مرقُس3
1یسوعؔ ژاو دویمِس دوٚہس پؠٹھ یہُودؠ سبتکہِ دوٚہہ پتہٕ بیٚیہِ یہُودؠ عبادت خانس منٛز تتہِ اوس اکھ شخص یمِس اتھٕ ہوٚکھمُت اوس۔2کینٛہہ فیریسی فرقککھ لوٗکھ ٲس زاگہِ روٗزتھِ وُچھان، اگر أمؠ سَبتٕکہِ دوٚہہ أمِس ٹھیک کوٚر تہٕ یِمن ییہِ ہے وار ٲمِس راہ کھالنسَ۔3یسوعؔن ووٚن أمِس اتھٕ رٔنِس، "ووٚتھ تھوٚد تہٕ گژَھ سارِنےٕ منٛز باگ اِستادٕ۔ "سُہ شخص ووٚتھ تھوٚد۔4پتہٕ ووٚن یسوعؔن لوٗکن، "کیاہ سُہ شریعت یُس خداین موسیٰؔ ہسَ عطا کوٚر، چھِ اجازت لوٗکن دِوان زٕ سبت کہِ دوٚہہ گژھؠ نیکی یا بدی کرنؠ؟ کیاہ سبتکہِ دوٚہہ کأنٛسہِ ہنٛزٕ زندگی بچاوٕنؠ، یاہ کانٛہہ مارُن، یا کأنٛسہِ شخصس مدد نہٕ کرُن زِ سُہ مَرِؠن؟" تتہِ گےَ سٲری کٔلؠ۔5یسَوعؔ ہن ترٲو شٮرارتہٕ ہوٚت اوکُن یوکُن نظر، لوٗکن ہنٛزٕ سنٛگدِلی وُچِھتھ گوٚو مایوٗس تہٕ ووٚنُن أمِس شخصس، "پُنن اتھٕ زیٹھٕ راو۔ تٔمؠ کوٚڈ اتھٕ نٮ۪برَ تہٕ امؠ سُنٛد اتھٕ گو ٹھیک۔6اوٕ پتہٕ دراے فریسی ہیکلہٕ منٛزٕ نٮ۪بر۔ تہٕ ؤلؠ ؤلؠ سمکھیٚو تِمن کٮ۪نژن یہودٮ۪ن یِم ہیرودیسؔننؠ مدد کرن والیٚن لوٗکن سٟتؠ ٲس ہیرودیسی ٲس گلیلکس اتھ علاقس پٮ۪ٹھ حکومت کران۔ تِمن کوٚر یسوعؔ ہلاک کُرنک مشورٕ۔7یسوعؔن تہٕ أمؠ سنٛدیو چہلو تروٚو ییہِ شہر تہِ تِم درٛایہِ پتہٕ گلیل کِس سمندر سٟتؠ تتھ دوٗر أکِس علاقس کنُ۔ لوٗکن ہُنٛد اکھ بوٚڈ گرٛوٚو دراو أمِس پتہٕ پتہٕ۔ گلیل تہٕ یہُودیہ علاقو پؠٹھٕ آمُت لوٗکھ ٲس تمِس پتہٕ پتہٕ پکان۔8شہرٕ یروشلم، علاقہٕ عدومیہؔ، دریایہِ یردنکہِ مشرقی علاقہٕ تہٕ صور تہٕ صیدا شہرکٮیٚو انٛدؠ پکھؠ علاقو پٮ۪ٹھٕ آو لوٗکھ۔ تِم آیہِ یسوعؔ نِش تکیازِ تِمو اوس بوزمُت سُہ کیاہ کامہ اوس کران۔9تمؠ ٲسؠ واریاہ لوٗکھ بٔلرٲیمٕتؠ اوے ٲسؠ واریاہ بؠمار لوٗکھ أمِس اتھٕ لاگنہٕ باپتھ اکھ أکس دہکہٕ دِیت برونٛہہ کُن یوان۔ تِمن اوس یقین زِ ہرگاہ تِمو صرف اتھٕ لوٗگ تِم سپدن صحت یاب۔ لہٰذا ووٚن تمؠ پننؠن شٲگردن زِ تِمن پزِ تمؠ سٕنٛدِ خٲطرٕ أکس ناوِ ہنٛد انتظام کرُن یتھ نہٕ لوٗکھ تمس لاتہٕ موٗنڈ کرن ییٚلہِ تِم دہکہٕ دِیت تمس اتھٕ لاگنہٕ باپتھ برونٛہہ کُن یوان۔10تکیازِ تِمؠ ٲس واریاہ لوٗکھ صحت یاب کرٕمتؠ، رنگہٕ رنگہٕ بٮ۪مار لوٗکھ ٲسؠ اِکس اِکھ دکہ دتھِ أمِس اتھٕ لاگنچ کوٗشِش کران، تِمن اوس یقین زِ اِمہِ سٟتؠ گژھن تِم ٹھیک۔ توے ووٚن یسوعؔن پنہٕ نیٚن چہلن، میانہِ خأطرٕ کٔریو لۅکچہ ناوِ ہُنٛد بنُدوبسَ خبر بہٕ ما گژھٕ لتہٕ مۅنٛجہ ییٚلہِ تِم مےٚ برونٛٹھ کنُ اتھٕ لاگنہٕ باپتھ دکہٕ دکہٕ کٔرتھ ین۔11ییٚلہِ تہِ زانٛہہ بد روح تہٕ ٲسؠ یسوعؔ ہس وُچھان تِم ٲسؠ أمِس برونٛٹھٕ کِنہٕ ؤسؠ پیوان تہٕ آسکھ کریٚکہٕ نیرتھ ژلان، ٲس ونان، "ژٕ چُھکھ خدایہِ سُنٛد گۅبُر۔"12یسوعؔ اوس تِمن بد روحن تنٛبیہہ کٔرتھ ونن لوٗکن مٕہ ونوِ۔13تھؠ وقتس دوران گو یسوعؔ بالس پؠٹھ دُعا منٛگنہِ تہٕ دِتنُ تِمنَ ناد یِم أمِس یژھان ٲسؠ تہٕ تِم وٲتؠ أمِس نِش۔ تہٕ پٔکس پتہٕ پتہٕ۔14أمؠ کٔرؠ باہ نفر مقرر یم أمِس سٟتؠ سفر کرہن، تہٕ یِمن سُہ تبلیغ کرنہٕ خٲطرٕ اورٕ یورٕ سوزِ ہے۔ تٔمؠ کوٚر تِمن پنٕنؠ خصوصی نمایندٕ ناو۔15بیہِ دِتنکھ طاقت یمہِ کِنؠ تِمن لوٗکن منٛز بد روح نیٚبر کڈٕنک اختیار اوس۔16یسوعؔن کٔرؠ یِم باہ نفر مقرر۔ شمعونسؔ کورٚن نو ناوٗ، پطرسؔ۔17پُطرسؔس سٟتؠ سٟتؠ کوٚر یسوعؔن تہِ زبیدیؔ سُنٛد نیٚچو یعقوبؔ، تہٕ یعقوبؔنُ بوے یوحناؔ تہِ مقرر۔ تِمن دوشونی دِتِن نٔوؠ ناو، "گگرایہِ ہیٚو شخص" تِہنٛدِ وُہہ وُنہِ جوشہِ کِنؠ؛18تہٕ أمؠ کٔرؠ اندریاسؔ، فلپسؔ، برتلمایی، متیؔ، تُوماؔ، حلفیؔ یُس یعقوبنؔ نیٚچو اوس، بیٚیہِ کٔرینؠ تدیؔ تہٕ شمعونؔ قنانیؔ مقرر۔19تہٕ یہُوداؔ اِسکریوتی یمؠ زَن یسوعؔ پتہٕ گرفتار کرَنُوو۔20یسوعؔ تہٕ أمؠ سنٛدؠ شٲگرد گےَ اِکس گرس منٛز۔ تتہِ گےَ آنٛتھٕ روٚس لوٗکھ جمع۔ تِمو ہیٚچ نہٕ ژوٚٹ تہِ کھیٚتھ۔21ییٚلہِ تہنٛدیٚو گرِ کیٚو بوز، تِم درٛایہِ أمِس پانس سٟتؠ اننہٕ خٲطرٕ، تکیازِ کینٛہہ لوٗکھ ٲسؠ ونان سُہ چُھ دیوانہٕ۔22کینٛہہ یہُودؠ شریعتکؠٕ عٲلِم ٲسؠ یروشلمہٕؔ پٮ۪ٹھٕ آمٕتؠ۔ تِمو اوس بوزمت زِ یسوعؔ چُھ بد روح لوٗکو منٛزٕ نیٚبر کڈان۔ تِم ٲسؠ ونان لوٗکن، "بعَلزبُولؔ" تہٕ بد روحن ہُنٛد بادشاہ سٕنٛدِ مددتہٕ چُھ یہِ بد روح نیٚبر کڈان۔"23لہٰذا بُلٲوؠ یسوعؔن پانس نِشہ تہٕ ووٚننکھ مثالن ذرؠ یہِ، "شیطان کِتھٕ پٲٹھؠ ہیٚکہ شیطانس نیٚبر کٔڈتھ؟"24اگر اِکس ملکس منٛز لُوٗکھ پانہٕ وٲنؠ لڈن، سُہ ملک روزِ نہٕ قٲیم۔25اگر أکِس گرس منٛز تنازٕ وۅتھِ سُہ گرٕ تہِ روزِ نہٕ قٲیم۔26یتھے پٲٹھؠ، اگر شیطان پانسےٕ خلاف لڑنہِ لوٚگ، مضبوط روزنہٕ بجایہ، گژھِ سُہ ضعیف۔27کانٛہہ تہِ ہیٚکہ نہٕ مضبوط انسانہ سٕنٛدِس گرس منٛز أژتھ گرک جادادٕ ژوٗرِ نتھِ توٚت تام، یوٚت تام نہٕ أمِس مضبوط انسانس گٔنٛڈتھ تھاون تیلہِ ہیٚکن گرس لُٹٲوِتھ۔28یسوعؔن ووٚن تِمن، "احتیاتہٕ سان کٔریو غورِ! لوٗکھ کٔرنِ گناہ مختلف طریقو، تِم ونن خدایس بُرٕ بلہٕ، تمہِ پتہٕ تہِ کرِ خدا تِمن معاف۔29یُس تہِ سُہ پاک روحس خلاف بد کلامی کرِ خدایہِ کرِ نہٕ تمِس زانٛہہ تہِ معاف۔ سُہ شخص چُھ امہِ گنہک سزاوار۔"30یسوعؔن ووٚن تِمن اوٕ مۅکھٕ زِ تِم ٲسؠ ونان "أمِس چُھو بد روح قوبو سوار!"31یسوعؔ سنٛزِ موج تہٕ أمؠ سنٛدؠ لوٚکٕٹؠ بٲے وٲتؠ اُتن یِتن یسوعؔ تعلیم دِوان اوس۔ تِم گٔییہِ نیٚبرؠ کِنؠ کھڑا، تِمو سوز أمِس اکھ نفر آلوس گرٕ ینہٕ خٲطرٕ۔32لوٗکھ روٗدؠ یسوعؔ ہس انٛدؠ انٛدؠ جمع۔ کمؠ تأم ووٚن أمِس، "بوز! چٲنؠ موج تہٕ چٲنؠ بیٚنہِ بٲے چھی ژےٚ نیٚبرؠ کِنؠ ژھاران۔"33یسوعؔن ووٚن، "کسُوٚسہٕ چھِے میٲنؠ موج تہٕ کمَ چھِ میٲنؠ بٲے؟"34أمؠ دِژ یِمن لوٗکن کُن نظر یِم أمِس انٛدؠ انٛدؠ بہتھ ٲسؠ، تہٕ ووٚننکھ، "وُچھو مےٚ کنُ توٚہؠ چُھو میٲنؠ موج تہٕ میٲنؠ بٲے۔"35یُس تہِ خدایہِ سنٛزٕ مرضی پٮ۪ٹھ پکہِ سُہ چُھ میٚون بوے، بیٚنہِ تہٕ موج!"
Bridge Connectivity Solutions Pvt. Ltd.