مرقُس7
1اکہ دوٚہہ آیہِ کینٛہہ فریسی تہٕ کینٛہہ کٲتب بیٚیہِ کژتام شخصس یِم یہُودؠ شریعت ہیٚچھِ ناوان ٲسؠ تہٕ یِم یروشلمہٕؔ پؠٹھٕ تِم گےَ یسوعؔ ہس أندؠ أندؠ جمع۔2تِمو فریسییو وُچھ زِ تٔمؠ سٕنٛدؠ شٲگرد ٲسؠ اکثر گۅڈٕ پننؠ اتھٕ چھلہٕ نَے کھیوان یتھٕ پٲٹھؠ تُہنٛد خاص رواج اوس۔3تِم فریسی تہٕ تِم سٲری باقی یہُودؠ ٲسؠ سختی سان پننؠن ریواجؠن مانان یِم تہنٛدیو جدو تِمن ہیٚچھِ نٲومٕتؠ ٲس۔ مثالے، تِم ٲس کھؠنس تۅتام اِنکار کران یۅتام نہٕ تِم گۅڈٕ پننؠ اتھٕ اکہ خاص رسمہٕ سان چھلہٕ ہن۔4خاص کرِ بازرس منٛز چیٖزن ہنٛزٕ خریداری کرنہٕ پتہٕ گرٕ واپس یتھ۔ تِم ٲسؠ سونچان زِ خدا گژھِ تِمن ژأکھی اگر نہٕ تِم تہِ کرن، تکیازِ کینٛہہ لوٗکھ یا چیٖز چھِ خدایس نامنظور تِمو ما آسہ یِمن کنُ اتھٕ لوٗگہٕ متھ یا تِمن چیٖزن یِم تِمو مٔلؠ ہٮ۪تھؠ۔5تمہِ دوٚہہ، تِمو فریسییؤو تہٕ شخصو یِمو یہُودؠ شریعت پروٕمُت اوس ووٚن زِ تہنٛدو شاگردو منٛزٕ کینٛہہ شٲگرد ٲسؠ چھلہٕ نَے اتھو سٟتؠ غذا کھیوان تِمو آسہ نہٕ یہودی خاص رسمس مطابق اتھٕ چھلہِ مٕتؠ۔ اوے کوٚر تِمو یسوعؔ ہس سوال، "چٲنؠ ژاٹھ چھِ سانن بزرگن ہنٛزن ریوایٔژن ہنٛز نافرمانی کران! تِمو کیازِ کھیٚو غذا اگر نہِ تِمو پننؠ اتھٕ سأنہِ رسمہٕ مطابق چٔھلؠ مِتؠ ٲسؠ!"6 یسوعؔہن ووٚن تِمن، "یسعیاہؔ ہن کٔر تُہنٛدن جدن بےوٲری، تہٕ تٔمؠ سنٛزٕ کتھٕ چھے توٚہہِ لوٗکن ہنٛزٕ وضاحت اصل پٲٹھؠ کران یِم ٲکھِتھ پٲٹھؠ رُت لاگان چھِ یانے ریاکار چھِ! تِمؠ لیچھ تِمہٕ کتھٕ یِمہٕ خداین ونہِ: یِم لوٗکھ چھِ کتھٕ کران زنہٕ تہِ مےٚ یزتھ کران مگر تِم چھِنہٕ پٔزٕؠ پٲٹھؠ مےٚ متعلق یزتھ کرنُک سونچان۔7 تہنٛزٕ مےٚ عبادت کرُنؠ چھِ بےکار، تکیازِ تِم چھِ صرف سۅ تالیٖم دِوان یہِ لوٗکھ ونان چھِ زنہٕ تہِ اوس مےٚ پانے تِمن حکم دیتمت،8توٚہؠ، چُھو پنہٕ نؠن جدنَ ہنٛدؠ پٲٹھؠ، تہِ کرنس اِنکار کران یہِ خداین حکم کوٚڑمُت چُھ۔ امہِ بدلہٕ، چُھو توٚہؠ صرف تِمنے ریوٚایٔژن پؠٹھ پکان یمن ہنٛزٕ باقےٕیو توٚہہ تألیٖم دژٕمژ چُھو۔"9بیٚہِ ووٚن تِمن یسوعؔن، "توٚہؠ چُھو سونچان زِ توٚہہ چُھو چالاکھ تتھ اِنکار کرنس منٛز یہِ کرِ نُک خداین حکم کوٚڑمُت چُھ صرف امہِ خٲطرٕ زِ توٚہؠ پٔکؠو پننؠن ریواجن پؠٹھ!10 مثالے، سأنؠ جدنَ موسیٰؔ ہن لیکھ خدایہ سٕنٛدِ حکم، "پنہٕ نس مألس ماجہِ کٔرو یَزتھ، تٔمؠ لیوکھ یِتہِ، "اختیار تھاون وٲلؠ گژھن تمِس نفرس قتل کرُنؠ یُس پنہٕ نس مألس یا ماجہِ بد رد ونہِ،11پوٚز توٚہؠ چُھو لوٗکن تعلیم دِوان زِ یہِ چُھ سورےٕ بلکل ٹھیک اگر لوٗکھ پننؠ چیٖز پننس مألس ماجہِ بدلہٕ خدایس قربان کرِن۔ توٚہؠ چُھو تِمن تہنٛدس مألس ماجہِ یہِ ونہٕ نُکھ تہِ اِجازتھ دِوان، "یہِ بہٕ توٚہہ دِوان اوسس، وۅنؠ چُھ مےٚ خدایس دِنُکھ وعدہ کوٚڑمُت۔ اوے ہیٚکہ نہٕ بہٕ توٚہؠ زیادٕ کألس مدد کٔرتھ!"12امیٚک مُدعا چُھ نیران، توٚہؠ چُھو لوٗکن اصلی ونان زِ تِمن چھِنہٕ پنہِ نس مألس ماجہِ زیادٕ کألس مددکٔرُن۔13یتھٕ پٲٹھؠ چُھو توٚہؠ خدایہ سُنٛد حکم رد کران! توٚہؠ چُھو پنہِ نیٚنےٕ چیٖزن ہنٛزٕ تعلیم باقین دِوان تہِ ونان چُھو زِ تِمن پٔزِ یمن ہنٛز فرمانبرداری کرٕنؠ۔ تہِ یتھٕ پٲٹھؠ چُھو توٚہؠ باقیو واریاہ چیٖز کران۔"14یسوعؔن دژٕ پتہ دُبأرٕ لوٗکن نزدیک ینچ دعوت۔ تمہِ پتہ ووٚننکھ، "توٚہؠ سٲری لوٗکھ بوٗزو میون! یہِ بہٕ توٚہؠ ونن وول چُھس تہِ کرو سمجنٕچ کوٗشش۔15کانہٛہ تہِ چیٖز چُھنہٕ یُس لوٗکھ کھیوان چھِ تہٕ خدایہ چُھ تتھ ناپاک تصور کرناوان۔ اتھ برعکس، یہِ کینژھا آدمس نِش انٛدرٕ نیران چُھ سُہ چھِ خدایہ ناپاک تصور کرناوان۔"16توٚہؠ منٛزٕ گژھِ ہرَ کانٛہہ احتیاط سان سونٛچن تتھ متعلق یہِ مےٚ ووٚن توٚہؠ بوٗزو۔17لوٗکہٕ ارساتہِ منٛزٕ نیرنہٕ پتہ ژاو یسوعؔ پننؠ شٲگرد ہٮ۪تھ أکِس گٔرس منٛز۔ تِمو پرُوژھ تمِس تمہِ مثالہِ ھنٛد مانے یوسہ تٔمؠ وۅنؠ وُنؠ مژٕ ٲس۔18تٔمؠ دِیُت تِمن جواب، "کیاہ توٚہؠ تہِ چُھوا ناسمجھ؟ کیاہ توٚہیہ تہِ چُھنا فِکرِ ترٛان زِ یہِ کینژھا نیٚبرٕ یتھ آدمس اندر دٲخل گژھان چُھ سُہ چُھنہٕ خدایہ اسہِ موٗکر تصور کرناوان۔19اوٕکنؠ زِ سُہ چُھنہٕ سٲنس دماغس منٛز دٲخل گژھان تہٕ اتھ خراب کران بٔلؠ کہ چُھ یٔڈ منٛز گژھان تہٕ نجاست بنتھ سانیٚو بدنو منٛز نیٚبر نیران" یہِ وننہٕ سٟتؠ اوس یسوعؔ اعلان کران زِ سٲری کھؠنہٕ چیٖز چھِ شوٗژ گنزرنؠ۔20تٔمؠ ووٚن یتہِ، "یِم چھِ خیالات تہٕ عملہٕ یمہِ انسانس انَدرؠ کِنؠ نیٚبر نیران چھِ سُے چُھ خدایہ موٗکر تصور کرناوان۔21خاص طورِ پٲٹھؠ، یہِ چھُ أکِس انسانہٕ سُنٛد اندرون یتہِ پؠٹھٕ تِم گندٕ چیٖز ۅتلان چھِ؛ تِم چھِ حرام کامہ کران، ژوٗر کران، قتل کران۔22تِم چھِ زنا کأری کران، تِم چھِ لالچی آسان، تِم چُھ عداوت تھاوان، تِم چھِ لوٗکن دٔغا کران۔ تِم چھِ بے شرم آسان، تِمن چُھ لوٗکن ہُنٛد حسد یوان، تِم چھِ بیین ہنٛزٕ بدنامی کران، تِمن چُھ گٔمنڈ آسان، تِمن منٛز چھِ بےہودگی آسان۔23لوٗکھ چھِ سونچان یم چھِ خیال، تہٕ پتہ چھِ تِم یمہٕ بُرٕ کٲمہ کران، اوٕ کِنؠ چھُ خدا انسانن پانس ناپاک زانان"24أمہِ پتہٕ ییٚلہِ یسوعؔ پنٕنؠ شٲگرد ہٮ۪تھ گلیلِ ترٲوِتھ گےَ صور تہِ صیدا شہرِ کؠن انٛدؠ پٔکؠ علاقس منٛز۔ أکِس گرس منٛز دأخل گژھتھ اوس نہٕ یژھان زِ تسَ گژھِ کانٛہہ زاننُ پوٚز سُہ ہیوٗک نہٕ لوٗکن نِش تتہِ پوشیدٕ روٗزتھ۔25اکھ خاص زنان آیہِ یسوعسؔ نِش تس متعلق خبر بوزِتھ یکدم تہٕ تسَ پیہِ کھوٗرن تل، تکیازِ تمہِ سنٛزٕ کورِ اوس ناپاکھ روح پریکس ژامت۔26چونکہِ یہِ زنانہٕ ٲس نہٕ اکھ یہُودؠ۔ تٔمؠ سنٛدؠ جد ٲسؠ نہٕ یہُودؠ۔ سۅ ٲس پأنہٕ ضلع سیرِیا فِینیکی علاقس منٛز زآمژ گیمژٕ۔ تمہِ کوٚر یسوعؔ ہس زارٕ پارٕ زِ میٛانہِ کورِ منٛزٕ کڈ تہٕ بد روح نیٚبر۔27تٔمؠ ون تمِس زنانہِ، "گوڈٕ گژھِ شُرؠن تیوٗت کھؠن دِیون یوٗتاہ تِم یژھان آسن، تکیازِ یہِ چُھنہٕ کانٛسہِ ہنٛدؠ خٲطرٕ جان زِ سُہ نیہ سُہ غذأ یُس ماجہِ کوٚر پننؠن شُرؠن ہنٛدِ خٲطرٕ تیار تہٕ پتہ ترٛاوو ہوٗنہِ بچن۔"28تٔمؠ دِیُت تمِس جواب، "جناب، یہِ توٚہہِ ونُو تہِ چھُ پوٚز، مگر یتھٕ کٔنؠ چھِ گرِ ہوٗنؠ تہِ یِم میزس تل بہتھ شُرؠن ھنٚدؠ ژھٹٕۂ پھٔلؠ کھیوان چھِ۔"29یسوعؔن ووٚن تمِس، "چأنؠ امہِ وننہ کنِؠ گژھِ گرٕ۔ چانہِ کورِ کوٚڑ مےٚ بدروح نیٚبر۔"30سۅ زنانہ وٲژ گرٕ پُنن واپس تمہِ وُچھ تس سنٛز کوٚر ٲس بسترس پٮ۪ٹھ ژھوپہٕ کٔرتھ بہتھ تہٕ بدروح اوسس درٛامت۔31یسوعؔن تہٕ تسَنٛدیو شاگردو تروو سُہ صورک أندؠ پکھ علاقہٕ تہٕ گےَ شُمالس کِنؠ صیدا منٛزِ، پتہٕ مشرقہِ کِنؠ دِکپُلِس کس علاقہٕ منٛزِ، تہٕ پتہ جنوبہٕ طرفہِ تِمن شہرن کن یم گلیل سمندرس نکھٕ ٲسؠ۔32تتہِ، اوٚن لوٗکو اکھ زوٗر تہِ کوٗل نفر تمِس نِشہ۔ تِمو کوٚر یسوعؔ ہس زارٕ پارٕ تمِس نفرس اتھٕ ڈالہِ باپتھ تاکہِ تمِس سپدِ شفأ۔33یسوعؔن نیٚو سُہ تمہِ لوٗکن ہنٛزِ بِٹھِ منٛز الگ دوٗر تاکہِ تِم زٕ روٗزن تنٕہا۔ پتہ ترٛاوین پنٗنہِ اوٚنگجہِ تمِس نفرس کنَن منٛز۔ پننؠن انٛگجِین تھوٗکھ متھنہٕ پتہٕ، مٔژھنس زیوِ پنہٕ نیٚو انٛگجِیو سٟتؠ۔34پتہ کٔر تمٔؠ آسمانس کنُ نظراہ، ترٛوونُ ووٚش تہٕ پتہ ووٚنُن تمِس نفرس کنن منٛز تہنٛزِ زبانہِ منٛز "اِفتاحؔ" امیٚک مطلب گوٗو "مُژرنہٕ یہِ!"35یکدم گےَ تمِس نفرس کنَ یلہِ۔ تمِس آیہ زبان مُژراونہ، یمؠ سُہ کوٗل کوٚڑمُت اوس تتھ سپدس شفأ۔36یسوعؔن ووٚن تِمن لوٗکن زِ یہِ ونن نہٕ کأنسہِ یہِ تٔم کوٚڑمُت اوس۔ پوٚز، یوٗتاہ سُہ تِمن بانٛد بانٛد کران اوس تیوٗتاہ ٲسؠ ژر پارے سپدان۔37یِمو لوٗکو اتھ متعلق بوز تِم گےَ سراسر حٲران تہٕ ٲسؠ ونان، "ہرَ کینٛہہ یہِ تٔمؠ کوٚر چُھ حٲران کران وول! باقیو حٲرت انٛگیز چیٖز کرنہٕ علاوٕ، تٔمؠ دِیُت زرؠن بوٗزنُک طاقت! تہٕ کلؠن کتھٕ کرنُک طاقت!"
Bridge Connectivity Solutions Pvt. Ltd.