لوق18
1یسوعؔن وُنؠ پننؠن شٲگردن ہیچھناؤنہٕ باپتھ بیٛاکھ دلیل زِ تِمن پزِ لگاتار دوٚیٛخٲر کران روزُن تہٕ ہمت گژھِ نہٕ ہارٕنؠ ہرگاہ تِہنٛد دُعا بوزنہٕ خداین ؤلؠ ؤلؠ۔2تٔمؠ ووٚن، "أکِس خاص شہرس منٛز اوس اکھ منصف یمِس نہٕ خدایہِ سُنٛد احترام اوس تہٕ نہٕ اوس لوٗکن متعلق خیال تھاون۔3تتھ شہرس منٛز ٲس اکھ موٚنٛڈ یوٚسہٕ تمِس منصفس نِش یوان ٲس یہِ ونان روٗزان، "مہربٲنی کرتہِ مےٚ دِیو انصاف تمِس نفرس نِش یُس عدالتس منٛز میون مُخٲلف چُھ۔"4واریہس وقتس کوٚر تٔمؠ منصفن تمِس مدد کرنہٕ نِشہ اِنکار۔ مگر پتہٕ ووٚن تٔمؠ پننِس پانس، بہٕ چُھس نہٕ خدایس احترام کران تہٕ نہٕ لوٗکن ہُنٛد پرواہ کران۔5مگر یہِ مۅنٛڈ روز مےٚ ستاوان! لہٰذا بہٕ وُچھِ أمؠ سُنٛد مقدِمہ تہٕ أمِس کٔرِو انصاف۔ مےٚ چھِ پتاہ زِ اگر نےَ بہٕ یہِ کرٕ، سۅ روزِ مےٚ نِش یوان تہٕ بہٕ یمہٕ تنٛگ!"6پتہٕ ووٚن یسوعؔن، "ہشیٲری سان سونٛچو تتھ متعلق یہِ تٔمؠ بے انصاف منصفن ووٚن۔7یقیٖنن خدایہِ، یُس پزِیوٗر چُھ، کرِ پننؠن ژٲرمٕتین ہُنٛد انصاف یِم تمِس وفادٲری سان درس دوٚہس دعا کران چھِ! تہٕ سُہ چُھ ہمیشہ تِمن سٟتؠ صبرٕ سان روزان۔8بہٕ چُھس توٚہہِ ونان، خدایہِ کرِ ؤلؠ ؤلؠ پننؠن ژٲرمٕتین ہُنٛدِ خٲطرٕ انصاف! توتہِ ییٚلہِ بہٕ، اولادِ آدمؔ، زمیٖنہِ پؠٹھ واپس یِمہٕ، تتہِ آسن تمہِ پتہٕ تہِ واریاہ لوٗکھ یِمن نہٕ مےٚ پؠٹھ ایمان ٲسی۔"9پتہٕ ووٚن تٔمؠ بیٚیہِ ورگہٕ پٲٹھؠ تِمن کینٛژن لوٗکن یِم سونچان ٲسؠ زِ تِم ٲسؠ پانس راست باز سمجھان تہٕ باقین لوٗکن ٲسؠ کمترَ سمجھان۔10تٔمؠ ووٚن، "زٕ نفر گےَ یروشلمہٕؔ کِس ہیکلس منٛز دُعا کرنہٕ خٲطرٕ۔ اکھ نفر اوس فریسی۔ بیٛاکھ اوس رومی سرکارٕ خٲطرٕ لوٗکن نِشہ گُذر جمع کرن وول نفر۔11فریسی سپد اِستادٕ تہٕ لوٚگ پانس متعلق یمہِ انٛدازٕ دُعا کرنہِ، "اے خدایہِ، بہٕ چُھس چون شُکرُ کران زِ بہٕ چُھس نہٕ باقین لوٗکن ہنٕٛدؠ پٲٹھؠ۔ کینٛہہ چھِ بیین پونٛسہٕ ژورِ نِوان۔ کینٛہہ چھِ بدسلوکی کران۔ کینٛہہ چھِ زنا کران۔ یِمو منٛزٕ چُھس نہٕ بہٕ کانٛہہ تہِ کٲم کران۔ تہٕ بہٕ چُھس نہٕ یقیٖنن یمِس گناہگار گُذر جمع کرن وٲلؠ سٕنٛدؠ پٲٹھؠ یُس لوٗکن ٹھگاؤن چُھ!12بہٕ چُھس ہفتس منٛز دوٚن دوٚہُن روزدار روزان، تہٕ بہٕ چُھس پننِہِ تمام آمدنی ہُنٛدس پرٛتھ ہتہٕ منٛزٕ دہِم حصہٕ ہیکلس دِوان!13پوٚز سُہ محصول جمع کرن وول اوس ہیکلہٕ کس صحنس منٛز لوٗکو نِشہ دوٗر اِستادٕ۔ سُہ اوس نہٕ ہتاکہ ہیٚور آسمانس کنُ تہِ وُچھان۔ امہِ بدلہٕ، اوس سُہ پننِس وچھس ژنجہِ دِوان تہٕ ونان، "ہیے خدایہِ، مہربٲنی کٔریتھ دِ مےٚ معٲفی، تکیازِ بہٕ چُھس اکھ خطرناک گناہگار!"14پتہٕ ووٚن یسوعؔن، "بہٕ وُنہٕ توٚہہِ زِ یتھے تِم گرٕ کنُ درایہِ، خداین اوس محصول جمع کرن وٲلسےٕ معاف کوٚرمُت، پوٚز خداین اوس نہٕ تمِس فریسیس معاف کوٚرمُت۔ امیٚک وجہ چُھ یہِ زِ خدایہِ نرمایہ تسَ یُس پانس بجر دِیہ تہٕ خدایہِ دِیہ تمِس بجر یُس پانس منٛز نرمی پٲدٕ کرِ۔"15اکہ دوٚہہ ٲسؠ لوٗکھ یسوعسؔ نِشہ پنٕنؠ بچہٕ تہِ انان یُتھ زن سُہ تِمن پنُن اتھٕ ڈالؠکھ بیٚیہِ کرکھ دویہِ خٲر۔ ییٚلہِ شاگردو یہِ وُچھ، تِمو ووٚن تِمن یہِ مہَ کٔرِو۔16پوٚز یسوعؔن أنؠ تِم شُرؠ پانس نِشہ۔ تٔمؠ ووٚن، "لوٗکٕٹن شُرین دِیو مےٚ نِشہ ینہٕ! تِم مہَ رکٲؠ ووکھ، تکیازِ خدایہِ سنٛز بادشٲہی چھےٚ تِمن لوٗکن ہنٛز یم یمن مومِن بچن ہندؠ پٲٹھؠ چھِ یمو یہٕ حٲصل کوٚرمُت چُھ۔"17بے شکھ، بہٕ چُھس توٚہہِ ونان زِ یُس نہٕ خدایہِ سنٛز بادشٲہی أکِس مومِن شُرؠ سٕنٛدؠ پٲٹھؠ حٲصِل کرِ سُہ گژھِ نہٕ پانہٕ اتھ منٛز دٲخل۔"18اکہ وقتہٕ پرُوژھ یسوعؔ ہس اکہ یہُودؠ سردارن، "رٔتہِ ووستادٕ، "مےٚ کیاہ چُھ تہِ ضروری کرُن یُتھ زنہٕ مےٚ ابدی زندگی حٲصٕل سپدِ؟"19یسوعؔ ہن ووٚن تسَ، "ژٕ کیازِ چُھکھ مےٚ رُت ونان؟ خدایہِ چُھ صرف کُنے یُس پٔزؠ پٲٹھؠ رُت چُھ!20چٲنس سوالہٕ کسِ جوابس منٛز چُھکھ ژٕ یقیٖنن تِم حکم زنان یِم خداین موسیٰؔ ہس سانہِ فرمانبردٲری کرنہٕ باپتھ دِیتؠ: زنا مٕہ کٔرِو۔ قتل مٕہ کرِہنُ کانٛہہ۔ ژوٗر مہٕ کریو۔ اپُز گوٲہی مٕہ دیو۔ پننِؠس مٲلس مٲجہِ کٔرِو یزتھ۔"21تٔمؠ شخصن ووٚن، "مےٚ چھِ لکٕچٲرٕ پؠٹھۓ تِمن حکمن پؠٹھ عمل کران روٗدمُت۔"22ییٚلہِ یسوعؔن تہِ بوز یہِ تمؠ ووٚن، تمؠ دِیُت جواب" ژےٚ چھے وُنہِ تہِ اکھ کٲم کرنچؠ ضرورت۔ یہِ ژےٚ نِشہ چُھ تہِ سورےٕ ژھنؠ کٔنتھ۔ پتہ دِ سُہ پونٛسہٕ تِمن لوٗکن یِم مشکِلن زندگی گُذارن چھِ۔ تٔمیٚک نتیجہٕ نیرِ زِ آسمانس پؠٹھ آسکھ روحٲنی لحاظٕ امیر۔ پتہٕ یی تہٕ بن میٚون شٲگرد!"23ییٚلہ تٔمؠ شخصن تہِ بوز سُہ سپد سخ مایوس، تکیازِ سُہ اوس بوٗڈ دولتمند۔24ییٚلہِ یسوعؔن تمِس شخصہٕ کنُ وُچھ تہٕ ونن، "یہِ چُھ دولت مندن ہنٛدِ خٲطرٕ سیٹھاہ مشٕکل زِ تِم سپدن خدٲیی بادشٲہی منٛز دٲخٕل۔25حقیتس منٛز، یہِ چُھ أکِس اونٛٹہٕ سٕنٛدِ خٲطرٕ سَہل زِ سُہ اژِ اکہ سٕژنہِ پییہِ کِنؠ تمہِ نِشہ چُھ یہِ سیٹھاہ مشٕکل زِ دولت منٛد لوٗکھ سپدن خدٲیی بادشٲہی انٛدر دٲخٕل۔"26یمو یسوعؔ سُنٛد سُہ کتھ بوز تِمو ووٚن، "پتہٕ چُھ باسان زِ خدایہِ مانہِ نہٕ زِ کٲنٛسہِ پزِ ابدی زندگی آسٕنؠ!"27پوٚز یسوعؔن ووٚن، "یہِ لوٗکن نِشہ ناممکن چُھ تہِ چُھ خدایس نِشہ ممکن۔"28پطرسؔن ووٚن پتہٕ، "اسہِ متعلق کیاہ آسہ؟ اسہِ ترٲوؠ پنٕنؠ سورےٕ کینٛہہ یہِ اسہِ اوس یُتھ زنہٕ چٲنؠ شٲگرد بنییہِ۔"29یسوعؔن ووٚن تِمن، "بہٕ ہیٚکہٕ توٚہہِ یقین دِتھ زِ یِمو پنٕنؠ گرٕ، پننہِ عاشنہِ، پنٕنؠ بٲے، پنُن مول موج، یاہ پنٕنؠ اولاد ترٲوؠ خدٲیی بادشٲہی انٛدر دٲخٕل سپدنہٕ خٲطرٕ30تِمن سپدٕ یتھ زندگی منٛزٕ تمیٛک واریاہ گنہٕ حٲصٕل یہِ تِمو پتھ کُن آسہ ترٛٲومُت، تہٕ ینہٕ واجنہِ عمرِ منٛز گژھِ تِمن ابدی زندگی حٲصٕل۔"31یسوعؔن نیہ تِم باہ شٲگرد پانس سٟتؠ أکِس جایہِ۔ تٔمؠ ووٚن تِمن، "ہوشہِ سان بوزیٚو! ٲسؠ چھِ یروشلمسؔ کنُ وتہِ پکان۔ ییٚلہِ أسؠ تتہِ آسو، تہِ سورےٕ سپدِ پوٗرٕ یہِ نبی یو سیٹھاہ برونٛٹھ مےٚ، آدمؔ سنٛدِس اولادس متعلق لیٚوکھمُت چُھ۔32یہِ سپدِ ییٚلہِ میٲنؠ دشمن مےٚ تِمن حٲکمن حوالہٕ کرُن یِم نہٕ یہُودؠ چھِ۔ تِم کرُن مےٚ ٹھٹھٕ، مےٚ سٟتؠ کرن شرمناک سلوک بیٚیہِ لاین مےٚ تھوٚکہٕ۔33تِم دِین مےٚ کوڈٕ تہٕ کرن مےٚ قتل۔ پوٚز پتریٚمہِ دوٚہہ سپدٕ بہٕ دُبارٕ زندٕ۔"34پوٚز شاگردو سمجھ نہٕ تمہِ منٛزٕ اکھ کتھ تہِ یہِ تٔمؠ ووٚن۔ خداین رکٲوؠ تِم پنٕنؠ اہمیت پرزٕناونہٕ نِشہ، اوے توٚر نہٕ تِمن کتھن ہُنٛد مطلب فکرِ یمہِ یسوعؔ تِمن ونان اوس۔35یِتھۓ یسوعؔ تہٕ تسنٛدؠ شٲگرد یرِیحُو شہرس نکھٕ ووت، اکھ اوٚن اوس وتہِ انٛدس کنُ بہتھ۔ سُہ اوس پونٛسہٕ خٲطرٕ بیٚچھان۔36ییٚلہِ تٔمؠ بوز زِ اکھ لوٗکن ہُنٛد ہجوم تپٲرؠ پکان، سُہ روٗد پانس انٛدؠ انٛدؠ پِرٛژھان، "یہِ کیاہ چُھ سپدان؟"37تِمو ووٚن تسَ، "لوٗکن ہُنٛد اکھ ہجوم چُھ تکیازِ ناصرت شہرک یسوعؔ چُھ گلی منٛزؠ پکان۔"38تٔمؠ دِژ کرٛکھ، "یسوعؔ ژٕ چُھکھ بادشاہ داوود سنٛزِ ذرؠ یٲژ منٛزٕ، مےٚ پؠٹھ کرِ رحم!"39یِم ہجومس برونٛٹھ برونٛٹھ پکان ٲسؠ تِمو کٔر تمِس بےیزتی تہٕ ونہس ژھۅپہٕ کرِتھ روز۔ مگر تٔمؠ دِژٕ تمہِ کھۅتہٕ پہن زورٕ کریکہٕ "ژٕ چُھکھ بادشاہ داوود سنٛزِ ذرؠ یٲژ منٛزٕ، مےٚ پؠٹھ کر رحم!"40یسوعؔن کوٚڑ ٹھہراو تہٕ لوٗکن کوٚرن حکم زِ سُہ شخص انؠ ووٚن مےٚ نِش۔ ییٚلہِ سُہ اوٚن شخص یسوعؔ ہس نزدیک آو، یسوعؔن پرُوژھ تس،41ژٕ کیاہ چُھکھ یژھان بہٕ کرٕ چانہِ باپتھ؟" تٔمؠ دِتسُ جوابِ" خداوندٕ، بہٕ چُھس یژھان زِ مےٚ گژھِ أچھن گاش یُن!"42یسوعؔن ووٚن تمِس، "وُنؠ انَے بہٕ ژٕ گاش واپس! تکیازِ ژٕ اوٚنتھ مےٚ پؠٹھ ایمان، مےٚ بخش ژٕ شفا!"43ؤلؠ ؤلؠ آو تسَ گاش۔ سُہ دراو یسوعسؔ سٟتؠ خدایس تعریف کران۔ ییٚلہِ تتہِ تِمو ساروےٕ لوٗکو یہِ وُچھ، تِمو تہِ کٔرؠ خدایہِ سٕنٛدؠ تعریف۔
Bridge Connectivity Solutions Pvt. Ltd.