مرقُس10
1یسوعؔن ترٛاؤو سۅ جایہ پننؠ شٲگرد ہٮ۪تھ، تہٕ تِم درایہِ یہُودیہ علاقہٕ مٔنٛزؠ تہٕ دریایہِ یردنکہِ مشرقہٕ طرفہٕ پؠٹھؠ تریتھ۔ ییٚلہِ بیٚیہِ گوٚو لوٗکہٕ ارساتھا تمِس انٛدؠ انٛدؠ جمع، تٔمؠ دِژٕ تِمن حسبہِ روایت دُبارِ تعلیم۔2ییٚلہِ یسوعؔ تعلیم دِوان اوس کینٛہہ فریسی وٲتؠ تمِس نِشہ تہِ پرُوژھس، "کیاہ سون شریعت چھا أکِس مرٕدس پننہ زنانہِ طلاق دِنُک اجازت دِوان؟" تِمو پرُوژھ تہِ تمِس ہزل کرنہٕ خٲطرٕ تِمن اوس نہٕ غرض سُہ دییہِ ہے جواب "اوۓ" یا "نا۔"3یسوعؔن دیت تِمن جواب، "موسیٰؔ ہن کیاہ کوٚر تہنٛدؠن جدن حکم أکِس مرٕدس پننؠ زنانہِ طلاق دِنس متعلق؟"4 تِمو منٛزٕ دیُت اکؠ جواب، "موسیٰؔ ہن دیُت اجازت زِ اکھ مرد ہیٚکہ طلاق کاغذس پؠٹھ لیکتھ تاکہِ سُہ ہیٚکہ تمِس زنانہِ نیٚبر کڈتھ۔"5یسوعؔن دِیُت تِمن جواب، "سُہ اوس تِہنٛد بُتھؠ پھیٚور رٔویہِ زِ موسیٰؔ ہن دِیُت تِہنٛدِ خٲطرٕ سُہ اصول۔6 یاد تھؤو زِ ییٚلہِ خداین لوٗکھ گۅڈٕ پٲدٕ کٔرؠ، تٔمؠ بنوو اکھ مرد، تہٕ اکھ زٔنؠ مردٕ سنٛزٕ آشِنؠ۔7تہِ چُھ واضیح کران خداین کیازِ ووٚن، "ییٚلہِ اکھ مرد تہٕ زٔنؠ خأندر چھِ کران، تِمن پزِنہٕ خاندرٕ پتہٕ پننؠن مالؠن تہٕ ماجؠن سٟتؠ روزن۔8 امہ بجایہ، تٔمؠ زٕ روزن یکجاہ، تہٕ تٔمؠ روزن تیوت نزدیک زِ زن آسن اکے نفر۔ ہرگاہ، اگرچہ تم نفر خاندرٕ برونٛہہ زٕ الگ الگ نفر ٲسؠ، خدایہ چُھ خاندرٕ پتہٕ یِمن اکےمانان اوے چُھ سُہ یژھان تٔمؠ گٔژھن أکِس اکھ خوش تھاون۔9تکیازِ تہِ چُھ پوٚز، أکِس مردس پٔزِ نہٕ پننؠ زنانہِ کھُلا دِنؠ۔ خداین رلاؤی تم، تہٕ سُہ چُھ یژھان تٔمؠ روزن یکجاہ۔10ییٚلہِ یسوعؔ تہٕ تسنٛدؠ شٲگرد أکِس گرس منٛز تنہاہ ٲسؠ، تِمو ووٚن تمِس اتھ متعلق دُبأرِ۔11یسوعؔن ووٚن تِمن، "خدایہ چُھ مانان زِ اگر کانٛہہ مرد پننہِ زنانہِ کھلا دییہِ تہٕ بؠس زنانہِ سٟتؠ خاندر کرِ سُہ چُھ زِنَا کران۔12خدایہ چُھ أکِس زنانہِ تہِ زِنَا کٔرِنچ مجرم مانان اگر سۅ پننس مردس کھلا دییہِ تہٕ بیس مردس سٟتؠ کٔرؠ خاندر۔"13وُنؠ ٲسؠ لوٗکھ شُرؠن یسوعسؔ نِشہ اتھٕ ڈالنہٕ خٲطرٕ انان تاکہِ تِمن سپدِ شفأ۔ پوٚز تسنٛدیو شاگردو کٔر تِمن نس۔14ییٚلہِ یسوعؔن تہِ وُچھ، تمِس کٔھژ شرارت۔ تٔمؠ ووٚن پننؠن شٲگردن، "شُرؠن دیو مےٚ نِشہ ینہٕ! تِمن مہُ کرو منع! یِمؠ چھِ حلیم لوٗکھ تہٕ خدایس پؠٹھ چُھکھ یقین تکیازِ خدایی بادشٲہی چھےٚ یہنٛزٕے۔15لیکتھ تھَٲیو: یُس اکھٛا خدایی بادشٲہی شُرؠن ہنٛدؠ پٲٹھؠ مانہِ نہٕ سُہ ییہِ نہٕ یقیناً خدایہ سٕنٛدِس تتھ سلطنتس منٛزٕ ترٛاونہٕ یتھ سُہ بادشٲہی کران چُھ۔"16پتہٕ تھوو یسوعؔن یِمن بچن پیٚٹھ اتھ۔ تمِس ڈولن پنن اتھٕ تہٕ خدایس مونٛگُن تہنٛدِ خٲطرٕ رٔژر۔17یسوعؔ اوس پنہٕ نؠن شٲگردن سان دُبارٕ سفرس نیرنس تیار، اکھ نفر آو تس نِشہ دوران۔ سُہ جُکیٚو یسوعؔ ہس برونٛہہ کٔنہِ تہٕ پرُوژھنس، "نیک ووٗستادٕ، مےٚ کیاہ پٔزِ کرُن یُتھ زنَ مےٚ ابدی زندگی حاصل گژھؠ؟"18یسوعؔن ووٚن تمِس، "ژےٚ چھِےُ نہِ احساس زِ ژٕ چُھکھ مےٚ رُت ونان! صرف خدایہ چُھ رُت!19 پتہٕ گوٚو چٲنہِ سوالک جواب ژٕ چُھکھ موسیٰؔ سنٛدیو حکمو نِشہ وٲقف: مہَ کرنُ کانٛہہ قتل، مہَ کرِ زنا، ژوٗر مہٕ کریو، اپُز مہَ ون کُنہِ چیٖزس متعلق، کانٛسہِ مَہ دِیہ دوٛکھٕ، تہٕ پننؠس مٲلس ماجہِ کرِ یزتھ۔"20تٔمؠ نفرن ووٚن تس، "ووٗستادٕ لوکچارٕ پٹؠھٕ چُھس بہٕ یِمن حکمن پؠٹھ عمل کران۔"21یسوعؔن کٔر تس شفقتہٕ سان نظر۔ تس ون، "اکہ چیٖزچ چھیے ژےٚ کٔمی۔ گرٕ گژھِ، یہِ کینٛژھا ژےٚ چھے تہِ ژھن کنٛتھ تہٕ بٲگراو غریب لوٗکن منٛز۔ امی سٟتؠ میلنے آسمٲنی خزانہٕ۔ یہِ مےٚ وۅنےٕ تہِ کرنہٕ پتہٕ یہِ مےٚ سٟتؠ تہٕ روز میون شٲگرد!"22یسوعؔ سنٛدِ ہدایات بوزِتھ گییہِ تمِس نفرس پراکٔندی۔ بڈٕ مایوس گژھِتھ دراو، تکیازِ سُہ اوس سٮ۪ٹھاہ امیر۔23یسوعؔن ترٲو انٛدؠ انٛدؠ لوٗکن پؠٹھ نظر۔ پتہٕ ووٚننُ پننٮ۪ن شٲگردن کریکھ دِتھ، "خدٲیی بادشٲہی منٛز امیرن ہُنٛد اژُن چُھ سٮ۪ٹھاہ مشکل۔"24شٲگرد گےَ تہِ بوزِتھ حٲران یہِ یسوعؔن ووٚن، تِمو سونچ زِ خدایہ چُھ امیر لوٗکن مَدد کران، اوے اگر نےَ خدایہ تِمن بچٲوِ، سُہ بچٲوِ نہٕ کانٛسہِ۔ یسوعؔن ووٚن دُبارٕ، "توٚہؠ میانؠو ٹاٹھو پژھ تھاون والیو یمن بہٕ رٲچھ چُھس، یہِ فأصلہِ کٔرن چُھ سیٹھاہ کریوٗٹھ کانٛسہِ تہِ زِ خدا کٔرؠ تنٛزٕ زندگی پؠٹھ حکومت۔25یہِ چُھ ناممکن اکھ بٔوٗڈ اونٛٹس ہیوٗ جانور سٕژنہٕ پہیہ منٛزٕ اژن۔ یہِ چُھ الہٕ پلہٕ تُیتٕھۓ کریوٗٹھ امیرن ہنٛدؠ خٲطرٕ زِ تٔمؠ اژن خدایہِ سنٛزٕ بادشٲہی منٛز۔"26شٲگردن اوس سیٹھاہ تٲجِب گوٗمت۔ اوے ووٚن تِمو یسوعؔ ہس، "اگر تہِ یہِ چُھ، پتہٕ کسَ ہؠکہِ نجات میلِتھ!"27 یسوعؔن کرِ تِمن نظر، تہٕ پتہ ووٚن تٔمؠ، "اُوے، یہِ چُھ انسانن نِشہ ناممکن پان بچاوُن! پوٚز خدایہ ہیٚکہ تِمن بچٲوتھ، تکیازِ خدایہ ہیٚکہ کینٛہہ تہِ کٔرتھ!"28پطرسنؔ ووٚن، "وُچِھو، اسہ ترٛوو سورےٕ کنٛہہ، تہٕ ٲسؠ چٲنؠ شٲگرد درٛایہِ ژےٕ پتھ۔"29یسوعؔن دتس جواب، "بہٕ چُھس یژھان یہِ زانن: یمو پنن گرٕ، بأییٔ، بیٚنہِ، مول، موج، شُرؠ، زمیٖن میون شٲگرد بنہٕ نہٕ خٲطرٕ تہٕ رژٕ شیٚچھ ہُنٛد اعلان کرنہٕ خٲطرٕ ترٛوو،30تِمن میٖلہِ تمیک ہتہٕ گٔنہٕ یہِ تِمو پتھ کنُ ترٛوو۔ تتھ منٛزِ چھِ یوان گرٕ تہٕ خاندانکہ بٔٲژٕ: بٲے تہِ بیٚنہِ تہِ موج تہِ شُرؠ، تہٕ زمیٖن۔ بیٚیہِ، لوٗکھ دِنکھ تکلیف یتھ دُنیاہس منٛز تکیازِ تِمن چُھ مےٚ پؠٹھ یقین پوٚز برونٛہہ کنُ آسہ تِمن ابدی زندگی خدایس سٟتؠ گُزارنؠ۔31واریاہ لوٗکھ یمن باقیو لوٗکھ اہم آسن تصور کران مگر خدایس نِش آسن نہِ اہم، واریاہ لوٗکھ یمؠ باقین نِش اہم آسن نہٕ مگر خدایس نِش آسن واریاہ اِہم!"32کینٛژو دوٚہو پتہٕ تہِ روٗدِؠ تٔمؠ سفر کران، یسوعؔ تہٕ تٔمؠ سٕنٛدؠ شٲگرد ٲسؠ تتھ واتہِ پؠٹھ پکان یۅسہ یروشلم شہرس کنُ گژھان ٲس۔ یسوعؔ اوس تِمن برونٛہہ برونٛہہ پکان۔ شٲگرد گےَ حٲران تہِ تِمن سٟتؠ باقیو لوٗکھ کھوژؠ۔ وتہِ منٛزٕ نیہ یسوعؔن تم باہوے ژاٹھ پانس سٟتؠ دُبارِ أکِس مقامس پؠٹھ۔ پتہٕ لوٗگ سُہ تِمن وننہِ زِ مےٚ پؠٹھ کیاہ کیاہ چُھ سپدن وول۔33تٔمؠ ووٚن، "ہوشہِ سان بوزیٚو! ٲس چھِ یروشلم گٔژھان۔ میٖرِ کاہن تہِ یہُودؠ فقِیہکچ تعلیم دنہِ وٲلؠ کرُن مےٚ گرفتار، آدمؔ سنٛدِس نیٚچوِس۔ تِم دِن مےٚ موتُک سزا۔ پتہٕ واتہٕ ناون مےٚ رومہٕ کؠن حٲکمن نِشہ۔34تہنٛدؠ نفر کرن مےٚ ٹھٹھٕ تہٕ لاین تھوکہٕ، تٔم والن مےٚ تہٕ پتہٕ کرنم قتل۔ پوٚز تمہِ پتہٕ ترٛییہٚ دوٚہؠ سپدٕ بہٕ دُبارٕ زندٕ!"35زبیدیؔ سنٛدؠ نیٚچوؠ یعقوبؔ تہِ یوحناؔ، آیہِ یسوعؔ ہس نِش تہِ تمِس ونُکھ، "ووٗستاد، أسؠ چھِ یژھان یہِ کینٛژھا ٲسؠ ژےٕ منٛگووے ژٕ کرکھ سانہِ باپتھ!"36یسوعؔن ووٚن تِمن، "توٚہؠ کیاہ چُھو یژھان زِ بہٕ کرٕ تُہنٛدِ باپتھ؟"37تِمو ووٚن تمِس، "ٲسؠ چھِ یژھان زِ ٲسؠ بیہمو چٲنس جلالس منٛز اکھ دٔچُھن تہٕ بیٛاکھ کھوٕورؠ کنِؠ۔"38پوٚز یسوعؔن ووٚن تِمن، "توٚہہ چُھو نہٕ پےَ زِ توٚہؠ کیاہ چُھو منٛگان۔ "پتہٕ پرُوژھن تِمن "یُس پیالہٕ بہٕ چؠوان چُھس توٚہؠ ہیکوا سُہ چؠتھ؟ یُس بپتسمہ بہٕ نمہٕ توٚہؠ ہیکوا سُہ نِتھ؟"39تِمو ووٚن تسَ، "اُوے، ٲسؠ ہؠکو تہِ کرتھ! "پتہٕ ووٚن یسوعؔن تِمن، "یہِ چُھ پوٚز زِ توٚہؠ کرُو برداش یتھ پٲٹھؠ بہٕ کرٕ، توٚہؠ تہِ نیو بپتسمہ یتھٕ پٲٹھؠ بہٕ نمہٕ۔40پوٚز یہِ چُھنہٕ مےٚ تأم ژارن کسُ کٔمہِ انٛدٕ بہیہ مےٚ۔ خدایہ دییہِ تِمن سُہ مقام یمِس سُہ برونٛہہ ژارِ۔"41پتہٕ بوز باقیو دہیو شاگردو تتھ متعلق یہِ یعقوبؔ تہٕ یوحناؔہن عرض کوٚڑمُت اوس۔ اوے، تِم گےَ تِمن پؠٹھ ناراض۔42پتہٕ أنؠ یسوعؔن تِم سٲریِ پانس نِش ناد دِتھ، تہٕ ووٚنٛنکھ، "توٚہؠ چُھو زانان زِ یمؠ غٲر یہُودینؔ پؠٹھ سرداری کران چھِ تِم چھِ ہاوان زِ ٲسؠ چھِ طاقتور۔ بیٚیہِ چُھو زانان زِ تہنٛدؠ عہدٕ دار چھِ باقیو پؠٹھ حکم چلاؤنکھ اختیار تھاوان۔43پوٚز تِمن ہیؤ مہٕ بنو! اتھ برعکس، اگر توٚہیہ منٛزٕ کانٛہہ عظمت حٲصل یژھان چُھ کٔرن، تمِس پٔزِ پنن پان لوٗکن ہُنٛد خدمت گار تصور کٔرن۔44تہٕ، اگر توٚہہِ منٛزٕ کانٛہہ یہِ یژھان چُھ زِ خدایہ گژھِ تمِس سیٹھاہ اہم تصور کرن، تمِس پزِ سارنے ہنُد غلام بنن۔45بہٕ تہِ، آدمؔ سُنٛد گۅبُر، آس نہٕ پانس خدمت کرناونہِ بٔلکہ خدمت کرنہ تہٕ پنن پان لوٗکن ہنٛدؠن گناہن بدٕلہِ قربان کرُن، خداین یُس سزا گناہگارن ہندِ خٲطرٕ مقرر کوٚڑمُت چُھ تمہِ نِش تِہنٛدِ خٲطرٕ آزٲدی مٔلؠ ہینؠ۔"46یروشلم شہرس کنُ گژھان یسوعؔ تہِ تسٕندؠ شٲگرد وٲتؠ یرِیحُو شہرس منٛز۔ پتہٕ، ییٚلہِ تِم یرِیحُو پؠٹھٕ بٔڈس لوٗکہٕ ارساتھ ہٮ۪تھ نیران ٲسؠ، اکھ بیٚچھٕ وُن اُوٗن اوس وتہِ دنٛدس پؠٹھ بہتھ۔ تٔمؠ سنٛدِ ناو اوس برتِمؔاییٔ، تہٕ تُہنٛدس مالٔؠ سنٛدِ ناو اوس توتماییؔ۔47ییٚلہِ تِمؠ لوٗکن نِش بوز زِ یسوعؔ ناصری چُھ پکان، تٔمؠ دِژ کریکھ، "یسوعؔ! ژٕ چُھکھ بادشاہ داوود سنٛزِ ذٲژ منٛز، مےٚ کر مدتھ!"48واریہو لوٗکو کٔر تمِس نس زِ سُہ روزِ ژھوٗپہٕ کرتھ۔ امہ بجایہ دِژٕ تٔمؠ زیادے زورٕ کریکھٕ، "ژٕ چُھکھ بادشاہ داوود سنٛزِ ذٲژ منٛزٕ، مےٚ پؠٹھ کٔر رحم!"49یسوعؔ ٹھہریو تہٕ وٚونن، "أمِس کٔریو آلو یوٗر یہِ! "تِمو کوٚر ٲنس نفرس آلو، "یسوعؔ چھِۓ ژےٚ ناد دوان! خوش گژھتھ تہِ ووٚتھ تھود تہٕ یی!"50تٔمؠ ترٲوؠ پننؠ پلو أکِس اندس کنُ تٔم تجِن ووٚٹھ، تہٕ ووت یسوعؔ ہس نِش۔51یسوعؔن پرُوژھ تسَ، "ژٕ کیاہ چُھکھ یژھان یہِ بہٕ چانہِ باپتھ کرٕ تٔمؠ أنؠ ووٚن تسَ، "ووٗستاد، بہٕ چُھس یژھان دُبارِ گاشدار سپدن!"52یسوعؔن ووٚن تسَ، "ژٕ اُونتھ مےٚ پؠٹھ ایمان، مےٚ کوٚڑے ژےٚ شفأ! تمِس آو سٟتی گاش۔ تہٕ سُہ درٛاو یسوعسؔ پتہٕ پتہٕ۔
Bridge Connectivity Solutions Pvt. Ltd.