکؠ شُرؠ مون مٲلؠ سُنٛد۔ تِمو ووٚنُس، "بٔڈؠ أکؠ نیٚچوؠ" امہِ پتہٕ ووٚتھُکھ یورٕ یسوع۔ ووٚنؠ سونٛچِو یتھ پیٚٹھ۔ خدا آسہِ مہربان محصول رٹن والیٚن تہٕ پاژھنٮ۪ن یہِ قبول کٔرِتھ زِ سُہ کرِ تِمن پیٚٹھ پنٕنؠ بادشٲہی قٲیِم تمن مقابلہٕ ؤلؠ ؤلؠ۔ یہِ چھُ پوٚز یودوے توٚہؠ تِمن لعنت چھُو سوزان تکیازِ تِم چھِنہٕ موسیٰ سنٛز شریعت مانان۔32بہٕ چھُو یہِ اوٕ کِنؠ ونان زِ یودوے بپتسمی یوحناہن توٚہہِ واضیح کوٚر زِ کِتھٕ پٲٹھؠ چھےٚ راستبٲزی سان زندگی گُذارٕنؠ۔ توٚہہِ اوٚنُو نہٕ ایمان تمسنٛزِ شیچھِ پیٚٹھ. ووٚنؠ گو محصول رٹن والیٚو تہٕ پاژھنیٚو اون تتھ پیٚٹھ ایمان۔ تہٕ تِمو ترٲوؠ پنٕنؠ گناہ گار وطیرٕ۔ اتھ برعکس گوو زِ توٚہہِ وُچھوُس زِ یِم لوٗکھ کِتھہٕ بدلییہ۔ توٚہہِ ترٲیو نہٕ گناہ کرٕنؠ، نہٕ کٔرٕو یوحنا سٕنٛز شیچھ قبول۔33ووٚنؠ بوزِو بیاکھ تمثیل۔ أکؠ زمیندارن لوگ دچھِ باغ۔ تٔمؠ دیُت اتھ اندؠ اندؠ جنگلہٕ۔ تٔمؠ بنٲو اکھ خاص جاے۔ یتہِ سُہ اتھ دچھِ رس کڈِ۔ تٔمؠ کھول اکھ ٹاور یتہِ کانہٛہ اکھ اتھ دچھِ باغس رٲچھ کرِ۔ تمؠ دیُت یہِ دچھِ باغ أکِس نفر کرایس تاکہِ سُہ کرِ اتھ رٲچھ راوٹھ تہٕ تمِس تہِ دیہِ کینٛہہ دچھ۔ پتہٕ گو پانہٕ بیٚیِس ملکس بسنہٕ۔34ییٚلہِ دچھ والنُک وق ووت، زمیندارن سوزؠ پنٕنؠ کینٛہہ نوکر دچھِ رٲچھ راوٹ کرن والیٚن نفرن نِش فصلہٕ منٛزٕ دچھِ ہُنٛد پنُن حصہٕ وصول کرنہٕ باپتھ۔35یِمو زمین کرایس پیٚٹھ تُلن والیٚو رٔٹؠ یِم نوکر بند۔ اکِس کوٚرُکھ دگہٕ مار۔ بیاکھ ژھنُکھ مٲرِتھ تہٕ تریٚیِم مورُکھ کنہِ لٲے لٲے۔36اوے سوز تٔمؠ زمیندارن ووٚنؠ پتمہِ کھۅتہٕ ژٔرؠ نوکر یِمن نوکرن سٟتۍ تہٕ کوٚر کرایہِ پیٚٹھ زمین رٹن والیٚن تیُتھُے سلوٗک یُتھ تِمو گۅڈنِکیٚن نوکرن سٟتؠ کوٚرمُت اوس۔37ییٚلہِ زمیندارن یہِ بوز، تمؠ سوز پنُن لڑکہٕ یِمن کرایہِ دارن نِش فصلُک پنُن حصہٕ وصول کرنہٕ باپتھ۔ ییٚلہِ تمؠ یہِ لڑکہٕ سوز، تمؠ وون پانس سٟتؠ "تِم تھاون یقیناً میٲنس نیٚچوِس عزت تہٕ کرنس فصلُک میون حصہٕ حوالہٕ۔38ووٚنؠ گوو ییٚلہِ کرایہِ دارو تمسُنٛد نیٚچو یوان وُچھ، تِمو ووٚن اکھ أکِس یوٚہے چھُ سُہ انسان یُس یمہِ دچھِ باغُک وٲرث در بنہِ۔ ؤلِو یِکوٹہٕ ژھنوون یہِ مٲرِتھ تہٕ بٲگراوو یہِ جایداد پانہٕ وٲنؠ۔39اوے روٚٹ تِمو سُہ تہٕ لِتھوان کوٚڈُکھ دچھِ باغہٕ منٛزٕ تہٕ ژھنُکھ مٲرِتھ۔40ووٚنؠ چھُسو بہٕ توٚہہِ پرٕژھان، ییٚلہِ زمیندار مٲلک پننس دچھِ باغس منٛز ییہِ تُہنٛد کیا خیال چھُ زِ سُہ کیا کرِ یِمن کرایس پیٚٹھ زمین تُلن والیٚن۔41یِمو لوٗکو ووٚنُس، "سُہ کرِ یِمن کمین انسانن ژوٚک ہٮ۪تھ بُرباد پتہٕ ییہِ یہِ دچھِ باغ بیٚیہِ کٲنٛسہِ کرایس پیٚٹھ۔ تِم دِن أمِس دچھِ ہُنٛد حصہٕ ییٚلہِ تِم پپن۔42یسوعنؔ ووٚنُکھ، "توٚہہِ پیٚیہِ وارٕ ژٮ۪تھ دِتھ سونٛچُن یِمن لفظن پیٚٹھ یِم توٚہہِ صحیفن منٛز پٔرؠ مٕتؠ چھُو: تِم نفر یِم اکھ بٔڈ عمارت لدان چھِ، کٔر اکھ کٔنؠ رد۔ مگر باقیٚو لٲجؠ یہےَ کٔنؠ پننہِ منٲسب جایہِ تہٕ یہِ بنییہِ ساروٕے کھۅتہٕ اہم کٔنؠ۔ خداوندن کوٚر یی تہٕ أسؠ چھِ اتھ پیٚٹھ تعجب کران ییٚلہِ اوکُن وُچھان چھِ"43اوے چھُسو بہٕ ونان: خدا دِیہِ نہٕ توٚہہِ زہنؠ تس پنٕنؠ لوٗکھ بننہٕ۔ بلکہِ انہِ پننٮ۪ن لوٗکن یِم امسُنٛد مانن یہِ سُہ یژھِ۔44یُس کانہٛہ تہِ اتھ کُنہِ پیٚٹھ پیٚیہِ سُہ گژھِ تانہٕ تانہٕ، تہٕ یہِ کٔنؠ کرِ پیٚٹھ پیٚنہٕ وٲلِس کروپُس۔45ییٚلہِ سردار کاہنو تہٕ زِٹھیٚو یِم فریسی ٲسؠ، یہِ تمثیل بوز، تِمن توٚگ بوزُن سُہ چھُ تِمنے قصوروار گنٛزران تکیازِ تِمو اون نہٕ تسنٛدِس مسیح آسنس پیٚٹھ ایمان۔46تِم ٲسؠ یژھان تس بٲنٛدؠ بناوُن۔ ووٚنؠ گوو تِمو ہیوٚک نہٕ یہِ کٔرِتھ تکیازِ تِم ٲسؠ کھوژان زِ خبر یہِ ہجوم کیا کرِ تِمن سٟتؠ یودوے تِم یہِ کرن، تکیازِ ہجوم اوس یسوعس نبی گنٛزران۔
Bridge Connectivity Solutions Pvt. Ltd.