مرقُس8
1تِمن دوہن دوران، اکہِ دوٚہہ اکھ لوٗکہٕ ارساتہٕ گوٚو بیٚہِ جمح۔ تِم ٲسؠ تتہِ ترٛییٚو دوٚہو پٮ۪ٹھٕ پتہ کھؠن چینہِ بغٲر۔ یسوعؔن ٲنؠ پننؠ شٲگرد پانس نکھٕ، تہٕ ووٚننٛکھ،2"مےٚ چُھ یِمن لوٗکن پؠٹھ عار یوان تکیازِ ترٛییو دوٚہو پیٹؠھ چھِ یم مےٚ سٟتؠ تہٕ کھؠنہٕ باپتھ چُھنہٕ یِمن نِشہ ونہِ کؠن کِہنؠ۔3اگر نہٕ یِمن بۅچھِ ہتؠن گرٕ گژھنہٕ باپتھ رۅخصت کرٕ تِمو منٛزٕ گژھن کینٛہہ وتہِ بےہوش۔ تِمن چھِ کینٛہہ دوٗرِ پؠٹھِ آمٕتؠ۔"4تمہِ سنٛدیو شٲگردو زون زِ سُہ اوس تِمن مشورٕ دوان زِ تِمے دِن لوٗکن کینٛہہ کھؠن، اوے دیُت اکؠ شٲگردن جواب، "یہِ ہیٚکہ نہِ ممکن سُپدتھ ییتِس لوٗکہٕ ارساتس کتہِ انو کھؠن۔ یتھ وجارٕ جایہِ چُھنہٕ کانٛہہ روٗزان!5یسوعنؔ پرُژھ تِمن، "توٚہہِ نِشہ کٔژ ژۅچہِ چھِ؟" تِمو دیُت جواب، "اسہِ نِشہ چھِ ستتھ سٔترِ ژۅچہِ۔"6یہِ بوزِتھ ووٚن یسوعنؔ یِمن لوٗکن أتی پتھرِس پیٚٹھ بیٚہنہٕ باپتھ، پتھر بہنہٕ پتہ، تٔمؠ تُجہ ستتھ ژۅچہِ خدایس کوٚرن تِمن باپتھ دُعا، تِم پھڑراوین، پتہ دِژن پننؠن شٲگردن لوٗکن دنہٕ باپتھ۔7تِمن نِشہ آسہ کینٛہہ لوٗکچہِ گاڈٕ تہِ۔ تٔمؠ کوٚر یِمن پؠٹھ خدایس شُکر گٔزاری، تٔمؠ ووٚن پننؠن شٲگردن، "یِمہٕ تہِ دِیو تِمن۔ "پتہ دژٕ تِمو لوٗکہ ارساتس تِمہٕ گاڈٕ۔8لوٗکو کھیٚو یہِ غذا، تہٕ، تِمو کھیٚو یڈ برٛتھ۔ تسَ سنٛدیو شاگردو کرٕ بچٲمتؠ ژۅچہِ ٹکٔرِجمع تہِ، تِمو بھرِ ستتھ ٹوکرِ۔9تمسنٛدیو شاگردو کوٚر اندازٕ زِ اتہِ ٲسؠ أمہِ دوٚہہ ژور ساس کھٮ۪نہٕ وٲلؠ لوٗکھ یِمو تمہِ دوٚہہ کھیٚو۔ پتہ دِیت یسوعؔن تِمن رخصت۔10تمہِ پتہ فورَن، پننؠن شٲگردن سٟتؠ کھوٗتہ ناوِ، پتہ کوٚر تِمو گلیلک سمندرٕ تٔرِتھ وٲتؠ دلمنُوتہ علاقس منٛز۔11پتہ آیہِ کینٛہہ فریسی یسوعؔ ہس نِشہ۔ تِم لٔگؠ تمِس سٟتؠ مُجادلہٕ کٔرنہِ تہٕ زور دوان روٗدِس زِ تِمن ہاوٕ خداین سوٗزنچہ اکھ آسمأنؠ نشٲنی۔12یسوعؔن ترٛوو زیوٹھ ووٚش پانس سٟتؠ، تہِ پتہ ووٚن تٔمؠ، "توٚہؠ کیازِ چُھو مےٚ معجزٕ ہاؤنکُ ونان؟ بہٕ کرٕ نہٕ تُہنٛدؠ باپتھ کانٛہہ معجزٕ!"13پتہ ترٲوؠ تٔمؠ تِم أتی۔ سُہ تہِ تسندؠ شٲگرد کھتؠ بیٚہِ ناوِ تہِ گلیل سمندرس ترِ اپور۔14تسنٛدین شٲگردن ٲس سیٹھاہ ژۅٹ پانس سٟتؠ تُلنؠ گٔمژ مٔشتھ۔ خاصکر، ناوِ منٛز ٲس تِمن نِشہ صرف کھیٚن چیٚنہٕ باپتھ سٔترِ ژۅچہِ ہُنٛد اکھ ٹُکرِ۔15چونکہِ، تِم ٲسؠ ناوِ منٛز پکان، یسوعنؔ کٔرؠ تِم ہوشیار تہِ ونُکھ، "ہوشیار روزِو! فریسی ین ہنٛزِ خمیٖر تہٕ ہیرودیسی سنٛزِ خمیٖرِ نِشہ نجات!"16شاگردو سمجھ سُہ غلط۔ اوے ووٚن تِمو اکھ اکِس، "تمؠ آسہ پوٚز ونمُت زِ اسہِ نش چھنہٕ ژۅچے۔"17یسوعؔ ہس ٲس پتاہ زِ تِم کتھ پؠٹھ ٲسؠ پانہٕ وٲنؠ بحث کران، اوے ووٚن تٔمؠ تِمن، "توٚہؠ کیازِ چُھو پانہٕ وٲنؠ کتھٕ کران زِ اسہِ نش چھنہٕ زیادٕ ژۅٹ؟ توٚہہ پزٕ سمجھن یہ مےٚ ونیُک تام ووٚن! توٚہؠ چُھونا سونٛچان!18چشمہٕ چھیٚو، پوٚز توٚہہ چُھو نہٕ سمجھان تہِ یہِ توٚہہ وچھان چُھو! توٚہہ چُھو کنَ، پوٚز توٚہہ چُھو نہٕ تہِ سمجھان تہِ یہِ مےٚ ووٚن!" پتہ پرُوژھن تِمن، "کیاہ توٚہہ چُھو ناہ یاد کیاہ سُپد19یمہِ لٹہِ مےٚ پانٛژھ ژوچہِ پانٛژن ساسن ہُنٛدٕ باپتھ پُھٹراوِ تہِ توٚہہِ کٲژاہ پجہِ تُجو بچاوِمژَو ژۅچۅ سٟتؠ بٔرِتھ؟" تِمو دِیت جواب، "باہ پجہِ۔"20پتہ پرُوژھکھ تٔم، "یمہِ لٹہِ مےٚ ستتھ ژۅچہِ پھُٹراوِ ژوٚن ساسن لوٗکن دِنہٕ خٲطرٕ، بیٚہِ ییٚلہِ ہرَ کانسہِ یڈ بھرتھ کھیٚو، توٚہہ کٲژاہ ٹوکرِ تُجو بچاومژٕ ژۅچہِ منٛزٕ؟ تِمو دیت جواب، "ستتھ بھرتھ پجہِ۔"21پتہ ووٚن تٔمؠ تِمن، "توٚہیہ تُروو نا وُنہِ تہِ فِکرِ۔"22تِم وٲتؠ بیت صیدا شہرس منٛز۔ لوٗکو أنؠ یسوعؔس نِشہ اکھ اون نفر تہٕ تمِس کوٚرکھ زارٕ پارٕ تمِس نفرس اتھٕ ڈألٕنہ خٲطرٕ تاکہِ تمِس سٕپدِ شفا۔23تٔم کٔر ٲنس نفرس اتھس تھپھ تہٕ نیوٗن پانس سٟتؠ شہرِ نیٚبر۔ تہنٛزن أچھن تھوٗکھ متھنہٕ پتہٕ، پننؠ اتھٕ تھاون تمِس نفرس پؠٹھ، پرُوژھنس، "کیاہ سا بوٗزنہٕ چُھے یوان؟"24تٔمؠ نفرن تُجہ أچھ تہٕ پتہ ووٚنُن، "آ، بہٕ چُھس لوٗکھ وُچھان! تِم چھِ اورٕ یوٗر پکان، مگر صاف چُھم نہٕ بوٗزنہٕ یوان۔ تِم چھِ مےٚ کُلؠ ہیوٗ باسان!"25یسوعؔن ڈوٗلؠ تمِس ٲنس دُبارِ أچھن اتھٕ۔ سُہ نفر لوٗگ مُدے گٔنڈتھ وُچھنہَ، تمِس گوٚو تمہِ وزِ مکمل شفأ! سُہ اوس ہیکان ہرکانٛہہ چیٖز صاف صاف وُچِھتھ۔26یسوعؔن ووٚن تمِس، "شہرس منٛز مہَ گژھِ!" پتہ سوٗزن سُہ نفر پنن گرٕ۔27یسوعؔ تہٕ تسٕندؠ شٲگرد درٛایہِ بیت صیدا شہرِ منٛزٕ تہِ گےَ تِمن گأمنَ منٛز یِم قیصریہ فلپی شہرس نکھٕ ٲس۔ وتہِ منٛز پرُوژھ تٔمؠ تِمن، "لوٗکھ کیاہ چھِ مےٚ ونان بہٕ کسُ چُھس؟"28تِمو دِیت جواب، "کینٛہہ لوٗکھ چھِ ونان ژٕ چُھکھ یوحناؔ بپتسمہ دنہٕ وول۔ باقیو چھِ ونان زِ ژٕ چُھکھ سُہ ایلیاہؔ رسول۔ تہٕ کینٛہہ چھِ ونان زِ ژٕ چُھکھ بروٛنٹھِمیٚو رسولو منٛزٕ اکھ رسول۔"29 تٔمؠ پرُوژھ تِمن "توٚہؠ کیاہ چھِ ونان؟ توٚہؠ کیاہ چُھو ونان بہٕ کسُ چُھس؟" پطرسنؔ دِیت جواب، "اسہِ چُھ یقین ژٕ چُھکھ مسیحؔ!"30اوٕ پتہٕ کوٚر یسوعؔن تِمن تاکید زِ وُنہِ ؤنؠ زیٚو نہٕ کٲنسے زِ سُہ اوس مسیحؔ۔31پتہ کٔر یسوعؔن تِمن تعلیم دِنؠ شروع زِ آدمؔ سُنٛد گۅبُر، تُلہِ سیٹھاہ دوٗکھ۔ بزرگ، کاہنن ہنٛدِ سردار، یہُودینؔ ھنٛد فقِیہ زانن وٲلؠ شخصس کٔرن تمِس رد۔ سُہ سپدِ قتل، ترٛیہِ دوٚہہ پتہٕ ییہِ سُہ دُبارِ زندٕ کرنہٕ۔32یہِ کتھ ؤنؠ تٔمؠ صاف صاف تِمن۔ مگر اتھ پٮ۪ٹھ نیٚو سُہ پطرسنؔ بیس اندس کنُ تہٕ لوٗگنس یہِ وننس پٮ۪ٹھ اعتراض کرُن۔33یسوعؔ پھیور پتھ کنُ تہٕ پنہٕ نؠن شٲگردن کنُ کرن نظر۔ پتہٕ کٔرن پطرسسؔ کھرٛنگ ووٚننس، "امہِ طریقہٕ سونٛچن کرِ بنٛد! ژٕ چھے شیطان یژھٕ کتھٕ کرناؤان! بجایہ یہِ زِ یہِ خدایہ چُھ مےٚ یژھان کرناون، ژٕ چُھکھ مےٚ صرف تہِ یژھن مےٚ کرناؤن۔"34پتہٕ لوٗکہٕ ارساتس ہٮ۪تھ ٲنؠ تٔمؠ پننؠٕ شٲگرد پانس کنُ تاکہِ تِم ہیکن تٔمؠ سُنٛد بوزِتھ۔ تٔمؠ ووٚن تِمن، "اگر توٚہہ منٛزٕ کانٛہہ مؠٚون شٲگرد چُھ یژھان بنن آسہ، یہِ چُھ نہٕ سٔہل۔ توٚہہ پٔزِ مجرمن ھنٛدؠ پٲٹھؠ ظلمہِ ستم برداش کرنہٕ خٲطرٕ تیار روٗزن یِمن پنن صلیب تِمن جاؠن تام واتہٕ ناونہٕ خٲطرٕ مجبور چھِ یوان کرنہٕ ییٚتہِ تِمن پھاسؠ ییہِ دِنہِ۔ یُس اکھا مؠون ژاٹھ یژھان چُھ بنَن تمِس پٔزِ یہِ کرُن۔35توٚہہ پٔزِ تہِ کرُن تکیازِ یُس اکھاہ پُنن پان بچاوُن یژھان چھِ سُہ چُھ مؠٚون سُہ چھلہِ زندگی نِشہ اتھٕ۔ تِٔمؠ میأنؠ شٲگرد یِمن مٲرن تکیازِ تٔمؠ ٲس لوٗکن رٕژ شیٚچھ ونان، روٗزن ہمیشہ مےٚ سٟتؠ زندٕ۔36اگر لوٗکھ ہرَ کانٛہہ چیٖز یتھ دنیاہس منٛز حاصل کرن یِم تم یژھان چھِ، پوٚز تِمن چُھنہ حاصل گژھان کینٛہہ اگر نےَ تِمن ابدی زندگی حاصل گژھؠ!37یتھ کٔتھِ پؠٹھ کٔرؠوٗ احتیاتہٕ سان غوٗر زِ ییٚتہِ چُھنہٕ پٔزؠ پٲٹھؠ کانٛہہ سُہ چیٖز یُس انسان خدایس دییہِ ہے زِ سُہ دییہِ ہے تمِس ابدی زندگی حاصل کرنہٕ!38تہٕ یتھ متعلق تہِ سونچُو: واریاہ لوٗکھ چھِ یہِ ونہٕ نس تہِ اِنکار کران زِ تِمؠ چھِ میأنؠ۔ یہِ بہٕ از ونان چُھس تِم چھِ اِنکار کران ییٚلہِ لوٗکھ خدایس نِشہ دوٗر گٔمتؠ چھِ تہٕ گناہن منٛز چھِ گرفتار، بہٕ، آدمؔ سُنٛد اولاد، تہِ کرِ اِنکار زِ تِمؠ چھِ میأنؠ ییٚلہِ بہٕ پاک روحن سٟتؠ واپس یمہٕ تہٕ سۅ شان آسیٚم یس میٚانس ببس چھِ!"
Bridge Connectivity Solutions Pvt. Ltd.