متی15
1اوٕ پتہٕ آے کینٛہہ فریسی تہٕ کینٛہہ یہُودؠ شریعت ہیٚچھناون وٲلؠ یروشلم پیٚٹھٕ یسوعسؔ نِش۔ تِمو ووٚن،2"أسؠ چھِ وُچھان زِ چٲنؠ شٲگرد چھِنہٕ سانٮ۪ن بزرگن ہنٛزن روایژن پالان۔ تِم چھِنہٕ کینٛہہ کھیٚنہٕ برونہٛہ پنٕنؠ اتھہٕ چھلنٕکؠ رواج تہِ ادا کران"3یسوعنؔ ووٚنُکھ یورٕ، "تہٕ بہٕ چھُس وُچھان زِ توٚہؠ چھُو نہٕ خدایہِ سنٛدین احکامن پالان تاکہِ توٚہؠ پکؠ ہُو پننٮ۪ن اجدادن ہنٛزِ تعلیمہِ پیٚٹھ۔4خداین دِتؠ یِم زٕ حکم، پننِس مٲلِس ماجہِ ہُنٛد کٔرِو عزت تہٕ پننِس مٲلِس ماجہِ خلاف بد ونن وٲلؠ گژھن قتل سپدٕنؠ۔5مگر توٚہؠ چھُو لوٗکن ونان زِ توٚہؠ ہیٚکِو پننہِ ماجہِ یا مٲلِس ؤنِتھ یہِ بہٕ توٚہہِ بود باش باپتھ دِوان اوسُس تہِ کوٚر مےٚ خدایس تحفہٕ پیش کرنُک وعدٕ۔6ییٚلہِ توٚہؠ یہِ کٔرِو تُہنٛد خیال چھُ آسان زِ توٚہہِ چھنہٕ مٲلِس ماجہِ کینٛہہ دِنچ ضرورت ووٚنؠ۔ یتھٕ پٲٹھؠ چھُو توٚہؠ خدایہ سُنٛد فرمان مشراوان تاکہِ توٚہؠ روزِو پننٮ۪ن اجدادن ہنٛزِ وتہِ پیٚٹھ۔7توٚہؠ ریاکار چھُو نیک آسنُک بس بہانہٕ کران۔ یسعیاہؔ تہِ ووٚن یہِ پوٚز توٚہہِ متعلق۔ ییٚلہِ تٔمؠ خدایہِ سُنٛد سونچ تہنٛدٮ۪ن اجدادن متعلق بوو۔8یِم لوٗکھ چھِ تمہِ آیہِ کتھ کران زنتہٕ مےٚ عزت بخشان چھِ۔ ووٚنؠ گوو تِمن چھُنہٕ رژھ تہِ میون خیال۔9میٲنؠ عبادت کرٕنؠ چھےٚ تہنٛدِ باپت فضول تکیازِ تِم چھِ ہٮیچھناوان تہِ یہ ِلوٗکھ پنٕنؠ ذٲتی لٲزمی تعلیم زانان چھِ۔10اوٕ پتہٕ أنؠ یسوعن بیٚیہِ پانس نکھہٕ لوٗکھ ناد دِتھ تہٕ ووٚننکھ، "کن تھایو۔ بہٕ کیا چھُسو توٚہہِ ونن وول تہٕ کوشش کٔرِو یہِ سمجھنٕچ۔11کانہٛہ تہِ چیز یُس کانہٛہ انسان ٲسس برِ کرِ نہٕ تس ناپاک بلکہِ یہِ لوٗکھ ونن، یِم لفظ تمسنٛدِ ٲسہٕ نیران چھِ، چھِ انسانس مدٕ والان"12کنہٛہ کال پتہٕ آے شٲگرد یسوعسؔ نِش تہٕ وونہس، "توٚہہِ چھا خبر فریسیو بوز سورےٕ یہِ توٚہہِ ونُو تہٕ سپدییہِ توٚہہِ پیٚٹھ نارو نار؟"13اوٕ پتہٕ ونؠ نکھ یسوعنؔ یہِ تمثیل، "آسمانس پیٚٹھ میون بب گالہِ تِمن سارنےٕ یِم تمسنٛزِ تعلیمہِ مخٲلِف لوٗکن تعلیم دِن۔ یتھٕ پٲٹھؠ اکھ کٔمیُل تِم سٲری ہامہٕ کُلؠ موٗلہٕ کڈان چھُ یِم نہٕ تٔمؠ رُوؠ۔14فریسین کُن مہٕ دِیو کانہٛہ زوٚن۔ تِم چھِنہٕ لوٗکن خدایہِ سنٛدؠ حکم زاننس منٛز کانہٛہ اتھہٕ روٚٹ کران۔ یتھٕ پٲٹھؠ اکھ اوٚن بیٚیِس أنِس پنٕنؠ وتھ لبنس منٛز اتھہٕ روٚٹ ہیٚکہِ نہٕ کٔرِتھ۔ بلکہِ گژھن یِتھؠ سٲری کھۅڈس یُس وتہِ منٛز ٲسِتھ ہیٚکہِ۔15پطرسنؔ ووٚن یسوعسؔ، "اسہِ تٲرؠ تو فکرِ یہِ تمثیل زِ انسان کیا چھُ کھیٚوان"16یسوعنؔ دِیُت تِمن جواب، "توٚہہِ پزِ یقیناً سمجھُن میون ونُن دپُن مگر مےٚ چھُ افسوس۔ توٚہؠ چھُو نہٕ سمجھان۔17توٚہہِ پزِ سمجھُن زِ یہِ کینژھا رٕتؠ لوٗکھ کھیٚوان چھِ تہِ چھُ اژان تہنٛدِس شکمس منٛز تہٕ پتھ کُن یہِ اتہِ روزِ سُہ نجاست چھُ نیران نٮ۪بر۔18أمہِ برعکس یِم بد لفظ تہِ ادا سپدن خدا ہیٚکہِ تِمو کِنؠ انسانس رد کٔرِتھ تکیازِ یِم چھِ انسانہٕ سنٛدِ اندرونہٕ پیٚٹھٕ تمسنٛدیٚو بد کۅڈرو پیٚٹھٕ وۅتھان۔19تکیازِ یہِ چھُ أکِس انسانہٕ یُس أمِس بد کۅڈر تُلان چھُ۔ کانہٛہ قتل کرُن، کۅکار کرٕنؠ، باقےٕ جنسی بد اعتدٲلی کرٕنؠ، ژوٗر کرٕنؠ، اپٕز شہادت تارٕنؠ تہٕ باقین ہنٛز غٲبت۔20یِموےٕ تہٕ یِتھوےٕ کرنہٕ کراونہٕ کِنؠ چھُ خدا انسانن پانس ناپاک زانان۔ مگر اتھہٕ چھلنہٕ وراے کھٮ۪نہٕ سٟتؠ چھُنہٕ خدا لوٗکن رد کران"21أمہِ پتہٕ ییٚلہِ یسوعؔ پنٕنؠ شٲگرد ہٮ۪تھ گلیلی ہنٛدِ علاقہٕ منٛزؠ دراو، تِم گے تتھ علاقس کُن یتہِ صور تہٕ صیدا شہرٕکؠ ٲسؠ۔22کنعٲنؠ لوٗکو منٛزٕ اکھ زنان یۅسہٕ أتھؠ علاقس منٛز روزان ٲس آیہِ یسوعسؔ نِش۔ سۅ روز تس ناد لایان۔ ہے خداوند۔ ژٕ چھُکھ بادشاہ داوود سُنٛد زُر۔ ژٕ چھُکھ مسیحؔ۔ مےٚ تہٕ میانہِ کورِ پیٚٹھ کر رحم۔ سۅ چھےٚ سخ عذابس منٛز تکیازِ تس چھُ پرٮ۪کس اکھ بد روح۔23مگر یسوعن دیُت نہٕ تس یورٕ کانہٛہ جواب۔ شاگردو ووٚن أمِس، "أمِس دٔپِو ییٚتہِ نیر۔ یہِ چھےٚ اسہِ پتہٕ پتہٕ پننہِ کریکہٕ ناد سٟتؠ تنگ انان"24یسوعنؔ ووٚن أمِس زنانہِ، "خداین چھُس بہٕ سوزمُت چھرا اسرائیلین کُن تکیازِ تِم چھِ رٲوؠ مٕتٮ۪ن تیرن ہنٛدؠ پٲٹھؠ"25مگر سۅ زنان آیہِ یسوعسؔ نکھہٕ تہٕ نمییہِ کۅٹھٮ۪ن پیٚٹھ أمِس برونہٛہ کنہِ۔ تٔمؠ کٔر عٲجزی، "خداوند۔ مےٚ کٔرِو مدد"26اوٕ پتہٕ ووٚنُس یورٕ یسوعنؔ، "یہِ ما چھُ جان زِ کانہٛہ تراوِ سُہ غذا ہوٗنٮ۪ن یُس گرس منٛز امسنٛدین بچن ہنٛدِ باپتھ رننہٕ آسہِ آمُت"27یورٕ ووٚنُس أمہِ زنانہِ، "خداوند یہِ توٚہہِ ونُو تہِ چھُ پوٚز مگر ہوٗنہِ بچہِ تہِ چھِ تِم ژۅچہِ تِلمہٕ کھیٚوان یِمہٕ یہنٛدٮ۪ن مٲلکن کھٮ۪نہٕ کہِ میزٕ پٮ۪ٹہہٕ ؤسؠ پیٚوان چھِ"28اوٕ پتہٕ ووٚنُس یسوعنؔ، "ہے خوتون۔ چونکہِ ژےٚ چھِے پۅختہٕ ایمان مےٚ پیٚٹھ۔ بہٕ بٔلراون چٲنؠ کور یہِ زن چون منشہٕ چھُ۔ "أمہِ وقتہٕ دراو بدروح کورِ منٛزٕ نٮ۪بر تہٕ تس میول شفا۔29اوٕ پتہٕ دراو یسوعؔ تہٕ تمسنٛدؠ شٲگرد علاقہٕ منٛزٕ واپس گلیلی ہنٛدِس سۅدرس کُن۔ اوٕ پتہٕ کھوٚت یسوعؔ بالہٕ ٹینگس تہٕ بیوٹھ لوٗکن تعلیم دِنہِ۔30بٔڈؠ بٔڈؠ لُکہٕ ہجوم رودؠ دوٚن دوٚہن أمِس کُن یِوان۔ یِمو أنؠ لنٛگؠ، لیٚژؠ، مزوٗر، کٔلؠ تہٕ باقےٕ یِمن رنگہٕ رنگہٕ بٮ۪مارِ آسہٕ پانس سٟتؠ۔ تِمو تھٲوؠ تِم یسوعسؔ برونہٛہ کنہِ تاکہِ سُہ بٔلراوِ تِمن۔ تہٕ تٔمؠ بٔلرٲوؠ تِم۔31لوٗکو وُچھ سُہ بٔلراوان کُلٮ۪ن، مُزوٗرن، لنگٮ۪ن تہٕ انٮ۪ن تہٕ سپٕدؠ حٲران۔ تِمو ووٚن خدایہِ سُنٛد کٔرِو شکُر یُس اسرائیلس پیٚٹھ بادشٲہی کران چھُ۔32اوٕ پتہٕ أنؠ یسوعنؔ پنٕنؠ شٲگرد ناد دِتھ تہٕ ووننکھ، "یہِ لُکہٕ ہجوم چھُ مےٚ سٟتؠ تریٚیو دوٚہو پیٚٹھٕ تہٕ کھیٚنہٕ باپتھ رودُکھ نہٕ پتھ کُن کہین۔ مےٚ چھُ یِمن پیٚٹھ ترس۔ بہٕ چھُس نہٕ یژھان زِ بہٕ دِمہٕ یِمن بۅچھِ ہوٚتُے ییٚتہِ نیرنہٕ۔ یودوے بہٕ تہِ کرٕ، واریاہ پیٚن وتے وٮ۪سرِتھ"33تمہِ سنٛدیو شٲگردو ووٚنُس، "یتھ وٲران جایہِ یتہِ نہٕ کانہٛہ زون تہٕ نہ زانپن چھُ کتہِ ہیٚکہِ سانہِ باپتھ یتھِس بٔڈِس ہجومس کیُت غذا مہیا کرن ممکن بٔنِتھ"34یسوعنؔ پرُژھ تِمن، "توٚہہِ کٲژاہ ژۅچہِ چھےٚ" تِمو دِتھس جواب، "ستھ لۅکچہ ژۅچہِ تہٕ کینٛہہ رٔنِتھ گاڈٕ"35یہِ بوزِتھ ووٚن یسوعنؔ یِمن لوٗکن أتی پتھرِس پیٚٹھ بیٚہنہٕ باپتھ۔36تٔمؠ تُجہِ یِم ستھ ژۅچہٕ تہٕ رٔنِتھ گاڈٕ۔ پننس خدایہِ سُنٛد شکر کرنہٕ پتہٕ کٔر تٔمؠ یِمن ژۅچن ٹُکرٕ تہٕ رود یِمن پننٮ۪ن شٲگردن پِلناوان۔ شاگردو بٲگراوِ یِم اتھ ہجومس منٛز لوٗکن۔37چونکہِ یسوعن کوٚر پننہِ معجزٕ سٟتؠ یِمن ژۅچن ہُرٮ۪ر ساروٕے لوٗکو کھیٚو تہٕ کھیوکھ یڈ بٔرِتھ۔ اوٕ پتہٕ سمبرٲوؠ شاگردو پتھ کُن رودؠ مٕتؠ ٹُکرٕ تہٕ برٮ۪کھ ستھ بجہِ ٹوکرِ یِمو سٟتؠ۔38اتہِ ٲسؠ أمہِ دوٚہہ ژور ساس کھٮ۪نہٕ وٲلؠ مگر زنانہٕ تہٕ شُرؠ یِم کھٮیٚنس شریک ٲسؠ گنٛزرٲوؠ نہٕ کٲنٛسہِ۔39ییٚلہِ یسوعنؔ اتھ لُکہٕ ہجومس رۅخصت کوٚر سُہ تہٕ تسٕنٛدؠ شٲگرد ژاے ناوِ تہٕ ترؠ أمہِ بڈٕ سرٕ منٛزؠ مگدون کِس علاقس منٛز۔
Bridge Connectivity Solutions Pvt. Ltd.