لوق19
1یسوعؔ اوس یرِیحُو أژتھ شہرٕ منٛز گژھان۔2تتہِ اوس زکایٔی ناوک اکھ نفر۔ سُہ اوس محصول جمع کرن والیٚن زیُٹھ تہٕ سُہ اوس سیٹھاہ امیر۔3سُہ اوس یسوعؔ ہس وچُھن یژھان، مگر تٔمؠ ہیٚوٗک نہٕ سُہ لُکہٕ ارساتہٕ کِنؠ وُچِھتھ۔ سُہ اوس اکھ ژھوٚٹ نفر بیٚیہِ ٲسؠ یسوعؔ ہس انٛدؠ انٛدؠ واریاہ لوٗکھ۔4لہٰذا تٔمؠ تُج وتہِ برونٛہہ کنُ دور۔ سُہ کھوٚت أکِس گُولر کُلس پؠٹھ یُتھ زن سُہ یسوعؔ ہس ہیٚکہ ہیے وُچِھتھ ییٚلہِ سُہ وتہِ نیرِ ہیے۔5ییٚلہِ یسوعؔ تتھ جایہِ ووت، تٔمؠ وُچھ ہیٚور کنُ تہٕ تمِس ووٚننُ، "زکایٔی ؤلؠ ؤلؠ وس بوٗن، مےٚ چُھ از راتس چانہِ گرِ روٗزن!"6لہٰذا سُہ ووٚتھ ؤلؠ ؤلؠ بوٗن۔ تٔمؠ کٔر یسوعؔ ہس پننِؠس گرس منٛز خوشی سان خوش آوے۔7پوٚز یِمو لوٗکو یسوعؔ توٚت گژھان وُچھ تِمو تُل شور، یہِ ونان، "سُہ گوٚو مہمان بنتھ اصلی گناہگارٕ سنٛدِس گرس منٛز!"8 پتہٕ سُپد زکایٔی کھڑا ییٚلہ تِم کھیٚوان ٲسؠ تہٕ یسوعؔ ہس ووٚننُ، "خداوندٕ، بہٕ چُھس یژھان زِ بہٕ چُھس پننہِ مالہ منٛز نٮ۪صف غریب لوٗکن دِنہٕ وول۔ یۅتام زنہٕ تِمن لوٗکن ہُنٛد تعلق چُھ یِمن میانہِ ذریعہ دونٛکھٕ لوٚگمُت چُھ، بہٕ دِمہٕ تِمن تمہِ رقمکُ ژوٚگنہٕ یہِ مےٚ تِمن نِشہ نِمُت آسہِ۔"9یسوعؔ ہن ووٚن تمِس، "از بچوو خداین یہِ گرٕ، تکیازِ یمؠ نفرن ہوو زِ یہِ چُھ ابرہامؔ سُنٛد اصلی نیٚچو۔10یہِ تھاو یاد: بہٕ آدمؔ سُنٛد گۅبُر آس ژھانٛڈنہِ تہٕ بچاونہِ ژےٚ ہیٚوؠ لوٗکھ یِم خدایس نافرمٲنی کران ٲمتؠ چھِ۔"11لوٗکھ ٲسؠ تہِ سورےٕ بوزان یہِ یسوعؔن ووٚن۔ سُہ اوس یروشلم نکھٕ لوٗگمُت واتٕنہِ، تہٕ سُہ اوس زانان زِ لوٗکن اوس اکھ غلط خیال۔ تِمو اوس سونچمُت زِ یتھے سُہ یروشلم واتہِ سُہ کرِ خدایہِ سنٛدین لوٗکن پؠٹھ بادشاہ سٕنٛدِ رنگؠ حکمرٲنی شروع۔ سُہ خیال درست کرنہٕ خٲطرٕ نیٚو یسوعؔن فٲصلہٕ زِ سُہ وُنہِ تِمن بیٛاکھ اکھ دلیل۔12تٔمؠ ووٚن، "اکھ شہزادٕ اوس أکِس دوٗر دراز ملکس کنُ گژھِنچؠ تیٲری کران یُتھ زن اکھ تھوٚد بادشاہ تمِس یہِ حق دِہے زِ سُہ کرِ تتھ پؠٹھ حکمرٲنی تتہِ پؠٹھٕ یتہِ سُہ روٗزان اوس۔ تہِ حٲصل کٔریتھ، واتہِ ہے سُہ پننؠن لوٗکن پؠٹھ حکومت کرنہٕ خٲطرٕ واپس۔13نیرنہٕ برونٛہہ، أنؠ تٔمؠ پنٕنؠ دہ خدمت گار ناد دِتھ۔ تٔمؠ دِیتؠ تِمو منٛزٕ پرٛتھ أکِس برابر پونٛسہٕ ہنٛز رقم۔ تٔمؠ ووٚن تِمن، "اتھ کٔرؠ زؠو تجارت یوٚت تام بہٕ واپس یِمہٕ!" پتہٕ دراو سُہ۔14پوٚز تمِس ٲسؠ پننہِ وطنٕکہ واریاہ لوٗکھ نفرت کران۔ لہٰذا سوز تِمو شیٚچھِ نِنہٕ وٲلؠ تمِس پتے تمِس بٔڈِس بادشاہس یہِ وُنہٕ خٲطرٕ زِ ٲسؠ چھِنہٕ یژھان یہِ شخص کرِ اسہِ پؠٹھٕ بادشٲہی!15پوٚز سُہ آو کُنہِ تہِ پٲٹھؠ بادشاہ بناونہٕ۔ پتہٕ آو سُہ نٔوس بادشاہ سٕنٛدؠ رنگؠ واپس۔ پتہٕ سوٗزن تِمن خدمت گارن ناد یِمن تٔمؠ پونٛسہٕ اوس دِتؠ متؠ۔ سُہ اوس یژھان زاننُ زِ تِمو کوتاہ نفع زیون تتھ پوٗنٛسس یُس تٔمؠ تِمن دِتُمُت اوس۔16گوٗڈنک خدمت گار ووت تسَ نِشہ تہٕ ووٚننُ، "جناب، چٲنہِ پونٛسہٕ سٟتؠ زیوٗن مےٚ تمیٛک دہ گنہٕ یہِ مےٚ اوس!"17مٲلکن ووٚنُس، "ژٕ چُھکھ اکھس سٮ۪ٹھا رُت نوکر! ژٕ کوٚرمُت چُھتھ بڈٕ اصل! تکیازِ ژٕ چُھتھ پوٗنٛسن ہُنٛد أکِس لوکٹس رقمس دیانت دٲری سان خیال تھوومُت، بہٕ چُھسے ژےٚ دہن شہرن پؠٹھ حکومت کرنُک اختیار دِوان۔"18پتہٕ ووت دوٚیم خدمت گار تہٕ ووٚننُ، "جناب، یُس پونٛسہٕ ژےٚ مےٚ دِیتُمُت اوسُتھ وُنؠ چُھ سُہ تمیٛک پانٛژھ گنہٕ!19تٔمؠ ووٚن تمِس خدمت گارس تہِ، "اصل کوٚڑُتھ! بہٕ تھوُتھ ژٕ پانٛژن شہرن پؠٹھہٕ۔"20پتہٕ آو بیٛاکھ خدمت گار۔ تٔمؠ ووٚن، "جناب، یہِ چُھ چون پونٛسہٕ۔ مےٚ تھووٚ یہِ أکِس دٔجہ گُنڈتھ تہٕ ژورِ تھَوُیم حفاظٕتس منٛز۔21مےٚ اوس وسواس زِ ژٕ نِکھ تہِ سورےٕ یہِ بہٕ کماوٕ۔ مےٚ چھِ خبر زِ ژٕ چُھکھ اکھ سَخت شخص یُس بیؠن ہنٛدؠ تِم چیز نِوان چُھ یِم نہٕ اصلی چٲنؠ چھِیی۔ ژٕ چُھکھ تمِس أکِس گریسؠ سٕنٛدؠ پٲٹھؠ یُس سُہ فصٕل لونان چُھ یُس بدل کانٛسہِ گریسؠ درٛینٹُھمت چُھ۔"22تٔمؠ ووٚن تمِس خدمت گارس، "بدبخت خدمت گارٕ! بہٕ کرٕ تِمن چٲنین کتھن ملامت یمہٕ ژےٚ وُنؠ ووٚنتھ۔ ژٕ ووٚنتھ زِ بہٕ چُھس اکھ سَخت شخص۔ ژےٚ ونِتھ بہٕ چُھس تہِ نِوان یمیُک نہٕ بہٕ مٲلکھۓ چُھس۔ ژےٚ ووٚنتھ زِ بہٕ چُھس تمِس گریستِس ہیو یُس تہِ چُھ لونان یہِ بدل کٲنٛسہِ گریسؠ درٛینٹٔھمت چُھ۔23توتہِ پزِہی ژےٚ سُہ میٚون پونٛسہٕ سوٗدرس نِشہ تھوُن! ییٚلہِ بہٕ واپس یِمہٕ ہا پتہٕ کرہا بہٕ تسَ نِشہ پنُن پونٛسہٕ سوٗد ہٮ۪تھ حٲصٕل یہِ تتھ کھوٗتمُت آسہ ہے!24تٔمؠ بادشاہن ووٚن پتہٕ تِمن خدمت گارن یِم تسَ نکھۓ اِستادٕ ٲسؠ، "نیو یِم پونٛسہٕ أمِس نِشہ تہٕ دِیو تمِس خدمت گارس یمؠ تمہِ کھۅتہٕ دہ گنہٕ بنوو!25تِمو کوٚر احتِجاج، "مگر جناب، تمِس نِشہ چُھ برٛونٹھے واریاہ پونٛسہٕ!26مگر بادشاہن ووٚن، "یہِ چُھسو توٚہہِ بہٕ ونان: لوٗکھ یِم اصل پٲٹھؠ تہِ استعمال کرن یہِ تِمو رُٹ، بہِ دِمہٕ تِمن تمہِ کھوٗتہٕ تہِ زیادٕ۔ مگر تِم لوٗکھ یِم نہٕ تہِ اصل پٲٹھؠ استعمال کرن یہِ تِمو رُٹ، بہٕ نمہٕ تِمن سٔہن تہِ یہِ تِمن نِشہ برٛونٹھے چُھ۔27وُنؠ، یوٚت تام زنہٕ میانین تِمن دشمنن ہُنٛد سوال چُھ یِم میٲنؠ بادشٲہی یژھان چُھنہٕ، تِم أنووکھ مےٚ نِشہ تہٕ کریوٗکھ تِم قتل ییٚلہِ بہٕ وُچھان روٗزٕ!"28یِمہٕ کتھٕ وننہٕ پتہٕ کوٚر یسوعؔن یروشلمسؔ تام وتہِ پؠٹھ زیوٹھ سفر۔29ییٚلہِ تِم زیتون بالس نکھٕ بیت فگےؔ تہٕ بیت عنیاہ گامن نزدیک ووت، تٔمؠ سوزؠ پنٕنؠ زٕ شٲگرد برونٛٹھ۔30تٔمؠ ووٚن تِمن، "توٚہؠ برونٛٹھٕ کنہِ یُس گام چُھ تتھ منٛز گژھو۔ یتھیۓ توٚہؠ توٚت أژیو، توٚہؠ وُچھو تتہِ اکھ خٔرؠ بچہ گٔنڈتھ یمِس پؠٹھ زانٛہہ تہِ کٲنٛسہِ اکؠ تہِ سوٲرؠ کٔرمٕژ چھِ۔ سُہ مُژرٲوُن تہٕ أنؠ ووٚن مےٚ نِشہ۔31ہرگاہ توٚہہِ کانٛہہ پرِٛژھِ، "توٚہؠ کیازِ چُھو سُہ خٔر مُژراوان؟ تمِس وُنِیو، "یہِ چُھ یسوعؔ ہس ضرورت۔"32أتی گییہِ تِم زٕ شٲگرد تتھ گامس منٛز تہٕ لُوبکھ سُہ خٔر، تِتھے پٲٹھؠ یتٕھ پٲٹھؠ تِمن یسوعؔن تِمن ووٚنمُت اوس۔33ییٚلہِ تِم سُہ مُژراوان ٲسؠ، تٔمؠ سٕنٛدؠ مٲلکو ووٚن تِمن، "توٚہؠ کیازِ چُھون سون خٔر مُژراوان؟"34تِمو دِیتُ جواب، "یہِ چُھ یسوعؔ ہس ضرورت۔ "تہٕ مٲلکو دِیتُ تِمن سُہ استعمال کرنُک اجازت۔35پتہٕ اوٚن تِمو سُہ خٔر یسوعسؔ نِشہ۔ پنٕنؠ جامہٕ ترٛاوِکھ تمِس خٔرس شانن پؠٹھٕ تہٕ یسوعسؔ کوٚرکھ تمِس پؠٹھ کھٲلنس منٛز مدد۔36 پتہٕ ییٚلہِ سُہ گژھان اوس، باقیو وتھرٲیہِ پنٕنؠ پلو وتہِ پؠٹھ برونٛٹھ برونٛٹھ تمِس احترام کرنہٕ خٲطرٕ۔37 ییٚلہِ یسوعؔ تتھ وتہِ ہنٛزِ وُترایہِ نِشہ ووت یس زیتون پہاڑٕ پؠٹھٕ بوٗن کُن وسان چھِ، تسنٛدؠ شاگردو ہُنٛدؠ ہجومن لاگہ زورٕ سان خدایہِ سٕنٛدؠ تعریف کرٕنؠ، خوشی منٛز دِژکھ کریکہٕ تِمن سارنےٕ بٔڈن معجزن متعلق یِم تِمو سُہ کران وُچھمُت اوس۔38تِم ٲسؠ یتھٕ پٲٹھؠ ونان، "بختہٕ بوٗڈ چُھ سون بادشاہ یُس خدایہِ سُنٛد اختیار سٟتؠ یوان چُھ! آسمانس پؠٹھ روٗزن سلامتی خدایس تہٕ تہنٛدین اسہِ لوٗکن درمیان، تہٕ پرٛیتھ اکھ روٗزن خدایہِ سٕنٛدؠ تعریف کران!"39کینٛژو فریسیو ووٚن تمِس یِم تتھ ہجومس منٛز ٲسؠ، "ووستاد، پننؠن شٲگردن ووٚن زِ یمہٕ کِتھہٕ مہَ ونیٚو!"40تٔمؠ دِیتُ جواب، "بہٕ چُھسو توٚہہِ یہِ ونن: ہرگاہ یِم لوٗکھ ژھوپہٕ کٔریتھ روٗزن، کنہِ دِین پانے میٲنؠ تعریف کرنہٕ خٲطرٕ کریکہٕ!"41ییٚلہِ یسوعؔ یروشلمسؔ نکھٕ ووت تہٕ وُچُھن سُہ شہر، تٔمؠ دِژ تتہِ کؠن لوٗکن باپتھ کریکھ۔42 تٔمؠ ووٚن، "کاش یِمی دوٚہہ آسہ ہے توٚہہِ لوٗکو زانومُت زِ خدایہِ سنٛز سلامتی کیژھ چھِ آسن۔ پوٚز وُنؠ چُھو نہٕ توٚہؠ یہِ زانس قٲبل۔43بہٕ چُھس یژھان توٚہؠ زانؠو یہِ: توٚہؠ چُھو مشکِل وقتہٕ منٛزِ گُذرن وٲلؠ۔ تُہنٛدؠ دشمن یِنؠ تہٕ تُہنٛدس شہرس انٛدؠ انٛدؠ لاگن اکھ ٹھوٗر۔ تِم کرن شہرک گیراو پتہٕ کرن ژوپٲرؠ اتھ پؠٹھ حملہٕ۔44تِم ژٹن دؠوارن تہٕ تِمن کرن تباہ بیٚیہِ باقیو شہرس۔ تِم مٲرِنیو توٚہؠ سارنےٕ۔ تِم نہناؤن پرٛتھ کانٛہہ چیز مکمل طور۔ یہِ سورےٕ سپدِ تکیازِ توٚہہِ پرزٕنوو نہٕ سُہ وقت ییٚلہِ خدا توٚہہِ بچاونہِ آو!"45 یسوعؔ سپد یروشلمسؔ منٛز دٲخٕل تہٕ گوٚو ہیکل کس صحنس منٛز۔ سُہ لوٗگ تِم لوٗکھ نیٚبر کڈن یِم تتہِ چیز کٕنان ٲسؠ۔46 تٔمؠ ووٚن تِمن، "نوشتن منٛز چُھ لیکھتھ" خدایہِ سُنٛد ہیکل گژھِ آسن سۅ جایہ یتہِ لوٗکھ عبادت کرن۔ پوٚز توٚہؠ چُھو یہِ لوٗٹرن ہنٛزٕ چھپَن جاۓ بنٲومٕژ!"47تتھ ہفتس دوران اوس یسوعؔ پرٛتھ دوٚہہ ہیکلس منٛز لوٗکن تعلیم دِوان۔ میٖر کاہن، مذہبی شریعتک ووستاد، تہٕ باقیو یہُودؠ سردار ٲسؠ اکھ وتھ ژھارنچہِ کوٗششہٕ منٛز زِ سُہ ییہِ مٲرٕ کرنہٕ۔48پوٚز تِمن آیہِ نہٕ کانٛہہ وتھ تہِ کرنس، تکیازِ تٔمؠ سنٛزٕ کتھٕ بوٗزنہٕ خٲطرٕ ٲسؠ واریاہ لوٗکھ بے تاب آسان۔
Bridge Connectivity Solutions Pvt. Ltd.