لوق7
1ییٚلہِ یسوعؔن بوزَن والین لوٗکن تِمہٕ سارے کتھٕ ؤنِتھ مۅکلاوِ۔ سُہ دراو پتہٕ کفرنحوم شہرس کنُ۔2تتھ شہرس منٛز اوس رومی فوجُک اکھ صوبیدار یمِس اکھ غلام اوس یُس تس ٹوٹھ اوس۔ سُہ غلام اوس تیٚوت بیمار زِ سُہ اوس مرَنس تیار۔3ییٚلہِ تٔمؠ صوبیدارن یسوعؔ ہس متعلق بوز، تٔمؠ سوزؠ یہُودینؔ ہنٛدؠ کینٛہہ زِٹھؠ یسوعؔ ہس نِشہ تاکہِ تمِس ونن تِم تمِسنٛدس غلامس شفا بخشنہٕ باپتھ تشریف انُن۔4ییٚلہِ تِم یسوعؔ ہس نِش وٲتؠ، تِمو کوٚر تمِس زارٕ پارٕ تمِس صوبیدار سٕنٛدِس غلامس مدد کرنہٕ خٲطرٕ۔ تِمو ووٚن تس، "سُہ چُھ اتھ لایکھ زِ ژٕ کرکھ یہِ تٔمؠ سٕنٛدِ خٲطرٕ،5تکیازِ سُہ چُھ سٲنس قومس لول بران تہٕ تٔمؠ بنوو سانہِ باپتھ ہیکل۔"6توے دراو یسوعؔ تِمن سٟتؠ تمِس حٲکمہٕ سُنٛد گرٕ۔ ییٚلہِ یسوعؔ تتھ جایہِ نزدیک ووت تہٕ صوبیدارن سوز تس پننیٚو دوستو ذرؠ یہِ یہِ شیٚچھ، "خداوندٕ، ژمہٕ کرِ یور ینُک تکلیف، تکیازِ بہٕ چُھس نہٕ اتھ لایق زِ ژٕ اژکھ میٚون گرٕ پشس تل۔7اوے کوٚر مےٚ محسوس زِ بہٕ چُھسا ژےٚ نِشہ ذٲتی طور ینس لایق۔ مےٚ اوس زونمُت زِ ژےٚ ہیٚکہ ہن میون ٹوٗٹھ خٲدم صرف اکہِ حکمہٕ سٟتؠ ٹھیک کٔریتھ۔8بہٕ چُھس زانان زِ ژٕ ہیٚککھ یہِ کٔرِتھ تکیازِ بہٕ چُھس اکھ سُہ نفر یُس زن بیٚین ہنٛدس اختیارس تحت چُھ۔ تہٕ میٲنِس اختیارس تحت چھِ سِپاہ تہٕ تِم چھِ مانان۔ ییٚلہِ بہٕ کٲنٛسہِ ونان چُھس "گژھِ" سُہ چُھ گژھان۔ ییٚلہِ بہٕ بییٚس ونان چُھس "یہِ" سُہ چُھ یوان۔ ییٚلہِ بہٕ پننِس غلامس ونان چُھس، "یہِ کرِ" سُہ چُھ کران۔"9یہِ تٔمؠ افسرن ونمُت اوس تہِ ییٚلہِ یسوعن یہِ بوز، تس گو تمِس پٮ۪ٹھ تعجُب۔ یُس لُکہٕ ارساتھ تمِس سٟتؠ اوس تِمن کُن پھیرِتھ ووٚننُ، "بہٕ چُھس توٚہہِ ونان، "مےٚ چُھنہٕ کانٛہہ اسرائیلی نفر سمُکھمُت یمِس مےٚ پؠٹھ یوٚت ایمان چُھ یوٗتاہ زنہٕ یمِس غٲر یہودِس منٛز چُھ!"10صوبیدار سٕنٛدؠ دوس یِم تٔمؠ اور سوزمٕتؠ ٲسؠ، ییٚلہِ تِہنٛد گرٕ ژاے، تِمو وُچھ سُہ غلام ٹھیک حالژ منٛز۔11یسوعؔن کوٚر تمہِ پتہٕ جلدےٕ نائین شہرس کنُ سفر شروع۔ تسٕنٛدؠ شٲگرد تہٕ لوٗکن ہُنٛد اکھ بوٚڈ ہجوم اوس تس سٟتؠ۔12یسوعؔ ییٚلہِ تمہِ شہرچہِ پھاٹکہِ نزدیک ووت، تٔمؠ وُچھ لوٗکن ہُنٛد اکھ بوٚڈ ہجوم شہرٕ منٛزٕ نیٚبر نیران۔ تکیازِ اکؠ شخصن اوس تمی ساعتہٕ وفات کوٚرمُت، تہٕ تِم ٲسؠ تمِس دفن کرنہٕ باپتھ پکناوان۔ تمہِ سنٛز موج ٲسؠ تتھ ہجومس منٛز۔ سۅ ٲس اکھ مۅنٛڈ، تہٕ سُہ اوس تسَنٛد کُنےٕ نیٚچو۔ تہٕ سُے اوس تٔمؠ سنٛز کفالت تُلان ییٚلہِ سُہ زندٕ اوس۔13یسوعؔن ییٚلہِ سۅ وُچھ، تمِس آو تس پٮ۪ٹھ رحم تہٕ وُننَس، "مہَ ود!"14پتہٕ ووت سُہ تِمن نکھٕ تہٕ لوگنُ تتھ سیٚمبہِ اتھٕ۔ سیٚمب پکناون وٲلؠ گےَ زنتہٕ روزتھ۔ تٔمؠ وُن، "جواناہ، بہٕ چُھسے ژےٚ ونان، ووٚتھ تھوٚد!"15سُہ موٚردٕ شخص ووٚتھ تہٕ بیٚوٹھ تہٕ لوٚگ کتھٕ کرنہِ! تہٕ یسوعؔن نیٚو سُہ پننہِ ماجہِ نِش واپس۔16تتہِ گوٚو پرٛتھ أکِس ہٲبتھ۔ تِمو کٔرؠ خدایہِ سنٛدؠ تعریف تہٕ اکھ أکِس ونُکھ، "اسہِ منٛز سپُد اکھ عظیم نبی پٲدٕ!" تہٕ خداین کوٚر پننٮ۪ن لوٗکن پؠٹھ احسان"17پتہٕ پھٲلییہِ یسوعؔ سنٛز یہِ خبر یہُودیہ کس سٲرسےٕ علاقس تہٕ انٛدؠ پٔکؠ جاین منٛز تہِ۔18یوحناؔ سٕنٛدیو شاگردو ونہِ تمِس یمہٕ سارے کتھٕ۔ لہٰذا أنؠ یوحناؔ ہن پنٕنؠ زٕ شٲگرد ناد دِتھ تہٕ تِمن ونُن زِ خداوندس نِشہ گٔژھو تہٕ تس پرِژھو، "کیا ژٕ چُھکھا سُہ یمِس متعلق خداین ینُک وعدہ اوس کوٚرمُت، کِنہٕ اسہِ پزِ بیٚیہِ کٲنسہِ ۂنٛز امید تھاوُنؠ؟"20ییٚلہِ تِم زٕ نفر یسوعؔ ہس نِش آے، تِمو ووٚن تمِس، "یوحناؔ بپتسمہ دِنہٕ وٲلؠ سوزؠ أسؠ ژےٚ پرِژھنہٕ باپتھ، کیا ژٕ چُھکھا سُہ یمہٕ سٕنٛدِ ینُک خداین وعدہ کوٚرمُت چُھ؟ کِنہٕ اسہِ پزِ بیٚیہِ کٲنسہِ ہُنٛد انتظار کرُن؟"21تمہِ وقتہٕ اوس یسوعؔ واریہن بیمارین تہٕ خطرناکھ دادین منٛز ہینہٕ آمتیٚن لوٗکن شفا بخشان، تہٕ سُہ اوس تِمن منٛزٕ بدروح نیٚبر کڈان۔ تٔمؠ اوٚن واریہن انیٚن دُبارٕ گاش۔22 أتی دِیُت تٔمؠ تِمن دوٚن نفرن جواب، "گٔژھیٚو تہٕ دِیو یوحناہسؔ خبر یہِ توٚہہِ وُچُھو تہٕ بوزو۔ یِم لوٗکھ أنؠ ٲسؠ تِم چھِ وُچھان۔ یِم لوٗکھ لٔنگؠ ٲسؠ تِم چھِ پکان۔ یِمن لوٗکن مُسلٕچہِ بیمارِ ٲس تِمن چھنہٕ وُنؠ ٹھیک۔ یِم لوٗکھ زٔرؠ ٲسؠ تِم چھِ ہیکان بوزِتھ۔ یِم لوٗکھ مودمٕتؠ ٲسؠ تِم سپدؠ زندٕ۔ بہٕ چُھس غریب لوٗکن رٕژِ شیٚچھِ ہُنٛد اعلان کران۔"23تمِس ؤنِو یتہِ، "خدا کرِ تمِس رُت یُس تہِ وُچھِ یہِ بہٕ کران چُھس تہٕ تہِ بوز یہِ بہٕ ونان چُھس بیٚیہِ روزیس مےٚ پؠٹھ ایمان۔"24ییٚلہِ یوحناؔ سنٛدؠ سوزمٕتؠ نفر واپس درامٕتؠ ٲسؠ، یسوعؔن لٲجہِ لوٗکن ہنٛدس ہجومس یوحناہسؔ متعلق کتھ وننہِ۔ تٔمؠ ووٚن، "وُجارس منٛز کیازِ گٔیوو توٚہؠ وُچھِنہِ؟ کیاہ واوٕ سٟتؠ الہٕ ڈلہٕ سپدن وٲلِس أکِس کُلہِ کِس زٲولِس ڈکھس؟25مگر توٚہؠ کیاہ کرنہِ درایوٕ نیٚبر وُچھِنہِ اکھ مہنیٚو یُس زٲوِلؠ پلو لاگِتھ چُھ؟ بوزیٚو، تِم یِم شاندار پوشاک چھِ لاگان بیٚیہِ تِم یِمن بادشاہن ہنٛدین محلن منٛز پرٛتھ کانٛہہ رُت چیٖز آیہ تن چُھ آسان۔26پتہٕ کیاہ وُچھنہِ گٔییوٕ توٚہؠ تور؟ اکھ نبی؟ آ، سُہ چُھ یوحناؔ! مگر بہٕ چُھسو توٚہہِ ونان زِ یوحناؔ چُھ أکِس عام نبی سٕنٛدِ کھۅتہٕ زیادٕ اہم۔27یہِ چُھ سُہ یمِس متعلق نبی ین واریاہ برونٛٹھ لیوکھ: وُچھِو، بہٕ سوزن ژےٚ برونٛٹھ پنُن اکھ رسول۔ سُہ کرِ چانہِ ینہِ باپتھ لوٗکن تیار۔28بہٕ چُھسو توٚہہِ ونان زِ تِم سٲری لوٗکھ یِم دُنیاہس منٛز روزان ٲسؠ، تِمو منٛزٕ چُھنہٕ کانٛہہ تہِ یوحناؔ سٕنٛدِ کھۅتہٕ تھوٚد۔ مگر یمہٕ لوٗکھ خدایہ سنٛزِ بارگاہِ منٛز ساروٕے کھۅتہٕ کم پایہ زندٕگی گُزاران چھِ، چھِ یوحناؔ سٕنٛدِ کھۅتہٕ تھدؠ۔"29ییٚلہِ تِمو لوٗکو یمن یوحناؔ ہن بپتسمہ دِتمُت اوس بیٚیہِ گُذر ہنہٕ والیٚن سان تہِ بوز یہِ یسوعؔن ووٚن تہٕ تِمو مون زِ خداین ٲس یوحناؔ سوزنچ رٕژ کٲم کٔرمٕژ۔30پوٚز یِمو فریسیو تہٕ شریعتہٕ کیٚو عٲلمو یوحناؔ ہس نِشہ بپتسمہ نِمُت اوس نہٕ تِمو کوٚر پننہِ باپتھ خدایی یرادٕ رَد۔31پتہٕ ووٚن یسوعؔ ہن یتہِ، "بہٕ ونَو توٚہہ یمہ دورِ کیٚن لوٗکن کٔمن سٟتؠ دِمہ بہٕ تشبہہ۔32توٚہؠ چُھو شُرین ہنٛدؠ پٲٹھؠ أکِس کھلہٕ مٲدانس منٛز گندان۔ تِم چھِ اکھ أکِس بُلاوان، "اسہِ وُوے نیہِ پؠٹھ تُہنٛدِ باپتھ خوشی ہُنٛد ساز، مگر توٚہہِ نوٚژو نہٕ! پتہٕ گیٚو اسہِ ماتمی بٲتھ، مگر توٚہہِ وُدو نہٕ!33یتھےَ پٲٹھؠ، ییٚلہِ توٚہہِ نِشہ یوحناؔ آو تہٕ تٔمؠ کھیٚو نہٕ عام پٲٹھؠ یا شراب چیون نہٕ، توٚہہِ کوٚروٕ سُہ رد تہٕ وُنو، "أمِس چُھ اکھ بدروح پرؠکس ژامُت!"34پوٚز ییٚلہِ آدمؔ سُنٛد گوبر توٚہہِ نِشہ آو تہٕ تٔمؠ کھیٚو عام غذا تہٕ باقین ہنٛدؠ پٲٹھؠ چیون شراب، پتہٕ کوٚرو توٚہہِ سُہ رَد تہٕ وُنو، "وُچھو! یہِ انسان چُھ یڈل بیٚیہِ شرٲبؠ، بیٚیہِ چُھ سُہ گذر ہنہٕ والین تہٕ گناہگارن ہُنٛد یار!"35پوٚز گاٹلؠ چھِ مانان زِ یہِ یوحناؔہن تہٕ مےٚ کوٚر چُھ گاٹہٕ جار۔"36اکہ دوٚہہ دِژ اکؠ خاص شمعونؔ ناوکؠ فریسین یسوعؔ ہس تمِس سٟتؠ کھیٚنچ دعوت۔ لہٰذا یسوعؔ گوٚو تمِس شخصہٕ سُنٛد گرٕ تہٕ بیوٗٹھ أکِس میزس پٮ۪ٹھ کھیٚنہِ۔37تتھ شہرس منٛز ٲس اکھ بدکار زٔنؠ۔ ییٚلہِ تمہِ بوز زِ یسوعؔ چُھ تمِس فریسی سٕنٛدِ گرِ کھٮ۪نہٕ باپتھ، سۅ گییہِ توٚت سنگِ مرمرچہِ عطر دانہِ ہٮ۪تھ یمَن منٛز عطر ٲس۔38یسوعؔ اوس کھیٚنس کُن، سۅ زٔنؠ گییہِ تمِس پٔتؠ کِنؠ تہنٛدین کھۅرن نِشہ اِستادٕ۔ سۅ ٲس ودان، تہٕ تسَنٛد اوٚش اوس یسوعؔ سنٛدین کھۅرن پؠٹھ پیوان۔ سۅ روز لگاتار تسنٛدین کھۅرن پننہِ مستہٕ سٟتؠ وتھروان۔ سۅ روز تِمن میٹھؠ کران تہٕ تِمن ٲس عطر سٟتؠ مٲلش کران۔39ییٚلہِ تٔمؠ فریسین یِمؠ یسوعؔ ہس دعوت ٲس دِژمٕژ، وُچھ زِ سۅ زٔنؠ کیا ٲس کران، تٔمؠ سونچ، "ہرگاہ یہِ شخص پٔزؠ پٲٹھؠ اکھ نبی آسہ ہے، أمِس گژھِ پتاہ آسٕنؠ یہِ کۅسہٕ زٔنؠ چھےٚ یۅسہ أمِس اتھٕ لاگان چھےٚ۔ أمِس گژھٕ پتاہ آسٕنؠ یہِ کِژھ زٔنؠ چھِ، یانے سۅ چھےٚ اکھ گناہ گار۔"40امہِ کس جوابس منٛز ووٚن یسوعؔن تمِس، "شمعونؔ، مےٚ چُھ ژےٚ کینٛہہ ونُن، "تٔمؠ دِیُت جواب، "وۅستادٕ، تہِ کیاہ چُھ؟"41 یسوعؔن ؤنؠ تمِس یہِ دلیل: "دوٚیو نفرو ٲسؠ أکِس نفرس پونٛسہٕ دِتؠ مٕتؠ یمِس کارٕبار پونٛسہٕ دِنہٕ وول اوس۔ یِمو منٛزٕ اوس اکھ تمِس 500 چانٛدِ ہنٛدؠ سکہٕ داران۔ تہٕ بییٚس نِش ٲسؠ چانٛدِ ہنٛدؠ 50 سِکہٕ۔42تِمن دوٚن منٛز روز نہٕ أکِس تہِ قرض ادا کرنچ ہمَتھ، لہٰذا تٔمؠ وُن شخصن تِمن بڈٕ حلیمی سان زِ تِمن دوٚشونی چُھنہٕ واپس دیوٚن کینٛہہ تہِ۔ ادٕ تِمو دوٚیو منٛزٕ کُس برِ تمِس زیادٕ لول؟"43شمعوننؔ دِیُت جواب، "میٲنؠ کِنؠ یمِس تٔمؠ سُنٛد زیادٕ رقم قرض اوس سُہ نفر برِ تمِس زیادٕ لول۔ "یسوعؔن ووٚن تمِس، "ژےٚ زونُتھ ٹھیک۔"44پتہٕ پھیٚور سُہ تمِس زنانہِ کُن تہٕ ونُن شمعونسؔ، "سونچ أمِس زنانہِ متعلق یہِ امہِ زنانہِ کوٚرمُت چُھ! ییٚلہِ بہٕ چٲنس گرس منٛز ژاس، ژےٚ کٔرتھ نہٕ مےٚ تِتھٕ پٲٹھؠ خوش آوے یتھٕ پٲٹھؠ لوٗکھ اکثر پننؠن مہمانن یتھ مُلکس منٛز کران چھِ۔ ژےٚ دِتُتھ نہٕ مےٚ کھۅر چھلنہٕ باپتھ آب۔ مگر امہِ زنانہِ چٔھلؠ میٲنؠ کھۅر پننہِ اوٚش وانہِ سٟتؠ تہٕ پننہِ مستہٕ سٟتؠ وتھرِنؠ تِم!45ژےٚ کوٚڑُتھ نہٕ مےٚ استقبال اکہ مۅنہِ سٟتؠ۔ پوٚز یمہِ ساعتہٕ پؠٹھٕ بہٕ انٛدر ژاس، سۅ روز میانین کھۅرن مۅنہِ کران!46ژےٚ کٔرتھ نہٕ میٲنس کلس زیتون تیٖلہٕ سٟتؠ مٲلش، مگر تمہِ کٔر میٲنین کھۅرن مشکہٕ دار عطرِ سٟتؠ مسح۔47ادٕ چُھسے بہٕ ژےٚ ونان زِ خداین چھِ أمؠ سٕنٛدؠ واریاہ گناہ معاف کٔرمٕتؠ، توے چھےٚ یہِ مےٚ یوٚت لول بران۔ پوٚز اکھ سُہ نفر یُس یہِ سونچان چُھ زِ خدایس چھِ تمِس کمےٕ گناہ معاف کٔرنؠ سُہ برِ مےٚ کمےٕ لول۔"48پتہٕ ووٚن یسوعؔن تمِس زنہِ، "مےٚ کٔرؠ چٲنؠ گناہ معاف۔"49پتہٕ یِم أمِس سٟتؠ کھیٚوان ٲسؠ تِمو ووٚن پانہٕ وٲنؠ، "یہِ کُس شخص چُھ یُس ونان چُھ زِ سُہ ہیٚکہِ امسنٛدؠ گناہ معاف کٔرتھ؟"50پوٚز یسوعؔن ووٚن تمِس زنہِ، "تکیازِ ژےٚ چھی مےٚ پؠٹھ ایمان، خداین بچٲوکھ ژٕ۔ گژھِ خدا تھٲونےَ سلامت!"
Bridge Connectivity Solutions Pvt. Ltd.