لوق20
1تتھ ہفتس دوران اکہ دوٚہہ، یسوعؔ اوس ہیکلس منٛز لوٗکن تعلیم دِوان تہٕ تِمن اوس خدایہِ سنٛز رٕژ خبر بوزٕناوان۔ ییٚلہِ سُہ تہِ کران اوس، میٖرِ کاہن، یہُودؠ شریعتک ووستاد تہٕ باقیو کینٛہہ زِٹھؠ آیہِ تسَ نِشہ۔2تِمو ووٚن تسَ، "اسہِ ووٚن، ژےٚ کسُ اختیارٕ چھی یمہِ کامہِ کرنس؟ تہِ ژےٚ کٔم دِتُےٕ یہِ اختیار؟"3تٔمؠ دِیتُ جواب، "بہٕ پرٕژھو توٚہہِ اکھ سوال۔ مےٚ ونیٚو4یوحناہسؔ متعلق یُس لوٗکن بپتسمہ دِوان اوس: کیاہ خداین اوسا تمِس بپتسمہ دِنُک حکم کوٚرمُت یاہ انسانو اوسا تمِس حکم کوٚرمُت؟"5اتھ پؠٹھ کوٚر تِمو پانہٕ وانے بحث۔ تِمو ووٚن، "ہرگاہ ٲسؠ جواب دِمو، تمِس دِیت خداین حکم، پتہٕ وُنہِ سُہ، ادٕ توٚہہِ کیازِ کوٚرو نہٕ تسَ پؠٹھ یقین؟6ٲسؠ ہرگاہ ووٚنو، "یِم ٲسؠ صرف انسانےٕ یمو تسَ بپتسمہ دِنُک ووٚن، مگر لوٗکھ کرن اسہِ مٲرین لوٗکھ سنٛگ سار کٔریتھ، تکیازِ تِمن منٛز چُھ اکثرن یقین زِ یوحناؔ اوس اکھ نبی یُس خداین سوٗزمُت اوس۔"7لہٰذا تِمو دِیت جواب زِ تِمن چھِنہٕ پتاہ زِ یوحناہسؔ کٔم اوس بپتسمہ دِنُک ونمُت۔8پتہ ووٚن یسوعؔن تِمن، "یتھٕ پٲٹھؠ نہٕ توٚہہ مےٚ وُنو، بتہِ ونہٕ ہو نہٕ توٚہہ زِ بہٕ کٔمؠ سوزس یمہٕ کامہِ کرنہٕ باپتھ۔"9پتہٕ لُگ یسوعؔ یہِ تمثیٖل وننہِ: "اکؠ نفرن لوگ اکھ دچھِ باغ۔ تٔمؠ دِیت سُہ دچھِ باغ کینٛژن نفرن لاگنُ یِم زن تتھ رٲچھ کرہن۔ پتہٕ گوٚو سُہ بییس مُلکس منٛز یتہِ سُہ واریہس وقتس بیوٗٹھ۔ 10ییٚلہِ دچھ والہٕ نُک وقت ووت، تٔمؠ مٲلکن سوز تِمن نفرن نِشہ یِم تتھ دچھِ باغس رٲچھ کران ٲسؠ، اکھ خدمت گار۔ تٔمؠ یوٚژھ تِمن منگُن تِمن دچھِ ہُنٛد پنُن حصہٕ یِم تتھ دچھِ باغس درامٕتؠ ٲسؠ۔ پوٚز ییٚلہِ سُہ خدمت گار تِمن نِشہ ووت، تِمو کوٚر تمِس خدمت گٲرس مٲر تہٕ کوٚرکھ ژھریَو اتھو روانہٕ۔11تمہِ پتہٕ سوز تٔمؠ مٲلکن بیٛاکھ خدمت گار، مگر تِمو کوٚر تمِس خدمت گارس تہِ مٲر بیٚیہِ کوٚرکھ بے یزتھ۔ تِمو کوٚر سُہ تہِ دچھو بغٲر یہٕ روانہٕ۔12تمہِ پتہ تہِ، سوز تٔمؠ مٲلکن بیٛاکھ خدمت گار۔ تِمو گریستو کوٚر سُہ خدمت گار سیٹھاہ زخمی تہٕ تِمو کوٚر سُہ دچھِ باغہٕ منٛزٕ نیٚبر نیرنس پؠٹھ مجبور۔13لہٰذا ووٚن تٔمؠ دچھِ باغہٕ مٲلکن پانس کنُ، "وُنؠ کیاہ پزِ مےٚ کرن؟ بہٕ سوٗزن پنُن نیٚچو، یُس مےٚ سیٹھاہ ٹوٹھ چُھ۔ شایدکرن تِم تمِس احترام۔"14لہٰذا سوز تٔمؠ پنُن نیٚچو، پوٚز ییٚلہِ تِمو دچھِ باغ کیٚو باغوانو سُہ یوان وُچھ، تِمو ووٚن اکھ أکِس، سُہ نفر چُھ یہِ یمِس کُنہِ وقتہٕ یہِ دچھِ باغ وراثتس منٛز تٔرِ! ؤلِو أسؠ مٲرٕہن سُہ! پتہٕ بنہِ یہِ دچھِ باغ سون!15لہٰذا کۅڈ کوٚڈ سُہ تِمو دچھِ باغہٕ منٛزٕ کھکھرِ نیٚبر، پتہٕ کوٚرکھ سُہ قتل۔ بہٕ ونہٕ ہو توٚہہ زِ سُہ دچھِ باغُک مٲلکھ کیاہ کرِ وۅنؠ تِمن سٟتؠ!16سُہ ییہِ تہٕ تِمن نفرن کرِ قتل یِم تتھ باغس رٲچھ ٲسؠ کران۔ پتہٕ کرِ سُہ تتھ رٲچھ کرنہٕ باپتھ بدل نفرن ہُنٛد انتظار۔ "ییٚلہِ تِمو بوزن والیٚو لوٗکو یسوعؔ ہس نِشہ یہِ بوٚز، تِمو ووٚن، "خدایہِ مٕہ کٔرِن یژھ ہِش حالت زانٛہہ!"17 پوٚز یسوعنؔ دِژ تِمن کنُ سیٚود نظر تہٕ ووٚننُ، "توٚہؠ ہیکیو تہِ ووٚنتھ، پوٚز توٚہؠ سونٛچو یِمن الفاظن ہنٛدس مطلبس کنُ یِم نوشتن منٛز لیکھتھ چھِ۔ یۅسہ کٔنؠ مکانہٕ تعمیٖر کرن وٲلؠ ترٲوتھ ژٕھنؠ سۅۓ بنییہِ تٔتھؠ مکانس منٛز اکھ واریاہ زیادٕ اہم کٔنؠ۔18یہِ کٔنؠ کرِ تَس ٹُکرٕ یُس اتھ پٮ۪ٹھ پیٚیہِ تہٕ کرِ تس سوٗر یِس یہِ پٮ۪ٹھ پیٚیہِ۔"19تِمن میٖرِ کاہنن تہٕ یہُودؠ شریعتہٕ کین ووستادن گوٚو احساس زِ سُہ اوس تِمن الزام دِوان ییٚلہِ تٔمؠ تِمن سُہ بدکار لوٗکن متعلق تمثیٖل ووٚن۔ لہٰذا تِمو کٔر سۅ اکھ وتھ ؤلؠ ؤلؠ تلاش کرنچؠ کوٗشش یُتھ زن تِم تمِس گرفتار کرہن۔ مگر تِمو کوٚر نہٕ سُہ گرفتار، تکیازِ تِم ٲسؠ کھۅژان لوٗکھ کیاہ کرن ہرگاہ تِمو تہِ کوٚر۔20لہٰذا تِم روٗدؠ تمِس ہُشیٲری سان نظرِ۔ تِمو سوٗزؠ بیٚیہِ یسوعؔ ہس نِشہ پٔزؠ یٲرؠ لٲگتھ جاسوٗس کتھ کرنہٕ باپتھ مگر تِم ٲسؠ اصلی یژھان یسوعؔ کرِ کانٛہہ غلط کتھ۔ تِم ٲسؠ یژھان تمِس رومی حکومتس خلاف بغاوتس حوصلہٕ افزٲئی کرنُک الزام دِین یُتھ زن تمِس تمہِ صوبہٕ کس گورنرس حوالہٕ کرہن۔21تِمو منٛزٕ ووٚن اکی تمِس، "ووستادٕ، أسؠ چھِ زانان زِ چون کلام تہٕ تعلیم چھےٚ پٔز۔ ژٕ چُھکھ توتہِ کران ہرگاہ بزرگ لوٗکھ چھِنہٕ تہِ پسند کران۔ ژٕ چُھکھ تہِ ایماندٲری سان ہیٚچھناوان یہِ خدایہِ اسہِ کرُن یژھان چُھ۔22لہٰذا توٚہؠ ونیٚو اسہِ زِ توٚہؠ کیاہ چُھو یتھ معاملس متعلق ونان۔ اسہِ چھا رومی سرکارس محصول دیُن جٲیز کِنہٕ نہٕ؟"23پوٚز تمِس توٚر فِکرِ زِ تِم ٲسؠ تمِس تکلیفس منٛز پھساوِنچؠ کوٗشش کران تِمن یہُودینؔ سٟتؠ یِم محصول برنس خلاف ٲسؠ، یاہ رومی سرکارس سٟتؠ۔ لہٰذا تٔمؠ ووٚن تِمن،24"مےٚ ہاو اکھ رومی سکہٕ۔ پتہٕ وُنیو مےٚ تتھ پؠٹھ کٔمؠ سنٛز شکل تہٕ ناو چھِ۔ "لہٰذا ہاوٕ تمِس اکھ رومی سکہٕ تہٕ ونُکھ، "اتھ چھِ شٕکل بیٚیہِ قیصرؔ سُنٛد ناو۔"25تٔمؠ ووٚن تِمن، "اتھ معاملس، یہِ سرکارُک چُھ تہِ دِیو سرکارس، تہٕ یہِ خدایہِ سُنٛد چُھ تہِ دِیو تمِس۔"26تِمو جاسوٗسو ہیوٗک نہٕ تمِس نِشہ کینٛہہ تہِ غلط لٔبتھ یہِ یسوعؔن ووٚن ییٚلہِ لوٗکھ تمِس انٛدؠ انٛدؠ اِستادٕ ٲسؠ۔ تِم جاسوٗس گییہِ تسٕنٛدِ جوابہٕ سٟتؠ سیٹھاہ حٲران زِ تِمو گییہِ ژھوٚپہٕ۔27تمہِ پتہٕ ووت یسوعؔ ہس نِشہ کینٛہہ صدوقی۔ تِہنٛزِ یہُودؠ جماعت ہُنٛد ووٚننُ اوس زِ مٔرؠ مٔیتو منٛزٕ سپدِ نہٕ کانٛہہ اکھ تہِ زندٕ۔ تِہنٛد اِرادٕ اوس یہِ تہِ زِ تِم پرٛژہن یسوعؔ ہس اکھ داوہ کرن وول سوال۔28 تِمو منٛزٕ ووٚن اکی تمِس، "ووستادٕ، أسؠ یہُودؠ چھِ موسیٰؔ ہن ہیٚچھٕ نٲومٕتؠ کیاہ چُھ کرُن ہرگاہ اکھ مہنیٚو زنان ٲسِتھ مَرِ شُرؠ مُرِ ورٲے۔ تسنٛدس بٲیس پزِ تمِس مۅنٛڈِ سٟتؠ خاندر کرُن یُتھ زن تمِس زنانہِ تسنٛد اکھ اولاد ہیٚکہ زیٚتھ۔ لوٗکھ مانن پتہٕ تمِس شُرس تمِس مودمتِس مہنیوؠ سنٛز زُرؠ یاتھ۔29خٲر، أکِس گرس منٛز ٲسؠ ستتھ بٲے۔ زِٹھؠ اکہ کوٚر أکِس زنانہِ سٟتؠ خاندر، مگر سُہ مود شُرِ ورٲے پتھ کنُ روزِ اکھ مۅنٛڈ زنان۔30یمہِ شریعتہٕ مطٲبق کوٚر دوٚیم بٲے تمِس مۅنٛڈِ سٟتؠ خاندر، مگر تمِس سٟتؠ تہِ سُپد امی قسمُک واقہٕ۔31پتہٕ کوٚر ترٛیِم بٲے تمِس زنانہِ سٟتؠ خاندر، مگر تمِس سٟتؠ تہِ سُپد دُبارٕ امی قسمُک واقہٕ۔ ٲخٕرس پؠٹھ کوٚر تِمو ساروےٕ بایو تسَ زنانہِ سٟتؠ اکہ اکہ خاندر مگر تِم سٲری مودؠ شُرِ ورٲے۔32تمہِ پتہٕ موٗۓ سۅ زنان تہِ۔33تمہِ کِنؠ، ہرگاہ یہِ چُھ پوٚز زِ اکھ وقت آسہ ییٚلہِ زن تِم لوٗکھ سُپدن دُبارٕ زندٕ یِم مودمٕتؠ آسن، ژٕ کیاہ چُھکھ سونچان زِ سۅ زنان کس سنٛز عاشنؠ آسہ پتہٕ؟ یہِ تھوٗ ذہنس منٛز زِ تمہِ زنانہِ اوس سارنےٕ سَتن بٲرنؠن سٟتؠ خاندر کوٚرمُت!34یسوعؔن دِیتُ تِمن جواب، "یتھ دنیاہس منٛز چھِ مہنیوؠ زنانن سٟتؠ خاندر کران، مول موج چُھ کوٗرین مہنیوین خاندرس پؠٹھ دِوان۔35پوٚز یِمن لوٗکن خدایہِ آسمانس پؠٹھ زندٕ کرنس لایق مانہِ ییٚلہ تِمن سُہ مرنہٕ پتہٕ زندگی منٛز واپس انہِ تِم کرن نہٕ خاندر۔36تِم چھِنہٕ خاندر کران تکیازِ تِم ہیکن نہٕ وُنؠ مَرِتھ۔ اوٕ کِنؠ آسن تِم فرشتن ہُنٛدؠ پٲٹھؠ یِمن ابدی زندگی چھِ۔ تِم چھِ خدایہِ سٕنٛدؠ شُرؠ، چونکہِ تِم چھِ خداین مَرنہٕ پتہٕ دُبارٕ زندٕ کٔرمٕتؠ۔37 وُنؠ دِیتُ مےٚ خاندرس متعلق تُہنٛدس سوالس جواب، بہٕ ہاوٕ نوشتو منٛزٕ زِ خدایہِ چُھ لوٗکن مرَ نہٕ پتہٕ تِمن دُبارٕ زندٕ کرنَ۔ ییٚلہِ زنہٕ موسیٰؔ ہن تہِ اتھ متعلق لیوکھ۔ تتھ جایہِ یتؠن سُہ خدایس سمکھنٕچ ذِکر کٔنڈؠ دۅپھ دزان کرن چُھ، سُہ چُھ درج کران زِ خدوندن کٔتھٕ پٲٹھؠ ووٚن پانس، ابرہامؔ سُنٛد خدا تہٕ اضحاقؔ سُنٛد خدا بیٚیہِ یعقوبؔ سُنٛد خدا۔ خداین آسہ ہے نہٕ تہِ ووٚنمُت ہرگاہ تٔمؠ تِم شخص دُبارٕ زندٕ آسہ ہن نہٕ کرِمتؠ تہٕ سُہ آسہ ہے نہٕ وُنہِ تِہنٛد خدایہِ۔38بہرحال، سُہ چُھنہٕ تِمن لوٗکن ہُنٛد خدا یِم مودمٕتؠ چھِ۔ سُہ چُھ زندٕ لوٗکن ہُنٛد خدا، تکیازِ خدایس نِشہ چُھ پرٛیتھ اکھ زندٕ روٗزان اگر تِم مودمٕتؠ تہِ آسن۔"39تتہِ موجود کینٛژو یہُودؠ شریعتکیو ووستادو دِیتُ جواب، "ووستادٕ، ژےٚ دِتھ اصل پٲٹھؠ جواب۔"40یہِ ووٚن کٲتبو تکیازِ یِم لوٗکھ یسوعؔ ہس پھساونچؠ کوٗشش ٲسؠ کٔرمٕژ تِمو کٔرؠ تمِس مشٕکل سوال پرٛژھنؠ بنٛد۔ تٔمؠ ٲسؠ اصل پٲٹھؠ تِمن جواب دِیتِمُت زِ تِم ٲسؠ کھۅژان تسَ بیٚیہِ کانٛہہ سوال پرٛژھنس۔41لہٰذا یسوعؔن پرُوژھ تِمن واپس پنُن اکھ مشکٕل سوال۔ تٔمؠ ووٚن، "لوٗکھ کیازِ چھِ ونان زِ مسیحؔ چُھ صرف بادشاہ داوود سُنٛد اکھ اولاد؟42مٲنیٚو زِ داوودنؔ لیوکھ پانہٕ مزامیرچہ کتابہٕ منٛز مسیحؔ ہس متعلق، خداین ووٚن میٲنس خداوندس، "بیٚہہ مےٚ لرِ دٔچِھنؠ کِنؠ تھدِس احترامہٕ کس حٲلتس منٛز۔43 یتؠن بیٚہہ توٚت تام یۅتام بہٕ چانیٚن دشمنن پوٗرٕ پٲٹھؠ شِکس دِمہٕ۔"44مزامیرن منٛز چُھ بادشاہ داوود مسیحؔ ہس "میٚون خداوند" ونان۔ تہِ چُھ تھدِ احترامُک اکھ رۅتبہٕ۔ لہٰذا مسیحؔ کٔتھٕ پٲٹھؠ ہیٚکہ ٲسِتھ داوودؔ سُنٛد اولاد؟ یہِ چُھ اولادےٕ یمِس پننِس جدس شوٚبہِ سیٹھاہ احترام کرُن۔"45پتہٕ ییٚلہِ تِم سٲری لوٗکھ ٲسؠ بوزان، یسوعؔن ووٚن پننؠن شٲگردن،46"بھروسہٕ دِیو زِ توٚہؠ کریو نہٕ تِمن شخصن ہُنٛدؠ پٲٹھؠ عمل یِم سٲنؠ یہُودؠ شریعت ہیٚچھناون چھِ۔ تِم چھِ زیٹھؠ جامہٕ لاگنؠ پسند کران تہٕ اورٕ یور پھیران لوٗکن یہِ ہاون زِ تِم چھِ واریاہ اہم۔ تِم چھِ بیٚیہِ یہِ تہِ پسند کران زِ لوٗکھ کرن تِمن بازرن منٛز بڈٕ احترامہٕ سان سلام۔ تِم چھِ ہیکل لن منٛز سیٹھاہ اہم جاین پؠٹھ بِہنُ پسند کران۔ شامہٕ کس سالس منٛز چھِ تِم تِمن جاین بِہان یمہٕ جایہِ تھَوٗد احترام والیٚن لوٗکن ہُنٛدِ خٲطرٕ آسان چِھے۔47تِم چھِ بیٚیہِ مۅنٛڈن ہُنٛد سورےٕ جایداد ژوٗرِ نِوان۔ مگر تِم چھِ لوٗکن ہاون زِ تِم چھِ راست بٲز، تِم چھِ عوامس منٛز زیادٕ کالس عبادت کران۔ خدایہِ دییہِ تِمن سختی سان تمیٛکُ سزا یہِ تِمو کوٚرمُت چُھ۔"
Bridge Connectivity Solutions Pvt. Ltd.