لوق21
1یسوعؔ یتؠن بہتھ اوس، تٔمؠ دِژ تیتہِ پٮ۪ٹھٕ ہیٚور کنُ نظر تہٕ تٔمؠ وُچھ امیر لوٗکھ ٲسؠ پنٕنؠ نیاز ہیکل کس آنٛگنس منٛز نزرانہٕ پیٹؠن منٛز تراوان۔2تٔمؠ وُچھ بیٚیہِ اکھ غریب مۅنٛڈ ترٛاوِ زٕ لوکٹؠ سِکہٕ أکِس پیٹہِ منٛز۔3تہٕ تٔمؠ ووٚن پننؠن شٲگردن، "پوٚز چُھ یہِ زِ یمہِ غریٖب مۅنٛڈِ ترٛوو یِمو ساروےٕ امیرن ہُنٛدِ کھۅتہٕ زیادٕ نیاز، نزرانہٕ پیٹہِ منٛز۔4بہٕ ونہٕ ہو توٚہہِ تہِ کیازِ چُھ پوٚز۔ یِمن ساروےٕ امیر لوٗکو دِیتؠ سیٹھاہ پونٛسہٕ، پوٚز یِم ٲسؠ تِمن علاوٕ پونٛسہٕ یِم تِمن اصلی ضرورت ٲسؠ نہٕ۔ پوٚز یمہٕ مۅنٛڈِ، یِس سیٹھاہ غریٖب چھِ، دِیت تہِ سورےٕ یہِ تسَ نِشہ اوس، اگرچہ تمِس زندگی بسر کرنہٕ خٲطرٕ پٔزؠ پٲٹھؠ ضرورت اوس۔"5یسوعؔ سنٛدؠ کینٛہہ شٲگرد ٲسؠ ہیکل لس متعلق کتھٕ کران زِ یہِ کٔتھٕ پٲٹھؠ اوس خوب صورت کٔنیو سٟتؠ سَجاونہٕ بیٚیہِ پٲراونہٕ تِمہِ سٟتؠ آمُت یہِ لوٗکو اتھ دِیتمُت اوس۔ پوٚز یسوعؔن ووٚن تِمن،6"بہٕ ونہٕ ہو توٚہہِ زِ وُنؠ کیاہ چُھ یِمن چیزن سپدن وول یِمن توٚہؠ تعریف کران چُھو۔ کُنہِ دوٚہہ کرن تُہنٛدؠ دشمن یِمن مکمل تباہ۔"7تِمو ووٚن تسَ پتہٕ، "ووستادٕ، یہِ کرِ سپدِ؟ تہٕ ییٚلہِ یِم چیز سپدن امِکؠ کیاہ آثار آسن؟"8 یسوعؔن دِیتُ جواب، "کانٛہہ گژھِ نہٕ توٚہہِ بہکاون۔ واریاہ لوٗکھ یِن تہٕ پرٛیتھ کانٛہہ کرِ میٚون دعوا۔ پرٛیتھ اکھ وُنہِ پانس متعلق، "بہٕ چُھس مسیحؔ!" تِم ونن یہِ تہِ، سُہ وقت لوٗگ واتنہِ ییٚلہِ خدٲیی بادشٲہی ییہِ!" تتھ پؠٹھ کرِزیو نہٕ یقین یہِ تِم ونان آسن!9توٚہؠ بوزیٚو بیٚیہِ جنٛگن متعلق تہٕ لوٗکھ کرن اکھ أکِس سٟتؠ لڑایہ۔ یتھؠ ہیوؠ واقات سپدن ضرور توٚت تام یوٚت تام دُنیا انٛد واتہِ۔ لہٰذا ییٚلہِ توٚہؠ تِمن واقاتن متعلق بوٗزو، کھوٚژن گژھِ نہٕ۔10 لوٗکن ہنٛزٕ واریاہ جمٲژٕ لڑن اکھ أکِس سٟتؠ، تہٕ اکھ بادشٲہی کرِ بییٚس بادشٲہی پؠٹھ حملہٕ۔11واریاہ جایِن یِن پتہٕ بٔڈؠ بٔڈؠ بِنیٚلؠ۔ بیٚیہِ وتھن درٛاگ تہٕ خطرناک بیمارِ۔ واریاہ چیز سپدن یِمو سٟتؠ لوٗکھ زبردس کھوٚژن۔ لوٗکھ وچُھن آسمانس پؠٹھ عجیب چیز سپدان یِم ہاون زِ کینٛہہ سیٹھاہ اہم چُھ سپدن وول۔12پوٚز یِم سٲری چیز سپدنہٕ برونٛٹھ، تُہنٛدؠ دشمن رَٹن توٚہہِ تہٕ توٚہہِ سٟتؠ کرن بد سلوکی۔ تِم أنِن توٚہہِ ہیکل لس نِشہ، تِہنٛدؠ جج لاگن تُہنٛدؠ مُکدِمہٕ بوزٕنؠ تہٕ توٚہہِ برنو قٲد خانن منٛز۔ تُہنٛدین دشمنن آسہ بادشٲہی تہٕ حکومتکہ تھدؠ حٲکم کرن توٚہہِ پؠٹھ مُکدِمہٕ تکیازِ توٚہہِ چُھو مےٚ پؠٹھ ایمان۔13تمی وقتہٕ ؤنِو توٚہؠ تِمن مےٚ متعلق پوٚز۔14لہٰذا دِل تھٲوِو دٔرؠ وقت ینہٕ برٛونٹھے مٕہ ہییٚو غم زِ توٚہؠ کیاہ ونیٚو پنُن پان بچاونہٕ خٲطرٕ،15تکیازِ بہٕ دِمہٕ توٚہہِ سُہ کلام یمہِ سٟتؠ توٚہؠ زانو زِ کیاہ چُھ ووٚننُ۔ نتِجہ نیرِ زِ تُہنٛد کانٛہہ دشمن تہِ ہیٚکہ نہٕ توٚہہِ ووٚنتھ زِ توٚہؠ چُھو غلط۔16ہتاکہ تُہنٛد مول تہٕ موج بیٚیہِ بٲے تہٕ بیٚنہِ بیٚیہِ باقیو رشتہٕ دار تہٕ دوس دینو توٚہہِ دغاہ، تہٕ تِم کرن توٚہہِ منٛزٕ کینٛژن قتل۔17اکثر لوٗکھ کرن توٚہہِ نفرت تکیازِ توٚہہِ چُھ مےٚ پؠٹھ ایمان۔18 پوٚز تُہنٛز سٲرۓ شخصیت روزِ روحٲنی طور محفوظ۔19خدایس پؠٹھ بھروسہٕ کرنس پؠٹھ ہرگاہ توٚہہِ مشکلاتو منٛزؠ پییہ گُذرُن، مَرنہٕ پتہٕ روزِ تُہنٛد روح خدایس نِشہ زندٕ۔20ییٚلہِ توٚہؠ یروشلم شہرس وُچِھو فوج گیراؤ کران، پتہٕ گژھِ تُہنٛد زاننُ زِ تِم کرن تتھ شہرس دٔستی تباہ۔21تمہِ وزِ توٚہہِ منٛز یِم یہُودیہ صوبہٕ منٛز باقین جاین آسن تِم ژٔلنؠ ضرور بالن کنُ۔ توٚہہِ منٛز یِم یتھ شہرس منٛز آسن تِمن چُھ ضرور شہرٕ منٛزٕ نیرُن۔ توٚہہِ منٛز یِم نَکھٕ گامن منٛز آسن تِم مٕہ گژھن تتھ شہرس انٛدر۔22 توٚہہِ پزِ ژٔلنُ تکیازِ خدا دییہِ تمہِ وزِ یروشلم شہرس سزا۔ ییٚلہِ سُہ تہِ کرِ، یہِ خداین چُھ اتھ متعلق نوشتن منٛز ووٚنمُت زِ یہِ نیرِ پوٚز۔23ییٚلہِ یہِ سپدِ تہٕ یہِ کوتاہ خطرناک آسہ تِمن گۅبہِ کھوٚرٕ زنانن ہنٛدِ خٲطرٕ بیٚیہِ تِمن زنانن ہنٛدِ خٲطرٕ یمہٕ پننؠن بچن دۅد آسن دِوان۔ زمیٖنہِ پؠٹھ آسہ بوٗڈ عذاب۔ خدا آسہ تِمن لوٗکن ہنٛز شرارت تہٕ سُہ دییہِ تِمن سختی سان سزا۔24 تِمو منٛزٕ مَریِن واریاہ تکیازِ سِپاہ مٲرن تِمن پننیٚو ہتھیارو سٟتؠ۔ تِہنٛدؠ دشمن نِین باقین قٟدؠن ہنٛدؠ رنگؠ تہٕ تِمن سوزن دُنیا کؠن واریہن جایِن کنُ۔ یروشلم شہرس روزِ غٲر یہُودینؔ ہُنٛد اختیار تیِتس کٲلس ییتِس کٲلس خدا تِمن اجازت دییہِ۔"25 تمہِ وزِ سپدن افتابس، زوٗنہِ بیٚیہِ تارکن منٛز عجیب حالات۔ زمیٖنہِ پؠٹھ گژھِ قومن منٛز سخ گبھراہٹ پٲدٕ۔ تِم کھوژن توٚت زن تہِ آسن تِم أکِس تتھ گرٛزن وٲلِس سمندرس منٛز یتھ واریاہ بجہِ لہرٕ وتھان آسن۔26 لوٗکن آسہ توٚت خوف زِ تِم سپدن کم ہمت تکیازِ تِم روٗزن اتھ انتظار منٛز زِ دنیاہس منٛز کیاہ سپدِ یمہِ پتہٕ۔ تارکھ ڈٔلنَ آسمانس پؠٹھ پننیٚو اصل جایو نِشہ۔27 پتہٕ وچُھن سٲری لوٗکھ مےٚ، اولادِ آدمس، اوٚبرس منٛز طاقتہٕ تہٕ جلالہٕ سان یِوان۔28لہٰذا ییٚلہِ تِم خطرناک چیز لٔگن ظٲہر سپدنؠ، کلہٕ تُلوِ تھوٚد، تکیازِ خدایہِ بچاوِ توٚہہِ جلد۔"29پتہٕ دِژ یسوعؔن تِمن اکھ مثال۔ تٔمؠ ووٚن، "انجیر کُلین تہٕ بیٚیہِ سارنےٕ کُلین متعلق کٔریو غور۔30ییٚلہِ بامنس پنہٕ ؤتھٕر چھِ نیران، توٚہؠ زانیو زِ یہِ چُھ گرمی ہُنٛد موسم شروع سپدان۔31یِتھے پٲٹھؠ، ییٚلہِ توٚہؠ یِم چیز وُچھِو یِمن ہنٛز وُنؠ مےٚ سپدنچ وضاحت کٔرؠ، توٚہؠ زٲنِو زِ خدٲیی بادشٲہی چھِ نکھٕ۔32بہٕ چُھس توٚہہِ پوٚز ونان۔ تٔمہِ نسلہِ ہنٛدؠ لوٗکھ یِم گوٗڈٕنتھ تِمہٕ نشانہٕ وچُھن یِمن ہنٛز مےٚ وضاحت کٔرؠ، تِم روٗزن کُنہِ تہِ حٲلتس منٛز سٲری چیز سپدنس تام زندٕ۔33توٚہؠ سونٛچو زِ آسمان تہٕ زمیٖن چھِ ابدی۔ تِم چھِنہٕ ابدی، پوٚز یہِ مےٚ توٚہہِ ووٚن، چھے ابدی۔34ہُشیار روزیٚو پنُن پان تھاوو اختیارس منٛز۔ ہرگاہ توٚہؠ شرابہٕ چیو، پتہٕ روزِ نہٕ تُہنٛد دماغ ہُشار۔ بیٚیہِ ہرگاہ توٚہؠ روزانہٕ معاملاتن ہنٛزِ فِکرِ منٛز روزیٚو، توٚہؠ گٔژھو پاگل۔ پتہٕ دِیو نہٕ توٚہؠ تِمن نشانن متعلق توجہ یِم مےٚ توٚہہِ وُنہِ، تہٕ توٚہؠ روزیٚو بے خبر ییٚلہِ بہٕ واپس واتہٕ۔35 بہٕ یِمہٕ اچانک یہِ زنہٕ آسہ اکھ ژَھل ہیو یتھ منٛز اکھ جانور بنٛد چُھ۔ لہٰذا توٚہہِ چھِ میانس یِنس پؠٹھ نظرِ روزنٕچ ضرورت، تکیازِ امیٚک اثر پییٚہِ دنیاہِکس پرٛیتھ أکِس نفرس پؠٹھ۔36لہٰذا توٚہہِ چُھ لٲزِمن میٲنہٕ ینہٕ خٲطرٕ ہمیشہ تیار روٗزن۔ دُعا کرِیو زِ توٚہہِ روزِ مےٚ پؠٹھ ایمان ییٚلہِ زنہٕ توٚہہِ تِمو مشکٕل حالاتو منٛزؠ گُذرُن چُھ یِمن متعلق بہٕ کتھ کران روٗدس۔ تمہِ طریقہٕ بہٕ، مسیحؔ، کرٕ اعلان زِ توٚہؠ چُھو معصوم ییٚلہِ بہٕ دنیاہس حساب ہنہٕ خٲطرٕ واتہٕ۔"37یسوعؔ اوس پرٛیتھ دوٚہہ ہیکل لس منٛز لوٗکن ہیٚچھِ ناوان۔ پوٚز سُہ اوس روزانہ شامس شہرٕ نیٚبر گژھان تہٕ سٲرۓ رٲتھ اوس زیتون پہاڑس پؠٹھ گُذاران۔38تہٕ صبحس سُلے ٲسؠ لوٗکن ہنٛدؠ بٔڈؠ بٔڈؠ ہجوم ہیکل لس منٛز واتان تہٕ تٔمؠ سنٛزٕ کتھٕ ٲسؠ بوزان۔
Bridge Connectivity Solutions Pvt. Ltd.