مرقُس11
1ییٚلہِ یسوعؔ تہٕ تٔمؠ سٕنٛدؠ شٲگرد یروشلم نزدیک زیتون بالسَ نکھٕ، بیت فگےؔ تہٕ بیت عنیاہ گامن نِشہ وٲتؠ۔ پتہٕ سوٗزؠ یسوعؔن پننیٚو شاگردو منٛزٕ زٕ شٲگرد تِمن برونٹھ۔2یسوعؔن ووٚن تِمن، "یُس گام بلکل اسہِ برونٛہہ پٕہن چُھ توٚت گٔژھؤ۔ یتھیے توٚہؠ توٚت وٲتیٚو، توٚہیہ گژھِ تتہِ اکھ خٔرنیہِ بچہ گٔنڈتھ نظرِ۔ یہِ چُھ سُہ جانور یمِس نہٕ ونیُک تام کٲنٛسہِ سوٲرؠ آسہ کٔرمٕژ۔ سُہ مُژراوہن تہٕ انیوٗن مےٚ نِشہ۔3ہرگاہ تۅہیہِ کانٛہہ پرٕژھِ، "توٚہؠ کیاہ چُھو یہِ کران؟ ونُن گژھِکھ، "یسوعؔ ہس چُھ یہِ ضوٗرورتھ۔ سُہ سوزِ تسَ کانٛسہِ أتھؠ ضوٗرورتھ مُکاونہٕ پتہٕ جلدٕی واپس۔"4تٔوۓ گےَ زٕ شٲگرد، تہٕ تِمو وچُھو سُہ خرَ۔ سُہ اوس أکِس گرٕ کس دروازس نکھٕ کوچس منٛز کھڑا گنڈتھ۔ تِمو مُژرو سُہ۔5تتہِ یِم کینٛہہ لوٗکھ ٲسؠ تِمو پرُوژھ یسوعؔ سنٛدین شٲگردن، توٚہؠ کیازِ چُھو خرَ کھولان؟"6تِمو ووٚن تِمن تی یہِ یسوعؔن تِمن حکم کوٚڑمُت اوس۔ لوٗکو دِیت تِمن خرَ ننُک اِجازتھ۔7تِم زٕ شٲگرد آیہِ سُہ خرَ ہٮ۪تھ یسوعسؔ نِش تہٕ پننؠ پلو ترٲوکھ أمِس پؠٹھ تہٕ یسوعؔ کھوٚت أمِس خرس سوارِ۔8واریہو لوٗکو ترٲوؠ پننؠ پلو وتہِ منٛز أمِس برٛونٹھٕ کنہِ۔ بیٚیو انہِ نکھٕ کھہَو منٛزٕ کٔھزر کٔلؠو پؠٹھٕ لنجہِ ژٔٹتھ تہٕ تِمہٕ پھٲلاوکھ وتہِ سٟتؠ سٟتؠ۔9 تمِس برونٛہہ برونٛہہ تہٕ پتہٕ پتہٕ پکان وٲلؠ لوٗکھ ٲسؠ کریکٕہ دِوان، "خدایہ سنٛدؠ حمد! تہٕ "خدایہ کرن أمِس رُت یُس خدایہ سُنٛد رسول بنتھ آو۔"10 تِمو دِژٕ یمہٕ تہِ کریکٕہ، خداۓ کر نے رُت ییٚلہِ ژٕ بادشٲہی کرکھ یتھٕ پٲٹھؠ سانین جدن بادشاہ داوودنؔ بادشٲہی کرٕ! "تعریف تمِس خدایس یُس ساروٕے کھوٗتہٕ تھدس آسمانس منٛز چُھ"11ییٚلہِ یسوع یروشلم شہرس منٛز ژاو تِم ہٮ۪تھ، تہٕ پتہ ژٲؤ سُہ ہیکل کس صحنس منٛز۔ تتہِ ژوٗواپٲرؠ تمام چیٖزن پؠٹھ نظراہ ترٲوتھ، دراؤ تمہِ شہرِ منٛز تکیازِ وُنؠ اوس شام ژیر گوٗمت۔ سُہ گوٚو پننیٚن بہن شٲگردن سٟتؠ بیت عنیاہ گامس منٛز واپس۔12دوٗیمہِ دوٚہہ، ییٚلہِ یسوعؔ تہٕ تمسنٛدؠ شٲگرد بیت عنیاہ پٮ۪ٹھٕ نیران ٲسؠ، تمِس لٔج بۅچھِ۔13تٔمؠ وُچھ دورِ پہن اکھ سرسبز اُنجیٖرٕ کُل، سُہ گوٚو وچھنہ زِ اتھ پؠٹھ ما آسن کینٛہہ انجیر۔ مگر ییٚلہِ سُہ ووت اتھ نِشہ، تتھ اوس نہٕ کانٛہہ میٚوہ، تھتھ ٲسؠ صرف پنہٕ ؤتھر۔ امیٚک وجہ اوس یہِ زِ انجیر موسم اوس نہِ ییٚلہِ انجیر کُلؠن انجیر لگہ ہن۔14تٔمؠ ووٚن تتھ کُلس، "کانٛہہ مَہ کھیٚنؠ زانٛہہ تہِ چون پھل دُبارِ۔ "تہٕ تہندیو شاگردو بوز یہِ۔15یسوعؔ تہٕ تٔمؠ سنٛدؠ شٲگرد گییہِ واپس یروشلم تہٕ ژٲیہِ ہیکل کس صحنس منٛز۔ تٔمؠ وُچھ لوٗکھ قربان جانورن ہنٛدِ تجارت کران۔ تٔمؠ کٔر تِمن لوٗکن ہیکلکہِ صحنہٕ منٛزٕ لار۔ بیٚیہِ کوٚر تٔمؠ صرافن ہنٛدؠن تختن ڈبہٕ ڈاس تِم ٲسؠ ہیکل لک سِکہٕ رومی سِکن سٟتؠ بدلاوان۔ تہٕ تِمن لوٗکن ہنٛزن چوکؠن کوٚرن ڈبہٕ ڈاس یم کوتُر قربانی خٲطرٕ کٕننان ٲسؠ۔16تٔمؠ دیت نہٕ کانٛسہِ أکِس تہِ ہیکلہٕ کہ صحنہِ منٛزٕ کٕننہٕ خٲطرٕ کانٛہہ تہِ چیٖز ہٮ۪تھ نیرنُک اجازت۔17 پتہٕ دِژٕ تٔمؠ تِمن لوٗکن تعلیم، تٔمؠ ووٚن تِمن، "نبیو منٛزٕ چھِ اکہ نبین پاک کلامس منٛز لیٚوکھمُت زِ خداین ووٚن، "میون گرٕ ییہِ سارنےٕ قومن ہندِ دُعا باپتھ گٔنزراونہٕ۔ "پوٚز توٚہہ بنوؤ ییہِ ڈاکوٗن ہنٛز چھپَن جاۓ۔"18ییٚلہِ میٖرِ کاہنن تہٕ یہُودؠ فقیہٕ ہیٚچھناون والیٚو پتہٕ بوز یسوعؔن کیاہ اوس کوٚڑمُت۔ تِمو ہیتؠ ٲمس مارنٕکؠ نٔوؠ طریقہٕ ژھانڈٕنؠ تکیازِ تِم ٲسؠ أمِس کھوژان زِ سٲری لوٗکھ چھِ أمؠ سنٛزِ تٲلیٖمہِ پؠٹھ ہاے بنگٔہ گژھان۔19یسوعؔ تہٕ تسندؠ شٲگرد گییہِ تمہِ دوٚہہ شامن شہرِ نیٚبر بیٚیہِ شۅنگنہ بیت عنیاہ ہس منٛز۔20صبحس ییٚلہِ تِم یروشلم وتہِ کنُ گژھان ٲسؠ، تِمو وُچھ زِ سُہ انجیر کُل اوس موٗلو تلہٕ ہوٗکھمت یتھ یسوعؔن بد دُعا کوٚڑمُت اوس۔21پطرسسؔ پؠو یاد تہِ یہِ یسوعؔن تتھ انجیر کُلس وونمت اوس تہٕ تٔم ووٚن یسوعؔ ہس، "ووٗستاد، وُچھ! یہِ انجیر کُل چُھ سُے یتھ پؠٹھ ژےٕ راتھ لعنت سوٗزتھ چُھ ہوٗکھمت!22یسوعؔن دیت جواب، "توٚہہ پٔزِ نہٕ حٲران گٔژھن زِ خداین کوٚر تہِ یہِ مےٚ ووٚن! توٚہہ پٔزِ خدایس پؠٹھ تھٲون ایمان زِ خدایہ کرِ تی یہِ کرُن ونہٕ ہوٗس!23بیٚیہِ چُھسو بہٕ توٚہہ پوٚز ونان: اگر توٚہہ منٛزٕ کانٛہہ اکھاہ یتھ پہاڑس ؤنہِ "ووٚتھ تھوٗد تہٕ گژھِ سمندرس منٛز، تمِس پننس دلس منٛز کانٛہہ تہِ شک آسہ نہٕ تتھ متعلق یہِ تٔمؠ ووٚن سپدن گٔژھِ، اگر تمِس یقین چُھ زِ تہِ سپدِ، خدایہ کرِ تی تٔمؠ سنٛدِ خٲطرٕ۔24اوے چُھس بہٕ توٚہہ ونان، یہِ کینژھا توٚہؠ خدایس دُعاہس منٛز منٛگان چُھو، پژھ تھٲوِو توٚہہ میلیٚو تیہِ، اگر توٚہہ تمِس پؠٹھ یقین اسہِ، خدایہ کرِ تی تُہنٛدِ خٲطرٕ۔25وُنؠ، ونہٕ ھو توٚہہ یہِ تہِ ییٚلہِ توٚہؠ دُعا چُھو کران آسن، ہرگاہ کانٛسہِ خلاف کینٛہہ شیکایت چُھو تس کٔرو معاف یُتھ زنَ تُہنٛد بب یُس آسمانس منٛز چُھ تُہنٛدؠ گۅناہ کرِ معاف۔"26اگر توٚہؠ معاف کٔرِو نہٕ تیلہِ کرِ نہٕ تُہنٛد بب، یُس آسمانس منٛز چُھ، تُہنٛدؠ گۅناہ تہِ معاف۔27یسوعؔ تہٕ تسَنٛدؠ شٲگرد آیہِ بیٚیہِ یروشلم ہیکل کس صحنس منٛز۔ ییٚلہِ یسوعؔ تتہِ پھران اوس، سردار کاہنن تہٕ یہُودؠ فقہٕ ہیٚچھِ ناوان وول تہٕ بزرگن ہنٛز اکھ جماعتھاہ آیہِ تمِس نِشہ۔28تِمو ووٚن تسَ، "ژٕ کمہِ اختیارٕ چُھکھ یِم چیٖز کران؟ یہِ اختیار کٔمؠ چُھے ژٕ دِتُیمُت یِمؠ چیٖز ژےٚ راتھ کٔریتھ؟"29یسوعؔن ووٚن تِمن، "توٚہہ پرٛژھو بہٕ اکھ سوال، اگر توٚہؠ دِیو جواب، بہٕ ونوٗو پتہٕ زِ بہِ کمہِ اختیارٕ چُھس یِمؠ چیٖز کران۔30کیاہ خداین اوسا یوحناہسؔ تِمن لوٗکن بپتسمہ دِنُک اختیار دِتُیمُت یِم تمِس نِشہ یوان ٲسؠ؟ یا لوٗکو اوسا تمِس تہِ کرنُک اختیار دِتُیمُت؟"31تِم لٔگؠ پانہٕ وٲنؠ بحَث کرنہِ زِ تِمن کیاہ پزِ جواب دیٚون۔ تِمو ووٚن أکِس اکھ، "اگر أسؠ ونو تمِس اوس خداین اختیار دِتمُت، سُہ ونہِ اسہِ، پتہٕ توٚہہ پٔزِہے تتھ پؠٹھ پژھ کٔرنؠ یہِ یوحناہن ووٚن!32دویمہِ طرفہٕ، اگر أسؠ ونَو یوحناہسؔ اوس لوٗکو اختیار دِتمُت، پتہٕ کیاہ بنہِ اسہِ "تِم ٲسؠ یہِ وننَس کھوژان زِ یوحناہسؔ کمہِ دِیت اختیار، تکیازِ پتہٕ لوٗکن کھسہِ تہنٛز سخ شرارت۔ تِمن ٲسؠ پتاہ زِ سٲری لوٗکھ ٲسؠ یوحناہسؔ پوٚز نبی مانان یُس خداین اوس سوٗزمت۔33اوے ووٚن تِمو یسوعؔ ہس جواب، "أسؠ چُھنہٕ پےَ یوحناہسؔ کمؠ اوس لوٗکن بپتسمہ دِنکُ اختیار دِتمُت۔ "پتہٕ ووٚن یسوعؔن تِمن، "تکیازِ توٚہہِ دِتو نہِ میانہٕ سوالک جواب، بہٕ تہِ ونہو نہٕ توٚہہِ زِ کمؠ دِیت مےٚ اختیارٕ تم چیٖز کرنس یمؠ مےٚ راتھ یتہِ کرِ۔"
Bridge Connectivity Solutions Pvt. Ltd.