مرقُس9
1یسوعؔن ووٚن لوٗکہِ ارساتس تہٕ پنہٕ نؠن شٲگردن، "بوزیٚو ہوشہٕ سان! توٚہہ منٛز یِم یتتھ وُنہ کؠن اِستادٕ چھِ چؠن نہٕ موتُک پیالہٕ توٚت تام یوٚت تام نہٕ تِمؠ خدایہ سنٛزٕ طاقتھ ور بادشٲہی وچُھن!"2یسوعؔن تُلؠ شیٛہِ دوٚہؠ پتہٕ پطرسؔ، یعقوبؔ، تہٕ یعقوبؔ سنٛدِ بوے، یوحناؔ، پٲنس سٟتؠ تہٕ نِین أکِس تھدِس بالس پؠٹھ ییٚلہِ تِم تتہِ ٲسؠ صِرِف تِمے ہوٗت، تمِس بدلییٚہِ تِمن برونٛہہ کنہِ شکل۔3تٔمی سنٛدؠ پلو سپدٕؠ زرقہٕ برق تہٕ سفید۔ دُنیاہس منٛز ہیٚکہ نہِ کانٛہہ تہِ دھوٗب یتھؠ سفید پلو کرتھ۔4زٕ وارایاہ پرٲنؠ نبی موسیٰؔ تہٕ ایلیاہؔ، گےَ تِمن برونٛہہ کنہِ ظأہر۔ پتہٕ لاجہ تِمو دۅشوے یسوعؔ ہس سٟتؠ کتھٕ کرنہِ۔5کمےٕ وقتہٕ پتہٕ ووٚن پطرسنؔ یسوعسؔ، "ربی، ییٚتہِ روٗزن چُھ رُت! ٲسؠ بناؤو ترےٚ پٲرِ۔ اکھ چأنہِ باپتھ، اکھ موسیٰؔ تہٕ اکھ ایلیاہؔ سنٛدِ باپتھ!"6تِمؠ ووٚن یہِ تکیازِ سُہ اوس یژھان کیتھام ونُن مگر تٔمؠ ہیوٗک نہٕ ونتھ تہِ، چونکہِ تِم ترشوۓ شٲگرد ٲسؠ واریاہ کھوٗژیمتؠ۔7 پتہ آیہِ اکھ اوبرٕ لانگا تہٕ کوٚرن یِمن پؠٹھ شُہُل۔ امی اوبرٕ منٛزٕ کرٕ خداین ووٚن تِمنِ "یہِ چُھ میٚون گۅبُر، میٚون ٹوٹھ۔ لہٰذا امی سُنٛد بوٗزو!"8تِمو شاگردو ترٲو ژوٗواپٲرؠ نظر، اچانک وُچھ تِمو صِرِف یسوعؔ اوس تِمن سٟتؠ تہٕ ایلؔیاہ تہِ موسیٰؔ ٲسؠ نہِ کنی تتہِ۔9بالہٕ پؠٹھ بوٗن وسان ووٚن یسوعؔن تِمن زِ توٚہہِ پٔزِ نہِ کانٛسہِ ونُن یُس واقہٕ وُنؠ أمِس سٟتؠ پیش آو۔ تٔمؠ ووٚن، "توٚہہِ ہیکؠو تِمن ؤنِتھ تمہِ پتہٕ ییٚلہِ بہٕ، آدمؔ سُنٛد اولادِ، مَرَنہٕ پتہ دُبارٕ زندٕ گژھٕ۔"10تِمو ووٚن نہٕ یہِ کانٛسے واریہس وقتس۔ مگر تِمو کوٚر پانہٕ وٲنؠ بحث زِ امیٚک مطلب کیاہ اوس ییٚلہِ تٔمؠ ووٚن زِ سُہ گژھِ موٚردو منٛزٕ زندٕ۔11 تِمو ترٛیو شاگردو پرُوژھ یسوعؔ ہس، "یہُودؠ فقیہٕ ہیچناوان وٲلؠ چھِ ونان زِ مسیحؔ ہس برونٛہہ ایلیؔاہن دُنیاہس ین چُھ ضوٚروری، آسہ وُچھ وۅنؠ ایلیاہؔ لہٰذا تِہنٛز تعلیم چھِ غلط؟"12یسوعؔن ووٚن تِمن، "یہِ چُھ پوٚز زِ خداین کوٚر وعدہ ایلیاہؔ گوڈٕ سوزِنکُ ہر کانٛہہ چیٖز سیٚود کرنہٕ خٲطرٕ۔ مگر ایلیاہؔ چُھ برونٛٹھےٕ آمُت، تہٕ پننیٚو سردارو کوٚر تِمن سٟتؠ بُرٕ سلوک، یتھ پٲٹھؠ برٛونٹھے آمتیٚن نبین سٟتؠ کوٚرمُت اوسُکھ۔ پوٚز مقدس کتابن منٛز چُھ مےٚ متعلق واریاہ لیکیتھ، اولادِآدم۔ مقدس کتابہٕ چھِ ونان زِ مےٚ چھِ سیٹھاہ دوٗکھ تُلنؠ تہٕ لوٗکھ کرن مےٚ رد۔"14یسوعؔ تہٕ تٔمؠ شٲگرد وٲتؠ تتھ جایہِ یتہِ باقیو شٲگرد ٲس۔ تِمو وُچھ شٲگردن أندؠ أندؠ لوٗکہٕ ارساتہٕ تہٕ کینٛہہ مذہب دار ٲس تِمن سٟتؠ بحث کران۔15یسوعؔ وچھتھ گو سُہ لوٗکہٕ ارسات ہےبنُگہٕ۔ تِم لارۓ تمِس کنُ کرکھ سلام۔16یسوعؔن پرُوژھ تمن، "توٚہہ کیاہ بحث چُھو کران؟"17لوٗکہٕ ارساتہٕ منٛزٕ ووٚن اکی نفرن در جواب، "وۅستادٕ بہٕ چُھس پنُن نیٚچو ہٮ۪تھ ژےٚ نِشہ آمُت تاکہِ ژٕ بلراوہن۔ أمِس منٛز چُھ بد روح یس أمِس کول بناون چُھ۔18یُتھے سُہ بد روح أمِس غالب گژھان چُھ یہِ چُھ پتھر یوان لاینہٕ۔ ٲسس چُھس پوٗس کھسان، سُہ چُھ دنٛد ٹکان تہٕ سخت گژھان۔ مےٚ ووٗن چأنؠن شٲگردن زِ تِم کڈن أمِس یہِ بد روح، پوٚز تِمو ہیوٗک نہِ کٔڈتھ۔19یسوعؔن دیت تمن جواب یہِ ونان، "بے اعتقادو! تہنٛزٕ بے اعتقٲدی کوٚڑُس بہٕ پریشان! سُہ لڑکہٕ انُن مےٚ نِشہ۔"20تِمو أنؠ سُہ لڑکہٕ یسوعؔ ہس نِشہ۔ ییٚلہِ بد روحن یسوعؔ وُچھ تہٕ فورن دِژ بدروحن تمِس لڑکس مٔرنَ سُہ پیوٗو زمیٖنہ پؠٹھ۔ تٔمؠ دِتؠ ڈولہِ گؠنؠ اورٕ یوٗر تہِ ٲسہٕ کنؠِ کھوٚتس پوٚس۔21یسوعؔن پرُوژھ لڑکہِ سنٛدِس مألس، "کٲتیاہ وقتہٕ پؠٹھٕ چُھ أمِس یہِ گژھان؟" تٔمؠ دِیُت جواب، "شُرؠ پانہٕ پؠٹھٕ گوٚو أمِس یہِ شروٗع۔22یہِ بدروح چُھنہٕ أمِس یی ہوٗت کران، بلکہ أمِس چُھ یہِ اکثر نارس منٛز تراوان بعضے آبس منٛز تہِ والان یُتھ زن سُہ أمِس مارٕ کرِ ہیے۔ ہرگاہ زِ توٚہؠ کینٛہہ ہیکیو کٔرِتھ اسہِ پؠٹھ کرِ تہِ رحم تہٕ اسہِ کرتہِ مدد!"23یسوعؔن ووٚنُس تعجب سان، بلکل بہٕ ہیٚکہ کٔرتھ! خدایہ کرِ لوٗکن ہنٛدؠ باپتھ کینٛہہ تہِ یمن اتھ پؠٹھ یقین اسہِ زِ سُہ ہیٚکہ کٔرتھ۔"24لڑکہٕ سنٛدؠ مألؠ دژٕ ؤلؠ ؤلؠ کرٔیکھ، "مےٚ چُھ یقین زِ ژٕ ہیککھ مےٚ مدد کٔرتھ۔ مگر مکمل بھروسہٕ چھم نہِ کینٛہہ۔ مےٚ کر مدد مضبوط یقین کٔرنس منٛز!"25یسوعؔن وُچھ لوٗکن ہنٛز بٹھ ٲس بڑان۔ تٔمؠ کٔرؠ بدروحس ملامت: ہیوُ بد روح، ژےٚ چُھتھ یہِ لڑکہٕ کول تہِ زٔر بنؤومُت! ژےٚ چُھسے بہٕ حکم دِوان ژٕ نیر أمِس منٛز نیٚبر تہِ أمِس منٛز أژؠ زِ نہٕ زانٛہہ!"26تٔمؠ بدروحن دژٕ کریکھ تہِ أمِس لڑکس سخ مٔرنَ دِتھ ترٛوون سُہ ییٚلہِ۔ سُہ لڑکہٕ اوس زن تہِ مودمُت۔ اوے ووٚن اکثر لوٗکو، "سُہ مود!"27پوٚز، یسوعؔن تلُ سُہ اتھس تھپھ کٔرتھ تہِ وتھنس منٛز کوٚرنس مدد۔ پتہٕ ووٚتھ سُہ لڑکہٕ تھوٗد۔28امے پتہ، ییٚلہِ یسوعؔ تہٕ تسنٛدٕؠ ژاٹھ أکِس گرس منٛز کنی زٔنؠ ٲس، تِمو پرُوژھ تمِس، "اسہِ کیازِ ہیوٗک نہِ أمِس سُہ بد روح نیٚبر کٔڈتھ؟"29یسوعؔن ووٚن تِمن، "توٚہؠ ہیکوکھ نہٕ یمہِ قسمکہ بد روح صرف غذا نہٕ کھؠنہِ تہٕ خدایس دُعا منٛگنہٕ سٟتؠ نیٚبر کٔڈتھ کینٛہہ۔ اتہِ چھِنہٕ بیٚہِ کانٛہہ وتھ یِم نیٚبر کٔڈٕنچ۔"30سُہ علاقہٕ ترٛاؤنہٕ پتہ کوٚر یسوعؔن تہِ تسٕنٛدیو شاگردو گلیل کہ علاقہٕ منٛزٕ سفر۔ یسوعؔ اوس نہٕ یژھان کانٛہہ گژھِ زانن سُہ کٔتہِ اوس۔31یسوعؔ اوس یژھان تمِس گژھِ پننؠ شٲگرد ہیٚچھناونُک وقت ٲسن۔ سُہ اوس تِمن ونان، "کنہِ دوٚہہ کرن میأنؠ دشمن مےٚ گرفتار، آدمؔ سٕنٛدِس اولادس، تہٕ بہٕ یمہٕ یمن نفرن ہنٛدؠن اتھن منٛز دِنہٕ۔ تم نفر مارن مےٚ۔ مگرمیأنہ مرَنہٕ پتہٕ ترٛیمہِ دوٚہہ گژھٕ بہٕ دُبارٕ زندٕ!"32شٲگردن توٚر نہٕ فِکرے زِ یسوعؔ کیاہ اوس تِمن ونان، تٔم کھوژ تمِس امیٚک مطلب پرٛژھنس۔33پتہ آیہِ یسوعؔ تہٕ تسنٛدٕؠ شٲگرد کفرنحوم شہرس منٛز واپس۔ ییٚلہِ تٔم گرس منٛز ٲس، یسوعؔن پرُوژھ تِمن، "توٚہؠ کیاہ کتھ ٲسوٕ وتہِ پکان پکان کران؟"34مگر شاگردو دِیت نہٕ جواب۔ تٔم گےَ شرمنٛدٕ جواب دینس منٛز تکیازِ، سفرس دوران ٲس تٔم أکِس اکھ سٟتؠ اتھ متعلق بحث کران زِ تِمن منٛز کسُ اکھ اوس زیادٕ اہم۔35یسوعؔ بیوٗٹھ پتھر۔ تٔمؠ بُلایہِ پننؠ بہوے شٲگرد پأنس نٔکھٕ، تہٕ پتہٕ ونُن تِمن، "اگر کانٛہہ خدایس سٲرِوی منٛزٕ ٹوٹھ چُھ یژھان بنَن، تمِس پٔزِ پننِس پٲنس ساروی کھۅتہٕ کمتر مانن، تہٕ تمِس پٔزِ ہرَ کٲنٛسہِ خدمت کرٕنؠ۔"36پتہ تلُ یسوعؔن اکھ شُر تہٕ تھوون تِمن منٛزس۔ تٔمؠ تلُ سُہ شُر کھوٗنہ، تہٕ پتہٕ وننکھ،37"تم یِم أکِس شُرس یمِس اکؠ سنٛدؠ پٲٹھؠ قبول کران چھِ تکیازِ تٔم چھِ مےٚ محبت کران، خدا چُھ مانان تٔم چھِ مےٚ قبول کران۔ یُس کانٛہہ مےٚ قبول کرِ، زنتہِ چھِ تِم ببَ خدایس قبول کران، یِمؠ بہٕ پنُن نمایندٕ منتخب کوٚڑُس۔"38یوحناہنؔ ووٚن یسوعؔ ہس، "ووٗستاد، آسہ وُچھ اکھا بدروحن لوٗکن منٛزٕ نیٚبر کڈان۔ سُہ چُھ دعوا کران زِ تمِس چُھ بدروح نیٚبر کڈنس سُہ اختیار۔ اسہِ کوٚر تمِس منع، تکیازِ سُہ اوس نہِ سأنیو شاگردو منٛزٕ اکھ۔"39یسوعؔن ووٚن، "تمِس مہَ ووٚن زِ ژٕ مٕہ کر تہِ۔ یتہِ چُھ نہٕ کانٛہہ تہٕ نفر سُہ یس میأنہِ اختیار سٟتؠ کانٛہہ معجزٕ ہیٚو کٔرتھ مےٚ پتہٕ بُرٕ ونہِ۔40تِم لوٗکھ یِم نہٕ اسہِ مُخالفت کران چھِ تِمن تہِ چُھ سوٗی مقصد یُس اسہِ چُھ۔41خدا دِیہ تمن پٔزٕ پٲٹھؠ انعام یِم توٚہہِ کنہِ تہِ رنگٔہٕ مدد کرنؤ، ہرگاہ سُہ اکھ آبہٕ پیالہٕ توٚہہِ چنہٕ خٲطرٕ ٲسہ تکیازِ توٚہہِ چُھو مسیحؔ ہس پتہٕ پتہٕ پکان!"42یسوعؔن ووٚن یتہِ، "پوٚز اگر توٚہہِ کانٛہہ نفر یمِس مےٚ پؠٹھ یقین آسہ، کرناوین گناہ خدایہِ دِیو توٚہہِ سخ سزا۔ اگر توٚہہ کانٛہہ گۅب کٔنؠ نٲلؠ ژٕھنتھ تہٕ سمندرس بُزؠ کرِ، سُہ چُھ تُہنٛدِ خٲطرٕ جان تمہِ کھوٗتہٕ اگر خداین توٚہہِ امہ خٲطرٕ سزا دیتو زِ توٚہؠ چُھ کانٛہہ مےٚ پؠٹھ یقین کٔرن وول گناہ کرنؤومُت۔43اگر توٚہؠ پنن اکھ اتھٕ گۅناہ کرنہِ خٲطرٕ استعمال یژھان چُھو کرُن، یہِ مٕہ کٔریو استعمال! ہرَگاہ توٚہہ پٔننؠ اتھٕ تہِ پین شٲگردن تہٕ ژھنؠ ہُن تراوِتھ گناہن نِشہ بچنہٕ خٲطرٕ، تہِ کریو! یہِ چُھ رُت تمہِ نِشہ اگر اکہ اتھٕ ورٲے توٚہؠ دُنیاہس منٛز ہمیشہ زندٕ روزیٚو۔ پوٚز یہِ چُھنہٕ رُت زِ توٚہؠ کریو گۅناہ تہٕ خدایہ ترٛاؤو تٔہنٛدس سٲرسےٕ جسمس جہنم کس نارس منٛز۔ تتہِ، سُہ نٲر یُس نہٕ ژھٕؠتہٕ گژھن وول چُھ!44یہِ چھِ سۅ جایہ یٚتہِ تِمن پؠٹھٕ پلن وول کیوٗم رُکہِ نہٕ زانٛہہ، تہٕ سُہ نٲر یُس دزان چُھ گژھنہٕ ژھؠتٕہٕ زانٛہہ۔45اگر توٚہؠ یژھان چُھو پنن اکھ کھۅر گناہ کٔرنہِ خٲطرٕ ورتاون، پنن کھۅر رُکایو! اگر توٚہیہ پنن کھوٗر گۅناہ ٹالُنہٕ خٲطرٕ ہرَگاہ ژاٹن تہٕ پییٚہِ، یہِ کریو! گۅناہ نہٕ کرنہِ خٲطرٕ چُھ بہتر اگر توٚہہِ کھۅرٕ بغیرؠ دُنیاہس منٛز ہمیشہ زندٕ روزیو۔ پوٚز یہِ چُھ رُت زِ گۅناہ کرنکہ وجہِ ترٛاوُی خدا تُہنٛدؠ سورے جسم جہنمس منٛز46ییٚتہِ نہٕ تمن پؠٹھ پلن وول کیوٗم زانٛہہ تہِ رُوٗکہ سُہ نٲر یُس دزان چُھ گژھنہٕ زانٛہہ تہِ ژھؠتہٕ۔47اگر توٚہہِ کانٛہہ چیٖز گناہ کرنہٕ خٲطرٕ کشش کرِ، مو سہ وچھو تتھ کنُ! اگرچہ پننؠ أچھ تہِ پینیؤ نیٚبر کڈنہ تہِ گناہ ٹالنہ خٲطرٕ کڈؠ ہوٗک! یہِ چُھ بہتر خدایہ سٕنٛدِس سلطنتس منٛز روزنہٕ خٲطرٕ، پتہٕ زٕ أچھ ہٮ۪تھ تراؤو توٚہہِ خدا جہنمس منٛز۔48 تتھ جاۓ ییٚتہِ ہمیشہ کیمؠ لوٗکن پؠٹھے پلن چھِ، تہٕ سُہ نٲر گژھنہٕ ژھؠٕتہٕ زانٛہہ۔49 توٚہہِ پزنیو مشکلات برداش کٔرنَؠ تاکہِ خدایہ روزِ توٚہہِ خوش۔ تہنٛدؠ چھِ نٲرک پٲٹھؠ یس چیٖزن پاک چُھ کران۔ تُہنٛدؠ صبر چُھ تِمن لوٗکن ہنٛدؠ پٲٹھؠ یمہٕ پننؠن قربانؠن پؠٹھ نون پاک کٔرنہٕ خٲظرٕ چھکان چھِ۔50نون چُھ غذاہس پؠٹھ ترٛاون فایدٕمند، پوٚز توٚہؠ ہیکؠو نہٕ اتھ دُبارِ نونک مزٕ بنٲوِتھ کینٛہہ اگر یہِ بے مزٕ گوٗمت ٲسہ۔ تِیتٕھے پٲٹھؠ، پٔزٕ توٚہہ خدایس فایدٕمند روزن، تکیازِ اگر توٚہؠ بےکار ٲسیٚو پتہٕ کیتھٕ پٲٹھؠ بنو توٚہؠ خدایس فایدٕمند۔ توٚہہ پٔزِ أکِس اکھ سٟتؠ امنہٕ سان زندٕ روزن۔
Bridge Connectivity Solutions Pvt. Ltd.