متی14
1أتھؠ وقتس دوران بوز حٲکم ہیرودیس انٹیپاسنؔ یسوعؔ سنٛدین معجزن متعلق۔2تٔمؠ ووٚن پننٮ۪ن نوکرن، "یہِ گژھٕ آسُن بپتسمی یوحنا۔ سُے آسہِ گوٚمُت دُبارٕ زنٛدٕ تہٕ اوے چھِ تس یِم معجزٕ کرنٕچ قوت حٲصِل"3ہیرودیسؔ ووت اتھ سونچس یمہ کِنؠ زِ ہیرودیسن ٲس نیتھٕرؠ أنؠ مٕژ ہیرودیسؔ پننِس بٲیِس فلپس سنٛز آشِنؠ۔ ییٚلہِ زن فلپس وُنہِ زنٛدے اوس اوے اوس یوحنا أمِس لٔگتھےٕ ونان روزان، "یہِ ژؠٚ کوٚرُتھ سُہ چھُ خدٲیی قانونس خلاف" اوے ووٚن ہیرودیسن سپہن یوحنا بٲنٛدؠ بناونہٕ باپتھ تاکہِ ہیرودیس سپدِ خوش۔ تِمو گونٛڈ سُہ ہانٛکلن تہٕ بوٚرُکھ بٲنٛدؠ وانس۔5ہیرودیسؔ اوس یژھان پننٮ۪ن نفرن یوحنا قتل کرنہ باپتھ ونن مگر سُہ اوس کھوٚژان عوامس۔ یِمن ایمان اوس یوحنا سنٛدِس نبی تہٕ خدا سٕنٛز آواز آسنس پیٚٹھ۔6اکہِ دوٚہہ دِژ ہیرودیسن پنُن زا دوٚہہ مناونٕچ دعوت تہٕ ہیرودیسؔ سنٛزِ کورِ کوٚر پژھٮ۪ن رنٛزناونہٕ باپتھ نژُنا۔ امسنٛدِ أمہِ نژنہٕ گوو ہیرودیس واریاہ خوش۔7اوے دِتُن أمِس تہِ دِنُک وعدٕ یہِ سۅ منگہِ تہٕ گواہ تھووُن پنُن خدا۔8اوے آیہِ ہیرودیسؔ سٕنٛز کور پننہِ ماجہِ یہِ پرٕژھنہِ زِ سۅ کیا منگہِ۔ پننہِ ماجہِ ووٚنُس زِ منگُن کیا چھُ۔ تٔمؠ سنٛز کور آیہِ ہیرودیسسؔ نِش واپس تہٕ ووٚننس بہٕ چھس یژھان زِ ژٕ ژٹکھ بپتسمی یوحنا سُنٛد کلہٕ تہٕ انکھ سُہ یور أکِس تھالہِ پیٚٹھ یہِ ہاونہٕ باپتھ زِ سُہ آو پزی مارنہِ۔9ووٚنؠ اوس بادشاہ واریاہ پشتاوان زِ تٔمؠ اوس ہیرودیسؔ سنٛزِ کورِ وعدٕ دیُتمُت تسنٛز منٛگ پوٗرٕ کرنُک۔ چونکہِ تٔمؠ اوس پننہِ أمہِ وعدُک گواہ پانے خدا تھوومُت تہٕ تسنٛدیٚو ساروٕے پژھیٚو اوس یہِ کنو بوزمُت۔ تس باسیٚو پنُن وعدٕ پوٗرٕ کرُن لٲزمی۔ اوے دیُت أمؠ پننٮ۪ن نوکرن تسنٛز منٛگ پوٗرٕ کرنُک حکم۔10تٔمؠ سوزؠ نوکر جیلس منٛز یوحنا سُنٛد کلہٕ ژٹنہٕ باپتھ۔11تِمو کوٚر یی تہٕ اوٚنُکھ یوحنا سُنٛد کلہٕ أکِس تھالہِ پیٚٹھ أمِس کورِ نِش۔ کورِ نیٚو یہِ کلہٕ ماجہِ نِش۔12اوٕ پتہٕ گَے یوحنا سٕنٛدؠ شٲگرد جیلس منٛز۔ تہٕ تلوٗکھ یوحنا سُنٛد جسم دفناونہٕ باپتھ۔ اوٕ پتہٕ گے تِم یسوعسؔ یہِ سپدُت باونہٕ باپتھ۔13ییٚلہِ یسوعنؔ یہِ شیٚچھ بوز، تٔمؠ تُلؠ چھرا پنٕنؠ شٲگرد سٟتؠ تہٕ دراو أکِس ناوِ پیٚٹھ گلیلی ہنٛدِ سۅدرٕ کِنؠ اکہِ تِژھِ جایہِ یتہِ نہٕ کانہٛہ بسان اوس۔
ییٚلہِ لوٗکو بوز زِ تِم کوٚت ٲسؠ گٲمٕتؠ، تِمو تراوِ پننہِ بستی تہٕ دورییہِ تس پتے سۅدرٕ بٔٹھؠ بٔٹھؠ۔14ییٚلہِ یسوعؔ سۅدرٕ بٔٹھِس پیٚٹھ ووت، تٔمؠ وُچھ اکھ بوٚڈ لُکہٕ ہجوم تٔسؠ پراران۔ تس آو یِمن پٮ۪ٹھ رحم بخشُنکھ شفا۔15شام گژھنس سٟتی آے شٲگرد یسوعسؔ نِش تہٕ ووٚنہَس، "یہِ چھےٚ اکھ وٲران جاے تہٕ یپٲرؠ گوو ژیر تہِ واریاہ۔ یِمن لوٗکن ؤنِو نیرنہٕ باپتھ تاکہِ کُنہِ نکھہٕ بستی منٛز ہیٚن کینٛہہ کھیٚن چیٚن"16مگر یسوعنؔ ووٚنُکھ، "یِمن چھنہٕ ضرورت کھیٚن چیٚنہٕ باپتھ یتہِ نیرنٕچ۔ بلکہِ دِیو توٚہؠ پانہٕ یِمن کینٛہہ کھیٚن!"17شاگردو ووٚنُس یورٕ، "مگر اسہِ نِش چھےٚ یتہِ کُل پانٛژھ ژۅچہِ تہٕ زٕ رنہِ مژٕ گاڈٕ"18تٔمؠ ووٚنُکھ، "أنِو تِم مےٚ نِش"19یسوعنؔ ووٚن اتہِ سٔمِتھ آمتِس لُکہٕ ہجومس أتی گاسس پیٚٹھ بیٚہنہٕ باپتھ۔ امہِ پتہٕ تُجن پانٛژھ ژۅچہٕ تہٕ زٕ گاڈٕ۔ تٔمؠ تُجہِ آسمانن کُن أچھ۔ یِمو باپتھ کوٚرُن خدایہِ سُنٛد شکُر تہٕ کریٚن یِمن ژۅچن تِلمہٕ تہٕ دِژن پننٮ۪ن شٲگردن کُن تہٕ تِمو بٲگراوِ یِمہٕ اتھ ہجومس۔20ساروٕے لوٗکو کھیٚو یڈ بٔرِتھ۔ پتہٕ سمبرٲوؠ کینٛژو لوٗکو پتھر پیمٕتؠ ٹُکرٕ تہٕ برٮ۪کھ یِمو سٟتؠ باہ ٹوکرِ۔21أمہِ وقتہٕ کھیٚو اتہِ الہٕ پلہٕ پانٛژو ساسو نفرو تہٕ اتھ گرنٛز منٛز آے نہٕ زنانہٕ تہٕ شُرؠ۔22یہِ سپدنہٕ پتے ووٚن یسوعن پننٮ۪ن شٲگردن ناوٕ کھسنہٕ باپتھتہٕ گلیلی ہنٛدِس سۅدرس اپور ترنہٕ باپتھ۔ اتھ دوران رود یسوعؔ پانہٕ اتھ لُکہٕ ہجومس پنُن پنُن گرٕ سوزان۔23ییٚلہِ یسوعنؔ یہِ لُکہٕ ہجوم گرٕ سوز، سُہ کھوٚت بالس پننہِ عبادتہٕ باپتھ۔ شام سپدِتھ تہِ اوس سُہ اتہِ کُنے۔24أمہِ وقتہٕ ٲسؠ امسنٛدؠ شٲگرد دوٗر سۅدرس منٛز وٲتؠ مٕتؠ۔ واو اوس سخ وولیومُت تہٕ تہنٛدِس بادبانس بُتھِ پھرِ آمُت۔ واو اوس لہرن تھوٚد تھوٚد تُلان یِمہٕ اتھ ناوِ پتہٕ برونٛٹھ ٹاسراے تُلان آسہٕ۔25یسوعؔ ووٚتھ بالہٕ بوٚن تہٕ آو آبس کُن۔ صُبحس گٹہٕ زولہِ ترے تہٕ شےٚ بجے درمیان آو سُہ آبہٕ پیٚٹھؠ پکان ناوِ کُن۔26ییٚلہِ شاگردو سُہ آبہٕ پیٚٹھؠ پکان وُچھ تِمن گوو وہمہٕ امسُنٛد بد روح آسنُک۔ تِم ژاے شرُکنٮ۪ن تہٕ تھرِ تھرِ منٛز دِژکھ کریکہٕ۔27ؤلؠ ؤلؠ ووٚن یسوعنؔ یِمن، "دِل تھٲیو حوصلہٕ سان! یہِ چھُسو بہٕ۔ کھوٚژِو مہٕ!"28پطرسنؔ ووٚنُس یورٕ، "ہے خداوند، یودوے یِم توٚہؠ چھُو، ؤنِو مےٚ آبہٕ پیٚٹھؠ پانس کُن ینہٕ باپتھ!"29یسوعنؔ ووٚنُس، "وۅلہٕ" اوے دراو پطرسؔ ناوِ نٮ۪بر۔ سُہ پوٚک یسوعسؔ کُن آبہٕ پیٚٹھؠ۔30ووٚنؠ گوو یُتھےٕ پطرسنؔ واوٕ گٹہٕ کارس کُن زوٚن دیُت، سُہ کھوٚژ۔ سُہ ہیٚوتُن آبس پھٹُن تہٕ دِژٕن کرٮ۪کھ۔ "ہے خداوند، مےٚ بچاو"31أمہِ وِزِ کوٚڈ یسوعنؔ اتھہٕ تہٕ روٚٹُن پطرسؔ۔ أمؠ ووٚن تمِس، "ژےٚ چھُکھ صرف مےٚ پیٚٹھ کمےٕ پہن پژھ کران۔ ژےٚ کیازِ گووےٕ شک زِ بہٕ دِمے ژےٚ آبس پھٹنہٕ؟"32اوٕ پتہٕ ژاے یسوعؔ تہٕ پطرسؔ دۅشوے ناوِ منٛز تہٕ واون لوٚب قرار۔33ناوِ منٛز سٲری شٲگرد نمییہِ یسوعسؔ برونہٛہ کنہِ تہٕ ووٚنہَس، "توٚہؠ چھُو پزی خدایہِ سنٛدؠ گوٚبرؠ"34ییٚلہِ تِم ناوِ منٛز سۅدرس بیٚیہِ ۂن تٔرؠ، تِم وٲتؠ سۅدرٕ بٔٹھِس پیٚٹھ آباد گنیسرتؔ قصبس منٛز۔35اتہِ کیٚو لوٗکو پرزٕنوو یسوعؔ۔ اوے سوزؠ تِمو لوٗکھ باقےٕ علاقن کُن تۅرے دِنہِ زِ یسوعؔ چھُ آمُت۔ اوے أنؠ یِمو لوٗکو تِم سٲری لوٗکھ پانس سٟتؠ یِم بے آرام ٲسؠ۔36بٮ۪مار رودؠ أمِس زارٕ پار کران چھُونہٕ باپتھ تہٕ چھرا امسنٛدِس پیٚٹھ پلوَس چھُونہٕ باپتھ تاکہِ تِم بلن۔ تہٕ پرٛتھ کانہٛہ، یمؠ تس یا تمسنٛدس پلوَس اتھٕ لوگ، بلیاو۔
ییٚلہِ لوٗکو بوز زِ تِم کوٚت ٲسؠ گٲمٕتؠ، تِمو تراوِ پننہِ بستی تہٕ دورییہِ تس پتے سۅدرٕ بٔٹھؠ بٔٹھؠ۔14ییٚلہِ یسوعؔ سۅدرٕ بٔٹھِس پیٚٹھ ووت، تٔمؠ وُچھ اکھ بوٚڈ لُکہٕ ہجوم تٔسؠ پراران۔ تس آو یِمن پٮ۪ٹھ رحم بخشُنکھ شفا۔15شام گژھنس سٟتی آے شٲگرد یسوعسؔ نِش تہٕ ووٚنہَس، "یہِ چھےٚ اکھ وٲران جاے تہٕ یپٲرؠ گوو ژیر تہِ واریاہ۔ یِمن لوٗکن ؤنِو نیرنہٕ باپتھ تاکہِ کُنہِ نکھہٕ بستی منٛز ہیٚن کینٛہہ کھیٚن چیٚن"16مگر یسوعنؔ ووٚنُکھ، "یِمن چھنہٕ ضرورت کھیٚن چیٚنہٕ باپتھ یتہِ نیرنٕچ۔ بلکہِ دِیو توٚہؠ پانہٕ یِمن کینٛہہ کھیٚن!"17شاگردو ووٚنُس یورٕ، "مگر اسہِ نِش چھےٚ یتہِ کُل پانٛژھ ژۅچہِ تہٕ زٕ رنہِ مژٕ گاڈٕ"18تٔمؠ ووٚنُکھ، "أنِو تِم مےٚ نِش"19یسوعنؔ ووٚن اتہِ سٔمِتھ آمتِس لُکہٕ ہجومس أتی گاسس پیٚٹھ بیٚہنہٕ باپتھ۔ امہِ پتہٕ تُجن پانٛژھ ژۅچہٕ تہٕ زٕ گاڈٕ۔ تٔمؠ تُجہِ آسمانن کُن أچھ۔ یِمو باپتھ کوٚرُن خدایہِ سُنٛد شکُر تہٕ کریٚن یِمن ژۅچن تِلمہٕ تہٕ دِژن پننٮ۪ن شٲگردن کُن تہٕ تِمو بٲگراوِ یِمہٕ اتھ ہجومس۔20ساروٕے لوٗکو کھیٚو یڈ بٔرِتھ۔ پتہٕ سمبرٲوؠ کینٛژو لوٗکو پتھر پیمٕتؠ ٹُکرٕ تہٕ برٮ۪کھ یِمو سٟتؠ باہ ٹوکرِ۔21أمہِ وقتہٕ کھیٚو اتہِ الہٕ پلہٕ پانٛژو ساسو نفرو تہٕ اتھ گرنٛز منٛز آے نہٕ زنانہٕ تہٕ شُرؠ۔22یہِ سپدنہٕ پتے ووٚن یسوعن پننٮ۪ن شٲگردن ناوٕ کھسنہٕ باپتھتہٕ گلیلی ہنٛدِس سۅدرس اپور ترنہٕ باپتھ۔ اتھ دوران رود یسوعؔ پانہٕ اتھ لُکہٕ ہجومس پنُن پنُن گرٕ سوزان۔23ییٚلہِ یسوعنؔ یہِ لُکہٕ ہجوم گرٕ سوز، سُہ کھوٚت بالس پننہِ عبادتہٕ باپتھ۔ شام سپدِتھ تہِ اوس سُہ اتہِ کُنے۔24أمہِ وقتہٕ ٲسؠ امسنٛدؠ شٲگرد دوٗر سۅدرس منٛز وٲتؠ مٕتؠ۔ واو اوس سخ وولیومُت تہٕ تہنٛدِس بادبانس بُتھِ پھرِ آمُت۔ واو اوس لہرن تھوٚد تھوٚد تُلان یِمہٕ اتھ ناوِ پتہٕ برونٛٹھ ٹاسراے تُلان آسہٕ۔25یسوعؔ ووٚتھ بالہٕ بوٚن تہٕ آو آبس کُن۔ صُبحس گٹہٕ زولہِ ترے تہٕ شےٚ بجے درمیان آو سُہ آبہٕ پیٚٹھؠ پکان ناوِ کُن۔26ییٚلہِ شاگردو سُہ آبہٕ پیٚٹھؠ پکان وُچھ تِمن گوو وہمہٕ امسُنٛد بد روح آسنُک۔ تِم ژاے شرُکنٮ۪ن تہٕ تھرِ تھرِ منٛز دِژکھ کریکہٕ۔27ؤلؠ ؤلؠ ووٚن یسوعنؔ یِمن، "دِل تھٲیو حوصلہٕ سان! یہِ چھُسو بہٕ۔ کھوٚژِو مہٕ!"28پطرسنؔ ووٚنُس یورٕ، "ہے خداوند، یودوے یِم توٚہؠ چھُو، ؤنِو مےٚ آبہٕ پیٚٹھؠ پانس کُن ینہٕ باپتھ!"29یسوعنؔ ووٚنُس، "وۅلہٕ" اوے دراو پطرسؔ ناوِ نٮ۪بر۔ سُہ پوٚک یسوعسؔ کُن آبہٕ پیٚٹھؠ۔30ووٚنؠ گوو یُتھےٕ پطرسنؔ واوٕ گٹہٕ کارس کُن زوٚن دیُت، سُہ کھوٚژ۔ سُہ ہیٚوتُن آبس پھٹُن تہٕ دِژٕن کرٮ۪کھ۔ "ہے خداوند، مےٚ بچاو"31أمہِ وِزِ کوٚڈ یسوعنؔ اتھہٕ تہٕ روٚٹُن پطرسؔ۔ أمؠ ووٚن تمِس، "ژےٚ چھُکھ صرف مےٚ پیٚٹھ کمےٕ پہن پژھ کران۔ ژےٚ کیازِ گووےٕ شک زِ بہٕ دِمے ژےٚ آبس پھٹنہٕ؟"32اوٕ پتہٕ ژاے یسوعؔ تہٕ پطرسؔ دۅشوے ناوِ منٛز تہٕ واون لوٚب قرار۔33ناوِ منٛز سٲری شٲگرد نمییہِ یسوعسؔ برونہٛہ کنہِ تہٕ ووٚنہَس، "توٚہؠ چھُو پزی خدایہِ سنٛدؠ گوٚبرؠ"34ییٚلہِ تِم ناوِ منٛز سۅدرس بیٚیہِ ۂن تٔرؠ، تِم وٲتؠ سۅدرٕ بٔٹھِس پیٚٹھ آباد گنیسرتؔ قصبس منٛز۔35اتہِ کیٚو لوٗکو پرزٕنوو یسوعؔ۔ اوے سوزؠ تِمو لوٗکھ باقےٕ علاقن کُن تۅرے دِنہِ زِ یسوعؔ چھُ آمُت۔ اوے أنؠ یِمو لوٗکو تِم سٲری لوٗکھ پانس سٟتؠ یِم بے آرام ٲسؠ۔36بٮ۪مار رودؠ أمِس زارٕ پار کران چھُونہٕ باپتھ تہٕ چھرا امسنٛدِس پیٚٹھ پلوَس چھُونہٕ باپتھ تاکہِ تِم بلن۔ تہٕ پرٛتھ کانہٛہ، یمؠ تس یا تمسنٛدس پلوَس اتھٕ لوگ، بلیاو۔
Bridge Connectivity Solutions Pvt. Ltd.