لوق23
1پتہٕ ؤتھؠ تِم دویمہِ دوٚہہ سٲری تہٕ نیوکھ یسوعؔ رومی گورنر پِیلاطسسؔ نِشہ۔2تِمو دِیتُ تمِس پیٖلاطسسؔ برونٛٹھٕ کنہِ الزام۔ تِمو ووٚن، "اسہِ چُھ وُچھمُت زِ یہِ شخص چُھ سٲنؠن لوٗکن وُتہِ ڈالان یمہِ سٟتؠ اسہِ مشکل گژھان۔ سُہ روٗد تِمن ونان زِ توٚہؠ مہَ دِیو سُہ محصول یُس رومکؠؔ بادشاہ قیصرنؔ عاید کوٚرمُت چُھ۔ بیٚیہِ چُھ سُہ ونان زِ سُہ چُھ مسیحؔ، اکھ بادشاہ!"3پتہٕ پرُژھ پِیلاطسنؔ تمِس، "کیا ژٕ چُھکھا یہُودینؔ ہُنٛد بادشاہ؟" یسوعنؔ دِیتُ جواب، "اوے، یہِ چُھ تیٖ یہِ ژےٚ مےٚ پرُژھتھ۔"4پِیلاطسنؔ ووٚن پتہٕ تِمن کاہن سردارن بیٚیہِ لوٗکن ہنٛدس ہجومس، "أمؠ شخصس چُھنہٕ کانٛہہ جرم کوٚرمُت۔"5مگر یہُودؠ مجلس ہنٛز جماعت روز یسوعؔ ہس الزام دِوان۔ تِمو ووٚن، "یہِ چُھ لوٗکن منٛز فساد پٲدٕ کرناونچؠ کوٗشش کرن! یہِ چُھ تمام یہُودیہ علاقس منٛز پننؠن خیالات ہنٛز تعلیم دِوان۔ أمؠ کوٚر یہِ گلیل علاقس منٛزٕ شروع، تہٕ وُنؠ چُھ یہِ یتہِ کران!"6ییٚلہِ پِیلاطسنؔ تُہنٛد بوز یہِ، تٔمؠ ووٚن تِمن، "کیاہ یہِ شخص چھا گلیل علاقہٕ پؠٹھٕ آمُت؟"7ییٚلہِ پیٖلاطسؔس معلوم سُپد زِ یسوعؔ اوس گلیل لکُ ییٚتہِ ہیرودسؔ حٲکمران اوس، تٔمؠ سوز یسوعؔ تمِس نِشہ۔ تمہِ ساعتہٕ اوس ہیرودیس یہِ یروشلمسؔ منٛزٕ۔8ییٚلہ ہیرودیسنؔ یسوعؔ وُچھ سُہ سُپد سیٹھاہ خوش، سُہ اوس تمِس واریاہ کٲلہٕ پؠٹھٕ وچُھن یژھان۔ تکیازِ ہیرودیسنؔ اوس تمِس متعلق واریاہ چیز بوزؠ مٕتؠ، تہٕ سُہ اوس یژھان تٔمؠ سُنٛد اکھ معجزٕ وچُھن۔9لہٰذا پرُژھ تٔمؠ یسوعؔ ہس واریاہ سوال، مگر یسوعؔن دِیتُ تِمو منٛزٕ أکس تہِ جواب۔10کاہن سردار تہٕ یہُودؠ شریعتک مٲہر گییہِ یسوعؔ ہس نزدیک کھڑا تہٕ تمِس روٗدؠ سیٹھاہ مضبوطی سان واریاہ جرم کرنکہ الزام دِوان۔11پتہٕ کٔر ہیرودیسنؔ تہٕ تسنٛدیو سِپاہو بےیزتی بیٚیہِ کوٚرہس مذاق۔ تِمو لٲگؠ تمِس قٟمتی پلو زن تہِ اوس سُہ ٲکِھتھ پٲٹھؠ بادشاہ۔ پتہٕ سوز ہیرودیسنؔ سُہ پیلاطسؔ واپس۔12تتھ وقتس تام ٲس تِمن دوٚن شخصن پانہٕ وانؠ دشمنی، مگر تمہِ دوٚہہ سُپد ہیرودیسؔ تہٕ پیلاطسؔ یارانہٕ۔13پِیلاطسنؔ کٔر جمع کاہن سردار، یہُودؠ سردار تہٕ سُہ ہجوم یُس تتہِ وُنہِ موجود اوس۔14تٔمؠ ووٚن تِمن، "یہِ شخص اوٚن ووٚن توٚہہِ مےٚ نِشہ یہِ ونان زِ یہِ چُھ لوٗکن بغاوت کرناؤنس منٛز رہنمٲییٔ کران۔ پوٚز بہٕ چُھس یژھان توٚہؠ زانو زِ توٚہہِ برونٛہہ کنہِ کٔر مےٚ أمِس پرٛژھِ غٲر، بہٕ وُنہٕ مختصرن زِ أمؠ چُھنہٕ کانٛہہ سۅ کٲم کرمٕژ یمیُک أمِس قصور چُھ یہِ زن توٚہہِ ونُن چُھو زِ أمؠ کوٚر۔15ہیرودیسنؔ سوز سُہ سزا دِنہٕ ورٲے بیٚیہِ واپس۔ امیٚک مطلب چُھ یہِ زِ سُہ تہٕ ووت تتھ نٔتِیٖجس پؠٹھ زِ تسَ اوس نہٕ کانٛہہ تہِ قصور۔ لہٰذا یہِ چُھ صاف زِ أمؠ شخصن چُھنہٕ تیژھ کانٛہہ کٲم کٔرمٕژ یمہِ سٟتؠ سُہ مٲرنکُ حقدار بنہِ۔16لہٰذا بہٕ وُنہٕ پننؠن سِپاہن أمِس دِیو کوڈٕ پتہٕ تراؤن یلہِ۔"17پیلاطسنؔ ووٚن یہِ تکیازِ تمِس اوس پرٛیتھ فسح عید مناونس پؠٹھ اکھ قٟیدی ییٚلہ تراؤن۔18مگر سٲری ہجومن تُج یکہٕ وٹہٕ کرٛکھ، "یہِ شخص مٲرہن! تمہِ بدلہٕ تراوِہن براباسؔ یلہِ!"19براباؔ اوس اکھ سُہ شخص یمؠ یروشلم شہرس منٛز کینٛہہ لوٗکھ ٲسؠ رومی حکومتس خلاف بغاوت کرناؤمتٕؠ۔ سُہ اوس بیٚیہِ اکھ قٲتِل۔ یمو جرمو سبہٕ اوس سُہ جیلس منٛز۔20پوٚز پیلاطسؔ اوس یژھان یسوعؔ یلہِ تراؤن، لہٰذا کٔر تٔمؠ دُبارٕ ہجومس سٟتؠ کتھ کرٕنؠ۔21مگر تِم روٗدؠ کرؠکہٕ ناد کران، "أمِس دِیو پھٲسؠ! أمِس دِیو پھٲسؠ!"22پیلاطسنؔ ووٚن تتھ ہجومس ترٛییمہِ پھرِ۔ "نہٕ! أمؠ چُھنہٕ کانٛہہ بوٗڈ جرم کوٚرمُت! أمؠ چھِنہٕ کانٛہہ تیژھ کٲم کٔرمٕژ یمہِ سبہٕ أمِس مَرنُ چُھ۔ لہٰذا میٲنؠ سِپاہ دِؠن أمِس کوڈٕ تہٕ پتہٕ تراونس یلہِ۔"23پوٚز ہجومس منٛز روٗدؠ تِم لوٗکھ کرؠکہٕ دِوان پیلاطسؔ تاکید کران زِ یسوعؔ کھٲلؠ وون صٔلیٖبس۔ تِم روٗدؠ زورٕ زورٕ کرؠکہٕ دِوان، ٲخرس پؠٹھ مانہِ راؤ تِمو پیلاطسنؔ۔24لہٰذا پِیلاطسنؔ کوٚر اعلان زِ سُہ کرِ تیٖ یہِ تِمن تمناہ اوس۔25 پتہٕ کوٚر پیلاطسنؔ سُہ نفر آزاد یمِس متعلق ہجوم تمِس ونان اوس زِ سُہ تراون یلہِ۔ سُہ نفر اوس امہِ سبہٕ جیلس منٛز زِ تٔمؠ ٲس حکومتس خلاف بغاوت کٔرمٕژ بیٚیہِ لوٗکھ قتل کٔرِمٕتؠ! پیلاطسنؔ دِیتُ سِپاہن حکم زِ یسوعؔ نیہِن تہٕ کٔرِو یہِ ہجومس تمناہ چُھ۔26ییٚلہِ سِپاہ یسوعؔ ہس نِوان ٲسؠ وتہِ منٛز وُچھ تِمو شمعونؔ ناوک اکھ نفر یُس کرینی شہرک اوس۔ سُہ اوس مامہٕ پٮ۪ٹھٕ یروشلم کنُ یوان۔ تِمو روٚٹ سُہ۔ تِمو نیٚو یسوعؔ ہس صلیب یُس تمِس بارِ کھالُمُت اوسُکھ تہٕ لُدھک شمعونسؔ بارِ۔ تِمو ووٚن تمِس یہِ تُل تہٕ پکھ یسوعؔ ہس پتہٕ پتہٕ۔27وُنؠ اوس اکھ بوٗڈ بارِ ہجوم یسوعؔ ہس پتہٕ پکان۔ ہجومس منٛز ٲسہٕ واریاہ زنان یمہٕ پنُن افسوس ہاونہٕ باپتھ آسہ سینہٕ کوبی کران بیٚیہِ آسہ تمِس پؠٹھ غمہٕ سان ماتم کران۔28پوٚز تِہنٛز ہمدردی ماننہٕ بجایہ، یسوعؔ پھیٚوٗر تِمن زنانن کُن تہٕ ووٚنُن، "توٚہؠ یروشلمٕچہِ زنانہٕ مٕہ ودیٚو میانہِ باپتھ! امہِ بجایہ ودیٚو توٚہؠ پانس تہٕ پننؠن شُرؠن پؠٹھ تکیازِ خطرناک چیز چھِ پیش ینہٕ وٲلؠ!29تمہِ خٲطرٕ چُھس بہٕ یژھان توٚہؠ زانو زِ سُہ اکھ وقت واتہِ جلد ییٚلہِ لوٗکھ ونن، "بختہٕ بجہِ چُھے تِم ہانٛٹھ یِمن نہٕ شُرؠ زایہِ یاہ دِتُکھ شُرؠن دۅد!"30شہرن منٛز ونن پتہٕ لوٗکھ، "کاش پہاڑ ین اسہِ پؠٹھ وکراونہٕ تہٕ بال بچاون اسہِ تباہ سپدنہٕ نِشہ!"31ونہِ کؠن چُھ یہِ لوٗکن ہنٛدِ خٲطرٕ مشکل زِ تِم ستاون باقین، یتھٕ پٲٹھؠ زنہٕ تازٕ لکٕرِ چُھ نار دیُن مُشکل۔ مگر پتہٕ کرن لوٗکھ باقین باپتھ آسٲنی سان خطرناک کامہِ، یتھٕ پٲٹھؠ زنہٕ ہوٗچھِ لکٕرِ نٲر دِین سہل چُھ۔"32زٕ مجرم شخص تہِ ٲسؠ یسوعؔ ہس سٟتؠ تتھ جایہِ کنُ پکان یتہِ تِمن رومی قتل کرِہن۔33ییٚلہِ تِم تتھ جایہِ وٲتؠ یتھ کلہٕ کھاسٕر ونان ٲسؠ تتہِ گنڈ تِمو سِپاہو یسوعؔ أکِس صلیبس سٟتؠ۔ تِمو کوٚر تِمن دوٚن مجرمن تہِ یتھے پٲٹھؠ۔ تِمو تھوٚو اکھ یسوعؔ ہس دٔچِھنؠ تہِ بیٛاکھ کھوٗرؠ۔34 پوٚز یسوعؔن ووٚن، "ببہٕ، مہربٲنی کریتھ دِ یِمن لوٗکن معافی۔ یِمن چھنہٕ فِکرِ تران زِ یِم کیاہ چھِ کران۔ "تِمو سِپاہو تراوِ پتہٕ تمسنٛدؠ پلو بٲگرونہٕ خٲطرٕ چیٖرِ زِ کٔمس کسُ پلو ییہِ۔35 واریاہ لوٗکھ ٲسؠ نزدیک اِستادٕ وچھان۔ تِم ٲسؠ، یسوعؔ ہس مذاق کران۔ یہُودؠ سردار تہِ ٲسؠ تیٖ کران۔ تِمو ووٚن، "یمؠ چھِ باقیو لوٗکھ بچٲوؠ مٕتؠ! یوٚدوے یہِ خدایہِ سُنٛد ٹوٹھ مسیحؔ آسہ أمِس پزِ پنُن پان بچٲون!"36 سپہو تہِ کٔر أمِس سٟتؠ مسخریلؠ۔ تِم گییہِ تمِس نکھٕ تہٕ کوٚرہس ژوٚک شراب پیش۔37تِمو ووٚن تمِس، "ہرگاہ ژٕ یہُودینؔ ہُنٛد بادشاہ چُھکھ، بچاو پنُن پان!"38تِمو سپہو لٲجؠ تہنٛدس کٔلس پیٚٹھؠ کِنؠ صلیبس اکھ پٔٹ یتھ پؠٹھ یہِ اوس بیان کٔریتھ، "یہِ چُھ یہُودینؔ ہُنٛد بادشاہ۔"39تِمو مجرمو منٛزٕ اکؠ مجرمن یُس یسوعؔ ہس لٔرِ صلیبس اویزان اوس، تٔمؠ تہِ کٔر تمِس بےیزتی۔ تٔمؠ ووٚن، "ہرگاہ ژےٚ پزِ پٲٹھؠ مسیحؔ چُھکھ، ژٕ بچاو پان تہٕ بیٚیہِ بچاو اسہِ تہِ!"40پوٚز دوٚیِمؠ مجرمن ووٚن تمِس نس کرِتھ، "ژےٚ پزِ پانس سزا دِنس پؠٹھ خدایس کھۅژُن! ژٕ چُھکھ بیٚیہِ أکِس صلیبس پؠٹھ مَران تہٕ خدا کرِ جلد چون فٲصلہٕ۔41اسہِ دوٚن پؠٹھ چُھ مرُن وٲجب۔ تِم چھِ اسہِ پننؠو بدکامیٚو سببہٕ سزا دِوان۔ پوٚز یمِس شخصس ژےٚ بے عزتی چُھکھ کران تمؠ چھنہٕ کانٛہہ غلط کٲم کرمٕژ!"42پتہٕ ووٚن تٔمؠ یسوعؔ ہس، "یسوعؔ مہربٲنی کرِتھ سونچ مےٚ متعلق بیٚیہِ ییٚلہِ ژٕ پنٕنؠ بادشٲہی شروع کرکھ مےٚ سٟتؠ کٔرؠ زِ اصل سلوک!"43یسوعؔن دِتس جواب، "بہٕ چُھسے ژےٚ از ونان زِ ژٕ آسکھ مےٚ سٟتؠ جنتس منٛز!"44امہِ ساعتہٕ اوس تقریبن دوٚپہرک وقت۔ مگر تتھ سٲرسےٕ علاقس منٛز سپٕز انہِ گٹہٕ یۅسہ زن ترٛیمِس پہرس تام روز۔45 افتابس گوٚو انہِ گوٚٹ۔ ہیکلُک پردٕ آو پٔھٹِتھ تہٕ گیس زٕ حصہٕ۔46ییٚلہِ تہٕ سپد، یسوعؔن دِژ زورٕ سان کرؠکھ، "ببہٕ، "بہٕ چُھسے پنُن روح ژےٚ حوالہٕ کران!" تہِ ونِتھ دِیُت تٔمؠ زُو۔47یہِ واقہٕ وُچِھتھ ووٚن تٔمؠ صوبہ دارن یُس سِپاہن ہنٛز سربرٲئ کران اوس، "یمؠ شخصن چھِنہٕ بے شک کانٛہہ غلط کٲم کرمٕژ!" تٔمؠ کوٚر یِمہٕ چیز ؤمِتھ خدایہِ سُنٛد احترام۔48یُس لوٗکن ہُنٛد ہجوم تتہِ تِمن شخصن ہنٛدِ مَرنُک نظارٕ وُچھِنہٕ باپتھ جمع اوس ییٚلہِ تِمو وُچھ اصلی کیاہ سپد، تِم گییہِ غمہٕ سٟتؠ وَچھ ژٹان پننؠن گھرن کُن واپس۔49 ییٚلہِ لوٗکن ہُنٛد ہجوم درٛاو، یسوعؔ سٕنٛدؠ زٲنؠ کار یِمن منٛز واریاہ زنانہٕ شٲمل آسہ، یِمہِ گلیل پؠٹھٕ تسَ پتہٕ پتہٕ آمٕژ آسہ روٗدؠ دوٗر اِستادٕ یہِ واقہٕ وُچھان۔50تتہِ اوس یوسف ناوک یروشلمک اکھ شخص۔ سُہ اوس اکھ رُت تہٕ راست باز شخص یُس یہُودؠ مجلسہِ ہُنٛد اکھ ممبر اوس۔51مگر تٔمؠ اوس نہٕ مجلسہِ ہنٛدین باقیو ممبرن سٟتؠ یسوعؔ قتل کرِ نکس منصوبہ بناونہٕ کِس فٲصلس سٟتؠ اتفاق کوٚرمُت۔ سُہ اوس یہُودیا ہس منٛز ارِمتیہ شہرک روٗزن وول۔ سُہ اوس امید سان تتھ وقتس انتظار کران ییٚلہِ خدٲیی بادشٲہی شروع سپدِ۔52یوسفؔ گوٚو پِیلاطسسؔ نِشہ تہٕ ووٚننس زِ تمِس دِ یسوعؔ سنٛز لاش دفن کرنہٕ باپتھ اجازت۔ پِیلاطسنؔ دِیت تس اجازت۔53لہٰذا یوسفنؔ وٲج صلیبہٕ پؠٹھٕ یسوعؔ سنٛز لاش بۅن۔ تٔمؠ ؤج تتھ زٲوِج اکھ کپر ژادر۔ پتہٕ تٔھوُن أکِس قبرِ منٛز یۅسہ أکِس شیلہِ منٛز کھننہٕ آمٕژ ٲس۔ تتھ منٛز ٲس نہٕ زانٛہہ کٲنسہِ کانٛہہ مۅردٕ دفن کوٚرمُت۔54 یہِ سپدیو تمہِ دوٚہہ ییٚلہِ یہُودؠ لوٗکھ ٲسؠ سبت دوٚہہ خٲطرٕ تیار ٲسؠ۔ شام اوس سپدن وول، سبت سپدِ شروع۔55تمہِ زنانہٕ یِم گلیل علاقہ پؠٹھٕ یسوعؔ ہس سٟتؠ آمٕژ آسہ تِم گییہِ یوسفسؔ تہٕ تِمس سٟتؠ باقین نفرن پتہٕ پتہٕ۔ تِمو وُچھِ سۅ قبر بیٚیہِ وُچھ تِمو زِ یسوعؔ سنٛز لاش کتھٕ کِنؠ آیہِ تتھ اندر تھاونہٕ۔56تِم زنہِ گییہِ تتھ جایہِ واپس ییٚتہِ تِم ٹھہرِتھ آسہ امہِ غرضہِ تِم کٔرن سُہ مثٲلہِ، مرہم تہٕ عطر تیار یُس تِم یسوعؔ سنٛزِ لاشہِ پؠٹھٕ تراوہن۔ بہرحال، تِم رُوکیہِ کٲم کرنہٕ نِشہ ییٚلہِ سبت سپد شروع، یتھٕ پٲٹھؠ یہُودؠ شریعت مطٲبق ضروری اوس۔
Bridge Connectivity Solutions Pvt. Ltd.