لوق6
1یسوعؔ تہٕ تٔمؠ سنٛدؠ شٲگرد ٲسؠ اکہ مخسوٗس سبتٕکہِ دوٚہہ کھہَو منٛزؠ پکان، تمؠ سٕنٛدیو شاگردو ژٔٹؠ فصلٕکؠ کینٛہہ ہیٚلؠ۔ تِمو موٗرؠ تِم پننٮ۪ن اتھن منٛز دانہٕ کرِکھ الگ توٚہہ الگ۔ پتہٕ کھیٚے تِمو تِم دانہٕ۔2کینٛہہ فریسی ٲسؠ یہِ وُچھان۔ تِمو ووٚن تِمن، "توٚہہِ پزِ ہے نہٕ یہِ کرُن! سون شریعت چُھ سبتکہِ دوٚہہٕ اسہِ کٲم کرنس منع کران!"3یسوعؔ ہَن دیُت فریسین جواب، "نوشتن پؠٹھ کریو غور یِم داوودسؔ متعلق ونان چھِ زِ ییٚلہِ سُہ تہٕ تسنٛدؠ نفر بۅچھِ ۂتؠ ٲسؠ تٔمؠ کیاہ کوٚر۔4 یتھ پٲٹھؠ توٚہؠ زانان چُھو، داوودؔ ژاو خدایہِ سنٛدِس گرس منٛز تہٕ مونٛگُن کینٛہہ غذا۔ کاہنو دِژٕ تمِس خدایہِ سنٛدِ ناو نیاز آمژٕ ژۅچہِ۔ داوودنؔ کھییہِ کینٛہہ تہٕ کینٛہہ دِژن تِمن نفرن یِم تمِس سٟتؠ ٲسؠ، اگرچہ شریعتہٕ مطابق تِم ہیٚکہ ہن نہٕ تہِ کٔرِتھ۔ تمہٕ ژوچہِ ہیٚکہ ہن صرف کاہنےٕ یوت کھیٚتھ۔"5یسوعؔن ووٚن تِمن بیٚیہِ "مےٚ، آدمؔ سُنٛد گۅبُر چُھ امیٚک فٲصلہٕ کرنُک اختیار تھاوان زِ لوٗکن کیاہ شوبہِ سبتکہِ دوٚہہ کرُن!"6بیٚیس سبتٕکس دوٚہس پؠٹھ گوٚو یسوعؔ یہُودؠ عبادت خانس منٛز تہٕ دِژن لوٗکن تعلیم۔ تتہِ اوس اکھ نفر یمِس دٔچُھن اتھٕ بےٚکار اوس۔7تتہِ ٲسؠ یہُودؠ شریعتک کینٛہہ ووستاد تہٕ کینٛہہ فریسی۔ تِم ٲسؠ یسوعؔ ہس غورِسان وُچھان۔ تِم ٲسؠ یژھان وچُھن زِ سُہ ہیٚکیا تمِس نفرس ٹھیک کٔرِتھ۔ ہرگاہ تٔمؠ تہِ کوٚر، پتہ دِن تس سبتٕکس دوٚہس متعلق تہنٛدِ شریعت کِس قانونچ خلاف ورزی کرنُک الزام۔8پوٚز یسوعؔن زون زِ تِم کیاہ ٲسؠ سونچان۔ اوے ووٚن تٔمؠ تمِس نفرس یمِس اتھٕ ہوکھمُت اوس، "ولہٕ پرٛیتھ أکِس برونٹھ کنہِ گژھِ اِستادٕ!" لہٰذا ووٚتھ سُہ نفر تھوٚد تہٕ سپُد کھڑا۔9پتہٕ وُن یسوعؔن تِمن، "بہٕ چُھس یژھان توٚہہِ اکھ سوال پرژوھن، کیاہ سُہ شریعت یُس خداین موسیٰؔ ہس عطا کوٚر چھا حکم دوان سبت کہِ دوٚہہ زِ لوٗکن پزِ تہِ کرُن یہِ اصل یا خراب، زندگی بچاونہٕ یا تباہ کرنہٕ باپتھ؟"10تمِس دیُت نہٕ کانٛسی جواب۔ تٔمؠ دِژ ژۅپٲرؠ تِمن سارنےٕ کُن نظر تہٕ پتہٕ ونُن تمِس نفرس، "پنُن ہوکھمُت اتھٕ کڈ نیٚبر!" تٔمؠ نفرن کوٚر تہِ، تہٕ تمسُنٛد اتھٕ گو دُبارٕ مکمل ٹھیک!11اوٕ پتہٕ دراے فریسی ہیکلہٕ منٛزٕ نٮ۪بر، مگر تِمن مذہبی سردارن کٔھژ سخ ژَخ، تہٕ تِمو لوگ اکھ أکِس سٟتؠ بحث کرُن زِ تِم کِتھہٕ پٲٹھؠ ہیٚکن یسوعسؔ نِشہ بٔچتھ۔12تتھؠ وقتس دوران گو یسوعؔ بالس پؠٹھ دُعا منٛگنہ۔ سُہ رود تتہِ سٲرسےٕ راتس خدایس دُعا منٛگان۔13 دویمہِ دوٚہہ أنؠ تٔمؠ پنٕنؠ سٲری شٲگرد ناد دِتھ پانس نِش۔ تِمو منٛزٕ ژٲرؠ تٔمؠ باہ شخصس تہٕ تِمن دِتُن رسول آسنُک لقب۔14تِمن ہنٛدؠ ناو چھِ یِم: یسوعؔن تھوٚو شمعونسؔ نوو ناو پطرس، پطرس سُنٛد بوے اندریاسؔ، یعقوبؔ تہٕ تسند بوے، یوحنا، فلپسؔ تہٕ برتلمایی؛15متیؔ یمہٕ سُنٛد دوٚیم ناو اوس لیوی؛ تُوماؔ؛ حلفیؔ سُنٛد نیٚچو یعقوبؔ؛ شمعونؔ یمِس زیلوتیسؔ یانے غیور لقب دِنہٕ آو؛16یہُوداؔ، بیس أکِس یعقوبؔ ناوکس نفرٕ سُنٛد نیٚچو اوس؛ تمِس آو یہُوداؔ اِسکریوتی ناو دِنہٕ، یمؠ زن پتہٕ یسوعؔ ہس دغاہ دیُت۔17یسوعؔ ووٚتھ پنٕنؠ شٲگرد ہٮ۪تھ بالہٕ پؠٹھٕ بوٚن تہٕ سپُد أکِس ہموار جایہِ پؠٹھ اِستادٕ۔ تتہِ اوس تہنٛدین شٲگردن ہُنٛد اکھ بوٚڈ ہجوم۔ بیٚیہِ ٲس تتہِ لوٗکن ہنٛز اکھ بٔڈ جماتھ یِم یروشلمہٕؔ پؠٹھہٕ تہٕ یہُودیہ علاقہٕ کیٚو دویمیٚو جایو پؠٹھہٕ، سٲحلی علاقن نکھٕ صور تہٕ صیدا کیٚو شہرو پؠٹھہٕ آمٕتؠ ٲسؠ۔18تِم ٲسؠ یسوعؔ سنٛز تعلیم بوزنہٕ خٲطرٕ تہٕ پننٮ۪ن بیمارن ٹھیک کرنہٕ باپتھ آمٕتؠ۔ تٔمؠ کٔرؠ تِم تہِ ٹھیک یِمن بد روحو تکلیف دِتمٕتؠ ٲسؠ۔19ہجومس منٛز کٔر پرٛتھ کانٛسہِ تمِس اتھٕ لاگنٕچ کوشش، تکیازِ سُہ اوس ہر أکِس پننہِ طاقتہٕ سٟتؠ ٹھیک کران۔20اوٕ پتہٕ لٲجؠ تٔمؠ پننٮ۪ن شٲگردن کنُ نظر دِنؠ تہٕ تٔمؠ ووٚن، "یہِ چُھ تُہنٛد خٲطرٕ جان زِ توٚہؠ چُھو غریب، تکیازِ توٚہہِ پؠٹھ چھےٚ خدایہِ سنٛز بادشٲہی۔21 یہِ چُھ سیٹھاہ رُت تُہنٛدِ خٲطرٕ زِ توٚہؠ چُھو بۅچھِ ۂتؠ، تکیازِ خدا کرِ توٚہہِ پرٛیتھ کانٛہہ تہنٛدِ ضرورتُک چیٖز عطا۔ یہِ چُھ تہنٛدِ خٲطرٕ رُت زِ توٚہہِ چُھ وُنؠ دۅکھ واتان، تکیازِ خدا چھُ خوش تہٕ اسناوِ توٚہہِ کُنہِ دوٚہہ خوشی سٟتؠ۔22یہِ چُھ سیٹھاہ رُت ییٚلہِ لوٗکھ توٚہہِ نفرت کرن، ییٚلہِ تِم توٚہہِ رَد کرن تہٕ بےٚ یزتھ کرن تہٕ وننو زِ توٚہؠ چُھو مےٚ انسان سنٛدِس گۅبرس پتہٕ پتہٕ پکان۔23ییٚلہِ یہِ سپدِ، خوشی گٔژھِو! وۅٹہٕ تُلؠ زیٚو تکیازِ توٚہؠ چُھو خوش! ذہنس منٛز تھٲوؠ زیٚو زِ خدا چُھ توٚہہِ آسمانس پؠٹھ اکھ بوٗڈ انعامہٕ دِنہٕ وول! یمہٕ مشرٲیو زِ یِم لوٗکھ توٚہہِ سٟتؠ امہِ طریقہٕ سلوک کران چھِ واریاہ برونٛٹھ اوس تِہنٛدیو جدو تہِ خدایہِ سنٛدین نبی ین سٟتؠ یی کوٚرمُت۔24پوٚز حٲف ٲسٕین تِمن پؠٹھ یِم دولت منٛد چھِ۔ توٚہہِ چھےٚ امیری ہنٛزٕ تمام آسٲیشہٕ برونٛٹھے حٲصل سپٕزمٕژ۔25یہِ کوتاہ افسوس چُھ زِ توٚہؠ ہیٚکیو وُنکیٚس غذا سٟتؠ پنٕنؠ یڈ بٔرِتھ۔ پتہٕ ٲسیٚو توٚہؠ بۅچھِ ۂتؠ۔ افسوس چُھ تِمن یِم وُنہِ کیٚن اسان چھِ۔ پتہٕ ٲسیٚو توٚہؠ مایوس۔26یہِ کوتاہ افسوس چُھ تہنٛدِ خٲطرٕ ییٚلہِ پرٛیتھ اکھ توٚہہِ متعلق رُت ونہِ۔ امی طریقہٕ ٲسؠ تہنٛدؠ جد رُت وننٕکؠ عٲدی تِمن لوٗکن متعلق یِم اپٕزؠ پٲٹھؠ خدایہِ سنٛدؠ رسول آسنُک دعوا کران ٲسؠ۔27پوٚز بہٕ چُھس توٚہہِ بوزن والیٚن ونان: پننؠن دُشمنن سٟتؠ ورتایو لول، پننٮ۪ن دوستن سٟتی یوت نہٕ! تِمن سٟتؠ تہِ کرِیو رُت یِم توٚہہِ نفرت کرن!28خدایس منٛگیٚو برکتھ تِمن ۂنٛدِ خٲطرٕ یِم توٚہہِ سٟتؠ بد سلوکی کرن! تِمن ہنٛدِ خٲطرٕ منٛگیٚو دُعا یِم توٚہہِ سٟتؠ خطرناک پٲٹھؠ پیش یِن!29اگر توٚہہِ کانٛہہ اکھ بےٚ عِزتی کرِ، أکِس بُتھؠ لبہِ چپاتھ لایہِ توٚہؠ دٲرووس بُتھِچ بیاکھ لب۔ اگر کانٛہہ اکھ تُہنٛدؠ جامہٕ یژھِ نِنؠ، تمِس دِیو تُہنٛز کُرتٕنؠ تہِ ننِہٕ۔30ہرگاہ توٚہہِ کانہٛہ کینٛہہ تہِ منگہِ تس دِیو تہِ۔ اگر کانٛہہ تُہنٛد مال نیہ، تمِس مہ منٛگیٚو تِمہٕ واپس۔31یتھ انٛدازس منٛز توٚہؠ یژھان چُھو زِ لوٗکھ گژھن توٚہہ سٟتؠ پیش یِنؠ، تٔتھؠ انٛدازس منٛز یِیو توٚہؠ تِمن سٟتؠ پیش،32اگر توٚہؠ تِمن سٟتؠ لول بٔریو یِم توٚہہِ لول بران چھِ، یمہٕ تھٲیِو توقع زِ خدا دِیہ تہِ کرنہٕ باپتھ توٚہہِ انعام۔ ییٚلہِ زن گناہ گار تہِ چھِ لول برن والیٚن سٟتؠ لول بران۔33توٚہؠ مٕہ تھٲیِو خدایس نِشہ توقَع زِ سُہ دِیہ اسہِ انعام تکیازِ توٚہؠ چُھو تِمن لوٗکن سٟتؠ رُت سلوک کران یِم توٚہہِ سٟتؠ رُت سلوک کران چھِ۔ حتاکہِ گناہ گار تہِ چھِ یی کران۔34ہرگاہ ژٕ صرف تِمن دِکھ یِمن نِش ژےٚ واپس ترنٕچ امید ٲسی، یہِ توقع مٕہ تھٲیِو زِ خدا دِیی ژےٚ تتھ انعام۔ ییٚلہِ زن گناہ گار تہِ چھِ تِمن قرض دِوان یِمن نِش تِم پورٕ وصول کٔرِتھ ہیٚکن۔35 تمہِ بجایہ، بٔریو پننؠن دُشمنن لول! تہنٛدِ خٲطرٕ کٔریو رٕژٕ کامہِ! تِمن دِیو قرض، تہٕ امید مٕہ تھٲیِو زِ تم دِن کہینٛہ واپس! پتہٕ دییہِ توٚہہِ خدا اکھ بوٗڈ انعام۔ توٚہؠ سپدیو خدایہِ سٕنٛدؠ شُرؠ، ییٚلہِ زن خدا نا شُکری کرن والین تہٕ بدکار لوٗکن پؠٹھ تہِ مہربان آسان چُھ۔36لہٰذا پزِ توٚہہِ لوٗکن سٟتؠ رحم دِلی سان پیش یُن، یتھٕ پٲٹھؠ زن خدا، تُہنٛد بب، لوٗکن سٟتؠ حلیمی سان پیش یوان چُھ۔37مہٕ کٔریو باقین لوٗکن ہُنٛد سخت فٲصلہٕ۔ پتہٕ کرِنہٕ خدا تہِ سختی سان تُہنٛز عٲب جویی۔ دوٚیمین لوٗکن ہنٛدٮ۪ن جُرمن ہنٛز مٕہ کٔریو مزمت۔ پتہٕ کرِ نہٕ خدا تہِ تُہنٛز مزمت۔ یِمؠ توٚہہِ سٟتؠ غلط کوٚرمُت آسہ تمِس کٔریو معاف۔ پتہٕ دِیہ خدا تہِ توٚہہِ معافی۔38دوٚیمین کٔڑیو حاجَتھ۔ تُہنٛدؠ حاجَتھ کڑِ خدا۔ یہِ آسہ تیوت زنہٕ آسہ سُہ توٚہہ تیتیاہ دانہٕ دِوان یوٚت توٚہہِ نِشہ ممکن اکھ پیمانہٕ آسہ۔ سُہ دِیہ تِمن دانن ژؠل۔ سُہ دِیہ تتھ لُوٗلنَ۔ سُہ روزِ تتھ پیمانس تۅتام بران یۅتام تتھ پیٚٹھؠ کھسہِ۔ لہٰذا ییٚلہِ توٚہؠ باقین دِیو، یہِ گژھِ تیوٚتھ آسُن زنتہِ چُھو توٚہؠ اکھ بوٚڈ وٹہٕ لاگان، تکیازِ خدا تہِ لاگہِ تمی انٛدازک وٹہٕ توٚہہِ دِنہٕ خٲطرٕ۔"39تٔمؠ دِژ بیٚیہِ پننؠن شٲگردن یہِ مثال: "اکھ اوٚن گژھِ نہٕ بییِس أنِس وتھ ہاوُن۔ ہرگاہ سُہ تہِ کرِ، دۅشوے گژھن وتہِ دۅبس!40اکھ شٲگرد چُھنہٕ پنِنس مٲلکہٕ سنٛدِ کھۅتہٕ تھوٚد آسان۔ مگر ییٚلہِ ووستاد تٔمؠ سنٛز تعلیم سپداوان چُھ، سُہ چُھ پننِس ووستادس ہیوٗ سپدان۔41توٚہہِ منٛزٕ پزِ نہٕ کٲنٛسہِ تہِ دوٚیمس شخصہٕ سنٛدین عٲبن کُن وچُھن۔ توٚہہِ پزِ پننؠن عٲبن کنُ غورٕ سان نظر تراوُنؠ۔ دوٚیمین صورتن منٛز، زنتہِ ٲسیو پننِس بٲئے سنٛزِ أچھ منٛز اکھ داغ وُچھان ییٚلہِ نہٕ توٚہؠ پننہِ أچھ منٛزک اکھ بوٚڈ کِٹُر تہِ وُچِھتھ چُھو ہیٚکان۔42ژےٚ پزِ نہٕ پنہٕ نِس دوستس یہِ ونُن زِ بہٕ کرٕ چٲنٮ۪ن عٲبن ہُنٛد حل، ییٚلہِ نہٕ ژےٚ وُنہِ پننٮ۪ن عٲبن کُن توجہ دیُتمُتےٕ چُھتھ۔ ہرگاہ ژٕ تہِ کرکھ، ژٕ چُھکھ اکھ ریاکار! ژٕ کرِ گۅڈٕ پنٕنؠ عٲب پانس نِشہ دوٗر۔ یہِ آسہ تیٚوتھ ہیوٗ زنتہٕ ژٕ آسکھ پننہِ أچھ منٛزٕ اکھ بوٚڈ کِٹر دور کران۔ نتجہِ نیرِ یہِ زِ ژےٚ منٛزٕ گژھِ روحانی طاقت پٲدٕ تمہِ پتہٕ ہیٚککھ ژٕ دوٚیمیٚن ہنٛدؠ عٲب دوٗر کٔرِتھ۔43پرٛتھ کانٛہہ چُھ زانان زِ أکِس رٕتِس کُلِس نیرن نہٕ خراب میٚوٕ تہٕ أکِس خراب کُلِس نیرن نہٕ رٕتؠ میٚوٕ۔44ژٕ ہیٚکہٕ ہَن اکھ شخص تہنٛزِ عملہِ سٟتؠ پرزٕنٲوتھ۔ پتہٕ زانکھ تمِس سٟتؠ کیاہ توقع پزن تھاوُنؠ۔ یُس شخص غلط کامہِ کران آسہ تمِس سٟتؠ مٕہ تھاو رٕژرچ امید۔ سُہ گو زنتہٕ انجیر کنٛڈؠ دُپھو پؠٹھہٕ تلاش کرٕنؠ یا کریٚڈ تھرِ نِش دچھ ژھارٕنؠ۔45رٕتؠ انسان چھِ رٕتؠ چیز کران تکیازِ تِم چھِ رُت سونچان۔ خراب لوٗکھ چھِ خراب کامہِ کران تکیازِ تِم چھِ خراب سونچان۔ لوٗکھ یَتھ متعلق سونچان چھِ تمی قسمچہِ کتھٕ تہٕ کامہِ چھِ تِم کران۔"46 یسوعؔن ووٚن تِمن لوٗکن، "توٚہؠ کیازِ چُھو مےٚ خداوند ونان ییٚلہِ نہٕ توٚہؠ میٲنِس وننَس پؠٹھ عمل چُھو کران؟47بہٕ ونو توٚہہِ تِمن لوٗکن متعلق یِم میانؠ تعلیم بوزنہٕ یوان چھِ تہٕ پتہٕ تتھ پؠٹھ عمل چھِ کران۔48تِم لوٗکھ چھِ تمِس أکِس شخصس ہیوؠ یُس پنُن گرٕ تعمیر کرنہٕ باپتھ زمین سنؠ کھنان چُھ۔ تٔمؠ شخصن اوس مضبوط کٕنس پؠٹھ گرٕ تعمیر کوٚرمُت۔ پتہٕ آو اکھ سہلاب۔ آبٕچ اکھ لہَر ٲس تتھ گرس ٹآس لایان۔ مگر تمہِ ہیوٗک نہٕ سُہ تباہ کٔرِتھ، تکیازِ تمؠ شخصن اوس سُہ گرٕ أکس مضبوط کٕنس پؠٹھ تعمیٖر کوٚرمُت۔49پوٚز کینٛہہ لوٗکھ یِم میٲنؠ تعلیم بوزِتھ پتہٕ تتھ پؠٹھ عمل چھنہٕ کران۔ تِہنٛز مثال چھےٚ تمِس شخصس ہشؠ یمؠ پنُن گرٕ زمیٖنہِ پؠٹھ کٕنہٕ ورٲے تعمیٖر کوٚر۔ ییٚلہِ تتھ سہلاب چُھ یوان سُہ چُھ یکدم ؤسؠ پیٚوان۔ آبن کوٚر سُہ گرٕ پوٚرٕ پٲٹھؠ بُرباد۔"
Bridge Connectivity Solutions Pvt. Ltd.