متی18
1عین أمی وقتہٕ آے شٲگرد سٔمِتھ یسوعسؔ نِش تہٕ پرُژھہَس، "اسہِ منٛزٕ کُس روزِ سارنےٕ سرس ییٚلہِ خدا ژےٚ آسمانہٕ پیٚٹھٕ بادشٲہی عطا کٔری۔2یسوعنؔ اوٚن اکھ شُر ناد دِتھ تہٕ کوٚرُن یہِ سارنےٕ منٛزس کھڑا۔3تٔمؠ ووٚن، "بہٕ چھُسے پوٚز ونان۔ یودوے توٚہؠ بدلِو نہٕ تہٕ اکِس بچہٕ سنٛدؠ پٲٹھؠ معصوم بنیٚو نہٕ پزی بنیٚو نہٕ توٚہؠ آسمانہٕ پیٚٹھٕ خدایہِ سنٛزِ بادشٲہی ہنٛدؠ لوٗکھ۔4تِم لوٗکھ یِم أکِس بچہٕ سنٛدؠ پٲٹھؠ عٲجِز بنن آسن تِمن سارنےٕ لوٗکن منٛز سرس یِمن خدا آسمانہٕ پیٚٹھٕ بادشٲہی کرِ۔5مزید ییٚلہِ تہِ لوٗکھ یمِس ہِوِس شُرِس لول برن اوٕ کِنؠ زِ تِم آسن مےٚ لول بران، خدا مازِ اتھ۔ توٚہؠ چھُو مےٚ خوش آوے کران۔6یودوے کانہٛہ مےٚ پیٚٹھ ایمان تھاون وٲلِس کٲنٛسہِ نفرس گنہس کُن رٲغِب کرِ۔ یودوے زن سُہ یمِس بچس ہیٚو غٲر اہم تہِ آسہِ۔ خدا دِیہِ تس سخت سزا۔ سُہ دِیہِ تس کٔنؠ گٔنٛڈِتھ تہٕ سمندرس منٛز لاینہٕ یِنہٕ وٲلؠ سٕنٛدِ کھۅتہٕ تہِ ویکھت عذاب۔7تہنٛدِ باپتھ کوتاہ بوٚڈ عذاب آسہِ یِم کٲنٛسہِ گنہن کِنؠ نِن۔ تس گناہ کرنہٕ خٲطرٕ روزِ کل ہمیشہٕ۔ مگر تسنٛدِ باپتھ کوتاہ ویکھت آسہِ دنیا یُس بیٚیِس کٲنٛسہِ گُنہٕچ کل کڈِ۔8اوے تہِ یودوے توٚہؠ پنُن کانہٛہ اتھہٕ یا کھوٚر گناہ کرنہٕ باپتھ ورتاوان یژھان ٲسِو سُہ اتھہٕ یا کھوٚر تراوِ کامہِ منٛز انن۔ ہرگاہ توٚہہِ گناہ نَہ کرنہٕ باپتھ یہِ ژٹُن تہِ پیٚیہِ۔ فرض کٔرِو توٚہہِ چھُ اکُےٕ اتھٕ یا کھوٚر تہٕ توتہِ چھُو خدایس سٟتؠ زُووان۔ یہِ چھُنا تٔمہِ نِشہٕ بہتر زِ خدا تراوِ توٚہہِ پوشہٕ ونِس نارس جہنمس منٛز گنہو کِنؠ یودوے زن توٚہہِ دۅشوے اتھہٕ تہِ کھوٚر تہِ آسن۔9آ۔ یودوے توٚہؠ تہِ وُچھان روزان چھُو، یہِ توٚہہِ گنہن کُن مٲیِل کران چھُ۔ تِمن چیزن کُن ترٲیِو وُچھنُےٕ۔ یودوے توٚہؠ پنٕنؠ أچھ کوٗرِتھ کٔڈِتھ ترٲوِتھ پیٚیہِ ژھنٕنؠ گناہ کرنہٕ نِشہٕ بچنہٕ باپتھ۔ فرض کرو توٚہہِ آسہ اکےٕ أچھ مگر زُووان ٲسِو خدایس سٟتؠ۔ یہِ چھُنا بہتر تٔمہِ نِشہٕ زِ توٚہہِ آسن زٕ أچھ مگر خدا برِ توٚہہِ جہنم کِس پوشہِ ونِس نارس گنہو باپتھ۔10لٲزمی بنٲیو کٲنٛسہِ تہِ بچس حقارتہٕ سان نہ وچُھن۔ بہٕ چھُسو پزے ونان زِ یِمن بچن رٲچھ کرن وٲلؠ فرشتہٕ واتناون بچن سٟتؠ تہنٛز بدسلوٗکی ہنٛز شیٚچھ ہمیشہٕ میٲنِس مٲلِس یُس آسمانس منٛز چھُ۔11بہٕ آدمؔ سُنٛد گۅبُر آس تہِ بچاونہِ یُس روومُت اوس۔12توٚہؠ کیا سنا سونٛچِو یودوے توٚہؠ یتھ حالتس منٛز پیٚیِو؟ یودوے توٚہہِ اکھ ہتھ تیٖر آسن تہٕ اکھ راوِ۔ توٚہؠ ترٲیو بالس پیٚٹھ نمنمَتھ تیر أتی تہٕ نیرِو رٲوؠ مٕتِس تیرس ژھارنہِ۔ یی کٔرِو نا؟13یودوے توٚہؠ تمِس لٔبِو، بہٕ چھُس تصدیق کران زِ توٚہؠ تُلِو خوشی سٟتؠ ژرنگہٕ۔ توٚہؠ ٲسِو خوش زِ نمنمَتھ تیر چھِ أتی۔ ووٚنؠ گوو توٚہؠ تُلِو ژرنگہٕ زِ توٚہہِ لوٚبُو پنُن روومُت تیوٗر۔14یتھٕ پٲٹھؠ اکھ پوٚہل پنُن کانہٛہ تہِ تیوٗر اورٕ یور ڈلُن چھُنہٕ یژھان۔ تِتھے پٲٹھؠ چھُ آسمانس منٛز بب خدا تہِ یژھان زِ تسُنٛد کانہٛہ تہِ شُر گوٚژھنہٕ جہنمس گژھُن۔15یودوے تُہنٛد کانہٛہ ایمان بوج توٚہہِ سٟتؠ گناہ کرِ۔ ییٚلہِ سُہ کُنے آسہِ تس نِش گٔژھِو تہٕ تس کٔرِو أمہِ گناہ باپتھ ملامت۔ یودوے سُہ شخص تُہنٛد بوزِ تہٕ توٚہہِ خلاف پننِس گناہ کرنس پیٚٹھ افسوس کرِ۔ توٚہؠ بٔنِو بیٚیہِ پانہٕ وٲنؠ رٕتؠ بٲے بارٕنؠ۔16ووٚنؠ گوو یودوے سُہ شخص تُہنٛد بوزِ نہٕ۔ تیٚلہِ أنِو پانس سٟتؠ بیٚیہِ تہِ اکھ زٕ پنٕنؠ ایمان بٲجؠ۔ تِم أنؠ ووکھ أمِس نِش سٟتؠ تاکہِ یہِ زن قانون تہِ ونان چھُ۔ کٲنٛسہِ راہ کھالنہٕ باپتھ گژھن زٕ یا ترےٚ گواہ تہِ آسٕنؠ۔17یودوے توٚہہِ خلاف گناہ کرن وول تیٚہُنٛد تہِ بوزِ نہٕ۔ یہِ کتھ ترٲیو مذہبی اجتماعس منٛز تاکہ تِم کرن تس سیٚود۔ ووٚنؠ گوو یودوے سُہ اجتماعک تہِ بوزنہٕ، کٔڈؠ وون سُہ پننہِ برادری منٛزٕ نٮ۪بر۔ یتھٕ پٲٹھؠ توٚہؠ تہِ محصول جمع کرن والیٚن گناہ گار زٲنِتھ نٮ۪بر کڈان چھُو۔18بہٕ یہ توٚہہ ونان چُھسو تہِ چُھ پوٚز؛ خدا کرِ تتھ تٲیید یہ کینٛژھا توٚہؠ زمینس پٮ۪ٹھ منع کٔریٚو۔ یتھے پٲٹھؠ کرِ خدا تتھ آسمانس پٮ۪ٹھ تٲیید یہ کینٛژھا توٚہؠ زمینس پٮ۪ٹھ کرنُک اِجازت دِیو۔19یتہِ تھٲیو ژٮ۪تس یودوے توٚہہِ منٛزٕ زمینس پیٚٹھ یتہٕ روزن وٲلؠ کم کھۅتہٕ کم زٕ چِھ منٛگنہٕ باپتھ کُنہِ أکِس کتھہِ پیٚٹھ اتفاق کرن، آسمانس پیٚٹھ میون بب کرِ تُہنٛد منگُن قبول20یہِ چھُ پزر یتھ جایہِ تہِ مےٚ پیٚٹھ ایمان تھاون وٲلؠ زٕ یا ترےٚ سمن بہٕ آسہٕ توٚہہِ سٟتؠ۔21أمہِ پتہٕ آو پطرس یسوعسؔ نِش تہٕ ووٚننس، "خداوند، بہٕ کٔژِ پھرِ تہٕ کوتاہ روزٕ پانس خلاف گناہ کرن وٲلِس معاف کران۔ یودوے سُہ روزِ مےٚ لٔگؠ تھےٕ معافی منٛگان، بہٕ دِما تس ستہِ لٹہِ معافی؟"22یسوعنؔ ووٚنُس یورٕ، "اکھ کتھ ونے۔ کٲنٛسہٕ معافی دِنؠ چھنہٕ چھرا ستہِ لٹہِ تام محدود بلکہِ پزی ژٕ کٲنٛسہِ ستستتھہِ پھرِ تام معافی دِنؠ۔23آسمانہٕ پیٚٹھٕ خدایہِ سنٛز بادشٲہی چھےٚ زٲنتو أکِس بادشاہ تہٕ تسنٛدین ماتحتن ہنٛز ہِش۔ سُہ چھُ پننٮ۪ن ماتحتن نِش تہِ واپس رٹُن یژھان یہِ تِم تس دارن۔24اوے آے تسٕنٛدؠ سٲری ماتحت قرضدار تس نِش پنن حساب کرنہِ، بادشاہس برونہٛہ کنہِ پیش کرنہٕ یِنہٕ وول اکھ ماتحت اوس أمِس ترےٚ میٹر ٹن سۅن داران۔25چونکہِ تس یہ قرض نکھہٕ والنہٕ باپتھ اوس نہٕ پوٗرٕ پونٛسہٕ، بادشاہن دیُت حکم زِ یہِ شخص امسنٛز آشِنؠ تہٕ شُرؠ تہٕ یہِ کینژھا تس مال و جایداد آسہِ گژھن یِنؠ کٲنٛسہِ کٕننہٕ تہٕ بادشاہس پنُن دیُتمُت پونٛسہٕ وُگراونہٕ یِن۔26اوٕ پتہٕ پیٚو یہِ ماتحت بادشاہس پادن پیٚٹھ تکیازِ سُہ اوس زانان زِ تس چھُنہٕ تیوٗت پونٛسہٕ یوٗتاہ زن تس پیٚٹھ قرض چھُ۔ تہٕ کوٚرُن بادشاہس زارٕ پارٕ مےٚ پیٚٹھ کٔرؠ تو رحم۔ بہٕ والہ یہِ تُہنٛد قرض یتھٕ تِتھٕ نکھٕ۔27بادشاہس آو یہِ زٲنِتھ امِس پیٚٹھ ترس زِ ماتحت ہیٚکہِ نہٕ زانہٛہ تہِ پنُن قرض نکھہٕ وٲلِتھ۔ أمؠ دیُت اتھ سٲرؠ سےٕ قرضس خط تہٕ ترووُن یلہٕ۔28اوٕ پتہٕ گوو یوہے ماتحت بادشاہ سٕنٛدِس بیٚیِس ماتحتس نِش یُس أمِس کم زیادٕ اکہِ وقتٕچ مزوٗرؠ دارِ ہے۔ أمؠ ژھٕنؠ أمِس ۂٹِس تھف تہٕ کوٚرنس دم تہٕ ووٚننس، "مےٚ دِ واپس یہِ مےٚ دارکھ"29یہِ ماتحت پیٚو أمِس پادن یہِ ونان، "ہے رحم کر مےٚ پیٚٹھ، بہٕ والے سورےٕ نکھہٕ ٲخٕر کار30مگر یہِ ماتحت گوس وُچاپہٕ پٲٹھؠ اگادِ یہِ قرض واپس دِنہٕ باپتھ۔ بلکہِ برن یہ بٲنٛدؠ وانس یوٚتام نہٕ بہٕ دوٚیِم ماتحت پنُن یہِ قلیل قرض تس وُگراوِ۔31ییٚلہِ بادشاہ سنٛدیو باقےٕ ماتحتو یہِ سپدُت بوز، تِم گے پریشان اوے گے تِم بادشاہس نِش تہٕ کوٚرُکھ تس یہِ سورےٕ سپدُت عرض۔32اوٕ پتہٕ اننوو بادشاہن پنُن ماتحت یُس تس اکہِ وقتہٕ ترےٚ میٹرک ٹن سۅن دِیہِ ہے ناد دیٲوِتھ۔ أمؠ ووٚن أمِس، "ژٕ کمین نوکر! مےٚ کوٚر سُہ بوٚڑ قرض معاف یُس توٚہہِ مےٚ پیٚٹھ واجب اوس کوٚرمُت، تکیازِ ژےٚ کوٚرُتھ مےٚ یہِ کرنہٕ خٲطرٕ زارٕ پارٕ۔33توٚہہِ پزِ رحم کرُن تہٕ پننٮ۪ن سٲتھی ماتحتن ہُنٛد قرض رد کرُن، یتھٕ کٔنؠ زَن مےٚ توٚہہِ سٟتؠ رحم اوس کوٚرمُت تہٕ تُہنٛد قرض کوٚرُکھ منسوخ۔34بادشاہ گوو سخ ناراض۔ تٔمؠ کوٚر یہِ ماتحت بٲنٛدؠ رٹن والیٚن حوالہٕ یِم أمِس نِش قرضُک سورےٕ رقم وُگراوانہٕ باپتھ عذاب کرن روزان۔35یسوعنؔ تھٲو پنٕنؠ کتھ جٲری، "یی کر آسمانن پیٚٹھ میون مول یودوے توٚہؠ باقین پیٚٹھ رحیم روزِو نہٕ تہٕ خلوص سان پننِس ایمٲنی سٲتھیس پانس خلاف امسنٛدِ گناہ معاف کرِو نہٕ۔
Bridge Connectivity Solutions Pvt. Ltd.