متی19
1ییٚلہِ یسوعنؔ یہِ ؤنِتھ مۅکلوو، تٔمؠ تُلؠ پنٕنؠ شٲگرد سٟتؠ تہٕ دراو گلیلی ہنٛدِ أمہِ علاقہٕ منٛزٕ۔ تِم گے یہُوداؔ کِس تتھ علاقس کُن یُس یردن دریاوکِس مشرقس منٛز اوس۔2لُکہٕ ہجوم رود أمِس پتے تہٕ تٔمؠ بخُش یِمن منٛز مریضن شفا۔3کینٛہہ فریسی آے أمِس نِش تہٕ ووٚنہس سٲنؠ یہُودؠ شریعت چھا کٲنٛسہِ مردس تہِ پننہِ آشنہِ طلاق دِنُک کینٛہ تہِ بہانس پیٚٹھ اجازت دِوان۔ تِمو پرُژھ یہِ أمِس اوٕ کِنؠ تاکہِ تِم کرن أمِس سٟتؠ اتھ پیٚٹھ بحث۔4یسوعن ووٚن أمِس توٚہہِ چھُو صحیفہٕ پٔرؠ مٕتؠ۔ توٚہہِ پزِ خبر آسٕنؠ زِ ییٚلہِ خداین لوٗکھ بنٲوؠ۔ تٔمؠ بنوو اکھ مرٕد تہٕ اکھ زٔنؠ۔5یہِ چھُ پانے باوان زِ خداین کیازِ ووٚن، "اوے چھُ اکھ انسان پننِس مٲلِس ماجہِ تراوان تہٕ زنانہِ سٟتؠ نیتھٕر کران۔ یِم زٕ روزن یِکوٹہٕ زنتہٕ یکہٕ واٹھ آسیٚکھ۔6اوے تہِ یودوے تِم نیتھرٕ برونہٛہ زٕ بیوٚن بیوٚن نفر ٲسؠ مگر ووٚنؠ چھِ یِم کُنی۔ چونکہِ یی چھُ پوٚز۔ أکِس مردس پزِ نہٕ پننہِ زنانہِ طلاق دیُن۔ ییٚلہِ زن خداین یِمن یکہٕ واٹھ کوٚر۔7اوٕ پتہٕ ووٚنُس یورٕ فریسیو، "یودوے یی چھُ پوٚز تیٚلہِ کیازِ دیُت موسیٰ ہن حکم زِ ییٚلہِ اکھ مرٕد پننہِ آشنہِ طلاق دیُن یژھان آسہِ تس پزِ تمِس اکِس کاغذس پیٚٹھ طلاق دِنُک وجہہ لیٚکھِتھ دیُن تہٕ ادٕ یہِ رۅخصت کرٕنؠ۔8یسوعنؔ ووٚنُکھ اوٕ کِنؠ تہنٛدؠ اجداد ٲسؠ پنٕنؠ من مٲنی کرٕنؠ یژھان ز موسیٰ ہن دیُت یِمن اجازت پنٕنؠ آشِنؠ تراونُک تہٕ توٚہؠ چھُو نہٕ تِمن نِش بیوٚن کینٛہہ۔ ووٚنؠ گوو ییٚلہِ خداین مرٕد تہٕ زنان بنٲو، تسُنٛد منشہٕ اوسنہٕ زِ یِم سپدن اکھ أکِس نِش الگ۔9بہٕ چھُسو یہِ کتھ زور دِتھ ونان زِ خدا چھُ تمِس مردس یُس پننہِ آشنہِ طلاق دِیہِ تہٕ بییِس سٟتؠ نیتھٕر کرِ۔ بدکار مانان ہرگاہ تسنٛز آشنہِ بدکٲری کٔرمٕژ آسنہٕ۔10شاگردو پرُژھ أمِس، "یودوے یہِ پوٚز چھُ، تیٚلہِ چھُ بہتر اکھ انسان کرِنہٕ نیتھرےٕ۔11تٔمؠ ووٚنُکھ پرٛتھ کانہٛہ انسان چھُنہٕ یہِ تعلیم قبول کرنس لایق۔ مگر چھرا تِم یِمن خدا اتھ لایق بناوِ۔12واریاہ انسان چھِ یِمنہٕ نیتھرےٕ کران چھِ۔ تکیازِ تیٚہُنٛد پوشیدٕ تان چھُ زینہٕ گرِ پیٚٹھےَ نۅقصہٕ دار۔ کینٛہہ چھِنہٕ نیتھٕر کران تکیازِ تِم چھِ آمٕتؠ ٲختہٕ کرنہٕ۔ بیٚیہِ تہِ چھِ کینٛہہ یِمو نیتھٕر نہ کٔرِتھ آسمانہٕ پیٚٹھٕ بادشٲہی کرن وٲلِس خدایہِ سٕنٛز خدمت بہتر پٲٹھؠ کرٕنؠ مٹہِ ہیٚژمٕژ چھےٚ۔ توٚہؠ یِمو رٕتؠ پٲٹھؠ زون یہِ مےٚ ووٚن نیتھرس متعلق کرن یہِ قبول تہٕ مانن یی۔13أمہِ پتہٕ آے کینٛہہ لۅکٕٹؠ لۅکٕٹؠ شُرؠ یسوعسؔ نِشہ برونہٛہ کُن اننہٕ۔ تاکہِ سُہ تھاوِ تِمن اتھہٕ پیٚٹھ تہٕ دِیکھ دعا۔ ووٚنؠ گوو شٲگردن کھژ یہ کرن والیٚن پیٚٹھ ژکھ۔14مگر یسوعنؔ ووٚنُکھ، "یِمن بچن دِیو مےٚ نِش یِنہٕ۔ یِم مہٕ رٔٹؠ ووٗکھ پتھ۔ یِمے چھِ تِم لوٗکھ یِم عٲجز چھِ۔ تہٕ صرف ایمان وٲلؠ چھِنہٕ یِم آسمانہٕ پیٚٹھٕ خدایہ سنٛز بادشٲہی ہنٛز ملکِیت چھے۔15اوٕ پتہٕ تھٲوؠ یِمن بچن پیٚٹھ یسوعن اتھ یِمن برکت دِنہٕ باپتھ تہٕ ترٲوٕن یہِ جاے۔16یسوعؔ اوس پننہِ وتہِ پکان زِ اکھ جوان مرد آس نکھہٕ پہن تہٕ ووٚننس، "ہے وۅستاد! بہٕ کمہٕ رٕتؠ کار کرٕ زِ بہٕ روزٕ خدایس سٟتؠ ہمیشہٕ زنٛدٕ؟"17یسوعنؔ ووٚنُس یورٕ، "ژٕ کیازِ مےٚ پرٕژھان زٕ رُت کار کیا چھُ۔ چھرا چھےٚ اکھ ذات رٕژ تہٕ پزی زانہِ رُت کیا چھُ۔ سۅ ذات چھےٚ خدا۔ خدایس سٟتؠ ہمیشہٕ زنٛدٕ روزنچہِ چانہِ یژھایہِ ہنٛدِس جوابس منٛز ونے بہٕ زِ ژٕ روز تِمن احکامن ہنٛد پالن کران یِم خداین موسیٰ ہس دِتؠ"18أمی نفرن ووٚن اورٕ یسوعسؔ، "کم احکام مانکھ بہٕ؟" یسوعنؔ دِتُس جواب، "کانہٛہ مہٕ کرُن قتل، بدکٲری مہٕ کر، ژوٗر مہٕ کریو، اپٕز گوٲہی مہٕ تار۔19پننِس مٲلِس ماجہِ کر عزت تہٕ باقےٕ سارنےٕ بر لول یوٗتاہ زن ژےٚ پنُن لول چھی"20جوانن ووٚن یسوعسؔ، "مےٚ چھِ ہمیشہٕ یِم احکام مٲنؠ مٕتؠ۔ أمہِ مزید کیا کرٕ بہٕ خدایس سٟتؠ ہمیشہٕ زنٛدٕ روزنہٕ باپتھ"21یسوعنؔ ووٚن أمِس، "یودوے ژٕ یژھان چھُکھ تِتھُے بنُن یہ خدا ژ بنن یژھان چھُے۔ نیر گرِ کِنؠ سورےٕ یہِ کینٛہہ چون چھُے۔ بٲگراو یہِ پونٛسہٕ غریبن۔ امیُک تر نیرِ یہِ زِ ژٕ بنکھ پونٛسہٕ وول آسمانس پیٚٹھ۔ پتہٕ یہِ مےٚ نِش تہٕ بن میون شٲگرد۔22ییٚلہِ امؠ جوانن یہِ ونُن بوز، سُہ دراو دۅکھٕ لد ہیٚو واپس تکیازِ سُہ اوس واریاہ پونٛسہٕ وول تہٕ اوسنہٕ یژھان زِ سُہ بٲگراوِ غریبن پنٕنؠ سٲرےٕ ٹینٛٹھ مینٛٹھ۔23أمہِ پتہٕ ووٚن یسوعنؔ شٲگردن، "یہِ چھُ پوٚز زِ امیرن ہنٛدِ باپتھ چھُ سٮ۪ٹھا کریوٹھ زِ آسمانہٕ پٮ۪ٹھٕ خدا سٕنٛز بادشٲہی منٛز یُن۔24یِتہِ تھٲیو ژٮ۪تس: یہِ چھُ اونٛٹہٕ سٕنٛدِ خٲطرٕ ناممکن زِ سُہ کیا اژِ سٕژنہِ پہہِ منٛزؠ۔ یہِ چھُ امیر لوٗکن ہنٛدِ باپتھ تہِ مشکل زِ تِم کیا یِن خدایہِ سٕنٛدِس قانونس تل۔25ییٚلہِ شاگردو یہِ بوز تِم سپٕدؠ حٲران۔ تِمو سونچ زِ امیر گے تِمے یِمن خداین واریاہ کینٛہہ دیُتمُت چھُ۔ اوے ووٚن تِمو یسوعسؔ، "یودوے یہِ یِتھے پٲٹھؠ چھُ تیٚلہِ چھُنہٕ باسان زِ کانہٛہ کیا پراوِ نجات۔26اوٕ پتہٕ ترٲو یسوعسؔ یِمن کُن سنہٕ وٕنؠ نظر تہٕ ووٚننکھ، "آ۔ یہِ چھُ ناممکن زِ لوٗکھ لبن نجات۔ ووٚنؠ گوو خدا ہٮٚکیٚکھ نجات دِتھ۔ تکیازِ خدا ہیٚکہِ کینٛہہ تہِ کٔرِتھ۔27امہِ پتہٕ ووٚنُس پطرسن، "ژٕ زانکھ پانہٕ زِ أسؠ آے پنُن سورےٕ ترٲوتھ تہٕ بنییہِ چٲنؠ شٲگرد ژےٚ پتہٕ پتہٕ پکنہٕ باپتھ۔ أسؠ کیا پراوو یہِ کرنہٕ سٟتؠ۔28یسوعن ووٚن یِمن، "یہِ کتھ تھٲیو ژٮ۪تس۔ توٚہہِ میلن واریاہ فٲیدٕ۔ ییٚلہِ خدا نٔو بُترات بناوِ، تہٕ ییٚلہِ بہٕ آدمؔ زاد پننِس تختس بیٚہہِ پننہِ شانہٕ سان۔ توٚہؠ یِم مےٚ سٟتؠ بٲجؠ رودیو تہٕ بیہن پننِس پننِس تختس پیٚٹھ۔ تہٕ توٚہؠ لٲگِو عدالت اسرائیل کٮ۪ن بہن قبیلن۔29خدا دِیہِ تِمن انعام یِم میٲنؠ شٲگرد رودؠ پننہِ گرِ۔ زمینہ پورن۔ پنٕنؠ بیٚنہِ بٲے مٲلؠ موج تہٕ شُرؠ تہٕ باقےٕ خاندانٕکؠ افراد ترٲوِتھ۔ خدا دِیہِ تِمن تٔمہِ ہتہٕ گنہٕ یہِ تِمو پتھ کُن تروو۔ تہٕ روزن خدایس سٟتؠ ہمیشہٕ ہمیشہٕ۔30ووٚنؠ گوو واریاہ لوٗکھ یِم یتھ زُوون کالس منٛز بڈٕ اہم چھِ آسن تتھ یِنہٕ وٲلِس کالس منٛز اورؠ لژھِ۔ تہٕ واریاہ لوٗکھ یِم وُنکٮ۪س لژھِ ہیٚوؠ گٲمٕتؠ چھِ آسن تتھ کالس منٛز سرس۔
Bridge Connectivity Solutions Pvt. Ltd.