لوق9
1پتہٕ أنؠ یسوعؔن پنٕنؠ باہ شٲگرد ناد دِتھ تہٕ بخُشنکھ لوٗکن منٛز بدروح نیٚبر کڈنُک تہٕ تہنٛزن بیمارین شفا کرنُک طاقت۔2تٔمؠ سوٗزؠ تِم خدایس متعلق یمہِ رٕژِ شیٚچھِ ہُنٛد تبلیغ کرنہِ زِ خدٲیی بادشٲہی کیاہ چھےٚ۔ تٔمؠ ووٚن تِمن بیمار لوٗکن شفا بخشنہٕ باپتھ۔3تٔمؠ ووٚن تِمن نیرنہٕ برونٛٹھ، "سفرٕ باپتھ مہ تُلیو پانس سٟتؠ کینٛہہ۔ نَہ نیزیٚو لوٗر یا ٹھیلہٕ، نَہ غذا یا پونٛسہٕ۔ اکھ علاوٕ کُرتٕنؠ تہِ گژھِنہٕ سٟتؠ تُلٕنؠ۔4یُتھےٕکُنہِ گرس منٛز أژیو، تٔتی گژھِ روزن تۅتام یۅتام تمہِ علاقہٕ منٛزٕ نیرُن آسیٚو۔5ہرگاہ کُنہِ شہرس منٛز لوٗکھ توٚہہِ خوش آوے کرنو نہٕ، توٚہہِ پزِ نہٕ تتہِ رُکن۔ تمہِ شہرٕ منٛزٕ نیرؠ زیٚو، نیرتھ دٕنؠ زیٚو تتِچ گرد تہِ پننیٚو کھۅرو پؠٹھٕ۔ سۅ روزِ تِہنٛدِ خٲطرٕ اکھ خبردٲری زِ تِمو مون نہٕ تُہنٛد۔"6پتہٕ درٛاے تِم یسوعؔ ہس نِشہ تہٕ کوٚرکھ گامہٕ پتہٕ گامہٕ سفر۔ یوٚت تہِ تِم گےَ، تِم روٗدؠ لوٗکن خدایہ سنٛز رٕژ شیٚچھ باوان، بیٚیہِ بخشُک بیمار لوٗکن شفا۔7گلیل ضلعکؠ حٲکم ہیرودیسؔن بوز تہِ سورےٕ یہِ سپدان اوس، تہٕ سُہ گوٚو غۅتن۔ کینٛہہ لوٗکھ ٲسؠ ونان زِ یوحناؔ بپتسمہ دِنہٕ وول اوس بیٚیہِ زندٕ گوٚمُت۔8باقی لوٗکھ ٲسؠ ونان زِ نبی ایلیاہؔ اوس دُبارٕ ظٲہر سپدمُت۔ کینٛژن لوٗکن ہُنٛد اوس وُنہِ تہ یہِ ونُن زِ پتمیٚو نبیو منٛزٕ چُھ اکھ نبی دُبارٕ زندٕ سپدمُت۔9مگر ہیرودیسنؔ ووٚن، "یہِ ہیٚکہ نہٕ یوحناؔ ٲسِتھ، تکیازِ مےٚ چُھ تمِس کلہٕ ژٹنوومُت۔ لہٰذا یہِ انسان کُس چُھ؟ بہٕ چُھس أمِس متعلق حٲران کرَن وٲلؠ قصہٕ بوزان!" سُہ لُگ پتہٕ یسوعؔ ہس وُچھنہٕ خٲطرٕ وتھ تلاش کرنہِ۔10ییٚلہِ تِم رسول پننہِ سفرٕ پؠٹھٕ واپس آیہِ، تِمو ووٚن یسوعؔ ہس تہِ سورےٕ یہِ تِمو کوٚرمُت اوس۔ پتہ نیہ تٔمؠ تِم پانس سٟتؠ بیت صیدا شہرس کنُ۔11مگر ییٚلہِ لوٗکن ہنٛزن مختلف جمٲژن معلوم سپد زِ یسوعؔ کوٚت اوس گوٚمُت، تِم ٲسؠ تمِس تۅتےٕ وٲتِتھ پیٚوان۔ سُہ اوس تِمن خوش آوے کران تہٕ تِمن سٟتؠ اوس خدٲیی بادشٲہی متعلق کتھٕ کران۔ بیٚیہِ اوس سُہ بیمارن شفأ بخشان۔12وُنؠ اوس دوٚہہ انٛد واتن ہیٚوتمُت، أتی آیہِ تِم باہ شٲگرد تس نِش تہٕ ووٚن ہس، "مہربٲنی کٔرِتھ سوزُن یِمن لوٗکن ہنٛز بٔڑ جماتھ انٛدؠ پٔکؠ گامن منٛز یتہِ زن تِم کھیٚن حٲصٕل کرن بیٚیہِ ٹھہرنہٕ باپتھ کرن کانٛہہ جاے تلاش، تکیازِ ٲسؠ چھِ ییٚتہِ وٲرانس منٛز۔"13مگر تٔمؠ ووٚن تِمن، "توٚہہِ پزِ یِمن کینٛہہ کھؠنہٕ خٲطرٕ دیُن!" تِمو دِیُت جواب، "اسہِ نِش چھےٚ صرف پانٛژھ لۅکچہ ژۅٚچہِ بیٚیہِ زٕ لۅکچہ گاڈٕ یِمو ورٲے چُھنہٕ بیٚیہِ کینٛہہ۔ اگر نہٕ أسؠ بیٚیہِ کُنہِ جایہِ گٔژھِو تہٕ تِمن سارنٕے خٲطرٕ کھٮ۪ن ہٮ۪مو مٔلؠ!"14تِمو ووٚن یہِ اوٕ موٚکھٕ تکیازِ تتہِ ٲسؠ لگ بھگ پانٛژھ ساس مَرد۔ پتہٕ ووٚن یسوعؔن شٲگردن، "لوٗکھ بہنٲووکھ زمیٖنہِ پؠٹھ ٹوگجن منٛز۔ پرٛیتھ کُنہِ ٹوگجہِ منٛز روزن پنژاہ پنژاہ نفر۔"15تہٕ شاگردو کوٚر تہِ، تہٕ بہنٲوِکھ لوٗکھ پتھر۔16پتہٕ تُجہ یسوعؔن تِم پانٛژھ ژۅچہِ بیٚیہِ زٕ گاڈٕ۔ تٔمؠ وُچھ آسمانس کنُ تہٕ کوٚرن تِمن ۂنٛدِ خٲطرٕ خدایہِ سنٛدؠ تعریف۔ پتہٕ کرٔنؠ تِمن ژۅچن تہٕ گاڈن ٹُکرٕ تہٕ گوٚو سُہ شٲگردن دِوان تِم گییہِ لوٗکن منٛز تقسیم کران۔17تِمو ساروٕے کھیٚو یڈ بٔرِتھ۔ پتہٕ کٔرؠ شاگردو ہُریامٕتؠ ژۅچہٕ ٹُکرٕ جمع، تِمو برِ تِمو سٟتؠ باہ ٹوکرِ!18اکہ دوٚہہ ییٚلہِ یسوعؔ اوس شٲگردن نکھےَ، کُنے زوٚن دُعا کران، تٔمؠ پرُوژھ تِمن، "لوٗکن ہنٛزٕ کٲژاہ جمٲژ چھےٚ ونان زِ بہٕ کُس چُھس؟"19تِمو دِیُت جواب، "کینٛہہ لوٗکھ چھِ ونان زِ ژےٕ چُھکھ، یوحناؔ بپتسمہ دِنہٕ وول، ییٚلہِ زن باقی چھِ ونان زِ ژٕ چُھکھ ایلیاہؔ نبی، تہٕ کینٛہہ چھِ ونان زِ ژٕ چُھکھ پرانیٚو نبی یو منٛزٕ اکھ نبی یُس دُبارٕ زندٕ گژھتھ واپس آمُت چُھ۔"20تٔمؠ ووٚن تِمن، "توٚہؠ کیاہ چُھو ونان؟ توٚہؠ کیاہ چُھو ونان زِ بہٕ کُس چُھس؟ پطرسؔن ووٚن، "ژٕ چُھکھ مسیحؔ، یُس خدایہِ سنٛدِ طرفہٕ آمُت چُھ۔"21اوٕ پتہٕ کٔرؠ تِم یسوعؔن پورٕ پٲٹھؠ خبردار زِ وُنہِ ؤنؠ زیٚو نہٕ کٲنسے۔22پتہٕ ووٚن تٔمؠ، "بہٕ، آدمؔ سُنٛد گۅبُر، ضرور وؠترایہ واریاہ دوٚکھ: بزرگ، کاہن سردار بیٚیہِ یہُودؠ شریعتٕکؠ ووستاد کرن مےٚ اِنکار، پتہٕ کرن مےٚ قتل۔ تمہِ پتہٕ تریٚمہِ دوٚہؠ، سپدٕ بہٕ دُبارٕ زندٕ۔"23پتہٕ ووٚن تٔمؠ تِمن سارِنے، "ہرگاہ توٚہہِ منٛز کانٛہہ اکھ میون شٲگرد چُھ یژھان بنُن، توٚہہِ چُھنہٕ صرف تہِ کرُن ضروری یہِ توٚہؠ کرُن یژھان چُھو۔ مگر توٚہؠ گٔژھِو ہمیشہٕ پنُن پان مےٚ برُونٛہہ کنہِ پیش کرنہٕ خٲطرٕ رٲزی آسٕنؠ، تہٕ مرنہٕ کِس حدس تام تہِ تکلیفہٕ تُلنہٕ تہٕ مےٚ پتہٕ یِنؠ۔ یِتھ گژھہِ میون شٲگرد آسُن۔24توٚہہِ چُھ تہِ ضروری کرُن، تکیازِ تِم یِم پنُن زُوو بچاونچ کوٗشش کرن تِمن راوِ ابدی زندگی، مگر تِم یِم پنٕنؠ زندگی قربان کرن تاکہِ تِم بنَن میٲنؠ شٲگرد تِم بچاوُن پنٕنؠ ابدی زندگی۔25بہرحال، یہِ کوتاہ فایدٕ منٛد چُھ تہنٛدِ باپتھ، ہرگاہ توٚہہِ یتھ دنیاہس منٛز پرٛیتھ کانٛہہ چیز حٲصٕل گژھِ مگر پتہٕ راوِ توٚہہِ سورےٕ کینٛہہ، یا تُہنٛد پنُن پان تبا کرُن؟26فرض کرَو کانٛہہ اکھ چُھ یہِ وننس کھوژان زِ تمِس چُھ مےٚ پؠٹھ ایمان بیٚیہِ چُھ میانہِ تعلیمہ پؠٹھ عمل کران۔ پتہٕ ونہٕ بہٕ، آدمؔ سُنٛد اولاد، زِ سُہ شخص چُھنہٕ میٚون۔ یہِ سَپدِ تیٚلہِ ییٚلہِ بہٕ پنٕنؠ شان بیٚیہِ مٲلؠ خدایہِ سنٛز شان بیٚیہِ پاک فرشتن ہنٛز شان ہیٚتھ واپس یمہٕ۔27مگر توٚہہِ گژھِ یتھ کتھِ پؠٹھ یقین آسُن زِ: توٚہہِ منٛز یم یتِنَس کینٛہہ اِستادٕ چھِ مَرن نہٕ تۅتام یۅتام نہٕ تِم خدٲیی بادشٲہی وُچَھن!"28یمہٕ کتھٕ وننہٕ پتہٕ قریبن ٲٹھِ دوٚہؠ، تُلؠ یسوعؔن، پطرسؔ، یوحناؔ تہٕ یعقوبؔ پانس سٟتؠ تہٕ گےَ بالس پؠٹھ دُعا کرنہِ۔29دُعا کرنس دوران، بدلیٚیہِ تمؠ سنٛز شکل، بیٚیہِ لٔگؠ تمسنٛدؠ پلو زرقہٕ برق کرنہِ۔30اکی وقتہٕ ٲسؠ سیٹھاہ پرانہِ زمانٕکؠ زٕ رسول یسوعؔ ہس سٟتؠ کتھٕ کران۔ تِم ٲسؠ موسیٰؔ تہٕ ایلیاہؔ۔31یِم شخص سپدؠ جلالہٕ سان ظٲہر۔ تِمو کرِ یسوعؔ ہس سٟتؠ تٔمؠ سٕنٛدِس مَرنس متعلق کتھ۔ سُہ یُس سُہ یروشلمس منٛز پورٕ کرن وول اوس۔32پطرسؔ تہٕ تمِس سٟتؠ باقیو شٲگرد ٲسؠ مژِ نینٛدرِ۔ ییٚلہِ تِم اصل پٲٹھؠ نینٛدرِ ؤتھؠ، تِمو وُچھ یسوعؔ نپہٕ نپہٕ کران۔ بیٚیہِ وُچھ تِمو موسیٰؔ تہٕ ایلیاہؔ تمِس سٟتؠ اِستادٕ۔33ییٚلہِ موسیٰؔ تہٕ ایلیاہؔ یسوعؔ ہس نشہٕ نیرنہ لٔگؠ، پطرسنؔ ووٚن تمِس، "ووستاد، سون ییٚتہِ آسن چُھ رُت! ٲسؠ بناوو ترٛیہ پناہ گاہ، اکھ چانہِ باپتھ، اکھ موسیٰؔ سنٛدِ باپتھ، تہٕ اکھ ایلیاہؔ سنٛدِ باپتھ!" مگر سُہ اوسنہٕ زانان زِ سُہ کیاہ چُھ ونان۔34سُہ اوس یی ونان زِ، اکھ اوٚبرٕ لنٛگ کھوٚت تہٕ تِمن آو ولنہٕ۔ شٲگرد کھوژؠ ییٚلہِ اوٚبُر تِمن ولنہٕ آو۔35 اوٚبرٕ منٛزٕ آیہ خدایہِ سنٛز آواز یہِ ونان، "یہِ چُھ میٚون گۅبُر، یُس مےٚ ژورمُت چُھ؛ أمؠ سُنٛد بوزیٚو!"36ییٚلہِ سۅ کتھٕ کرنچ آواز بنٛد گییہِ، تِمو ترٛیو شاگردو وُچھ تتہِ اوس یسوعؔ کُنے زوٚن۔ تِمو تھوٚو تہِ سورےٕ پانس نِش۔ تِمو ووٚن نہٕ واریہس وقتس کٲنسہِ زِ تِمو کیاہ اوس وُچھمُت۔37دوٚیمہِ دوٚہہ ییٚلہِ تِم تمہِ بالہٕ پؠٹھ وسان ٲسؠ، یسوعؔ تہٕ لوٗکن ہُنٛد اکھ بوٚڈ ہجوم سمکھیاو پانہٕ وٲنؠ۔38لوٗکن ہنٛدِ ہجومہٕ منٛزٕ دِژ اچانک اکؠ نفرن کریٚکھ، "ووستاد، بہٕ چُھس ژےٚ عرض کران، میانس نیٚچوِس کرِ تہٕ کینٛہہ مدد! سُہ چُھ مےٚ کُنےٕ اولاد۔39یہِ وُچھ کیاہ چُھ سپدان۔ اکھ بدروح چُھ تمِس پریٚکس ژامُت تہٕ سُہ چُھ کرؠکہٕ دِوان۔ سُہ چُھ أمِس خطرناکھ پٲٹھؠ مُرنہِ دِوان تہٕ پتہٕ چُھس ٲسہٕ کِنؠ پھوٚس کھسان۔ یہِ بدروح چُھ میٲنس شُرس مشکِلن یلہِ تراوان، ییٚلہِ تراوان چُھس تیٚلہِ چُھس سخٕت زخم دِوان۔40مےٚ کوٚر چانیٚن شٲگردن زارٕ پارٕ زِ تِم کڈن تمِس بدروحس أمِس منٛزٕ نیٚبر، پوٚز تِمو ہیٚوک نہٕ تہِ کٔرِتھ!"41یسوعؔن ووٚن تس جوابس منٛز، "لوٗکن ہنٛز یہِ نسٕل چھیٚنہٕ یقین کران، تہٕ تِہُنٛد سونچ چُھ گندٕ! بہٕ کۅتتام روزٕ توٚہہِ سٟتؠ یۅتام توٚہؠ یقین کٔریو؟" پتہٕ ووٚن تٔمؠ شُرؠ سٕنٛدِس مٲلس، "انُن پنُن نیٚچو مےٚ نِش!"42ییٚلہِ تِم سُہ لڑکہٕ تمِس نِش انان ٲسؠ، بد روحن دِیُت تمِس لڑکس زمینہِ پؠٹھ دب بیٚیہِ دِژنس سختی سان وُٹھِنؠ۔ پوٚز یسوعؔن کوٚر بدروح ہَس کھٛریٚنگ تہٕ سُہ لڑکہٕ بٔلرووُن۔ پتہٕ کوٚرن پننِس مٲلس حوالہٕ۔43اتہِ موجود سٲری لوٗکھ گےَ حٲران خدایہِ سنٛز یہِ بٔڈ عظمت وُچِھتھ۔ ییٚلہِ وُنہِ یسوعؔ سنٛدین تمام معجزن پؠٹھ تِم تعجبےٕ کران ٲسؠ، تٔمؠ ووٚن پننٮ۪ن شٲگردن،44"تہِ بوزیٚو ہوشہٕ سان یہِ بہٕ توٚہہِ ونہٕ، تکیازِ کُس تام کرِ جلد، آدمؔ سٕنٛدِس اولادس، میٲنیٚن دشمنن حوالہٕ۔"45پوٚز شٲگردن تٔرنہٕ یہِ کتھ فکرِ۔ خداین رکٲوؠ تِم تہِ سمجھنہٕ نشہٕ امہِ سببہٕ زِ تِمن گوٚژھ نہٕ وُنہِ أمؠ سنٛزِ کتھِ ہُنٛد مطلب فِکرِ ترُن، بیٚیہِ کھوژؠ تِم أمِس امیٚک مطلب پرٛژھنس زِ تٔمؠ کیاہ ووٚن۔46کینٛہہ وقت گژھتھ لوگ شاگردو پانہٕ وٲنؠ اتھ کتھِ پؠٹھ بحث کرُن زِ تِمو منٛزٕ کُس اکھ آسہ زیادٕ اہمیت رنگؠ تھوٚد۔47مگر یسوعؔن زون زِ تِم کیاہ ٲسؠ سونچان، اوے اوٚن تٔمؠ اکھ لۅکُٹ شُر تہٕ کوٚرن پانس نِشہ اِستادٕ۔48تٔمؠ ووٚن تِمن، "ہرگاہ کانٛہہ اکھ أکِس لۅکٹِس شُرِس میانہِ سببہٕ خوش آوے کرِ، زن تہِ چُھ سُہ مےٚ خوش آوے کران۔ بیٚیہِ ہرگاہ کانٛہہ مےٚ خوش آوے کرِ، زنتہِ چُھ سُہ خدایس خوش آوے کران، یمؠ خداین بہٕ سوزُس۔ یاد گژھِ تھاوُن زِ یُس توٚہہِ ساروٕے منٛزٕ کمتر باسان چُھ سُے چُھ خدایس نِشہ ساروٕے کھۅتہٕ تھوٚد۔"49یوحناؔ ہن ووٚن یسوعؔ ہس جوابس منٛز، "ووستاد، اسہِ وُچھ اکھ شخص چٲنس ناوس پؠٹھ بدروح لوٗکو منٛزٕ نیٚبر کڈان۔ مگر اسہِ کوٚر تمِس تہِ کرنس پؠٹھ ٹھاکھ، تکیازِ سُہ اوس نہٕ اسہِ سٟتؠ نزدیک یتھ تُہنٛز پٲروی کران۔50تہٕ یسوعؔن ووٚن یوحناؔ ہس، "تس مہ کٔریٚو تہِ کرنس ٹھاکھ! ہرگاہ کانٛہہ اکھ سۅ کٲم کران آسہ یمہِ سٟتؠ نہٕ توٚہہِ کانٛہہ نقصان واتہِ، بلکہ آسہ تمہِ سٟتؠ توٚہہ فٲیدٕ میلان!"51ییٚلہِ سُہ وقت قریب واتن وول اوس ییٚلہِ خدا تمِس آسمانس پؠٹھ واپس کھالہِ ہے، یسوعؔن کوٚر یروشلمسؔ کُن گژھنکُ پۅختہٕ یرادٕ۔52تٔمؠ سوٗزؠ پانس برونٛہہ کینٛہہ قٲصد۔ تِم روٗدؠ پکان تہٕ وٲتؠ سامریا علاقہ کِس أکِس گامس منٛز یتہِ تِمو تسٕنٛدِ ٹھہرنہٕ باپتھ انتظار کرنچ کوٗشش کٔر۔53مگر سامری لوٗکو دیُت نہٕ یسوعؔ ہس پننِس گامس منٛز ٹھہرنُک اجازت، تکیازِ تٔمؠ ٲس یروشلم کُن وتھ رٔٹمٕژ۔54 تٔمؠ سنٛدین دوٚن شٲگردن، یعقوبسؔ بیٚیہِ یوحناہسؔ کٔھژ شرارت ییٚلہِ تِمو وُچھ زِ سامری لوٗکھ ٲسؠ نہٕ تِمن خوش آوے کران۔ لہٰذا ووٚن تِمو یسوعؔ ہس، "خداوند، توٚہؠ چُھوا یژھان زِ أسؠ دِمو حکم آسمانہٕ وسہِ نار تہٕ یِمن لوٗکن کرِ بُرباد؟"55مگر یسوعؔ پھیٚور تِمن کُن تہٕ سَختی سان وُننَکھ، "نَہ، تُہنٛد یہِ ونُن چُھ غلط۔56لہٰذا پٔکؠ تِم بیٚیس گامس کُن۔57چونٛکہ یسوعؔ تہٕ تمسنٛدؠ شٲگرد ٲسؠ وتہِ پکان، کٔمؠ تام ووٚن تِمس، "یوٚت توٚہہِ گژھُن چُھ بہٕ یِمو توٚہہ سٟتؠ!"58یسوعؔن دِتس جواب، "پوژھٕ لاوین چھےٚ زندٕ روزنہٕ باپتھ زمینہِ منٛز گۅپھ آسان، تہٕ جاناوارن چھِ ٲلؠ آسان، پوٚز مےٚ، آدمؔ سٕنٛدِس گۅبرس چُھنہٕ کانٛہہ گرٕ یتہِ سُہ شونٛگِتھ ہیٚکہٕ!"59یسوعؔن ووٚن بیٚیہِ أکِس شخصس، "مےٚ سٟتؠ یہِ!" مگر تٔمؠ شخصن ووٚن أمِس، "خداوند، مےٚ دِ گۅڈٕ گرٕ گژھنہٕ تاکہِ پنُن مول وُڑراون۔"60مگر یسوعنؔ ووٚن أمِس، "موٚردن دِ پنٕنؠ مودمٕتؠ پانے دفناونہٕ۔ بہٕ چُھس یژھان ژٕ گژھکھ تہٕ لوٗکن وُنکھ پرٛیتھ جایہِ زِ تِم ہیٚکن خدٲیی بادشٲہی ہنٛز خوش خبری پننہِ زندگی ہنٛز وتھ بنٲوتھ۔"61 بیٚیہِ کٔمؠ تام ووٚن، "خداوند، بہٕ یمہٕ ژےٚ سٟتؠ تہٕ بنہٕ چون شٲگرد، مگر گۅڈٕ دِ مےٚ گرٕ گژھنہٕ تاکہِ بہٕ ہیٚمہٕ پننٮ۪ن گرِکیٚن رخصت۔"62یسوعؔن ووٚن تمِس، "کانٛہہ اکھا یُس أکِس زمیندار سنٛدؠ پٲٹھؠ پنٕنؠ زمین وایان وایان پتھ کُن وُچھان آسہ سُہ چُھنہٕ خدٲیی بادشٲہی لایکھ۔"
Bridge Connectivity Solutions Pvt. Ltd.