متی17
1یہِ وننہٕ اکہِ ہفتہٕ پتہٕ تُلؠ یسوعنؔ پانس سٟتؠ پطرسؔ، یعقوبؔ تہٕ کونٛژھ بوے یوحنا تہٕ کھٲلِن پانس سٟتؠ أکِس بالس سارنےٕ لوٗکن دوٗر۔2ییٚلہِ یِم اتہِ کوٚہس پیٚٹھ ٲسؠ، یِمو تریٚیو شاگردو وُچھ دیدمان یسوعؔ سنٛز شکل بدلان۔ امسُنٛد بُتھ گوو آفتاب ہیٚو۔ امسنٛدؠ پلو لگؠ پرٮ۪زلنہِ نوٗرٕکؠ پٲٹھؠ۔3أتی گے پٲدٕ موسیٰ تہٕ ایلیا۔ یِم اکہِ وقتہٕ سٮ۪ٹھا اہم نبی ٲسؠ تہٕ لٔگؠ أمِس سٟتؠ کتھ کرنہِ۔4پطرسن وُچھ یِم تہٕ ووٚنُن یسوعسؔ، "خداوندس۔ یہِ کوتاہ رُت چھُ زِ أسؠ چھِ یتہِ۔ یودوے ژٕ یہِ یژھکھ بہٕ کرٕ یتہِ نس استادٕ ترےٚ خٟمہٕ۔ اکھ چانہِ باپتھ، اکھ موسیٰ سنٛدِ باپتھ تہٕ بیاکھ ایلیا سٕنٛدِ باپتھ۔5پطرسس اوس یہِ وننے زِ أکؠ پرٮ۪زلوٕنؠ اوٚبرٕ لٔنٛگؠ کوٚر یِمن سایہِ۔ تِمو بوز پانہٕ خدا تِمن ونان، "یہِ چھُ میون گوبر۔ بہٕ چھُس أمِس لول بران۔ یہِ چھُ مےٚ سٮ۪ٹھا خوشی بخشان۔ اوے پزِ توٚہہِ امسُنٛد بوزُن"6ییٚلہِ یِمو تریٚیو شاگردو بوز خدایہِ سُنٛد کلام۔ تِم کھوٚژؠ واریاہ۔ اوٕ کِنؠ پیٚیہِ تِم دُبہٕ۔7مگر یسوعؔ آو یِمن نکھہٕ تہٕ زیر دِتھ ووٚنُکھ، "ؤتھِو تھوٚد۔ ووٚنؠ چھنہٕ کھۅژنٕچ کتھ۔8تہٕ ییٚلہِ تِمو کلہٕ تُل، تِمو وُچھ اتہِ چھرا یسوعؔ کُنے زوٚن أتی۔9ییٚلہِ تِم بالہٕ پیٚٹھٕ بوٚن وسان ٲسؠ۔ یسوعن کوٚر تِمن بانٛد بانٛد۔ یِنہٕ کٲنٛسہِ تہِ بٲوِو یہِ توٚہہِ بالس پیٚٹھ وُچھوُس۔ ییتِس کالس نہٕ مےٚ آدمؔ سٕنٛدِس گوٚبرس خدا مرنہٕ پتہٕ بیٚیہِ زندگی بخشہِ۔10یِمو تریٚیو شاگردو ووٚن یودوے یہِ پوٚز چھُ یہِ ژےٚ اسہِ باوتھ کٔرٕتھ، تیٚلہِ کیازِ چھِ یہُودؠ شریعت ہٮ۪چھناون وٲلؠ کاہن یہِ ونان زِ مسیحؔ سنٛدِ یِنہٕ برونہٛہ چھُ ضروری ایلیا سُنٛد زمیٖنہِ پیٚٹھ یُن۔11یسوعنؔ ووٚنُکھ یورٕ، "یہِ چھُ پوٚز زِ خداین چھُ وعدٕ دیُتمُت زِ ایلیا ییہِ لوٗکن تیار کرنہٕ باپتھ یسوعؔ سٕنٛدِ یِنہٕ باپتھ۔12مگر یہِ کتھ کٔرِو درج زِ ایلیا چھُ برونٛٹھےٕ آمُت تہٕ سانیٚو زِٹھیٚو وُچھ سُہ مگر پرزنووُکھ نہٕ۔ مسیحؔ سٕنٛدِ یِنہٕ برونہٛہ یِنہٕ وول۔ بلکہِ کوٚرُکھ تمِس سٟتؠ بد سلوٗک یہِ زن تِمو یوٚژھ۔ تہٕ تِمے حکمران کرن ؤلؠ ؤلؠ مےٚ سٟتؠ تہِ یُس آسمانہٕ پیٚٹھٕ آو تِتھی بد سلوٗک۔13أمہِ پتہٕ توٚگ یِمن تریٚن شٲگردن زانُن زِ یمہِ وِزِ سُہ ایلیا سٕنٛز کتھ اوس کران، تسُنٛد اِشارٕ اوس بپتسمی یوحناہسؔ کُن۔14ییٚلہِ یسوعؔ تہٕ تمسنٛدؠ ترےٚ شٲگرد واپس وٲتؠ اتہِ باقےٕ شٲگردن تہٕ سمیمتِس ہجومس نِش، اکھ نفر آو یسوعسؔ نِش تہٕ نمیاو أمِس برونہٛہ کنہِ۔15أمؠ ووٚن أمِس، "جناب، میٲنِس نیٚچوس پیٚٹھ کٔرؠ تو رحم تہٕ سُہ بٔلرٲوؠ تون۔ تس چھےٚ لٹھ تہٕ چھُ سخ عذابس منٛز۔ پننہِ أمہِ بٔنِتھ یِنہٕ کِنؠ پیٚو سُہ واریاہہِ پھرِ نارس تہٕ آبس منٛز۔16مےٚ نیٚو سُہ چانٮ۪ن شٲگردن نِش تہِ زِ خبر تِم کڈن بدروح تہٕ دِن ما تس شفا۔ مگر تِمو ہیوٚک نہٕ سُہ ٹھیک کٔرِتھ۔17یسوعن ووٚنُکھ یورٕ، "توٚہؠ ازکہِ زمانٕکؠ لوٗکھ چھُو نہٕ خدایہِ سنٛدِس قدرتس پیٚٹھ بھروسہٕ تھاوان۔ توٚہؠ چھُو انتشارس منٛز۔ کٲتِس کالس روزو بہٕ توٚہہِ سٟتؠ زِ توٚہؠ کٔرِو تی یہِ بہٕ کران چھُس۔ أنؠ وون سُہ لڑکہٕ یورؠ مےٚ نِش"18ییٚلہِ تِمو سُہ لڑکہٕ یسوعسؔ نِش اوٚن، یسوعنؔ کٔر بڈٕ سختی سان بدروحس سٟتؠ کتھ یُس أمِس لٹھ انان اوس۔ اوٕ کِنؠ دراو یہِ بدروح نٮ۪بر لڑکہٕ سنٛدِ منٛزٕ۔ تہٕ تس میول أمہِ اپور شفا۔19کینٛژؠ کٲلؠ آے کینٛہہ شٲگرد یسوعسؔ نِش ییٚلہِ سُہ کُنےٕ زون اوس تہٕ پرُژھہَس، "أسؠ کیازِ ہیٚکؠ نہٕ بدروح ژلرٲوِتھ"20تٔمؠ ووٚنُکھ یورٕ، "اوٕ کِنؠ زِ توٚہہِ چھنہٕ خدایہِ سنٛدِس قدرتس پیٚٹھ مکمل پژھ۔ سونٛچِو تِلہٕ گۅگل بیول چھُ واریاہ نیُک۔ مگر یِم چھِ کھسان تہٕ بٔڈؠ دۅپھ بنان۔ یِتھے پٲٹھؠ یودوے توٚہہِ چھرا پیونٛت کھنٛڈ تہِ ایمان آسہِ خدا انہِ بامل تتھ یہِ توٚہؠ تس منٛگِو۔ توٚہؠ ہیکِو کینٛہہ تہِ کٔرِتھ۔ توٚہؠ ہیٚکِو یتھ بالس تہِ ؤنِتھ "ڈل پننہِ جایہِ یتہِ پیٚٹھٕ ہور کُن" تہٕ یہِ ڈلہِ یوت توٚہؠ ؤنؠ ووس۔21ووٚنؠ گوو بدروحن ہُنٛد یہِ قسم چھُ چھرا عبادتہٕ تہٕ فاقہٕ کرنہٕ سٟتؠ نیران۔22ییٚلہِ گلیلی ہنٛدِس ضلعس منٛز شٲگرد یِکہٕ وٹہٕ سمییہ، یسوعنؔ ووٚنُکھ، "اکھا مخا کرِ مےٚ جلدےٕ آدمؔ سنٛدِس گۅبرس جلدےٕ حٲکمن حوالہٕ۔23تِم مارن مےٚ۔ مگر پننہِ مرنہٕ پتہٕ تریٚمہِ دوٚہہ کرمےٚ خدا بیٚیہِ زنٛدٕ۔ ییٚلہِ شاگردو یہِ بوز، تِمن پیٚو دۅکھ۔24ییٚلہِ یسوعؔ تہٕ تمسنٛدؠ شٲگرد کفرنحوم وٲتؠ، ہیکلہٕ باپتھ محصول جمع کرن وول اکھ نفر آو پطرسس نِش تہٕ وونس۔ چون استاد چھُ ہیکلُک محصول ادا کران، کِنہٕ نہ؟25أمؠ دِتُس جواب، "آ۔ سُہ چھُ دِوان" ییٚلہِ شٲگرد یسوعؔ سُنٛد گرٕ آے، أمہِ برونہٛہ زِ پطرس ونہِ ہے کینٛہہ یسوعن ووٚنُس، "شمعون! چون کیا خیال چھُ زِ حٲکم کس نِش چھُ محصول جمع کران۔ تِم چھا پننہِ ملکہٕ کٮ۪ن شہرین نِش یہِ جمع کران کِنہٕ تلفس تل آمتیٚو ملکو پیٚٹھٕ۔26پطرسنؔ دیُتُس جواب، "بیٚیو ملکو پیٚٹھٕ" یورٕ ووٚنُس یسوعنؔ، "اوے تہٕ۔ پننہِ ملکہٕ کٮ۪ن شہرین چھنہٕ ضرورت محصول ادا کرنچ۔27ووٚنؠ گوو ژٕ گژھ تہٕ بر محصول اسہِ سارنےٕ ہنٛدِ طرفہٕ تاکہِ ہیکلُک محصول جمع کرن وول گژھِ نہٕ اسہِ پیٚٹھ ژکھہِ۔ محصول باپتھ پونٛسہٕ حٲصِل کرنہٕ باپتھ گژھِ گلیلی ہنٛدِس سۅدرس پیٚٹھ پنٕنؠ بِسلاے آبس تہ کھٲجِن گۅڈنِچ گاڈ یۅسہٕ بِسلایہِ لگہِ۔ ییٚلہِ ژٕ امسُنٛد شکم پھوہَکھ ژٕ لبکھ اتہِ رۅپہٕ سُنٛد سِکہٕ یُس چون تہٕ میون محصول ادا کرنہٕ باپتھ کٲفی چھُ۔ یہِ سکہٕ نیٚو تہٕ دِیو ہیکلک محصول جمع کرن وٲلِس۔
Bridge Connectivity Solutions Pvt. Ltd.