لوق24
1ہفتٕکہِ دوٚہہ صبحس سیٹھاہ سُلے گییہِ تِم زنانہٕ قبرِ پؠٹھ۔ تِمو تُلؠ تِم مشکہٕ دار چیز پانس سٟتؠ یِم تِمو یسوعؔ سنٛزِ میتس پؠٹھ ترٛاونہٕ باپتھ تیار کٔرمٕتؠ ٲسؠ۔2ییٚلہِ تِم وٲتؠ، تِمن وُچھ زِ کٔمؠ تام ٲس قبرِ پؠٹھٕ کٔنؠ ہیٚور کُن پھرِ مٕژ۔3تِم ژٲیہِ مقبرس اندر، مگر تتہِ ٲس نہٕ یسوعؔ سنٛز میت!4تِمن توٚر نہٕ فِکرِ زِ تِم کیاہ سونٛچن۔ پتہٕ سَپدٕؠ اچانک زٕ شخص تِمن نِش اِستادٕ یِمن پریٚزلوُن پوشاکھ لٲگتھ اوس!5 تِم کھوژؠ امہِ سٟتؠ۔ تِمو کوٚر زمیٖنس کُن سجدٕ۔ تِمو دویو شخصو ووٚن تِمن، "توٚہہِ شۅبہِ نہٕ سُہ اکھ تلاش کرُن یُس تتھ جایہِ زندٕ چُھ ییٚتہِ تِم مودمتین لوٗکن دفن کرن چھِ!6سُہ چُھ نہٕ ییٚتہِ۔ ناہ، سُہ چُھ دُبارِ زندٕ گومُت! یاد پٲوِو زِ ییٚلہِ سُہ وُنہِ گلیل منٛز توٚہؠ سٟتؠ اوس تٔمؠ کیاہ اوسو توٚہہِ ووٚنمُت۔7"تِم کرن مےٚ آدمؔ سٕنٛدِس اولادس، گناہگارن نفرن حوالہٕ۔ تِم نفر گنڈیِن مےٚ أکِس صلیبس سٟتؠ تہٕ کرن مےٚ قتل۔ مگر تریٚیمہِ دوٚہہ سَپدٕ بہٕ دُبارٕ زندٕ۔"8تِمن زنانن پیو تہِ یاد یہِ یسوعؔن تِمن ووٚنمُت اوس۔9لہٰذا تِم درایہِ مقبرٕ پؠٹھٕ تہٕ گییہِ تِمن کاہن رسولن بیٚیہِ یسوعؔنؠن باقین شٲگردن نِشہ تہٕ ونُکھ تِمن یہِ سَپدمُت اوس۔10یِمو زنانو تِم کتھٕ رسولن وُنہِ تِم زنانہٕ آسہ مریم مگدلِینی، حنہ تہٕ یعقوبنؔؠ موج مریم بیٚیہِ باقیو زنانہٕ یِم تِمن سٟتؠ آسہ۔11مگر رسولو سونچؠ یمہٕ کتھٕ چھِ بے مانے لہٰذا تِمو کوٚر نہٕ تِمن زنانن ہنٛزن کتھن پؠٹھ یقین۔12پطرسنؔ نیٚو توتہِ فٲصلہٕ زِ سُہ وُچھِ تمہِ دلیل ہُنٛد پزر۔ سُہ دوریو تتھ مقبرس نِشہ نوٚمرِتھ دِژن اندر کُن نظر۔ تٔمؠ وُچھ سۅ زٲوِج کپر ژادر یُس یسوعؔ ولنہٕ ٲس آمٕژ مگر یسوعؔ اوس نہٕ کُنے۔ لہٰذا سُہ دراو مقبرٕ پؠٹھِ تتھ پؠٹھ حٲران گژھتھ یہِ سپدمُت اوس۔13تمی دوٚہہ ٲسؠ یسوعؔ سنٛدؠ زٕ شٲگرد اماوس ناوٕکس گامس کُن پکان یُس یروشلمہٕؔ پؠٹھٕ تقریبن دہ کلومیٹر دوٗر اوس۔14تِم ٲسؠ پانہٕ وٲنؠ تِمن چیزن متعلق کتھٕ کران یِم یسوعؔ ہس پیش آیہِ۔15تِم ٲسؠ یِمے کتھٕ کران، یسوعؔ ووت یِمن نِشہ تہٕ لوگُن تِمن سٟتؠ پکُن۔16پوٚز خداین دِیت نہٕ تِمن محسوس کرنہٕ زِ یہِ اوس یسوعؔ۔17یسوعؔن ووٚن تِمن، "توٚہؠ زٕ کمہٕ کتھٕ چُھو پکان پکان کران؟ تِم ٹھہرییہِ، تِہنٛدین بتھِ پؠٹھ ٲس سیٹھاہ مایوسی۔18تِمو منٛزٕ کلییاس ناوک اکؠ شخصس ووٚن در جواب، "ژٕ آسکھ صرف اکھ نفر یُس یروشلم کُن پکان چُھ یمِس نہٕ پتاہ چھِ تِمن واقاتن متعلق یِم حالہٕ کیٚن دوٚہُن منٛز پیش آیہِ!"19تٔمؠ ووٚن تِمن، "کٔم واقات؟" تِمو ووٚن، "تِم واقات یِم ناصرت کِس شخصس، یسوعؔ ہس پیش آیہِ یُس اکھ نبی اوس۔ خداین اوس تمِس معجزٕ ہاونُک زبردس طاقت عطا کوٚرمُت بیٚیہِ اوس حٲران کرناواجنؠ تعلیم دِوان۔ اکثر لوٗکن ہُنٛد سونچ اوس زِ سُہ اوس قدرت تھاوان وول۔20مگر سانیو کاہن سردارو تہٕ زِٹھیو کوٚر سُہ رومی حٲکمن حوالہٕ۔ تِمو دِیت تمِس موتُک سزا، تہٕ تِمو گنڈ سُہ أکِس صلیبس تہٕ کوٚرکھ قتل۔21اسہِ ٲسؠ امید زِ یہےَ دِیہ اسرائیل کیٚن لوٗکن پننؠن دشمنو نِشہ نجات! پوٚز وُنؠ چُھنہٕ یہِ ممکن باسان۔ تنہٕ گییہِ ترٛے دوٚہہ ییٚلہِ رومیو سُہ قتل کوٚر۔22امہِ باوجود، کینٛژو زنانو کٔر سٲنؠ جماعت حٲران۔ از صبحس گییہِ تِم زنانہٕ تتھ مقبرس پؠٹھ ییٚتہِ یسوعؔ دفن کوٚرمُت اوسُکھ۔23مگر یسوعؔ سنٛز میت ٲس نہٕ تتہِ! تِم آیہِ واپس تہٕ وونُکھ اسہِ زِ تِمو ٲسؠ کینٛہہ فرشتہٕ وُچھمٕتؠ یمو ووٚن زِ سُہ اوس زندٕ!24اسہِ منٛز گییہِ کینٛہہ تتھ مقبرس پؠٹھ۔ تِمو وُچھ زِ ہر کانٛہہ چیز اوس تیٖ یہِ تِمو زنانو ووٚنمُت اوس۔ پوٚز تِمو وُچھ نہٕ یسوعؔ۔"25پتہٕ ووٚن یسوعؔن تِمن، "توٚہؠ زٕ چُھو کم عقل! تُہنٛد ایمان چُھ دِلہٕ کمزور ییٚلہِ زن ساروےٕ رسولو چُھ مسیحؔ ہس متعلق لیٚوکھمُت!26توٚہہِ پزِ یقیٖنن زانن زِ مسیحؔ ہس ٲسؠ تِم سٲری تکلیف تُلن ضروری پتہٕ خدایہِ سٕنٛدِ طرفہٕ بوٚڈ اعزاز حٲصل کرُن!"27 پتہٕ کٔر یسوعؔن تِمن سارنےٕ کتھن ہنٛز وضاحت یمہٕ زن نوشتن منٛز تمِس متعلق آسہ۔ تٔمؠ کوٚر موسیٰؔ سٕنٛدِ لیکھمٕتہِ پؠٹھٕ شروع، پتہٕ کٔر تٔمؠ تِمن سارنےٕ نبین ہنٛز وضاحت یِمو لیٚوکھمُت اوس۔28ییٚلہِ تِم تتھ گامس نکھٕ وٲتؠ یوٚت تِم زٕ شخص گژھان ٲسؠ، یہِ باسیوو زِ یسوعؔ روٗد وتہِ برونٛہہ کُن پکان۔29پوٚز تِمو کوٚر تمِس زارٕ پارٕ یہِ مٕہ کٔر۔ تِمو ووٚننس، "از راتس روز اسہِ سٟتؠ، تکیازِ وُنؠ گوٚو ژیر تہٕ شام اوس ہیوان سپدُن۔ "لہٰذا سُہ ژاو تتھ گرس تِمن سٟتؠ روزنہٕ باپتھ۔30ییٚلہِ تِم کھؠنہٕ خٲطرٕ بیٹھؠ، یسوعؔن تُجہ کینٛہہ ژوٚٹ تہٕ کوٚرن خدایہِ سُنٛد شُکرانہٕ ادا۔ پتہٕ پُھٹراین تِم تہٕ لوٗگ تِمن دون شخصن کینٛہہ دِنہِ۔31پتہٕ دِژ خداین تِمن تمِس پرزناونچؠ صلٲحیت۔ پوٚز سُہ سپد ؤلؠ ؤلؠ غٲب!32تِمو ووٚن اکھ أکِس، "ییٚلہِ أسؠ وتہِ پکان ٲسؠ تہٕ سُہ اوس اسہِ نوشتہٕ سمجاوان، اسہِ سپز انٛدرؠ حٲرانی! یہِ لوگ حس زِ مسیحؔ ہس ٲسؠ تکلیف تُلنؠ تہٕ پتہٕ سپدس تھوٗد احترام حٲصٕل۔33لہٰذا ؤتھؠ تہٕ گۓ تِم یروشلم واپس۔ تتہِ لٔبکھ تِم کاہ رسول تہٕ بیٚیہِ کینٛہہ نفر یِکوٹہٕ۔34تِمو رسولو ووٚن تِمن دون شخصن، "یہِ چُھ پوٚز زِ یسوعؔ چُھ دُبارٕ زندٕ سپدمُت۔ سُہ سپد شمعونسؔ نِشہ ظٲہر!35پتہٕ ووٚن تِمو دویو شخصو باقین یہِ وتہِ منٛز یہِ سپد ییٚلہِ تِم پکان ٲسؠ۔ تِمو ووٚن تِمن بیٚیہِ زِ تِمو پرزٕنوو یسوعؔن یِتھۓ تٔمؠ ژوٚٹ تِمن ژٹتھ دِژ۔36تِم ٲسؠ تِمن یی ونان زِ یسوعؔ سَپد تِمن نِشہ ظٲہر۔ تٔمؠ ووٚن تِمن، "خدایہِ دِنوو سلامتی!"37مگر تِمن گییہِ غوطن۔ تِمن سپدؠ حٲران بیٚیہِ کھوژؠ تکیازِ تِمو سونچ زِ تِم ٲسؠ زنہٕ اکھ روح وچھان!38تٔمؠ ووٚن تِمن، "توٚہہِ پزِ نہٕ کھوژُن! تہٕ توٚہہِ پزِ نہٕ شک کرُن زِ بہٕ چُھس زندٕ۔39میٲنؠ اتھٕ تہٕ کھۅر وُچھِو! تٔمہِ سٟتؠ ہیکیو توٚہؠ یقین کٔرِتھ زِ یہِ چُھس پزؠ پٲٹھؠ بےٕ۔ روحن چُھنہٕ جسم آسان یتھٕ پٲٹھؠ مےٚ چھِ تہٕ توٚہؠ ہیکیو یہِ ثٲبتھ کرنہٕ خٲطرٕ مےٚ اتھٕ لٲگتھ زِ یہِ چھِ میٚون اصلی جسم۔"40یہِ ؤنِتھ ہاوؠ تٔمؠ تِمن پنٕنؠ اتھٕ تہٕ کھۅر۔41تِم گییہِ تیوٗت خوش زِ تِمن اوس نہٕ وُنہِ تہِ بھروسہٕ یوان زِ سُہ اوسا پزِ پٲٹھؠ زندٕ۔ لہٰذا تٔمؠ ووٚن تِمن، "کیاہ توٚہہِ نِشہ چھا کھینہٕ باپتھ کینٛہہ یُس بہٕ کھیٚتھ ہیٚکہٕ؟"42أتؠ أنؠ تِمو بُزمژِ گاڈِ ہنٛز اکھ گٔنؠ تہٕ دِژکھ تسَ۔43تٔمؠ تُج تہٕ کھیٚین تِمن برونٛہہ کنہِ۔44تٔمؠ ووٚن تِمن پتہٕ، "بہٕ وُنہٕ توٚہہِ تِمے کتھٕ یِم مےٚ توٚہہِ وزِ وزِ ونہِ مٕژ آسہٕ مو ییٚلہِ بہٕ توٚہہِ سٟتؠ برونٛٹھ اوسس۔ خدایس اوس تہِ سورے انجام انُن یہِ تٔمؠ تمام نوشتن منٛز مےٚ مسیحؔ ہس متعلق ونمُت اوس۔"45پتہٕ مُژر تٔمؠ تُہنٛد دماغ یُتھ زن تِمن نوشتہٕ فِکرِ ترن۔ تٔمؠ ووٚن تِمن،46 "یہِ چُھ تیٖ یُس توٚہؠ نوشتن منٛز پٔریتھ ہیکیو زِ مسیحؔ ہس چھِ دۅکھ وؠترٕنؠ تہٕ قتل سپدن، مگر تمہِ پتہٕ تریمہِ دوٚہہ گژھِ سُہ دُبارٕ زندٕ۔47نوشتن منٛز چُھ یہِ تہِ لیکھتھ زِ مسیحؔ ہس پؠٹھ ایمان تھاوان وٲلؠ نیرن تٔمؠ سنٛدِ بدلہٕ تہٕ ونُن زِ خدایہِ دییہِ تِمن معٲفی یِم گناہو نِشہ لوٗب روٗزن۔ بہٕ چُھس یژھان زِ توٚہؠ کٔرِو یہِ یروشلمہٕؔ پؠٹھٕ شروع پتہٕ گژھو دنیاہکس پرٛتھ کُنہِ قومس نِشہ۔48توٚہہِ چُھ لوٗکن تہِ ضرور ووٚننُ زِ مےٚ پؠٹھ سپد تہِ سورےٕ یہِ نوشتن منٛز اوس وننہٕ آمُت زِ مسیحؔ ہس پؠٹھ سپدِ یہِ۔49بہٕ چُھس توٚہہِ پاک روح سوزن وول، یِتھٕ پٲٹھؠ میٲنؠ ببن مےٚ وعدہ دِیت۔ مگر روزیٚو یتھ شہرس منٛز توٚت تام یوٚت تام نہٕ خدایہِ توٚہہِ پاک روح سُنٛد طاقت دِیہ۔"50یسوعؔن نیٖ تِم شہرِ نیٚبر بیت عنیاہ گامس نزدیک۔ تتہِ پنٕنؠ اتھٕ تُلتھ دِژن تِمن برکتھ۔51 أتی دراو تِمن نِشہ تہٕ کھوٚت سُہ آسمانس کُن۔52تمِس عبادت کرنہٕ پتہٕ آیہِ تِم شادمٲنی سان یروشلم واپس۔53پرٛیتھ دوٚہہ گییہِ تِم ہیکلس منٛز تہٕ تتہِ ٲسؠ پنُن وقت خدایہِ سنٛز عبادت کرنس منٛز گُذاران۔
Bridge Connectivity Solutions Pvt. Ltd.