مرقُس6
1یسوعؔ درٛاؤ کفرنحوم شہرِ منٛزٕ تہٕ گوٚو پنن آبٲئی وطن، ناصرت۔ تٔمؠ سنٛدؠ شٲگرد تہِ گےَ تمِس سٟتؠ۔2یہُودؠ آرامکہ دوٚہہ سبت، سُہ ژاو یہُودؠ عبادت خانس منٛز تہٕ دِژن لوٗکن تألیٖم۔ بوزن والیٚن منٛز گےَ واریاہ حٲران۔ تِمن گوٚو تعجب أمِس کتہِ گییہ سٲرؠ داناییٔ تہٕ سُہ طاقت حاصل یمہِ سٟتؠ یہِ معجزٕ کران چُھ۔3تِمو ووٚن، "یہِ چُھ محض اکھ معمولی چھان! ٲسؠ زانٕہوٗن یہِ تہٕ امہِ سُنٛد خاندان! ٲسؠ زانٕہوٗن امہِ سنٛزٕ موج مریمؔ! ٲسؠ زانہوٗک امہِ سُنٛد لوٚکٕٹؠ بٲے یعقوبؔ، یوسیسؔ، یہُوداؔ تہٕ شمعونؔ! تہٕ امہِ سنٛز لوکچہِ بیٚنہِ چھےٚ ییٚتہِ ٲسؠ سٟتؠ روزان!" توۓ ووت تِمن امہ سنٛزٕ تألیٖمہِ سٟتؠ تکلیف۔4یسوعؔن ووٚن تِمن، "یہِ چُھ یقیناً پوٚز زِ باقیو جاؠن چھِ لوٗکھ نبین یزتھ کران، مگر پننس آبٲئی شہرس منٛز نہٕ! حتاکہ تُہنٛدؠ رشتہ دار تہٕ بیٚہِ تِم لوٗکھ یِم تہنٛدؠن گرَن منٛز روزان چھِ، چھِ نہٕ تِمن یزتھ کران!"5اتہِ کٔرؠ نہٕ یسوعنؔ زیادٕ معجزٕ تکیازِ اگرچہ تٔمؠ اتہِ کینٛہہ بیمار لوٗکھ اتھٕ ڈألنہٕ سٟتؠ ٹھیک کٔرؠ، تٔم ہیٚوک نہٕ اتہِ کانٛہہ معجزٕ ہاؤتھ۔6 تمِس گوٚو تعجُب زِ سؠٹھاہ کم لوٗکو کوٚر تمِس پٮ۪ٹھ یقین، مگر سُہ روٗد تہنٛدؠن گامن منٛز گژھان تہٕ تِمن تعلیم دِوان۔7یسوعؔن انؠ ناد دِتھ اکہ دوٚہہ تِم باہہوے شٲگرد۔ تٔم ووٚن تِمن زِ سُہ اوس تِمن زٕ زٕ کٔرتھ جوڑؠن منٛز نیٚبرِمیٚن واریہن شہرن منٛز تعلیم دِنہٕ خٲطرٕ سوٗزن وول۔ تٔم دِیُت تِمن لوٗکن منٛز بد روح نیٚبر کڈنک تہٕ اختیار یِم تِمو رٕٹؠ متؠ ٲسؠ۔8تمؠ دِیت یمن حکم زِ ییٚلہِ تِم سفر کران آسن تِم لاگٔن سادٕ نالانؠِ تہٕ تھاون پانس سٟتؠ اکھ لور۔ تٔم ووٚن تِمن زِ سفرس دوران تُلؠ زؠو نہٕ کانٛہہ اکھ ٹھیلہٕ یتھ منٛز چیٖز یوان تھاؤنہٕ یا کانٛہہ پونٛسہٕ۔ تٔم دِیُت نہٕ تِمن اکھ کُرتہٕ تہِ پانس سٟتؠ تھاؤنکھ اجازت۔10تٔم کوٚر تِمن یہِ ہدایت تہٕ، "اگر کانٛہہ شخص توٚہہِ پننِس گرس منٛز روزنچ دعوت دییہِ، تتہِ روزِ زیٚو تۅتام یۅتام توٚہؠ تمہِ قصبہٕ منٛزٕ نیریٚو۔11یتہِ تہِ لوٗکھ توٚہیہ خوش آوے کرنو نہٕ تہٕ یتہِ لوٗکھ تُہنٛد بوزن نہٕ، تتہِ نیرؠ زیٚو پنہٕ نؠن کھۅرن ہنٛزٕ گرد تاں دٕنؠ زؠۅ تٔتی۔ تہِ کرَنہٕ سٟتؠ رو زؠۅ توٚہؠ گوٲہ زِ تِمو نہٕ کوروٕ توٚہیہ خوش آوے نہٕ بوٗزکھ تُہنٛد پٲغام۔"12تمہِ پتہٕ گییہِ تِم شٲگرد تیُتھٕ پٲٹھؠ واریہن شہرن منٛز، تِم ٲسؠ تمہِ انٛدازٕ تبلیغ کران لوٗکھ ما کرنَ توبہٕ پنَنو گناہن نِشہ۔13تِم ٲسؠ لوٗکن منٛز بد روح نیٚبر کڈان، تِم ٲسؠ واریاہ بیٚمار لوٗکن زیتون تیٖل ملان تہٕ تِمن ٹھیک کران۔14وُنؠ بوز بادشاہ ہیرودیسؔن یسوعؔ ہس متعلق سُہ کیاہ اوس کران، تکیازِ واریاہ لوٗکھ ٲس تمِس متعلق کتھٕ کران۔ کینٛہہ لوٗکھ ٲس یسوعؔ ہس متعلق ونان، "یہِ گژھِ یوحناؔ بپتسمہ دِنہٕ وول آسن! یہِ چُھ مودؠ مٕتیٚو منٛزٕ زندٕ گوٗمت! توے چُھ أمِس منٛز یِم معجزٕ ہاؤنکھ طاقتھ!"15باقیو ٲس یسوعؔ ہس متعلق ونان، "یہِ چُھ پتھ کالک نبی ایلیاہؔ، یمِس خداین دُبارِ واپس انَنہٕ نُک وعدہ اوس کوٚرمُت۔ "باقیو ٲس یسوعؔ ہس متعلق ونان، "نہٕ یہِ چُھ اکھ مختلف نبی، پرانیٚن نبین ہیوٗ اکھ نبی۔"16تِم لوٗکھ کیاہ ٲس ونان، بادشاہ ہیرودیسنؔ ووٚن پٲنؠ پانس بوٗزنہٕ پتہٕ، "سُہ شخص یُس یتھٕؠ معجزٕ ہاوان چُھ گژھِ آسن یوحناؔ؛ سُہ بپتسمہ دنہِ وول! یمِس مےٚ پنہٕ نؠن سپہن کلہٕ ژٹہٕ نُک حکم دِژاوٕ، مگر یہِ چُھ بیٚہِ زندٕ!"17اصلی اوس ہیرودیسؔ بادشاہن یوحناؔ رَٹہٕ نوومُت تہٕ قٲد خانسَ منٛز ترٛوومُت یمیٚک وجہ یہِ اوس ہیروؔدیسن اوس پننہِ بایٔؠ کاکنہِ فلپسؔ سنٛزِ زنانہِ ہیرودیاسسؔ سٟتؠ خانٛدر کوٚرمُت۔18 ہیرودیسن تھوو یوحناؔ جیٚلس منٛز تکیازِ سُہ اوس ہیرودؔیسس ونان، "خدایہ سُنٛد قانون چُھے نہِ ژیہ اجازت دِوان پننِس بٲے سنٛزٕ زنانہِ سٟتؠ خاندر کٔرنَ۔"19مگر ہیرودیسؔ آس یژھان یوحناؔ ہس امہِ کھوٗتہ تہِ بدلہٕ ہوٗن، تمہِ ہیژاو سُہ کٲنٛسہِ اتھِ قتل کرناون۔ مگر تمہِ ہیوٗکھ تہِ کرتھ، تکیازِ ییٚلہِ یوحناؔ جیٚلس منٛز اوس، ہیرودؔیسن اوس یوحناؔ أمِس نِشہ بچٲوِتھ تھوومت۔20ہیروؔدیسن اوس یہِ امہِ سببہٕ کوٚڑمُت تکیازِ سُہ اوس یوحناہسؔ یزّتھ کران، تکیازِ تمِس ٲس پتاہ زِ سُہ اوس پٔزؠ یور شخص یمؠ پنُن پان خدایہِ سنٛدِ خٲطرٕ وقف کوٚڑمُت چُھ۔ ییٚلہِ تہِ زانٛہہ ہیرودیسؔ یوحناؔ سنٛزٕ کتھٕ بوزان اوس، ہیرودیسؔ اوس سخ پریشان گژھان، مگر یوحناؔ سنٛزٕ کتھٕ بوٗزنؠ اوس پسند کران۔21ہیرودیسسؔ آو یوحناؔ مارنُک موقعہ تمہِ دوٚہہ ییٚلہِ تمہِ ہیرودیسس تہنٛدس زا دوٚہس پٮ۪ٹھ تمِس یزتھ بخشان ٲس۔ تٔمؠ ٲسؠ سیٹھاہ اہم سرکأری افسرن، سردارن تہٕ گلیل ضلع کؠن سیٹھاہ اہم لوٗکن سال کوٚڑمُت تہٕ یہِ دوٚہہ یمن سٟتؠ مناونہٕ خٲطرٕ دعوت دژٕمژٕ۔22ییٚلہِ تِم ضیافت کھیوان ٲسؠ، ہیرودیاسنؔ کوٚر آیہِ کمرس اندر تہٕ نٔژ بادشاہ تہٕ تسنٛدین پژھین خٲطرٕ۔ تمہِ کرِ بادشاہ ہیرودیسؔ تہِ تمسنٛدؠ پٔژھ تیتؠ خوش زِ بادشاہن ووٚن تمِس کورِ، "منٛگ مےٚ یہِ ژٕ یژھک، تہٕ بہٕ دِمے ژےٚ!"23تٔمؠ دِیت أمِس وعدہ، "یہِ ژٕ منٛگکھ بہٕ دِمے ژٕ! بہٕ دِمے ژٕ پننؠ سلطنتک نیصف حصہ تہِ ہرگاہ ژٕ یژھکھ۔"24امے پتہٕ، گییہِ سۅ کوٚر پننہِ ماجہ نِش، وونن تمِس یہِ ہیرودیسنؔ تمِس وونمت اوس۔ تمہِ ووٚن پننہِ ماجہ، "بہٕ کیاہ منٛگس "ماجہ ووٚنس جوابس مَنٛز، "بادشاہس منٛگ مےٚ دِییہ یوحناؔ بپتسمہ دِنہٕ وٲلؠ سُنٛد کلہٕ!"25ٲتی گےَ سۅ کوٚر ؤلؠ ؤلؠ تتھ کمرس منٛز واپس تہٕ سیٚودے گےَ بادشاہس نِش پٔنن عرض ہٮ۪تھ۔ تمہِ ووٚن، "بہٕ چھس یژھان ژٕ دِکھ کانٛسہ حکم یوحناؔ بپتسمہ دِنہٕ وٲلؠ سُنٛد کلہٕ ژٹٕہ نُک تہٕ ان سُہ أکِس تھألس منٛز وُنؠ مےٚ نِش!"26بادشاہس گوٚو یہِ بوزِتھ سیٹھاہ افسوس زِ تمہِ کیاہ منٛگ تکیازِ سُہ اوس زانان یوحناؔ اوس اکھ پزٕ یور شخص۔ مگر سُہ ہیٚکہ ہے نہٕ اِنکار کرتھ یہِ تمہِ عرض کوٚڑمُت اوس، تکیازِ أمؠ اوس تمِس وعدہ دِیتمُت زِ سُہ دِیہ تمِس کینٛہہ تہِ یہِ سۅ منٛگہ، تہٕ ٲسندیو پژھو تہِ اوس یہِ وعدہ بوزمُت۔27امی ساتہٕ کوٚر بادشاہن کسَ تام حکم "گژھِ تہٕ ژٹھ یوحناؔ ہس کلہٕ تہٕ دِیہ أمِس کورِ" پتہ گوٚو سُہ نفر جیلس منٛز تہٕ ژوٗٹن یوحناؔ ہس کلہٕ۔28تٔم تھوو یہِ أکِس تھالس منٛز اُونن واپس، تہِ دِتُن تمِس کورِ۔ تمہِ کورِ نیٚو یہِ کلہٕ ماجہِ نِش۔29ییٚلہِ یوحناؔ سنٛدیو شاگردو بوز کیاہ واقع سُپد، تِم یوحنا سٕنٛدؠ شٲگرد گےَ جیٚلس منٛز تہٕ تُجکھ لاش؛ تہٕ دفنٲوٕکھ۔30یسوعؔن یِم زٔنؠ پٔننؠ نمایندگی کرٕنہٕ باپتھ ژٲرِمتؠ ٲسؠ آیہِ واپس تِمو جأیؠو پٮ۪ٹھ یوٚت تِم سوٗزنہٕ آمُت ٲسؠ۔ تِمو بوزنوو سُہ روداد یہِ تِمو کوٚڑمُت اوس تہٕ یمچ تِمو لوٗکن تعلیم دِژمژ ٲس۔31تٔمؠ ووٚن تِمن، "ؤلِو مےٚ سٟتؠ تتھ جایہ یتہِ نہٕ کانٛہہ آسہ روزان، تاکہِ أسؠ روزو تنہا تہٕ کرو اکھ رژھا آرام۔ "تٔمؠ ووٚن یہِ امہِ سببہ تکیازِ واریاہ لوٗکھ ٲسؠ لگاتار یمن نشہٕ یوان تہٕ گژھان، امیُک نتیجہِ دراو یہِ زِ یسوعؔ ہس تہٕ اہنٛدین ژاٹن اوس نہٕ وقت کھیٚنس تہِ چیٚنس یا بیٚیہِ کینٛہہ کرنس۔32توے کھٔتؠ تم پانے أکِس ناوِ، وٲتؠ أکِس جایہِ یتہِ نہِ کانٛہہ انسان روزان اوس۔33پوٚز واریہو لوٗکو وُچھ تِم نیران۔ تِمو پرزٕنٲوؠ تہِ زِ تِم ٲس یسوعؔ تہٕ تمہِ سنٛدِ ژاٹھ، تہٕ تِمو وُچھ تِم کوٚت ٲس گژھان۔ لہٰذا تِم لارییٚہ خوشک وتو تِمو تمام نزدیکی شہرو پٮ۪ٹھٕ یوٚت یسوعؔ تہٕ تمہِ سنٛدِ ژاٹھ گژھان ٲسؠ۔ تِم وٲتؠ حقیقتن یسوعؔ ہس تہٕ تہنٛدؠن شٲگردن برونٛہہ تتھ جایہِ۔34 یتھے یسوعؔ تہٕ تمہِ سنٛدؠ ژاٹھ ناوٕ منٛز بوٹھ کھٔتؠ، یسوعؔن وُچھ یہِ لوٗکن ہنٛز بٹھ۔ تمِس آو یِمن پٮ۪ٹھ عار تکیازِ تِم ٲسؠ پریشان، تِم ٲسؠ تِمن تیٖرؠن ہنٛدؠ پٲٹھؠ یِمن نہِ کانٛہہ پوُہوٗل آسہ۔ توے ہیچھٕ ناونؠ تِم واریاہ چیز۔35دوپہر ژیرِ آیہِ تمسنٛدؠ ژاٹھ تمِس نِش تہِ ووٚن ہس، "یہِ چھِے سۅ جایہ یتہِ نہِ کانٛہہ روزان چُھ، تہٕ وُنؠ گوٚو سیٹھاہ ژیر۔36لہٰذا سوٗزکھ یِم لوٗکھ انٛدؠ پٔکؠ قصبن تہٕ گامن تاکہِ تِم ہیکن کینٛہہ غذا پانس کیت مٔلؠ ہؠتھ!"37مگر أمؠ دِتُکھ جواب، "نہِ، توٚہؠ دِیو پانے یِمن کینٛہہ کھؠنہٕ خٲطرٕ!" تِمو دیت تمِس جواب، "أسؠ ہیکوٗے نہٕ تیٖژ ژوٗٹ مٔلؠ ہٮ۪تھ یسَ یِمن لوٗکن دِموٗ، اگرچہ اسہِ آسہ ہے تیوت رقم یتھ اکھ نفر دوٗن ہتھن دوہن کٲم کٔرنہٕ سٟتؠ زینؠ ہے!"38مگر أمؠ دیت یِمن جواب، "تۅہہِ کٟتؠ ژوٗچہ ؤرؠ چُھو؟ گژھو تہٕ أنِو!" تِم گےَ تہِ وُچھکھ تہٕ پتہ ونُکھ أمِس، "اسہِ چھِ صرف پانٛژھ ژۅچہِ تہٕ زٕ بُزتھ گاڈٕ!"39تٔمؠ دِیت تِمن شٲگردن ہدایت ونیٚو تمام لوٗکن سبز گاسس پؠٹھ بہینہٕ باپتھ۔40لہٰذا بیٹھؠ تِم لوٗکھ ٹۅگجن منٛز۔ کنہِ ٹۅگجہِ منٛز ٲسؠ ہتھ لوٗکھ تہِ پنٛژاہ ٲسؠ باقیو ٹۅگجن منٛز۔41یسوعؔن نیہ تِمہٕ پانٛژھ ژۅچہِ ؤرؠ تہِ زٕ گاڈٕ۔ تٔمؠ کٔر آسمانس کنُ نظر تہِ کوٚرن یِمن پؠٹھ خدایہِ سُنٛد شُکر ادا۔ پتہ کٔر تٔمؠ تِمن ژۅچن ٹکرٕ تہِ گاڈن کھنٛجہِ تہِ روٗد تِمن ژاٹن دِوان تاکہِ تِم کٔرن تِمن لوٗکن منٛز تقسیم۔42ہرَ کانٛسہِ کھیٚو یڈ بٔرِتھ یہِ غذا۔43تِمو شاگردو کوٚر پتہ ہورمُتھ ژۅچہِ تہِ گاڈٕ جمع تِمہٕ درایہِ بوٗکہٕ باہ پجہِ۔44 یِمو لوٗکو یمہٕ ژۅچہِ تہٕ گاڈٕ کھییٚہِ تِم ٲسؠ پانٛژھ ساس مرد۔ ہتاکہ تِمو گنٛزرٲوؠ نہٕ زنانہٕ تہٕ شُرؠ۔45یسوعؔن دِیُت پننؠن شٲگردن حکم زِ فورن وسیٚو ناوِ منٛز تہٕ گژھو برونٛہہ کنُ اکِس قصبس کُن یتھ ناو چُھ بیت صیدا، یُس تتھ گلیل کس سمندرس أندؠ پٔکؠ اوس۔ سُہ ٹھہروو تہِ دیتن تِمن واریہن لوٗکن رخصت یِم تتہِ ٲس۔46تِمن لوٗکن رخصت دِنہٕ پتہ، سُہ کھوٚت تتھ بالس ہؠوٗر دُعا کٔرنہٕ خٲطرٕ۔47ییٚلہِ شام ووت، تہنٛدؠن شٲگردن ہنٛز ناو ٲس تتھ سٕدرس منٛزس، تہٕ یسوعؔ اوس پانہٕ زمینہِ پٮ۪ٹھ۔48تٔمؠ وُچھ زِ واو اوس ناو پکناوان والین مخالف۔ اوٕ کِنؠ ٲسؠ تِمن مشکلات پیش یوان۔ سُہ ووت تِمن نِش صبحس سُلے، ییٚلہِ وُنؠ گٹہٕ زولے اوس، آبس پؠٹھؠ پکان پکان۔ سُہ اوس یژھان یِمن کنِؠ پکن۔49تِمو وُچھ سُہ آبس پؠٹھؠ پکان، مگر تِمو سونچ زِ یہِ چُھ بد روح۔ تِمو دِژٕ کریکہٕ۔50تکیازِ تِم کھوژٕ ییٚلہِ تِمو سُہ وُچھ۔ مگر تٔمؠ کٔر تِمن سٟتؠ کتھ۔ تٔمؠ ووٚن تِمن، "ژھۅپہٕ کروُ! مٕہ کھوٗژو، تکیازِ یہِ چُھس بہٕ!"51سُہ ووٚتھ ناوِ منٛز تہٕ بؠوٹھ تِمن سٟتؠ تہٕ واو وڑون گوٚو بنٛد۔ تِم گےَ مکمل حٲران تتھ متعلق یہِ تٔمؠ کوٚڑمُت اوس۔52ہرگاہ تِمو اوس یسوعؔ ژوچن تہٕ گاڈن ہُرؠر کران وُچھمُت، تِمو اوس نہِ امیٚک مطلب فِکرِ توٚرمُت، یتھٕ پٲٹھؠ تِمن پٔزِہے۔53تِم گےَ گلیلکس سمندرس انٛدؠ پٔکؠ ناوِ منٛز برونٛہہ، تِم آیہِ بٔٹھس گنیسرتؔ شہرس نِشہ۔ تِمو لاجؠ اتؠ بٹھس ناو۔54یتھے تِم ناوِ منٛزٕ کٔھتؠ، لوٗکو پرزٕنوو یسوعؔ۔55لہٰذا تِم گےَ دوران سٲرسےٕ شہرس منٛز زِ باقین ونہٕ ہن زِ یسوعؔ اوس تتہِ۔ پتہ تلُؠ لوٗکو بیمار ڈٲنجن پٮ۪ٹھ تہٕ پکٕناوِکھ تتھ جگہس یتؠن لوٗکو تِمن ووٚنمُت اوس زِ یسوعؔ چُھ۔56یتھ تہِ گامس، شہرس، یا کُنہِ جگہس یسوعؔ گژھان اوس لوٗکھ ٲسؠ بازرس منٛز بیمارن انَان۔ تہٕ تِم بٮ۪مار رودؠ زارٕ پار کران یسوعسؔ زارٕپارٕ کران زِ تِمن دِین پنہٕ نؠن پلون اتھٕ لاگنہٕ تاکہِ یسوعؔ بلٕراوٕ تِمن۔ یِم تہِ اتھٕ تمِس یا تہنٛدؠن پلون اتھٕ لاگان ٲسؠ تِمن سارنےٕ اوس شفأ سپدان۔
Bridge Connectivity Solutions Pvt. Ltd.