لوق22
1یہِ اوس وۅنؠ تقریبن عیٖدِ فطیر مناونُک وقت نزدیک آمُت، یتھ عیٖدِ فسع تہِ وننہٕ اوس یوان۔2کاہن سردار تہٕ یہُودؠ شریعتک ووستاد ٲسؠ تژھ وتھ ژھاران یمہِ سٟتؠ تِم لوٗکن منٛز کٲنٛہہ فساد سپدنہٕ ورٲے یسوعؔ ہس قتل کٔرن تکیازِ واریاہ لوٗکھ ٲسؠ سونچان زِ سُہ اوس اکھ عظیٖم شخص۔3پتہٕ شیطان ژاو یہُوداہسؔ پرؠکس یمہِ سُنٛد بیٛاکھ ناو اوس اِسکریوتی۔ سُہ اوس تسنٛدیو بہَو شاگردو منٛزٕ اکھ۔4سُہ دراو تہٕ کٔرن کاہن سردارن بیٚیہِ ہیکل کین افسرن سٟتؠ کتھ زِ سُہ کٔتہٕ پٲٹھؠ کرِ تِمن یسوعؔ ہس بنٛد کرنس منٛز مدد۔5تِم گییہِ سیٹھاہ خوش ییٚلہِ تٔمؠ تہِ کرنچؠ پیش کش کٔر۔ تِمو ووٚن تمِس أسؠ دِمو پونٛسہٕ ہرگاہ سُہ یہِ کرِ۔6لہٰذا یہوداہنؔ کوٚر اقرار، تہٕ تٔمؠ لٲج سۅ اکھ وتھ ژھارنؠ یُتھ تِم یسوعؔ ہس تتہِ بنٛد کٔرن یتہِ نہٕ کانٛہہ وُچھہے۔7 پتہٕ ووت عیٖدِ فطیرکُ دوٚہہ۔ یہِ اوس سُہ دوٚہہ ییٚلہِ یہُودؠ لوٗکھ ٲسؠ چھرا ذبح کران یُس فسح مناونس پؠٹھ کھیوان ٲسؠ۔8لہٰذا یسوعؔن سوٗزی پطرسؔ تہٕ یوحناؔ نیٚبر یِم ہدایت دِتھ: "گژھو تہٕ کٔرِو فسع عیٖد مناونہٕ خٲطرٕ اکھ کھؠن تیار تاکہِ أسؠ سٲری ہیکو یکجا کھیٚتھ۔"9تِمو دِیت تمِس جواب: ژٕ کٔتہِ چُھکھ یژھان اسہِ کھؠن تیار کٔرُن؟"10تٔمؠ دِیت جواب، "ہُشہِ سان بوٗزو۔ ییٚلہِ توٚہؠ شہرس منٛز گژھو، اکھ شخص سمکھِ توٚہہِ یمِس اکھ بوٗڈ نوٗٹ پکناوان آسہ۔ تمِس پتہٕ پتہٕ پکیو تتھ گرس تام یتھ منٛز سُہ دٲخل سپدِ۔11گرٕکس مٲلکس ونیٚو، "سون ووستاد چُھ ونان اسہِ ہاو سُہ کمرٕ یتہِ سُہ ہیٚکہ عیٖدِ فسع کسِ موقعس پؠٹھ کھؠن پننؠن شٲگردن ہتھ کھؠیہِ۔"12سُہ ہاوِ توٚہہِ اکھ بوٗڈ کمرٕ یُس گرکِس ہیرِمِس پوٚہرس پؠٹھ۔ یہِ آسہ مہمانن ہنٛدِ خٲطرٕ سجٲوتھ تیار آمُت کرنہٕ۔ تٔتی کریو سانہِ خٲطرٕ کھؠن تیار۔13لہٰذا تِم زٕ شٲگرد گییہِ شہرس منٛز۔ تِمو لوٗب تتہِ تیٖ یتھٕے پٲٹھؠ تِمن یسوعؔن ونمُت اوس۔ لہٰذا تتہِ کوٚر تِمو فسع مناونہٕ خٲطرٕ کھؠن تیار۔14ییٚلہِ وُنؠ کھؠن کھؠنُک وقت ووت، یسوعؔ آو تہٕ بیوٗٹھ تِمن رسولن سٟتؠ۔15تٔمؠ ووٚن تِمن، "مےٚ چُھو سیٹھاہ آرِزو کوٚرمُت زِ بہٕ کھؠمہٕ مَرنہٕ برونٛہہ یہِ فسع شامُک خاص کھؠن توٚہہِ سٟتؠ۔16بہٕ چُھس توٚہہِ ونن، دوٚیِمہِ لٹہِ کھؠمہٕ بہٕ ییٚلہِ خدا امیٚک پوشیدٕ مطلب کڈِ زٕ ییٚلہِ خدٲیی بادشٲہی پرٛیتھ جایہِ آسہ۔"17پتہٕ تُل تٔمؠ شرابہٕ پیالہٕ تہٕ کوٚرن أمؠ خٲطرٕ خدایہِ سُنٛد شُکُر ادا۔ تٔمؠ ووٚن پننؠن رسولن، "یہِ رٔٹیو تہٕ بٲگرِو پانہٕ وٲنؠ۔18بہٕ چُھس یژھان توٚہؠ کریو یہِ تکیازِ، بہٕ چُھس توٚہہِ ونان زِ بہٕ چؠمہٕ شراب دُبارٕ زانٛہہ یوٚت تام نہٕ خدٲیی بادشٲہی ژوپٲرؠ ییہِ۔"19پتہٕ تُج تٔمؠ کینٛہہ ژوٚٹ تہٕ کوٚرن تمہِ خٲطرٕ خدایہِ سُنٛد شُکُر ادا۔ تٔمؠ پھٔٹرٲیہِ تِم تہٕ ٹُکرِ دِتِن تِمن کھؠنہٕ باپتھ۔ یِتھے تٔمؠ یہِ کوٚر، تٔمؠ ووٚن، "یہِ ژوٚٹ چھِ میٚون بدن، یِس بہٕ تُہنٛدِ خٲطرٕ قربان کرن وول چُھس۔ میانہِ یاداوٲری خٲطرٕ روزیٚو پتہٕ یی کران۔"20 یِتھے پٲٹھؠ، کھؠنہٕ چؠنہٕ پتہٕ تُل تٔمؠ اکھ شرابہٕ پیالہٕ تہٕ ونُن، "یہِ چُھ اکھ نووٗ عہد نامہٕ پنُن خوٗن پیش کٔریتھ بناوان یُس میانیو زخمو منٛزٕ نیران آسہ ییٚلہِ بہٕ زُو دِمہٕ۔21 پوٚز بہٕ چُھس یژھان توٚہؠ سٲری زانو زِ سُہ نفر یُس مےٚ میانؠن دشمنن اتھِ رٹناوِ چُھ مےٚ سٟتؠ ییٚتی مےٚ سٟتؠ کھیوان۔22بہٕ چُھس یہِ ونان تکیازِ بہٕ، اولادِ آدمؔ، دِمہٕ پنُن زُو بےشک تِتھے پٲٹھؠ یِتھٕ پٲٹھؠ خداین منصوبہ بنوومُت چُھ۔ پوٚز یہِ کوتاہ خطرناک آسہ تمِس نفرٕ سنٛدِ خٲطرٕ یُس مےٚ میانؠن دشمنن حوالہٕ کرِ!"23پتہٕ لٔگؠ تِم رسول اکھ أکِس پرژھنہِ زِ اسہِ منٛز کُس اکھ سُپد اصلی تیار یسوعؔ ہس سٟتؠ دغاہ کرنس۔24تمہِ پتہٕ، لٔگؠ تِم رسول پانہٕ وٲنؠ بحث کرنہِ زِ تِمو منٛزٕ کُس اکھ اسہِ بڈٕ اہم شخص۔25یسوعؔن دِیت تِمن جواب، "غیٖر یہُودؠ قومن ہنٛدؠ بادشاہ چھِ لوٗکن ہاؤن پسند کران زِ تِم چھِ طاقتور۔ تمہِ پتہٕ تہِ چھِ تِم پانس ناو دِوان، لوٗکن مدد کرن وٲلؠ۔26پوٚز توٚہہِ پزِ نہٕ تِمن بادشاہن ہنٛدؠ پٲٹھؠ بنُن! تمہِ بجایہ، یِم توٚہہِ منٛزٕ سیٹھاہ محترم لوٗکھ چھِ تِمن شوبہٕ تمہِ انٛدازٕ پیش یِن زن تہِ آسن تِم سیٹھاہ ادنا لوٗکو منٛزٕ۔ یُس اکھ تہِ سرداری کرِ تمِس چُھ أکِس خدمت گٲرٕ سٕنٛدؠ پٲٹھؠ ضروری کٲم کرٕنؠ۔27توٚہؠ چُھو زنان زِ اکھ اہم شخص چُھ سُہ یُس میزس پؠٹھ کھیوان چُھ، نہٕ کہ خدمت گٲر یُس غذا پیش کران چُھ۔ پوٚز بہٕ، تُہنٛد سردار رودس تُہنٛدِ خٲطرٕ اکھ مثال قٲیم کران ییٚلہِ بہٕ توٚہہِ منٛز چُھس توٚہہِ چُھسو خدمت کران۔28توٚہہِ چُھو تِم لوٗکھ یِم تمام مشکِلن منٛز مےٚ سٟتؠ روٗدؠ یِم مےٚ تُلؠ۔29لہٰذا وُنؠ چُھسو بہٕ توٚہؠ اہم عہدن پؠٹھ مقرر کران یِمن پؠٹھ توٚہہِ پنٕنؠ فٲصلہٕ کریو، تِتھے پٲٹھؠ یِتھٕ پٲٹھؠ میٲنؠ مٲلؠ بہٕ أکِس بادشاہ سنٛدِ حثیتہٕ فٲصلہٕ دِنہٕ خٲطرٕ مقرر کوٚرمُت چُھس۔30توٚہؠ بِہیو، کھیٚو تہٕ چیو مےٚ سٟتؠ ییٚلہِ بہٕ بادشاہ بنہٕ۔ توٚہؠ بِہیو تختن پؠٹھ بیٚیہِ کٔرِو اسرائیل کؠن بہن زٲژن ہنٛدین لوٗکن ہنٛدؠ فٲصلہٕ۔31شمعونؔ، شمعونؔ، کنَ دِ! شیطانن چُھ خدایس ووٚنمُت زِ مےٚ ترٛاو یلہِ یمن سارِنے ازمٲیش کرنہٕ باپتھ، یِتھٕ پٲٹھؠ کانٛہہ أکِس چھانہِ منٛزٕ فصل دانہٕ کران چُھ، خداین چُھس تمِس تہِ کرنُک اجازت دِتمُت۔32پوٚز مےٚ چُھ چٲنہِ خٲطرٕ دوٚیخٲر کوٚرمُت، شمعون، مےٚ چُھ خدایس ونمُت زِ چون ایمان روزِ مےٚ پؠٹھ ہمیشہ برقرار۔ لہٰذا ییٚلہِ ژٕ فٲصلہٕ کرکھ زِ ژےٚ چُھے پزِؠ پٲٹھؠ مےٚ پؠٹھ ایمان، باقین رسولن کرِ حوصلہٕ افزٲئی زِ تِم تہِ تھاون یِتھۓ پٲٹھؠ مےٚ پؠٹھ ایمان۔33پطرسنؔ دِتُس جواب، "خداوندٕ، بہٕ چُھس ژےٚ سٟتؠ جیل گژھنس تیار۔ بہٕ چُھس ژےٚ سٟتؠ مَرنس تہِ رَضامنٛد!"34یسوعؔن دِیت جواب، "پطرسؔ، بہٕ چُھس یژھان ژٕ زانکھ زِ یتھ رٔاژ منٛز کۅکر بانٛگہِ برونٹھ ونُکھ ژےٚ ترٛیہِ لٹہِ یہِ ژٕ زانکھ نہٕ مےٚ!"35پتہٕ ووٚن یسوعؔن رسولن، "ییٚلہِ گامن کُن مےٚ توٚہؠ روانہٕ کرِوٕ تہٕ توٚہؠ گیوٕ پونٛسہٕ ٹھیلو، غذا، یاہ کھۅربانہٕ ورٲے، کیاہ تتہِ ٲسا کنہِ چیزچ کٔمی یمِچ توٚہہِ ضرورت ٲس؟" تِمو دیت جواب، "نہٕ، کُنہِ چی نہٕ!"36پتہٕ ووٚن یسوعؔن، "پوٚز، وُنؠ ہرگاہ توٚہہِ منٛزٕ کٲنسہِ کانٛہہ پونٛسہٕ ٹھیلہٕ آسہ، تمِس پزِ سُہ پانس سٟتؠ تُلُن۔ بیٚیہِ یمِس غذا آسہ تمِس پزِ سُہ پانس سٟتؠ تُلُن۔ تہٕ یمِس أکِس تلوار آسہ نہٕ تمِس پزِ پنُن کوٹ کٕنُن تہِ سۅ مٔلؠ ہینؠ!"37 بہٕ چُھس توٚہہِ یہِ ونان تکیازِ یہِ اکی نبی ین مےٚ متعلق نوشتن منٛز لیٚوکھ تہِ گژھِ ضرور سپدن" لوٗکھ کرِن تمِس سٟتؠ مجرمہٕ سٕنٛدؠ پٲٹھؠ سلوکھ۔ "یہِ کینٛژھا نوشتو مےٚ متعلق ووٚن تہِ چُھ سپدن وول۔38شاگردو دِیتُ جواب، "خداوندٕ، وُچھ! اسہِ چھِ زٕ تلوارٕ!" تٔمؠ دِیتُ جواب، "اسہِ چھِنہٕ دویو علاوٕ ضرورت۔"39یسوعؔ دراو شہرِ منٛزٕ تہٕ گوٚو عادٕکِنؠ زیتون بالس کنُ۔ تٔمؠ سٕنٛدؠ شٲگرد گییہِ تمِس سٟتؠ۔40ییٚلہِ یسوعؔ پنٕنؠ شٲگرد ہٮ۪تھ تتھ جایہِ ووت ییٚتہِ سُہ اکثر رٲتھ گُذارن اوس، تٔمؠ ووٚن تِمن، "دُعا کٔرِو زِ خدایہِ گژھِ مدد کرُن تاکہِ توٚہہِ ییہِ نہٕ ازمٲیش تراونہٕ۔"41پتہٕ دراو سُہ تِمن نِشہ ترٛہ میٹر دوٗر، کوٚرن سٕجدٕ بیٚیہِ کوٚرن دویخٲر۔42تٔمؠ ووٚن، "ببہٕ، ہرگاہ ژےٚ رضامند آسکھ، مہربٲنی کٔریتھ مےٚ مٕہ دِ اجازت تِمو خطرناک تکلیفو منٛزٕ گُذرن وزِ گُژھنہٕ بہٕ پتھ ہیوٗن یِم سپدن وٲلؠ چھِ۔ پوٚز تہِ مٕہ کرِ یہِ بہٕ یژھان چُھس۔ تی کرِ یہِ ژٕ یژھان چُھکھ۔"43پتہٕ آو آسمانہٕ پؠٹھٕ اکھ فرشہٕ تمِس نِشہ تہٕ کرنس حوصلہٕ افزٲئی۔44تمِس ٲس زبردس پریشانی۔ لہٰذا تٔمؠ کوٚر سخ دُعا۔ تٔمؠ سُنٛد عٲرکھ اوس سٮ۪ٹھاہ خوٗنٕکؠ پٲٹھؠ پتھر زمیٖنہِ پؠٹھ پٮ۪وان۔45ییٚلہِ یسوعؔ دُعا کٔرتھ تھوٗد ووٚتھ، پتہٕ آو سُہ پننؠن شٲگردن نِشہ واپس۔ تمِس سپد معلوم زِ تِم سٲری ٲسؠ شونٛگِتھ۔ تِم سٲری ٲسؠ مایوس یمہِ سٟتؠ تِمن منٛز تھکاوٹ پٲدٕ گمٕژ ٲس۔46تٔمؠ تُلؠ تِم نینٛدرِ تہٕ تِمن ووٚننُ، "یہِ چُھنہٕ تہنٛدِ خٲطرٕ شونٛگِتھ روزنُک وقت! تھوٗد وتھِو! دُعا کٔرِو زِ خدا کرِ توٚہہِ مدد تاکہِ توٚہؠ پییٚوِ ازمٲیشہ منٛز۔"47وُنہِ اوس یسوعؔ یی ونان، لوٗکن ہُنٛد اکھ ہجوم ووت تس نِشہ۔ بہَو شاگردو منٛزٕ اکھ شٲگرد، یہُوداؔ اوس تِمن رہبری کران۔ یہُوداؔ آو برونٛٹھ کنُ یسوعؔ ہس نِشہ تٔمسٕنٛدِس بُتھِس مۅنؠ کرنہٕ باپتھ۔48مگر یسوعؔن ووٚن تمِس، "یہُوداؔ، ژےٚ کٔتھٕ پٲٹھؠ کوٚڑُتھ جورتھ مےٚ، اولادِ آدمس، میانؠن دشمنن حوالہٕ کرنہٕ کرنس پؠٹھ میوٗٹھ کرنس!"49شٲگردن ییٚلہِ معلوم سُپد زِ کیاہ اوس سپدان، تِمو ووٚن، "خداوندٕ، أسؠ کروٕ پننؠن ہتھیار استعمال یُتھ نہٕ تِم ژےٚ گرفتار کرِن؟"50تِمو منٛزٕ کڈ اکؠ تلوار تہٕ لٲین تھدِس کاہن سنٛدِس خدمت گارس، مگر تمِس ژھیٚون صرف دٔچُھن کَن۔51مگر یسوعؔن ووٚن، "امہِ علاوٕ مہٕ کریٚو! پتہٕ لوگُن تمِس خدمت گارس تتھ زخمس اتھٕ سُہ گو ٹھیک۔52پتہٕ ووٚن یسوعؔن تِمن ہیکل کین کاہن سردارن بیٚیہِ یہُودؠ بُزرگن، یِم تمِس گرفتار کرنہِ آمٕتؠ ٲسؠ، "یہِ چُھ حیرت انٛگیز زِ توٚہؠ چُھو تلوارٕ تہٕ ڈنڈٕ ہٮ۪تھ یوٚتتھ مےٚ رٹنہِ آمٕتؠ زنہٕ تہِ بہٕ اکھ ڈاکوٗ اوسُس۔ بہٕ واریہن دوٚہُن توٚہہِ سٟتؠ ہکل لس منٛز اوسُس، مگر توٚہہِ کٔروٕ نہٕ کُنہِ صورتس منٛز مےٚ رٹنچؠ کوٗشش! پوٚز یہِ چُھ سُہ وقت ییٚلہِ توٚہؠ یہِ کران چُھو یہِ توٚہؠ یژھان چُھو۔ بیٚیہِ چُھ یہِ سُہ وقت ییٚلہِ شیطان چُھ تِم بُرٕ کامہ کرنہِ یمہٕ سُہ یژھان چُھ۔54یہُودؠ سردارو تہٕ سِپاہو نیٚو یسوعؔ رٔٹتھ۔ تِمو نیٚو سُہ زِٹھس کاہن سُنٛد گرٕ۔ پطرسؔ اوس تمِس دوٗرے پہن روزِتھ پتہٕ پتہٕ لاران۔55کینٛژو نفرو زول آنٛگنس منٛزٕ بھاگ نار تہٕ بیٖٹھؠ یکجاہ۔ پطرسؔ آو تہٕ بیوٗٹھ تِمن منٛز۔56اکہ نوکرانہِ وُچھ پطرسؔ بہتھ یِتھے نارٕ گاشس تسَ پؠٹھ پیوٗ۔ تمہِ وُچھ سُہ غورٕ سان تہٕ ونُن، "یہِ شخص تہِ اوس تمِس سٟتؠ یُس اکھ توٚہہِ گرفتار کوٚر وون!"57پوٚز تٔمؠ کوٚر اتھ اِنکار یہِ ونان، "جوان زٔنؠ، بہٕ زانن نہٕ سُہ!"58کمےٕ کٲلؠ پتہٕ بدل کٔمؠ تام وُچھ پطرسؔ تہٕ ونُن، "ژٕ چُھکھ تِمو منٛزٕ اکھ یُس تمِس سٟتؠ اوس یُس تِمو گرفتار کوٚر!" پوٚز پطرسنؔ ووٚن، "ناہ، لالہ، بہٕ چُھس نہٕ تِمو منٛزٕ!"59تقریٖبن اوٚڈ گٲنٹہٕ پتہٕ کٔمؠ تام ووٚن زورٕ سان، "یمہِ انٛدازٕ یہِ شخص کتھٕ کران چُھ أمِس چُھ گلیل علاقس سٟتؠ تعلق۔ لہٰذا یہِ چُھ ضرور تمِس نفرس سٟتؠ آمُت یُس نفر گرفتار کوٚر!"60پوٚز پطرسنؔ ووٚن، "جناب، یہِ چُھنہٕ پوٚز!" ؤلؠ ؤلؠ دِژ اکؠ کۅکرن بانٛگ، ییٚلہِ پطرسؔ وُنہِ کتھے اوس کران۔61یسوعؔ پھیوٗر کنُ تہٕ دِژن پطرسسؔ کنُ نظر۔ پتہٕ پؠو پطرسسؔ یاد یہِ یسوعؔن تمِس ووٚنمُت اوس۔ "یتھ رٲژ منٛز کۅکرٕ سنٛزِ بانٛگہِ برونٛٹھ ٲسِتھ ژٕ ترٛییہِ لٹہِ اِنکار کوٚرمُت زِ ژٕ زانکھ مےٚ۔"62پتہٕ درٛاو سُہ تمہِ آنٛگنہٕ منٛزٕ نیٚبر تہٕ ژھٹؠن بٲکھ۔63یِمو نفرو سُہ رٹتھ اوٚنمُت اوس تِم ٲسؠ تسَ مذاق کران بیٚیہِ لایان۔64تِمو گنڈؠ تمِس أچھن پٔٹ یُتھ زن نہٕ سُہ وچھتھ ہیٚکہ ہے تہٕ تِم روٗدؠ تس وارِ وارِ چوٗب دِوان۔ تِمو ووٚن تسَ، "اسہِ ہاو زِ ژٕ چُھکھ اکھ رسول! وُن اسہِ ژٕ کٔمؠ لویٖی!"65تِمو ونہِ واریاہ ظٲلمانہٕ کتھہٕ تمِس متعلق تہٕ دِیت ہس طعنہٕ۔66دویمہِ دوٚہہ صبحس گاش پھوٚلون، یہُودینؔ ہنٛدؠ واریاہ سردار گییہِ یکجاہ جمع۔ اتھ جمٲژ منٛز ٲسؠ کاہن سردار بیٚیہِ یہُودؠ شریعت ہیٚچھناون وٲلؠ شخص۔ تِمو اننوو یسوعؔ سِپاہن ہنٛدؠ دسؠ یہُودؠ عدالٔژ منٛز۔67تتہِ ووٚن تِمو تمِس، "ہرگاہ ژٕ مسیحؔ چُھکھ، اسہِ وُن!" پوٚز تٔمؠ دِیت جواب، "ہرگاہ بہٕ ونہٕ بہٕ چُھس مسیحؔ، توٚہؠ کٔرِو نہٕ مےٚ پؠٹھ پژھ۔68پوٚز ہرگاہ بہٕ توٚہہِ پرٛژھوو زِ توٚہؠ چُھوا مےٚ مسیحؔ سمجھان، توٚہؠ دِیو نہٕ مےٚ جواب۔69 پوٚز یمہِ یوٗر روزٕ بہٕ مسیحؔ، یُس خدایس دٔچِھنؠ کِنؠ بہتھ آسہ بادشٲہی کران!"70پتہٕ ووٚن تِمو ساروےٕ، "ہرگاہ تہِ چُھ، کیاہ ژٕ چُھکھا ونان زِ بہٕ چُھس خدایہِ سُنٛد گۅبُر "تٔمؠ دِیت جواب، "اوے، یہِ توٚہؠ ونان چُھو تہِ چُھ پوٚز۔"71پتہٕ ووٚن تِمو اکھ أکِس، "اسہِ چُھ پانہٕ أمِس نِشہ بوزمُت زِ سُہ چُھ خدایس برابر! لہٰذا اسہِ چھِنہٕ وُنؠ یقیٖنن زیادن لوٗکن ہنٛز گوٲہی أمِس خلاف کفرکُ الزام دِنہٕ خٲطرٕ ضرورت!"
Bridge Connectivity Solutions Pvt. Ltd.