متی20
1یتھٕ پٲٹھؠ خدا آسمانہٕ پیٚٹھٕ بادشٲہی کران چھُ تمیُک مقابلہٕ ہیٚکِو نہٕ دچھِ باغ کِس مٲلکہٕ سنٛدِس کرنس کراونس سٟتؠ کٔرِتھ۔2تٔمؠ کوٚر تِمن نفرن سٟتؠ وعدٕ یِمن تٔمؠ کٲم کرنہٕ باپتھ مزوٗرِ أنمٕتؠ ٲسؠ زِ سُہ دِیہِ تِمن اکہِ دوٚہہ کٲم کرنہٕ باپتھ ٹھیک ٹھاک مزوٗرؠ۔ پتہٕ سوزؠ تٔمؠ تِمہٕ پننین دچھِ باغن منٛز۔3صبحٲے سُلے دراو دچھِ باغک مٲلک بازر یتہِ کامہِ باپتھ مزوٗر سمان چھِ۔ تتہِ وُچھ تٔمؠ بیٚیہِ تہِ کینٛہہ مزوٗر یِم بےکار ٲسؠ۔4تٔمؠ ووٚن تِمن، "نیرِو گٔژھِو میٲنِس دچھِ باغس منٛز یتھٕ پٲٹھؠ باقی نفر گے تہٕ کٔرِو تتہِ کٲم۔ بہٕ دِمو توٚہہِ رٕژ مزوٗرؠ۔ اوے گے یِم امسنٛدِس دچھِ باغس منٛز تہٕ لٲجِکھ کٲم کرٕنؠ۔5کٲجِس تہٕ دوپہرس ترےٚ بجے گوو سُہ بیٚیہِ بازر تہٕ وُچھِن اتہِ مزید مزوٗر یِمن أمؠ منٲسب مزوٗرؠ دِنُک وعدٕ دیُت۔6پانٛژِ بجہِ شامس گوو سُہ بیٚیہِ بازر تہٕ وُچِھن اتہِ مزید نفر کامہِ ورٲے۔ أمؠ ووٚن تِمن، "توٚہؠ کیازِ دوٚہؠ دوٚہس یتی وۅدٕنؠ بےکار؟"7تِمو ووٚنُس اورٕ، "أسؠ رٔٹؠ نہٕ کٲنسے مزوٗرِ" أمؠ ووٚنُکھ اورٕ، "بہٕ رٹو مزوٗرِ۔ پٔکِو میٲنِس دچھِ باغس منٛز۔ یتھٕ باقیو کوٚر تہٕ کرِو کٲم اتہِ۔ "اوے گے یِم تہِ تورؠ۔8ییٚلہِ شام ووت، دچھِ باغٕکؠ مٲلکن ووٚن پننس منتظمس، "ون یِمن نفرن پانس نِش یِنہٕ باپتھ تاکہِ ژٕ دِکھ تِمن پنٕنؠ مزوٗرؠ۔ گۅڈٕ دِ تِمن یِمو ساروٕے ژیرؠ لٲجؠ کٲم کرٕنؠ تہٕ یِمو گۅڈٕ لٲجؠ کٲم تِمن دی زِ مزوٗرؠ پوٚتُس۔9أمؠ انتظٲمؠ دِژ ساروٕے پوٚتُس کامہِ یِنہٕ والیٚن معیٲری مزوٗرؠ یِمو پانٛژِ بجہِ پتہٕ کٲم ٲس کٔرمٕژ۔10ییٚلہِ صبحٲے سُلِہ کٲم شروع کرن وٲلؠ پنٕنؠ مزوٗرؠ رٹنہِ آے، تیہُنٛد خیال اوس زِ تِمن میلہِ معیٲری مزوٗرِ کھۅتہٕ ژٔر مزوٗرؠ۔ مگر تِمن تہِ میجؠ یہےَ معیٲری مزوٗرؠ۔11اوے کٔر یِمو دچھِ باغ کِس مٲلکس نِش شکایت تکیازِ یِمو زٲنؠ پنٕنؠ یہِ مزوٗرؠ بے انصٲفی۔12تِمو ووٚن أمِس، "ژٕ چھُکھ نہٕ اسہِ سٟتؠ انصاف کران۔ تِمو مزوٗرو یِمو ساروےٕ پوٚتُس کٲم کرٕنؠ لٲجؠ کٔر چھرا أکِس گنٛٹس کٲم۔ تِمن دِژٕتھ ژےٚ تِژےٕ مزوٗرؠ ییژ ووٚنؠ اسہِ دِوان چھُکھ۔ اسہِ کٔر دوٚہچہِ سخت گرمی منٛز کٲم۔13دچھِ باغٕکؠ مٲلکن ووٚن أکِس شکایت کرن وٲلِس، "یارا۔ مےٚ کوٚر نہٕ کانہٛہ غلط۔ ژےٚ کٔرٕتھ دوٚہس کٲم کرٕنؠ قبول مےٚ سٟتؠ معیٲری مزوٗرِ پیٚٹھ۔14شکایت کرٕنؠ کر بند۔ مےٚ یوٚژھ توٚہہِ سۅے معیٲری مزوٗرؠ دِنؠ یۅسہٕ مےٚ ساروےٕ پوٚتُس کٲم شروع کرن والیٚن مزوٗرن دِژ۔15مےٚ چھُ بہرحال حق زِ بہٕ خرچاوٕ پنُن پونٛسہٕ یتھ پٲٹھؠ یژھٕ۔ چھُمنا حق؟ ژےٚ پزی نہٕ حسد یُن میانہِ رٕتہِ سخاوتُک۔16یِتھے پٲٹھؠ دِیہِ خدا تِمن لوٗکن اجر یِم وُنکٮ۪س لژھِ ہیِوؠ باسن تہٕ تِمن دِیہِ نہٕ رُت اجر یِم وُنکٮ۪س سرس باسن۔17ییٚلہِ یسوعؔ یروشلم گژھن واجنہِ وتہِ پننٮ۪ن بہَن شٲگردن سٟتؠ پکان اوس، أمؠ نی یِم پانس سٟتؠ الگ کٔڈِتھ أکِس جایہِ تاکہِ یِمن سٟتؠ کرِ ژوٗرِ پٲٹھؠ کتھ۔ پتہٕ ووٚنُن یِمن۔18پوٗرٕ کن دِتھ بوزِو۔ "ووٚنؠ چھِ أسؠ یروشلم واتن وٲلؠ۔ اتہِ روزنس دوران اکھ زوٚنا دِیہِ مدد اتکٮ۪ن سردار کاہنن تہٕ یہُودؠ قانون ہٮ۪چھناون والیٚن مےٚ آدمؔ زادس بٲنٛدؠ بناونس منٛز۔ تِم کھالن مےٚ عدالتس تہٕ راہ کھٲلِتھ ونن بہٕ چھُس قتل کرن۔19پتہٕ کرن مےٚ غٲر یہودٮ۪ن حوالہٕ تاکہِ تِم تُلن مےٚ رٮ۪ژھِ تہٕ والنم قمچہٕ تہٕ مارنم صلیبہِ پیٚٹھ کِلؠ ٹھُکؠ ٹھُکؠ۔ ووٚنؠ گوو أمہِ پتہٕ تریٚیہِ دوٚہؠ دِیہِ مےٚ خدا نوِ سرٕ زُو"20أمہِ پتہٕ أنؠ زبیدیؔ سنٛدؠ شُرؠ یعقوبؔ تہٕ یوحناؔ پننہِ ماجہِ یسوعسؔ نِش۔ سۅ نمییہِ یسوعسؔ برونہٛہ کنہِ تہٕ ووٚننس زِ سُہ کرِ تمسُنٛد طرف۔21یسوعنؔ ووٚن تس، "ژِ کیا چھُکھ یژھان زِ بہٕ کرٕ چانہِ باپتھ؟ تمہِ ووٚنُس اورٕ، "یِمن دوٚن میانٮ۪ن گوٚبرن دِ اِجازت پانس لرِ عزتچہِ جایہِ بیٚہنُک ییٚلہِ ژٕ بادشاہ بنکھ، اکھ ژےٚ دٔچِھنؠ کِنؠ تہٕ بیاکھ کھووٕرؠ کِنؠ"22یسوعنؔ ووٚن أمِس تہٕ امسنٛدین دوٚن شُریٚن، "توٚہہِ چھنہٕ خبر زِ توٚہؠ کیا چھُو منٛگان۔ توٚہؠ ہیٚکوا سُہ عذاب تُلِتھ یُس بہٕ تُلن وول چھُس؟ یعقوبنؔ تہٕ یوحناہنؔ ووٚنُس یورٕ، "آ۔ أسؠ ہیٚکو تُلِتھ۔23پتہٕ ووٚن تِمن یسوعنؔ، "آ۔ توٚہؠ تُلِو سُہ عذاب یُس بہٕ تُلہٕ۔ ووٚنؠ گوو بہٕ چھُسنہٕ ژارن وول زِ مےٚ لرِ کُس بیٚہہِ تہٕ کرِ بادشٲہی مےٚ سٟتؠ۔ خدا میون بب دِیہِ یمہٕ جایہِ تس یِمن سُے ژارِ۔24ییٚلہِ باقےٕ دہَو شاگردو یہِ بوز زِ یعقوبؔ تہٕ یوحناؔ کیا ٲسؠ ژھاران، تِم گے ژکھہِ یِمن پیٚٹھ۔ تکیازِ تِم تہِ ٲسؠ یژھان یسوعسؔ سٟتؠ بادشٲہی کرٕنؠ أمہِ عزت واجنہِ جایہِ پیٚٹھ۔25اوے أنؠ یسوعنؔ یِم سٲری ناد دِتھ تہٕ ووٚننکھ، "توٚہہِ چھُو خبر زِ یِم غٲر یہودٮ۪ن پیٚٹھ بادشٲہی چھِ کران، باقین پیٚٹھ پننہِ بادشٲہی پیٚٹھ ژرنگہٕ دٕنان زِ تِم چھِ طاقت وٲلؠ۔ یہنٛدؠ زِٹھؠ سردار چھِ باقین پیٚٹھ بادشٲہی کرنس پیٚٹھ خوش۔26توٚہہِ پزِ نہٕ یِمن ہیٚو آسُن۔ امہِ بدلہٕ گژھن تِم یِم یژھان آسن زِ خدا گژھِ تِمن عظیم زانُن، باقین ہنٛز خدمت گُزٲری کرٕنؠ۔27آ۔ پرٛتھ کانہٛہ توٚہہِ منٛزٕ یُس یژھان آسہِ زِ خدا گژھِ تمِس عظیم زانُن، تس پزِ باقین ہنٛد خدمت گُذار بنُن۔28توٚہہِ پزَ میٲنؠ پیروی کرٕنؠ ہرگاہ زن بہٕ آدمؔ زاد چھُس۔ بہٕ آس نہٕ تاکہِ باقےٕ کرن مےٚ خدمت۔ بلکہِ آس بہٕ تِمن خدمت کرنہِ تہٕ تِمن اجازت دِنہِ زِ تِم مارن مےٚ تاکہِ میون مرُن بنہِ ماوضہ لوٗکن پننٮ۪ن گنہن ہنٛدِ سزا نِشہٕ نجات پراونُک۔29ییٚلہِ تِم یرِیحُو شہر نیران ٲسؠ، اکھ بوٚڈ لُکہٕ ہجوم رود یِمن پتے۔30وتہِ پکان پکان وُچھ یِمو زٕ أنؠ وتہِ دٔنٛدِس پیٚٹھ بیہِتھ۔ ییٚلہِ تِمو بوز زِ یسوع چھُ اپٲرؠ پکان تِمو دِژٕ کریکہٕ۔ ہے خداوند۔ بادشاہ داوود سُنٛد زُرِ ژِ چھُکھ مسیحؔ نجات دِنہ وول اسہِ پیٚٹھ کرتہٕ رحم۔31ہجومس منٛز لوٗکو کٔر یِمن بیٚوٲری تہٕ ووٚنہکھ ژھوٚپہٕ دم کٔرِتھ بیٚہنہٕ باپتھ۔ ووٚنؠ گوو یِم أنؠ رودؠ زیادے زورٕ زورٕ کریکہٕ دِوان۔ ہے خدا وند، بادشاہ داوود سٕنٛدِ زُرِ۔ ژٕ چھُکھ مسیحؔ، اسہِ پیٚٹھ کر رحم۔32یسوعنؔ ٹھہروو قدم تہٕ ووننکھ نکھہٕ یِنہٕ باپتھ۔ "توٚہؠ کیا چھُو یژھان زِ بہٕ کرٕ تہنٛدِ باپتھ؟"33تِمو ووٚن أمِس، "ہے خداوند۔ اسہِ دِتہٕ أچھن شفا۔ تاکہِ أسؠ تہِ ہیٚکو وُچھِتھ۔34یسوعسؔ گوو ترس یِمن پیٚٹھ تہٕ پھیُرنکھ أچھن اتھہٕ۔ تہٕ أتی لوگ تِمو وچُھن تہٕ درایہِ یسوعسؔ پتہٕ پتہٕ۔
Bridge Connectivity Solutions Pvt. Ltd.